影片
营业时间
今日营业
11:30 - 22:00
星期一至五
11:30 - 22:00
星期六至日
全日休息
公众假期
全日休息
公众假期前夕
全日休息
以上资料只供参考，请与餐厅确认详情
有关奖赏计划
收工到上環永安買新廚具，search到距離永安只係2分鐘步程既佢地，一開門便是小清新格局到處放有大大小小不同綠色植物 配合簡潔木系裝潢 一邊播著輕音樂，夜晚既上環人流唔算好多，可以感受到呢一帶氣息 坐得好放鬆舒服🦪即開生蠔佢地提供兩款生蠔可以揀 完全兩種特性，做緊半打$228優惠，不過最後都係每款點左2隻試下先，開蠔手勢唔錯，蠔全部都好新鮮 加兩滴檸檬汁已經足夠美味，BTW佢地cocktail sauce都幾有誠意 唔同坊間一般現成醬 自家調味 (無生蠔沾醬 只係獨立食左幾啖醬 是我個人喜歡的口味☺️)🦪Supreme $52pc口感清爽，海水味同蠔味都好濃郁，帶微微礦物味，下肚後會有少少甜味回出黎🦪OstraRegal $58pc蠔味亦香濃，肉質肥美飽滿 入口creamy，每一口都是滿滿鮮甜估唔到有cocktail/ mocktail/ wine list可以揀，signature用左6月-11月既英文來命名🤎November $78同店同名的cocktail搶我fo了，Menu介紹“November”=威士忌芝士奶蓋配黑糖鮮奶/咖啡 加入了Baileys，酒味同黑糖味唔會好強烈 Baileys個甜香味突出，奶蓋打得好細滑，是輕甜品的感覺 易入口的🩷雜莓奶奶 Mixed Berries Smoothie $58雜莓落得足料 新鮮的味道 屬於水果的酸酸感 好清新 refresh~🐷夏威夷火炙黑毛豬腩卷 $198豬腩卷平均約1cm厚，兩面煎成美美的金黃色，腩肉卷內的脂油成半溶狀態 充滿肉汁 肥美脆香，而每件都配上同樣經過烹煎的菠蘿片，焦化後的菠蘿 x 豬腩卷 解膩又增添層次，火喉同配搭都做得幾好，配菜上有心思...薯蓉面覆蓋著芝士 一口薯蓉再一口炒洋蔥 好味 🌶️麻辣卡邦尼意粉 $148一上枱就見到煙肉鋪滿意粉面 都比得幾重手最欣賞佢做到Carbonara精髓: 熄火後拌入生雞蛋黃👍🏻，拌勻後忌廉汁濃稀適中 用上扁意粉掛汁一流，入口滲出微微麻麻辣辣感 相對傳統卡邦尼更有個性又減少滯感*收+1服務費*坐得舒服 無用餐時限*誠意小店，有心思又有質素，有老闆娘坐陣係唔同D😆
继续阅读
今次來到上環的樓上Cafe，是朋友極力推介的店，店舖小小，有好warm的感覺，坐近窗邊的位置，仲有一個小海景可以睇下，個view都算唔錯。🌆👫🍽️✨ NOVEMBER（$78），每款Cocktail都是以月份命名，其他月份是水果溝唔同的酒品。同店舖同名的Cocktail是加入了台式茶飲的芝士奶蓋和黑糖鮮奶元素，最吸引到我眼球同時也時打卡一流的飲品。威士忌融入芝士奶蓋，黑糖鮮奶加了BAILEYS甜酒，容易入口又順滑，去到喉嚨左右，先feel到酒精的感覺，絕對過癮。平時少會選酒品的我，都會誠意推介比大家。🧋🍸🥃🧊✨ 士多啤梨光環（$58），大大個水果菠蘿同樣吸睛，士多啤梨水果茶打造沙冰，冰感十足，幾唔錯的夏日消暑飲品。🍓🍍🍹店員最推介的生蠔是新鮮日本直送。🦪🍋✨ 大船渡（$65/隻），是來自岩手縣產地，蠔肉望落都幾飽滿，用叉子接觸蠔肉都幾有回彈力，入口濃郁。✨ 仙鳳趾（$68/隻），是來自北海道產地，海水味濃郁，入口偏爽口，鮮味十足。2款蠔各有唔同的特色，因生蠔已經好夠鮮味，加少少檸檬汁已經足夠，連蠔醬都可以唔使落，價錢相宜，性價比幾高。🌟 生蠔做緊買二送一優惠🌟 生蠔半打優惠價（$368），送海鮮拼盤。✨ 夏威夷火炙黑毛豬腩卷（$198），店舖自家創作的豬腩卷，因豬腩較油膩，所以平時的西餐廳較少見以豬腩為Main Course 。每片豬腩卷好厚身，經煎香再火炙，將豬腩的油脂迫晒出嚟，令脂肪的位置入口變得香脆，再配菠蘿解油膩，是一流的配搭。周邊的配菜芝士炒薯蓉、炒雜菌都是用豬腩卷的油份炒出來，絕對是健康又美味。🐷🍍🔥✨ 麻辣卡邦尼意粉（$148），卡邦尼選用扁意粉，令口感都幾有咬口，卡邦尼意粉用了忌廉、花椒，但沒有加入芝士，撈上蛋黃汁，令意粉更濃香滑溜，邊食時會感受到花椒微微的麻辣感覺，絕對是幾創新同過癮。🍝🌶️🍳
继续阅读
上環區一向比較多樓上cafe, 今次黎左呢間隱世cafe試試佢仙鳳趾生蠔🦪來自北海道厚岸灣，體積較大，可以跟手掌大小媲美，肉身肥厚、質地滑口，讓人回味無窮 大船渡生蠔🦪來自岩手縣，生蠔肉質飽滿，蠔味的奶油感與海水味相對平均，餘韻口味清爽悠長，入口帶豐富的礦物味道麻辣卡邦尼意粉🍝卡邦尼意粉就經常吃，第1次吃用麻辣來烹調這道菜每一條意粉都掛上辣汁，刺激味蕾，尤其開胃～夏威夷火炙黑毛豬腩卷🐖豬腩卷肥瘦適中，啖啖肉的確挺滿足覺得有點油膩的話，可以吃多點清甜的菠蘿、菇、洋蔥可以中和一下口腔的油脂感～AUGUST🍸飲落去幾清甜，微微地既白桃味，更易入口再帶點白酒，喝下去帶些微醉意～NOVEMBER🍹姐係Bailey, 喝下去有一層很creamy的奶泡，既甜又順滑都可以扮演甜品的角色，為這頓飯畫上完美句號～
继续阅读
November + 今日約咗好耐冇見嘅朋友食飯，搵咗好耐終於俾我發現一間可以靜靜地傾偈嘅樓上餐廳！間舖頭喺11樓，成個場都係得6-7張枱，環境清靜。因為book咗位嘅關係，餐廳安排咗一張卡位俾我地。望出窗就見到海景，好舒服！店員亦都好友善咁問我哋需唔需要推介，選擇困難嘅我哋就聽佢哋發辦啦。首先嘢飲方面有好多選擇，而且唔係出面周街都係嗰啲cocktail。呢間舖頭叫得november +, 朋友就當佢november係招牌所以就叫咗一杯😂佢呢杯係baileys+whisky，飲落去好有層次，如果平時鍾意奶蓋嘅話就必叫！好有驚喜嘅一杯！而我就因為想飲啲清爽啲，而且十月生日，所以叫左杯October🔥 飲落去極度解渴，而且用料十足，都十分推薦！另外見到廚師推介有生蠔又朋友超級鍾意食，所以就每款叫咗兩隻試吓！🦪店員推薦我哋先食比較鮮甜嘅仙鳳趾，再食船渡。朋友大力推薦仙鳳趾，有鮮甜口感又十足；我對生蠔冇乜研究，但係兩款都覺得幾好食🤣主食方面我哋叫咗一個意粉一個豬鞍扒，兩樣都大推！首先麻辣卡邦尼意粉上枱嗰陣真係wa咗一聲，多煙肉到睇唔到啲意粉咁滯🤣🤣而且唔係嗰啲得肥膏好薄個啲，係有一定厚度而且肥瘦均勻嘅煙肉🥓 個汁creamy得黎唔會滯，好適合幾個朋友叫嚟share👍🏼 朋友唔係好食得辣但係都話好過癮！最後就係主菜意式香草黑毛斧頭豬鞍扒，係朋友pick！勁香嘅香草+蒜味，加上caramelised 嘅洋蔥，feel到餐廳對於配菜一啲都唔馬虎👍🏼 豬鞍扒熟度啱啱好，亦都完全唔會韌，我地最後完全清碟😂我覺得最推介嘅一樣嘢係真係坐得好舒舒服，而且食完飯坐咗一陣都唔會有職員過嚟趕我地。有呢個景觀呢啲服務同埋嘢食質素絕對有下次！👍🏼
继续阅读
麻辣 Carbonara 意粉都幾得意😊經朋友介紹，try try November. 一聽個餐廳名就覺得好有意思。餐廳地方雖然不大但服務態度好好。麻辣意粉幾好味，晤太辣，味道幾特別。lunch坐滿了人還要加檯。見到有好多人來打卡，也見到有D退休女士來食意粉。杯粉紅色 strawberry 奶奶都幾OK。個蘑菇湯算OK啦。成個餐 $108加一。 The spicy sichuan style carbonara was an interesting choice on the menu. It wasn’t too spicy at all. The strawberry drink went well with the spicy pasta. Mushroom soup was okay. This is a place I will revisit.
继续阅读