Noble Spice (已結業)

因為團購所以一試. 晚餐包括湯, 沙律, 小食拼盤 ︰印式雜菜咖哩角, 香燒春雞, 尼泊爾蒸餃子主菜︰特色蕃茄雞, 勁辣咖哩羊 熱盤蔬菜︰芝士菠菜, 瑪莎菈茄子薯仔 度黃飯 印度烤餅家常甜品服務好夠體貼, 每款菜有辣和唔辣, 老闆娘會先了解客人的口味再進行推介, 食物都好好味又道地, 份量相當夠, 絕無因為團購而偷. 以團購價值去食, 絕對係超值, 講真以咁多美食團購, 最無搵笨算係這家. 地方唔算好大, 到訪既客人都幾斯文, 無見到那些大大聲講電話, 或攞住大包細包名牌購物袋既人. 靜靜和朋友地傾計食飯最啱. 食完飯有興趣又可以到中環去飲返杯, 只係行兩步就到好方便.

團購的好處是可以用優惠價錢嘗試不同的食物如果唔係團購, 我諗我唔會黎呢到食野幾星期前娘娘與侍衛以$176團購價嚐了二人餐其實食物種類及味道都好似印度菜, 主菜之咖哩雞味道不會太濃烈, 但都幾辣每項食物(前菜, 主菜等)有4-6款任你選, 看似細細碟, 但其實以2人分量已經是很飽了餐廳不是很大, 但環境感覺舒服食物質素不會因團購而馬虎, 而服務態度良好, 老闆娘熱情招待, 最後還會主動詢問客人意見!就算沒有團購, 也會encore再幫襯

上Open Rice搵嘅，諗住近公司，同埋食評咁positive，我相信大家嘅眼光，就去試試Noble Spice啦。其實唔係Open Rice，我都唔知有間餐廳喺七樓，大堂入囗一d都唔起眼，好彩同時有班印度人等lift，我知應該無搵錯地方。去到原來班印度人有Party，所以幾特別，著哂traditional服飾，真係好有feel，加上播住Indian Music，置身印度一樣。首先有poppadoms，不過好'林'，poppadoms 應該脆，不過d醬就超正，有三種醬點，spicy嗰個超級好味。我仲要求俾多少少poppadoms ，因為個醬好美味。我地叫咗一羊一雞curry，加個蝦炒飯，同roti。Curry汁濃肉嫩囗，羊肉鮮味可口，十分美味。飯不過不失，好食，但無驚喜，唔係咁特別。Roti好新鮮，油多咗少少。Overall其實唔錯，我會再去。服務都唔錯，加埋三支beers，埋單$444。算合理呀。

與同事想不到去哪裏吃飯，在街上沒有方向時收到一個有關樓上舖的傳單，一行四人便膽粗粗的去試吓。進到大廈的升降機先有一驚，就是要用力按才有反應，而一開始啟動時還要有一吓向下才回向上，真有一點離心。不過最終都算安全到達。有自助午餐及套餐選擇。自助餐似乎太多了，所以大家都選了套餐。自己就選了咖喱雞。先來的是白湯。與西式的不同，不稠的，還有不少的湯料，還飲出少許的香料味，相信是印度的特色吧！主菜來了。意想不同的是除了飯還有烤餅及薄餅和沙津（就它的份量和用料，真不只是拌菜而已）。先說咖喱雞。濃濃的咖喱味配以滑滑的雞肉，真是無話可說－正。烤餅夠熱，薄餅夠脆，絶佳的配合，美味。最後不得不提的是奶茶，獨有的印度茶味，為這餐畫上完美的句號。P.S. 因為層數不底，最後還是要以升降機離開。情況與上樓時一差不多，只是按「地下」鍵的力度好像不需那麼大（可能是因為吃胞了），仍然有一吓向下的衝力才回到正軌。希望大廈管理方面可以改善一吓啦！

年三十好多地方都早收, 又或者好多人食 lunch, 突然唸起呢度, 於是就同同事速到 7/F 食飯!佢地 Lunch 有 Buffet $69 都幾抵食, 不過我地 2 個都好攰唔想郁, 就決定食 set lunch, 都係 42-48 蚊左右一個!我揀左咖哩雞, 同事揀左咖哩茄子, 又有餐飲跟, 真係抵食!磨姑湯 - 雖然感覺好稀, 不過入面有好多磨姑肉粒, 如果唔切得咁細, 口感更佳, 味道都 ok !咖哩雞 - 味道唔錯, 送飯食好正!咖哩茄子 - 口感幾得意, 好似肉醬咁, 辣辣地送薄餅一流

同事俾左張傳單我，今日決定同班同事上去試下佢個lunch buffet預先book左檯，所以雖然間野有少少難搵，不過一上到去都即刻有位鋪面唔算好大，大概十檯人左右不過我地坐o係角落頭位所以都幾有privacy加上環境同裝修都好「骨緻」，可以好舒服咁一路食一路傾計buffet食物選擇唔算多，有7－8盤有印度咖哩，有春卷，有飯 etc烤餅就即叫即上，熱熱地咁，夾住咖哩食buffet lunch包一杯飲品同事叫左汽水，我叫左杯印度奶茶個奶茶用一個茶壺仔裝住個（老闆娘）仲親自沖一杯出黎茶葉好香，以前飲過d中東咖啡／奶茶同呢杯真係差好遠o岩o岩上檯o個陣仲好夠熱！食完之後，個（老闆娘）每人送左一張membership card俾我地仲拎左本簿出黎，俾我地寫低d contact 同埋意見我當然有讚佢地杯奶茶好飲！總括而言，短短一個鐘頭ge lunch，佢已經成功得到我ge歡心食物未必好出眾，但係有誠懇ge態度，我一定會revisit！

其實已經黎過好多次, 有好多原因黎完又黎, 覺得佢好靜少人, 平時食飯同朋友傾幾耐都可以, 可能要上樓唔起眼星期五六都一樣。上年去完尼泊爾之後一路都好掛住d野食, 但一路都搵唔到一間冇俾印度咖哩影響既尼泊爾餐廳, 直到搵到呢間尼泊爾人開既餐廳。係上星期去左soho試左o個間好出名好爆既Nepal, 超唔好食又貴!! 就決定一定要係openrice 要讚下呢間好地道既尼泊爾菜!成個menu都冇一樣野係超過$100, 最常叫係vege momo 即係餃子, 有三種汁有辣有唔辣。有去過尼泊爾既人都應該知道間間餐廳一坐底都俾o個三樣汁你。另外thali可以話係尼泊爾既stable meal (至少我係尼泊爾既時候日日都係食thali), 肉係可以揀豬牛羊雞菜。thali 其實係一個餐, 一定有既係daal bhat, 即係lentil soup同白飯, 再加咖哩豬牛羊雞同咖哩菜。之後再送你尼泊爾甜品。其實如果人多可以試下幾款唔同starter黎share。有d好有特色, 好似Samosa Chat, Aloo chat, Samosa 同Choila佢地仲有買好多啤酒出面係好少人, 例如lao

I chose this place because I've tried the food in the previous location on Wyndham street before and it's no fuss, comfort, delectable grub, plus this new place is nicely done up and they do a mean birthday deal - $110 per person, with 14 different dishes! How good can you get it in LKF?I checked out the place beforehand and Mr. Sing took me through all the dishes he could make for the dinner menu - 6 appetisers including the usual momos, chicken drumsticks, salad amongst others; for mains there

聽朋友講soho有間尼泊爾餐廳，價錢又唔貴，覺得幾特別，就諗住lunch time去試下。妟晝中環有好多人，成日食飯都好難揾位，呢間餐廳就好好，唔多人，的裝修好有尼泊爾異國風情，牆上有幾張朝聖壁畫，天花掛上傳統的油燈，哈哈，平時午飯只有粥粉麵飯，今日就覺得好新鮮。食物方面：有炸雞、甜薯仔、喜瑪拉餃子、香草魚、奶蛋薄餅、番茄湯、尼泊爾特色炒飯等等… 平時好少有機會食到，好有中東味道。唔識睇餐牌上啲「尼泊爾英文」唔緊要，menu係圖文並茂的，你見到邊幅靚邊碟想食，指一指order 就可以，或者直接問下老闆有咩好介紹，佢好好人，在廚房為客人煮菜係佢太太，聽講兩人從尼泊爾來香港已十多年了，但仍未學好廣東話，兩夫婦一起打理生意，很溫馨呢！臨走，見到個門牌，寫着 “ Come as a customer, leave as a friend!!!” ， 感覺是一種久違了的温暖，外邊的老闆，有多少是本着這個心做生意呢？一笑埋單每人$60，百零蚊碌卡都可以，老闆話佢地凌晨都會開門，方便啲人飲完野食宵夜喎！下次一定會再嚟食！