Ocean

营业中

休息中

好有 heart 的餐廳 - 米芝蓮級數的食物，將一件件藝術品鯨吞落肚嘅快感。我的相機都表示很幸福。很 warm 很舒服的環境，親民的價錢（重點），很好客的老闆夫妻檔，一定會翻兜！重點推介：不過佢地兩個月轉一次 menu - 下次去都未必食得翻！Appetizer：綠色花園那個係頭盤。海底世界。砌到幾鬼靚。栩栩如生。有曬生態環境咁 🧐 美輪美奐！Soup：北海道刺身帶子 corn soup 都好正。係「渣less」- 一點渣都無。Main：Lamb Rack 一點也不蘇，Crab Leg 份量好多！好滿足。唔似其他法國餐比得嗰 2 舊仔你 seep 牙乸。Ocean 比足 3-4 大舊。鮮甜可口。Dessert：白色一 pat foam - 椰子七重天。真係做到好似國慶煙花最後一幕嘅高潮位，當你 80% 飽，佢仲可以帶妳進入新一輪嘅高潮。口感由 foam 去到脆硬片，由熱去到凍 sorbet。係一種冷靜與熱情嘅掙扎。今日每人 dinner $660。性價比 super 勁高。呢度很適合拍拖，慶祝週年，生日，追求心儀對象，朋友聚會 etc。一定再黎！

The food was so memorable. We had foie de gras, lobster bisque, sorbet palate cleansers, coconut in 4 ways dish, delectable steak with fired up mushrooms and the dessert was wrapped in a gift box!The dessert was homemade ice cream in 3 flavours that were laid on a curved plate that was meant to look like Baby Jesus in a manger. The chef is incredibly talented and the service is superb.This is a hidden gem. Excellent food. Highly highly recommend this place for parties, for small dinners at any t

第一次嚟呢度食嘢好驚喜！亦都好鍾意老公係廚師，老婆負責招呼客人呢個組合! 可以做到自己鍾意做嘅嘢，實在好好。已經同朋友約定左，聖誕節要黎飲佢個龍蝦湯。Starter有一個帶子，配有熱情果乳酪醬，好開胃，其中最鍾意係佢個紫菜麵包，非常之特別!另外佢個蘑菇湯超好味，上面有白松露油，好香！因為係七周年Menu，有個middle course 同main course! 我比較欣賞個pork, 裏邊好軟，外邊好香脆! 甜品我揀咗個earl grey 雪糕，好香好smooth!

Ocean開業七周年，精心設計了菜單來慶祝。一共七道菜式，包括時令食物，如北海道帶子、濃厚忌廉磨菇湯、有機薄荷葉配西瓜冰、虎蝦天使麵、西班牙伊比利亞橡果黑毛豬Pluma，加上特式甜點，真是美味豐富的一餐！

跑馬地一向係隱世美食既集中地今次透過朋友介紹 黎到位於成和道9號既新派創意私房菜一入門口 就見到同名為Ocean既老闆娘開門招呼客人 據老闆娘所說 店舖大多只有老闆娘一人做樓面 老公就一人掌控廚房 2人溫馨小店 由whatsapp訂位就已經感受到老闆娘對服務既用心 親身體會過後更是深刻 老闆娘堅持親身介紹每一道菜 令你充份了解每道菜背後既故事 依一種服務已達米芝連星級餐廳水平坐進餐廳藍白顏色既主題裝飾盡入眼簾 以愛琴海建築做靈感既裝潢令人彷似離開煩囂既市區 心中有一片寧靜雖然地方環境唔算好大 亦唔算華麗裝修 但以私房菜型式經營既餐廳黎講 都係可以接受既程度終於來到上菜一刻第一樣上枱既係 自家烘焙麵包 配 黑醋橄欖油麵包烤得香脆 加上微酸既橄欖油 極是開胃 好快麻吉已經食完籃上2塊 要refill了🙈接住係 特色頭盤 真正能夠感受到創意料理既第一擊 在老闆娘介紹下 先吃了有風乾火腿既小點 火腿既香氣加上中間濃烈芝士味 2種強力既香氣在口中爆發 加上無花果作中和 整個配搭有前所未有既感受 但略為膩左少少 當吃下第2件以蔬果組成既小點 口中油膩感馬上得以舒緩 算係為左今餐打響頭炮再黎係另一款

今次係第二次黎啦，每次都好有驚喜！第一次黎係朋友推薦，就唔知頭唔知路訂左位試下，試完知道聖誕期間有新menu就再黎試試。同平時既餐廳感覺完全兩回事，除左享受食物味道，仲有好親切既服務。雖然呢個聖誕menu已經完左，但都想同大家share下，佢地比心機做既菜色好details。新既menu出左我又想再去試啦！鵝肝⭐️⭐️⭐️⭐️⭐️每次上菜，ocean/待應都會詳細解釋每道菜，有時真係詳細到我記唔哂🙈呢個鵝肝係配左自家製既鵝肝醬，所有野都自製，真係食心思都抵呀！上面就有魚子下面有d caramelized既蘋果蓉，好夾。龍蝦湯⭐️⭐️⭐️⭐️⭐️呢個湯係用新鮮龍蝦做既，每次人客黎之前1-2小時先開始準備，大啖大啖爽口新鮮龍蝦肉，濃郁既龍蝦湯，一個字，正！青檸雪芭⭐️⭐️⭐️⭐️⭐️佢唔係一個普通既雪芭，下面既啫喱除左有青檸，仲有青瓜架，清清個口，好fresh呀！八爪魚ORZO⭐️⭐️⭐️⭐️⭐️入面既ORZO係睇落似米型狀食落似pasta既pasta，配八爪魚出奇地夾，個醬係好好好好好食既茄醬，好味到唔識形容！火雞胸⭐️⭐️⭐️⭐️⭐️聖誕唔可以無火雞既，火雞胸慢煮，非常嫩滑，配個個用栗子蓉加入豬肉腸既stuffing，好有聖誕食火雞個

環境雖然不豪華，但食到的味道更比豪華更豪華。十分欣賞這對夫婦對食物的尊重及感情，先生就用心地把每道菜式煮好，太太就細心地把菜色放在客人的面前，然後會慢慢向你講解……，他們怎樣處理食物，怎樣煮，她還會教你怎樣食。看似有點繁複，但食物正正是要這樣細味。所以食到的不單單是美味，看到的不單是美，而是一份的愛情，對食物的愛與感謝。他們的用心與熱情我也被感動，很自然地每位進食的不只是客人，而是大家轉變為朋友。本人誠心推薦。

同一間餐廳的食評一寫再寫已打破了我的習慣,但的確值得我晨早起床就要寫這篇文章高度讚賞一下🤗發覺Ocean已是春夏秋冬季季來的一個好地方,龍蝦湯果然一如期待中的棒😋龍蝦肉多到👍👍👍(好友反映如果湯的份量可多加些就更完美😁)其他的食物亦是叫我們讚嘆不絕.估不到火雞肉可以這樣的嫰滑....其他就不多文字描述了,自己親自試吧😜9道菜一一品嚐都是感覺到大廚仍然堅持一絲不苟的態度和心思.其中如家中火爐木炭樣子的主菜就是一幅完美圖畫呈現在大家眼前,還有最後的甜品可由我們自行設計,就像兒時寫聖誕咭的童真感覺真的很好啊.只是鄰枱的客人聲浪實在太大,破壞了一些氣氛,但譜天同慶的日子便算了吧☺️期待明年的新菜單😎

私房菜 : 有些實至名歸,有些濫宇充數,有些經不起時間和名利考驗,味道變,人也變了,只可輕嘆道別..自去年12月至今未足一年已第三次再訪此處,只因每次都如電影情節般令人有新驚喜,文字不足以道出其中一二,自行親身品嚐便能真切明白.爽快地約了好友們希望可以於12月再來,想終極一試其招牌龍蝦湯和其他美饌😋😋😋可惜餐廳仍未可預訂位子,無問題,好事多磨,凡事有耐性和包容,自然更懂得珍惜和好好享受😄*從未試過一年內幫襯同一私房菜四次,足見實在是我美食日記中的米芝蓮首選🥇🏆🏵👍

同咀刁既朋友食飯真係會痕爆頭，所以出動到跑馬地一帶找食，一行三個咀刁人～今次的頭盤fusion 左泰國特色火炙虎蝦配木瓜柚子粉絲，酸酸味味~磨菇湯用了另類煮法，超重磨菇料，係有層次既！重點係今次3個主菜各有特色，選左慢煮英國鴨但配的卻係芋頭容梅子紅酒汁，有點中西合璧。不過如果要選擇比星星既反而新鮮既澳洲和牛面頰堅好食，慢煮左12小時，面頰軟棉得來又有點彈牙，肉汁鎖住無流失，真係愛上了慢煮！香煎銀鱈魚配上矜貴藏紅花檸檬牛油汁，魚質彈牙唔散，唔算太鐘意食魚既我都覺得值得試，食時要撈埋個汁味道更出！要比分既話，第一係牛牛，第二係魚，第三係鴨～ 點品，今次係士多啤梨慕絲雪糕紅莓Oreo乾勝出，因為內藏亁坤！（會發聲的甜品😁）雖然菠蘿椰子五重奏都超級香濃好食！無得輸餐廳店主ocean 好nice, 全晚好詳盡介紹無一道菜，睇得出呢間私房菜對野食既passion，好難得有一間野食，service 同環境都好既私房菜！一定再食！！

聖誕節食聖誕大餐是常識吧！上個月生日飯食完 Ocean之後食過翻尋味，成日諗住，所以老公問我聖誕想食乜，我唔洗諗就話要去 Ocean! 好好彩book到位睇相都知好食吧不過其實我覺得11月個menu好食d，唔知係咪上次第一次食特別有驚喜，定係今次太大期望呢⋯⋯不過唔代表今次唔好食，每道菜依然咁有水準咁好食只是回憶總是美好的吧！我最喜歡龍蝦湯，香濃到呢！簡直唔想食下一道菜⋯哈哈哈哈另外個menu本來係牛，但我唔食牛，所以Ocean為我準備比目魚環境/氣氛方面，我以為聖誕節會播Christmas carols or詩歌，但是沒有，有點失望⋯⋯anyway, Ocean的晚餐是不會令你失望的。期待下次慶祝/節日再來食食食

食Ocean，一定要預早book位，尤其食節日。每次有喜慶例必到Ocean慶祝，今次週年紀念又黎喇。撐枱腳好地方，以呢個價錢食到高質素食物，物有所值。我book埋倒數日食大餐喇

好好食呀！好好食呀！真係好好食呀！真野要講三次！ 每道菜都好好食！半年前同事已經大力推薦這間私房菜，所以今年生日同老公來試試，果然沒有介紹錯！Ocean是老闆娘的名字，大廚是她丈夫。餐廳每晚只serve幾枱客（一定要預早訂枱），Ocean會為每枱客人逐道菜介紹，超nice超貼心，令你有VIP的感覺！當晚的menu已經一早WhatsApp了給我們，保證食材新鮮！每道菜都好驚喜！絶對係fine dine 的quality..性價比超高

早一個月訂位，非常期待去食的一間的私房菜 - OCEAN, 進到店內感覺簡潔, 以藍同白為主, 店名跟裝修非常匹配. 經介紹後, 原來店名以老闆娘英文名-OCEAN 來做生招牌.今次的菜單也蠻有驚喜, 頭盤是火灸虎蝦配牛油果MOUSSE, 木瓜,柚子及粉絲, 口感很新鮮, 開開胃口...^^再黎係蘑菇忌廉湯, 未放底已經聞到磨菇香味, 湯一入口, 即刻眼睛BING BING, 非常濃郁既菇味.不能不說主廚的心, 喝湯過後, 就上青檸沙冰, 當時以為上既次序錯左, 經介紹後, 原來給你開開胃, 清清口腔剛才所飲的磨菇味.期待的主菜出場, 我幫朋友點12小時慢煮澳洲和牛面頰, 而家流行慢煮, 令到肉質保持鮮嫩鎖住肉汁, 我朋友就話份量太少, 未能滿足佢胃口....哈哈 而我就點了香煎銀鱈魚配蟹子, 見到賣相已經好吸引, 銀鱈魚再配主廚特別調配既汁, 好夾, 一口接一口咁食...到甜品出場, 椰子菠蘿五重奏, 聽個名都已經覺得好新鮮, 賣相非常可愛, 以泡泡包住菠蘿, 椰子肉, 椰子雪糕和菠蘿雪糕, 仲有脆脆片, 一放入口, 超特別同夾, 唔太甜, 又不膩, 最有驚喜就是這道甜品, 超讚!感

香煎珍宝带子配花番茄莎莎相信我， 这香煎带子真的煎得非常好好味！虎虾浓汤……浓郁，夠熱，正西瓜薄荷沙冰，清新！炭烧西班牙黑毛猪配蜜糖烤南瓜，甜薯，嫩菠菜及苹果日式照烧汁，配菜非常丰富，不愧为signature dish之一纽西兰穀飼安格斯牛柳配芥末薯蓉，青芦笋及咖啡红酒汁，牛肉冇渣，肯定上品椰子菠萝五重奏……永远不能错过的甜品