影片
食记 (19)
今年年初四和几位朋友去咗深水埗Neway 卡拉OK食鸡煲，配料牛肉，猪肉，蔬菜，肉丸等都系可以任叫任食，当然冇任饮啦，晚市每人有包两杯冇酒精饮品。鸡煲叫咗小辣，都几辣吓。煲内有好多葱头，配合鸡㷛酱料，非常惹味，鸡煲嘅鸡件分量都好够。当日系假日，多人食鸡煲，等咗一个钟先上，不过依家都7月了，唔知仲有冇鸡煲啦。如果仲有，大家要早点叫待应上鸡煲啊。打边炉其他配料，例如肥牛，猪肉，肉丸，蔬菜，面类都系任叫任食，可以食到10点，当日大家都好饱。每人平均4百几蚊，假日包唱k到深夜，性格价比高。
继续阅读
今次我和太太二人再去唱K，但今次食鸡煲，别有一番风味😋房间略为嫌细，跟住我们就点餐，我们点了原味鸡煲，鸡块有十多件，配上火炉仔够晒热，加了芫茜几香几入味😋食过鸡件后再倒入上汤，再慢慢煮埋肥牛，生菜，丸，香肠及面筋，肥牛略嫌过肥，生菜唔够新鲜，香肠丸面筋略嫌太少，但胜在热辣辣😋椒盐猪扒饭，猪扒件大细不一有三件，猪扒几淋唔觉油腻，如果有少少配菜就更好😋冻咖啡及冻柠茶，饮品留待食饱后再唱K慢慢饮，我们在此欢度一个愉快的下午😋
继续阅读
对上一次去好似两个多月前个时下层酒楼装修 所以neway面门好多灰尘 因为佢算早开门 为咗争取时间爆咪就去踩场午餐 翠肉瓜炒肉片出奇地有外貌又有味道 但今次餐牌换咗 我点左椒猪 朋友点帆立贝炒蜜豆 味道不如前 收费$99+10% 唱k时段10:00-16:00 哗 咁嘅收费 唔跟餐都抵啦饮品叫左回忆刹嘅热柠蜜 《无错嘞 系卡拉ok 独有嘅味道 整体满意
继续阅读
今次系人生第一次系夜晚唱K平时衹会唱K lunch皆因最平最实际 (中学开始的好习惯)又包饭又有冷气 以前安达中心CEO基本上没有人唱Lunch好似可以由10到4点(不负责的破记忆自2019年疫情，我就一直冇唱K最常去的安达中心CEO都褶埋(好挂住大房 同独立厕所 满满的回忆)今次朋友约宇宙商场Neway近以前返工地点 ^w^商场lift好旧 夜晚一个人搭好得人惊商场同neway有点破旧 但不能要求太多^w^星期日黄金时段 可以5点唱到凌晨2点每位包2杯无酒精饮品 $229如果食埋晚餐就加$60不知道以前K buffet咩价钱但加$60又可以无限追加应该都唔求质素 只求饱肚(每位$289; 星期五、六及假期前夕$309)终于来到食评环节~~~~鸡煲份量多~我个人好实际对我来说 比多$60都唔预食到咩高质鸡煲有私家冷气房 包厕所 有其他配料 比你任食你想点？选择固然唔多 但叫咩都有d无期望自然唔会失望就算鸡煲得少少味以$60无限任添 我都可能比笑哈哈佢(但应该唔会特登上黎写Openrice)最惊喜个鸡煲居然好味！！！个鸡煲居然好味！！！KTV个鸡煲唔系ok甘简单系几好味！！！！D鸡居然入味！！！！！可能你觉得好基本鸡煲当然要有味啦但呢度只系卡拉OK唔系主攻餐饮 同鸡煲佢有心买罐好味鸡煲酱比心机腌鸡用心做好个品牌其实会有几多个人会预加$60会有好味嘅鸡煲又有几多人会写篇食评赞佢？又有几多人会因为呢度个鸡煲而专程黎唱k但staff都努力整好碟鸡煲比客人开开心心食餐晚餐度过欢乐happy hour呢篇食评系要多谢琴日个师傅ge ^^希望佢呢份热诚可以keep住♥
继续阅读
同朋友食完饭谂住去呢间唱下k，点知啲服务员态度劲差，入到去柜枱既同事个语气已经麻麻地，唱到咁上下有个男服务员走入嚟话last order有冇野加，咁我哋就问佢系咪仲有一杯无酒精饮品要嗌埋，佢语气劲唔耐烦咁话:「系呀所以咪问你哋啰！last order呀嘛，饮咩呀！」大概就系咁嘅回答，本身都唔系特别期望会有好好服务，但啲态度有冇必要咁寸？都系问一句姐😅服务态度绝对有待改善。
继续阅读