NENE CHICKEN (青衣城2)

营业中

休息中

叫左雙拼炸雞同年糕魚餅拼拉麵。兩樣嘢食都正正常常，普通韓國菜未到驚艷😂炸雞脆身熱辣辣，芝士粉唔多，另一款洋蔥少辣，汁一樣好少。年糕魚餅拼拉麵一定要熱食，放左一陣凍左會痴埋一舊。味道係甜辣醬嘅味，偏辣。全部澱粉嘅關係食得好少濟。兩個人都食唔晒2碟。有免費前菜任添，泡菜正宗味唔係超市貨。值得一提，雖然嘢食麻麻，但姐姐服務態度不錯，有講有笑。

以前葵芳有分店的時候真的很常吃，昨晚特意到青衣城分店吃晚餐，大感失望！！！主食炸雞、手抓飯、玫瑰醬寬粉年糕都失水準，最難食係玫瑰醬寬粉年糕！！！手抓飯有腥味！！店內氣氛有種就倒閉的感覺！

早前與家人到青衣店午餐，發現食物質素差了很多，完全不是韓國食品。我們叫了韓國甜辣雞及海鮮炒粉絲。雞件汁如中式咕嚕雞球，只有甜味毫無辣味。而且炸漿粉勁厚，一進口成塊炸漿已與雞分離，又硬又厚。粉絲就係過份，如上湯上碟，所有海鮮材料都像擦膠般淡而無味，看來是梳打粉醃到無哂味吧！店舖衛生程度也惡劣，提供的餐具全是餸跡，附近又不時有蒼蠅飛來飛去，沒蓋的垃圾桶更放在食客旁，店員收拾桌子時就一次又一次在食客面前將垃圾拋進去！

熱辣辣嘅天氣唔想出街就叫外賣送過嚟牛肉炒粉絲一嚟到真係嘩一聲份量超級大碗，而且仲有好多餸係入面入面除咗牛肉粉絲仲有蛋絲、三色椒、紅蘿蔔絲、黑木耳、洋蔥、蔥、冬菇、椰菜絲所以唔怪得咁大碗而味道方面呢個炒粉絲就甜甜地鍾意濃味嘅你一定唔好錯過只係食到最後就略嫌有啲油如果少啲油就好啲除咗炒粉絲仲叫咗豬肉泡菜湯佢有跟埋白飯一碗一樣都係咁多餸一開頭食第一啖就覺得佢冇咩味點知愈食愈滋味佢個辣係慢慢滲出嚟簡直餸飯一流呀另外佢仲有兩盒仔泡菜俾你好似食粉絲食到有啲漏嘅時候就可以配一配

有次去外賣外賣左個吐司 比錢個陣 肥仔員工問我咩付款我就拎八達通 (正常人見到八達通就知係八達通付款) 佢仲要勁大聲鬧問我😑 後面好老姐姐完全唔理 叫外賣號碼 肥仔員工勁惡死語氣😑 以後都唔再幫襯

Nene Chicken環境都算唔錯，岩幾個朋友傾下計食下野！叫左 芥末雞、石鍋飯、三色煎餅。 芥末雞真係好推薦 我覺得好好食，有少少攻鼻，但係甜甜地外脆內軟！仲有好幾款炸雞味道可以選擇，下一次試下先。

首先第一樣由服務講起，人手不足，工作量大，問客人你有10幾枱，而店面得1個人，落單雖然電子化用QR code，但落單系統介面真係用垃圾形容，全份炸機就每款都獨立一個制，唯獨半份係統一一個制，要再問先知要禁咗半份，再入去選擇咩口味，而且服務員都覺得十分悔氣，應該係每一日都好多人問，問到厭倦mode。另一樣，環保署要收膠袋手套1蚊，咁本身要使用就會比，而又冇係任何地方表明，服務員又隻字不提，你要撈飯團就用手，用匙羹，係無問題的，如果一早講定，我就唔會選擇。全香港得返兩間，同我講係另一間鋪，係落單系統係有得選擇手套，只係呢間冇。去到呢度，都未講食物味度，都已經睇得出好快會係市場自然淘汰，客人負評如潮，再好食都唔返轉頭，仲要唔好食，又貴，咁就顧客自選

之前喺旺角嗰間食過 唔算特別出色 但起碼都冇咁伏 所以今次垃圾癮起又咁啱經過 想食返餐炸雞就揀咗呢間嗌咗雙拼炸雞 其中一樣貪新鮮揀咗大蔥味上到嚟 甜辣炸雞同另外一隻冇醬嘅炸雞係撈埋一齊 另外一隻完全睇唔出係咩味 食落都食唔到任何蔥味 唔知道同大蔥有咩關係 覺得係攞啲預製品敷衍客人個Blue Ocean更加伏過直升機 飲落去0味 淨係好似飲緊元素周期表+梳打水咁個青提梳打就算撈勻咗 過一陣啲渣沉番晒落去杯嘢飲都係會冇味 我估應該好健康估唔到都係大半年冇食就已經退步到咁 呢間已經Blacklist

假期既午餐總係諗唔到食咩, 所以就是但入左呢間韓國野啦. 記得幾年前食過其他分店既初雪炸雞, 印象好深刻 覺得好好味. 但係今次睇黎已經降低左好多水準…芝士炒年糕🧀黎到見到芝士好多, 係份量方面都幾大方. 但係食落去年糕已經腍哂, 無彈牙既口感, 而且年糕個醬汁都偏淡, 唔似係落左好多香料或者配料整成. 仲有雞蛋都比較唔新鮮, 魚糕就正常d. 人蔘雞湯🐔男朋友叫左呢個, 但係雞肉好散又無肉味, 唔似新鮮既雞… 個人蔘湯就還好, 有d配料, 都可以飲多幾啖. 最後佢食左一半都無就無食了. 🥢總結: 呢間野都幾肯定唔會再訪, 食物唔好味之餘又唔太新鮮. 性價比好低~ 

經外賣app嗌左個一人餐 有炸紫菜卷同埋炸雞 仲有醃蘿蔔 炸雞同蘿蔔都冇乜嘢 但係個紫菜卷勁難食 浸味勁奇怪 唔知係壞咗定點？🤡本身都好少食完之後要留低負評但係今次真係搞唔掂大家千祈唔好嗌佢個紫菜卷🤡🤡🤡

炸雞炸粉又厚又唔脆，雞肉完全無味及入口雞肉十質地感覺好肥膩炸柴菜飯卷，卷得勁鬆散，中間餡料會跌出來，飯粒水多煮到過咗火，口感似BB食嘅糊飯一樣，無口感無味道,甜辣醬甜勁甜。

前菜：好似擺左好耐咁，完全唔敢食炸雞+紫菜飯卷：叫做好少少，夠熱，正常之後叫左個炸醬麵：好難食，完全唔係炸醬麵，我以為係洋蔥湯意粉好好好好好難食可一不可再，唔會有下次

一入到嚟睇到個前菜，好似已經擺咗唔知幾多日咁，睇到都唔想食。重點係我叫左個炸醬麵，可以睇吓幅圖，食完啲汁稀到成個湯意粉咁，直頭似洋蔥湯撈意粉，完全唔似炸醬麵。炸雞正常水準，冇乜特別，可一不可再🥲

見新出嘅「冬日暖意套餐❄️」幾吸引，試完確係幾高質抵食，多到差啲食唔晒🥙免費小菜(韓式泡菜，醃蘿蔔、青瓜)冬日暖意套餐 $4281️⃣個海鮮鍋🥘一上枱已經好吸睛，個鍋好大個，有好多唔同配料😍海鮮有大蝦🦐、青口、蜆、蟹🦀，仲有2大串魚糕🍢，個湯愈滾愈鮮美，鍋底仲有吸哂味既麵，配埋爐邊芝士食一流😋2️⃣個鍋旁邊仲有，三色煎餅🍥有泡菜、海鮮同薯仔煎餅，每款有3件，點芝士、玫瑰醬食都好好味👍🏻3️⃣&4️⃣炸雞🍗特別中意初雪炸雞😍好有牛油芝士香🧀🧈食落甜甜地咁好滿足😜甜辣炸雞就正常發揮5️⃣玫瑰醬寬粉芝士鍋🥘，寛粉好煙靭，玫瑰醬調較得好好食，甜甜辣辣勁惹味🌹7️⃣奶昔🍼好足料，好多果肉，亦唔會太甜，幾好味🥤overall：成個套餐份量好多，2個人真係會食唔哂，3個人食都無問題呀🤣同埋款式又多，真係吃到飽

第一次試nene chicken,滿心期待想食炸雞，去到叫左半半炸雞試初雪味同甜辣味。本身諗住會好好味，仲叫埋啤酒諗住開心下，結果勁難食，啤酒都唔想飲d雞甘難食點送酒。非常失望！店舖主打係炸雞都可以甘難食。炸雞唔脆勁淋不突止，仲要唔熱。直覺覺得係炸定攤左係到。（重點：已經係堂食）我地食飯時間去，店內已經無咩食客，計埋自己個枱先3枱，每枱都係兩個人。唔合有咩甘忙唔可以有熱既炸雞提供到？同埋都等左幾耐，起碼20mins，最後都係凍既。甘唔怪得食飯時間都甘少客！唔會再有下次！勁難食！