New York Cafe & Bar (已結業)

平日黎到New York Cafe lunch,通常滿座，需要訂位，首先介紹一下餐湯，湯味道可以，長麵包條好鬆脆，每人有兩條，主菜是茄汁雞肉意粉，賣相很美，雞皮是脆的，雞肉味道良好，雞肉厚厚而入味，配上扁意粉，美味至極，餐飲可加上一杯朱古力，看看誰能抵擋，朱古力味道濃郁，值得一試，嫌伴的可選咖啡，味道也不錯，午餐價錢$54，超抵食，有餐湯、麵包、主菜、飲品，份量頗多，想吃個大大滿足的lunch,不妨一試！

其實前年都黎食過一次 係朋友帶我黎食既 個次成8個人食一大枱 叫到滿枱都係 味道唔錯又抵食 留下一個好印象今次同另一班朋友去元朗飯聚 即刻諗起呢間New York Cafe 我提議黎呢間西餐廳食飯訂左8點幾 黎到見全間店都full晒2位朋友點左漢堡餐 個漢堡比想像中大 沙律菜觀感幾靚又大份 薯條好吸引 忍唔住拎左佢幾條黎食😆煎鱸魚意大利飯$108再加錢跟set有餐湯同餐飲 非常抵食意大利飯個汁好香好好味意飯都好有口感試左一匙羹朋友個周打蜆湯 非常好飲 下次我都要點呢個湯 推介！另外一位點左三文魚意粉 夾左佢d意粉食 個汁都幾香 唔錯職員非常細心 佢上前問我地邊位係x小姐呀 我話我係 佢話好擔心我唔舒服 因為佢話今朝我打電話黎book枱時聽到我把聲好攰 咁都被佢發現到 我真係病緊唔舒服 竟然西餐廳職員係咁關心客人同有人情味 我地今次聚會好多野傾 傾到就關門 d人走淨兩枱 呢到舒服寬闊又好坐 傾到唔願走

同女友簡單地係元朗揀左間舊式扒房，格局係八九十年代既啡色裝修。叫左兩個一模一樣既雜扒餐($168@1)，有湯有飲品。食物質素我覺得(7/10),牛扒味道比較淡，但有小炭香味。配午扒既吞拿魚柳加左甜芥末醬，好味道😀。份量剛剛好，唔會太飽或餓。見人叫t骨扒賣相好正，有機會會再來試試

元朗曾經當紅嘅西餐廳，因為附近大型商場開業後競爭多了。星期五晚上六時半來到，由於沒有訂位，老板話無位了😱他可能見到我們失望的樣子，幾秒鐘後問我們七時四十五分還枱可不可以？就這樣老闆安排了一張二人枱給我們🤗還未點餐，侍應已奉上脆脆的麵包條🥖，喜歡用它來憇湯，今天餐湯是蕃茄忌廉湯，🍅味濃厚郁👍🏻晚餐$168 包餐湯及咖啡茶✨豬頸扒拼吞拿魚扒餐厚切豬頸肉爽口彈牙，吞拿魚切大大塊方塊配燒汁加一點日本芥末，幾好味😊牛柳拼吞拿魚扒餐兩片厚厚的牛柳，嫩滑不靭👍🏻沒有加一服務收費，但只收現金💰

情人節好彩早個幾星期book咗呢度 時間分每個booking 個半小時最初諗住唔夠時間食，點知當日因為唔book枱真係不受理所以去到完全唔洗等，驚喜1-食物都係用番平時歺牌唔鋸頸驚喜2-order兩set,Porterhouses steak有炭燒味，肉味香而濃又juicy，二百幾元，好合理又優質，完全唔係茜青街果堆又難食有雪味又收得貴既低級扒,由於兩set太大份量，有一份仲take away🤪驚喜3-埋單以為計錯錢，竟然唔加一而且成晚氣氛好又唔趕你走，開心的晚上

昨天晚上去了元朗的New York cafe晚餐，到了發覺座位完全已預訂，經理問我們1.5小時可否完成，就安排了兩個位給我們。當晚點了兩個晚餐，每份168元，包餐湯及咖啡茶， 不用加一服務費。豬頸肉拼吞拿魚扒餐和牛柳拼吞拿魚扒餐豬頸肉爽滑彈牙，擺盤實而不華，烹調手法以西日（西式日本）方式處理，極具特色,teriyaki汁配肉，吞拿魚配wasabi和酸薑,味道很好很搭,很滿意的一餐，其實香港一般西餐極少這樣烹調，讚

做冬唔想太老土，食番個西餐🍽️ 預早book定既new york cafe and bar, 曾經係元朗當紅既西餐廳，無錯😑😑 係曾經，已經係過去式💀💀7點半準時黎到，週六做冬晚竟然無滿🤔 餐廳內部估計40個位有多，大約半滿，餐牌依舊，叫咗三份餐加個水牛雞翼🐣一黎上個所謂cesar salad, 已經係領嘢前奏💀 求其切開棵菜加啲醬加塊包就上枱😰 連芝士都慳番😑 然後是日餐湯係蕃茄忌廉湯👌然後水牛雞翼六隻上枱，搭兩條西近仲有塊生菜，其實伴碟唔係伴娘伴郎唔係求其搵啲嘢陪襯佢就得，起碼都要"熟" 先可以伴架。。。雞翼略酸，勉強合格👌黎到主菜，大蝦意大利飯，三隻蝦，哈哈哈🍤🍤🍤。。。還好，係鮮嫩，飯都係唔錯🍚 另一個虎蝦搭牛柳🐂 隻虎蝦肉質係梅，唔係鮮，仲有塊牛，係係我叫既七成熟，但個面燶，亦唔覺牛香，用料應該唔靚😰澳洲谷飼豬扒🐷係成餐最正路一樣菜，厚身豬柳熟成度啱啱好，隻顏色由白變到芯既淺粉紅，肉汁亦鎖咗係中間💪💪 份量都夠大👏餐飲方面，都無乜好講，朱古力還好，咖啡就不值一晒😑從前既 new york cafe 曾經震憾我味蕾，今日重遊舊地，徒具空殼，神緒盡失，希望店家好好深思，點可以復現惜

呢間小店係我同老公拍拖時經常光顧既鋪頭午餐晚餐都食過幾次價值唔貴，味道仲好好添我最喜歡飲凍朱、老公鐘意凍mocca 呢度食排好平，午餐唔洗一百晚餐都係唔洗二百講緊係set既價錢👍🏻

中學時常常到New York Cafe 午膳，今天路過便決定再次去食。午餐招牌烤雞肉意粉仍然有水準，價錢亦算親民，同時也有海鮮及扒類食物供選擇，隨餐附送餐湯及小食，整體而言絕對是高水準的餐廳。

食過new york cafe好多次 通常係元朗晏晝諗唔到食乜就會揀佢 今日食煙肉龍利柳卷 通常menu上都會有一到兩款用龍利柳整既菜式 但食咁多次都未食過呢道菜每個lunch set都會包餅乾條配沙律醬作為餐前小食 跟住就上餐湯 今日係蘑菇雞肉忌廉湯 餐飲方面 識飲一定係飲佢地既凍朱古力 上面有濃厚既鮮打忌廉 溝埋濃郁既朱古力真係一絕 🤤 凍飲都唔洗加錢 係外面餐廳已經係要加十幾蚊既特飲級數本身以為煙肉龍利柳卷會煎到好脆口好熱氣 點知黎到係勁清淡 反而更岩我口味 煙肉入面包住龍利柳 龍利柳入面再包住隻青口 食落好有層次 同埋佢包得都幾實 唔會咬開就散晒 抵讚 👍

以前來過 「New York Cafe」食晚餐，見到有午市套餐非常抵食， 所以今日一於試吓! 一個午餐由$54 蚊起， 包餐湯、主菜同餐飮， 真係好抵！ 餐湯係粟米忌廉湯，粟米打成蓉， 味道清甜， 再加入忌廉， 非常香滑。 我叫咗烤雞肉意粉，意粉煮得煙靭有囗感， 雞肉嫩滑，外皮有少少香脆，味道當然好好！ 值得一提就係個凍MOCHA， 做得好出色，有一層好厚嘅cream， 真係又香又滑， 帶有香濃嘅朱古力味， 好飲！我十分支持街坊食店，價錢親民， 真材實料， 係元朗人氣餐廳！

味道非常一般，價錢貴，以佢咁嘅價錢食到啲咁嘅嘢非常唔值，元朗區大把好嘢食，大把選擇，唔需要揀呢間又貴又唔好食。同埋建議佢轉做快餐店，打下電話去book枱話食一個鐘後要收枱，建議佢放個秒錶係張枱度方便啲食客計時，服務態度非常惡劣，無可能有下次。

由中學食到依家，Lunch依舊咁抵食，免加一。裝修完鋪頭大左，坐得幾舒服，假期成日都見要排隊，今日星期日十二點半已經黎到，坐底唔夠3個字已經坐滿曬好彩早左小小黎唔洗等Lunch係跟餐湯同野飲叫左炸雞扒配薯仔沙律，同埋8oz牛柳炸雞扒用左雞胸比較乾，但炸粉好簿超級脆，而且好大塊，沙律分量亦都唔細牛扒咁多年都冇點加過價，8oz就$88可以配雜菜沙律或者凱撒沙律，叫左7成但黎到應該得5成左右最後野飲依然都係叫左凍朱古力，夠濃，好味

一般西餐都以精緻為主打,但呢度樣樣野都大大份,可能為左迎合香港人胃口啦每日是日餐湯應該都會不一樣,但店員無同我地講到明係咩!萬一我對是但一隻食材敏感,或者我唔食,咁又點算呢?今日係雞肉忌廉湯,媽媽話幾濃滑,我俾埋我果碗佢飲!😊其實我都幾唔鐘意檸檬用呢隻切法,我點樣督呀?可能只係要檸檬香味,但係其實我鐘意酸酸地又有果肉,片切先唔會咁浪費。我感到奇怪,唔係個個香港人英文都好好,佢地有職員唔識講中文雖然係西餐,但地點都相對街坊。油同醋都用玻璃樽入住,有少少難打開同倒出黎。。。我見到枱枱都有麵包棒,但我果枱就無,次之黎食都有,點解今次無?算啦我都費時咁小家問佢地攞返!上次食個雜菜pizza的芝士有一種莫名香甜味道,好好食架!但今次食都唔同左味,水準不能維持!而且就咁擺一堆菜上面就係雜菜pizza?點解唔放上面一齊焗?我都係第一次見呢個做法!餐牌寫得好奇怪。。。54蚊就雞扒意,57大家都以為係雞扒意加沙律點知係雞排同沙律麵仲平過菜?而且沙律上面好多醬,好酸。。。我爸說話塊雞好香脆juicy,媽就話雞好硬難唉開,證明火力唔平均,要注意注意啦!而於蜆肉意粉算彈牙,調味ok唔會過濃!係唯獨擺塊包上面有

Tried this place for the first time for lunch today, won't be going back.Chicken Cajun pasta was awful. Tinned chopped tomato covered in linguine with bland chicken on top. What little flavor may have been on the skin you couldn't eat because it was slimy and soggy. No Cajun taste at all anywhere in the dish. Pathetic and bland. A real disappointment. Seemed like they used exactly the same piece of chicken for the Caesar salad too.. Same texture with no taste or flavor. The chef obviously has no