Ocio オシオ (已結業)

做完運動要搵嘢食，老細諗起之前響附近食過一間西餐廳，今晚又心思思想去食多次！🤪佢門面裝修好有日係風格，裏面樓底幾高，中通嘅設計好開揚，舖頭中間仲有棵樹，感覺好似響庭園進餐！🥰我哋一人叫咗一個晚餐，先嚟一碗意大利雜菜湯，比羅宋湯酸少少，但係熱辣辣都幾開胃😋主菜我叫咗香煎海鮮明太子意大利粉，滿滿嘅海鮮…有大蝦、元貝、青口蜆肉同埋木魚絲～醬汁幾濃郁，但係又唔會太喊掛曬上意粉上面，我真係成碟食曬㗎！！🫣😅🤭老細今日唔鋸牛扒鋸豬扒🥩，佢揀咗慢煮西班牙栗飼黑毛豬胺配蘋果蓉，唔好睇佢咁厚身，但係又整得幾嫩滑🥰👍🏻～我哋一人加咗一個小食，我要咗parma ham配蜜瓜（4件），parma ham幾有油香，仲有黑醋沙律，感覺幾清新～🥗老細梗係食燒烤醬脆烤單骨雞翼配薯條啦！！🍗雞翼炸得好香脆，配埋燒烤醬香香辣辣，好惹味！🥰我要咗杯洋甘菊茶，要讚下佢哋嘅杯，真係好保暖！☕杯茶由頭擺到尾都做辣嘴～本來仲掛住佢上次嗰個梳乎厘班戟，但今日真係太飽喇…就算係店舖主打都食唔落🫣😝，又係飽飽滿意但略有遺憾嘅一餐，就等下次再嚟過啦！

今次因為有張$50 dining coupon, 所以鬼佬有藉口放工唔洗煮飯😏揀咗間開咗冇幾耐嘅西餐廳，主打係甜品🍮🍧佢哋星期一至五有dinner sets, 有湯、主菜同飲品。鬼佬叫咗個dinner set。湯係蘑菇湯，有少少稀，不過好夠熱🥣主菜佢當然係揀有豐富蛋白質的肉眼扒🥩，都有10oz,配薯條🍟同少少蔬菜🥬。佢話個廚師煮medium rare 掌握得幾好。我就冇叫dinner set, 喺A La Carte menu 揀咗個impossible burger, 配薯條同沙律。Burger 𥚃面冇醬，啱晒我。因為有蕃茄同菠蘿，所以都好juicy. 雖然係impossible burger, 不過我就覺得同real burger 無太大分別。味道幾好，份量都大。既然餐廳主打甜品，無理由唔叫一款嚟試吓😏有waffles 🧇, 疏乎厘，pancakes 🥞, 蛋糕🍰等，好多選擇，好多唔同嘅味道。最後叫咗個紅豆抹茶心太軟，配一個vanilla 雪糕球🍦容易肚痛的我當然係俾咗個雪糕鬼佬食，佢話好creamy,好彩我冇食🤣紅豆份量ok, 個心太軟一切開真係有抹茶好似lava 咁流出嚟。我覺

這間以木系為主的café，裝修簡約而清新，環境光猛舒適，鑽石山比較少有。晚市提供八款的套餐，包餐湯，主菜及餐飲。慢煮西班牙粟飼黑毛豬鞍配時令薯菜$189，賣相不錯，黑毛豬鞍大件厚切，燒得剛好，內邊仍然有些粉嫩，肥瘦均勻，肉味比較濃郁，口感鬆化，配上炸薯角及蔬菜都很飽肚。另外這裡的甜品都很吸引，點了一份綠茶紅豆麻糬窩夫，一大份有四件，焗得外脆內軟，有淡淡綠茶香，內邊有Q彈軟糯的麻糬，配上甜甜的紅豆，口感十足，另加$10多一球雪糕，一冷一熱的口感，正。

餐廳的裝潢好吸引，很有日系feel而且也空間大，坐得舒服😌而且最吸引也是甜品，很多款，有窩夫、熱香餅、心太軟和pancake,連雪冰也有，當然也有主食，晚餐有set 包飲品，幾抵食😆💠焗鑊仔綠茶班戟心太軟 $89班戟外皮翠綠，內餡則是綠茶口味的，班戟內餡的質地夠扎實，內餡充分熟透，抹茶味香濃.💠至尊Ocio安格斯牛肉漢堡 $138濃郁多汁的口感，有嫩軟的牛肉口感、豐富的味道和適量的調味料. 味道很豐富☺️☺️和牛很juicy，肉汁充滿口腔😝跟配的沙律，新鮮又開胃🤤

入到嚟覺得地方都幾靚幾寬敞，人流好少，可能因為喺荷里活廣場，夜晚比較少人基本上七點時空位都佔八成。晚市價錢由$148起至到258嘅一個套餐有餐湯同埋配$33嘅飲品。叫咗兩個餐🦴獵人燉肉意大利飯（燴牛面肉，香草腸）$148🦴龍蝦忌廉汁意大利飯伴法式焗龍蝦 $178份量都正常，兩個人幾夠飽，龍蝦都大隻，不過肉就唔係幾多，另一個餐啲肉都幾香幾好味幾有羶味，不過肉都唔算好多塊。配咗兩個茶飲，味道都算幾香👍👍

#20231026 📝📍 Ocio オシオ @ocio_kitchen 鑽石山龍蟠街3號荷里活廣場2樓283-284號舖 🍽️將軍澳坑口重華路8號東港城2樓238號舖➖➖➖➖➖➖➖➖➖➖➖➖➖➖➖➖➖➖ 🥢 #是日餐湯 💭 叫左兩個晚餐set都有跟餐湯，見佢環境咁日式以為會係啲忌廉湯，估唔到係紅湯，仲要係好足料既紅湯，入面有好多薯仔夠飽肚🥔落左黑椒夾埋茄膏啲味辣辣地非常惹味.#依文士羊仔柳意粉 $158💭 是日最高分之作💯啲羊應該要煮好耐先可以淋到咁既地步，淋得尼個羊味係非常之濃烈，鐘意食羊既朋友唔可以錯過🐏羊肉淋但個意粉一啲都唔淋，煮得岩岩好有彈性，非常好味😋.#Ocio獵人燉肉意大利飯 $148💭 呢個牛肉雖然無羊肉咁出色，不過都唔差，都食得出牛味而且淋身，入面仲有啲香草腸片，意大利飯係有啲意大利風味，偏硬身有咬口🇮🇹可能未必個個都岩食.#燒烤醬脆烤單骨雞翼 +$42💭 數數埋埋都有10舊單骨雞翼，計埋都有5隻雞翼🐓配埋bbq醬酸酸甜甜咁幾惹味，仲估唔到有跟埋薯條，係啲粗直薯條，其實唔太肚餓就咁食都夠飽喇🍟. 🥢 #熱香草洋甘菊 🥢 #橙汁 +$5💭 跟餐有杯$33以下既野飲，如果想

🥘餐廳名: Ocio地區: 鑽石山評語:珍寶帶子海鮮喇沙燴飯 HK$148 - 燴飯有兩大粒帶子 煎得幾香 帶子肉幾嫩 其他小海鮮係個燴飯入面 唔太突出冇咩味 喇沙味又太淡 好似少咖喱味咁 飯粒有少少生硬 結論: 第二次食呢間餐廳 落單可用QR code 晚餐跟湯同茶 雖然湯冇影相 但飲落太淡 餐廳好有空間感 簡約日系裝潢 有圓枱岩家庭大小去坐 食物賣相OK 可惜口味唔太岩小弟 之前食過炸魚同大蝦意粉都一般 唔太合格 可能係甜品比較出色

見到呢間Cafe牆壁有好可愛嘅猫圖像，夠曬少女心，就決定試下1. 芝士焗扇貝龍蝦汁雜海鮮意大利麵扇貝肉質鮮嫩，烤至金黃酥脆加埋濃郁嘅芝士，令人垂涎欲滴意粉煮得彈牙，掛上惹味嘅龍蝦汁，相得益彰仲加入蝦仁、魷魚、車厘茄等材料，非常滿足2. 老虎蝦日式咖哩雜海鮮咖哩燴飯燴飯非常足料，老虎蝦大大咖哩味道濃郁而微辣，好惹味🍛米飯蓬鬆又香氣四溢，完美吸收咖哩嘅風味以上主菜仲包埋餐湯同餐飲，性格比好高👍🏻3. 特濃朱古力雪山鑊仔熱香餅熱香餅朱古力味濃郁而唔膩，甜度適中口感鬆軟濕潤，只需以叉輕輕分開就入口即溶加上用鑊仔上菜，令熱香餅保持熱度，散發陣陣蛋香整個餐飲體驗好好，下次會再encore！

OCIO 原來喺鑽石山都開左，環境再大啲🥰 同朋友黎食下午茶，傾下計咁幾開心.香煎大蝦龍蝦汁意大利飯 $89煮得飯粒粒分明，包著濃郁既龍蝦汁☺️ 正，且唔會好咸；$89仲要幾隻蝦，抵.意式香辣蒜片雞柳意粉 $78 香辣蒜片意粉係無得輸，有足夠既橄欖油，所以一啲都唔乾，辣度都啱啱好，雞柳都好嫩滑👍🏻.綠茶紅豆麻糬窩夫 $78每次黎都一定會食佢既窩夫🙈 外脆內煙韌，今次呢個入面有麻糬😆 本體好正，配埋雲呢拿雪糕，唔會搶咗抹茶同紅豆嘅味，完美

又黎一間打咭西餐，平日夜晚都算多人有唔同既dinner set選擇甜品都吸引，但今次個胃放唔落，下次再試下🥢 羅宋湯酸甜濃郁，帶有蔬菜的鮮甜，口感滑順而有層次感🥢龍蝦忌廉汁意大利飯伴法式焗龍蝦以龍蝦忌廉汁調味，口感濃郁滑順，搭配上焗烤的龍蝦，肉質鮮嫩彈牙🥢炭燒加拿大3A級肉眼扒(10oz)配時令薯菜七成熟，下次可試五成，口感會鬆軟啲，肉質鮮嫩多汁，有淡淡的牛肉香氣，配上薯條，外層炸至金黃酥脆，內部鬆軟和有濃郁的香氣🍹熱蜜桃茶用茶包沖泡，帶有陣陣香味，可以消滯，略欠小小果味🍹士多啤梨沙冰味道清新而爽口，搭配綿密的冰沙，帶有士多啤梨的酸甜和果香

鑽石山荷里活廣場新開嘅小清新系餐廳 @ocio_kitchen @ohayo.byocio 以木系設計為主，枱與枱之間的距離足夠，感覺上比較舒適🧡Ocio獵人燉肉意大利飯(燴牛面肉 香草腸）$148套餐配蘑菇湯和餐飲 燴牛面肉肉質嫩滑，飯粒吸收了肉香味，每一啖都味道非常濃郁🧡迷你芝士流心蛋燒南瓜煱伴脆皮單骨雞翼 $108呢個價錢係跟餐價，南瓜🎃煱的賣相非常吸引，上面舖滿芝士用匙羹可以一次食到芝士、流心蛋和南瓜混合，口感特別，水水的。我會再把單骨雞翼浸入南瓜煱，多重口感

之前食過 Ocio 覺得唔錯，CP值OK，今日去開鑽石山，所以encore 食下！🔹️香煎海鮮明太子意粉🦐 $148有唔少爽口彈牙嘅大蝦☺️，仲有青口，配明太子醬好夾🤣，意粉口感唔錯，好掛汁，幾好食，跟餐仲有餐湯和飲品(揀咗熱蜜桃紅茶)。🔹️鍋仔草莓雪山熱香餅🍓 $89呢度嘅甜品係推介呀😍，熱香餅好鬆軟，放係熱辣辣嘅鑊仔度，超保溫😊😊😊，配埋草莓果肉🍓、暖暖嘅草莓醬＆仲有一球雪糕，好好食。

#鑽石山美食 #小蓮星呑食鑽石山🔻 Ocio オシオ鑽石山龍蟠街3號荷里活廣場2樓283-284號舖/🧃欖油蒜香辣椒意大利粉 $98另外加$20配咗慢煮雞胸，意粉超級大兜，蒜油包裹住每一條意粉，非常香，仲有辣椒非常惹味，雞胸嫩滑，唔係現成嘢/🧃OCIO獵人燉肉意大利飯 $190Set dinner包餐湯，係好綿滑嘅南瓜湯。意大利飯都係好大份量，個飯軟硬度適中，醬汁味係類似辣肉腸嘅味，食唔停口。牛面頰肉份量好多，煮到好淋，充滿牛味/🧃燒烤醬脆烤單骨雞翼 +$42Set dinner優惠，估唔到會配埋薯條，份量好多，雞翼外脆內嫩，香口惹味，薯條夠熱夠脆//#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

今晚過嚟荷里活搵野食，呢度環境幾小清新同埋仲有好多甜品選擇，set dinner 包湯同33蚊或以下飲品。✨呢個蘑菇湯好滑同埋好香。✨0cio 安格斯漢堡肉全日早餐：呢個all day breakfast 份量十足，有薯餅，扒茄，安格斯牛肉漢堡肉，煙肉，煙三文魚。炒蛋，茄汁焗豆，窩夫。窩夫同埋薯餅都好鬆脆, 最鍾意係大啡菇，面頭有啲蒜蓉,食落好香又多汁， 牛肉漢堡牛味都好濃。✨0cio獵人燉肉意大利飯：呢個飯好好味，個醬汁好濃郁，加埋啲蕃茄仔好開胃，飯粒有咬口又飽滿索滿醬汁。最好味係個燴牛臉肉，食落好軟淋嫩滑。

Ocio獵人燉肉意大利飯 ($148)朱古力布朗尼窩夫 ($78)加配脆炸薯條配黑松露蛋黃醬 ($42)首先講下Ocio獵人燉肉意大利飯，未食之前已經聞到好香嘅牛肉味，非常吸引！！🤤食落口覺得好濃稠，但味道唔會好重，可能係因為加左一啲蕃茄落去，所以食落都唔會覺得好乾。😋牛肉份量都幾多而且好淋，完全唔會覺得好難咬開！加上灑左芝士粉，令到成個味道都多左層次😍😍而窩夫就有4大件，其實真係好飽肚，非常抵食🤣🤣窩夫整到好脆身，味道方面就因為朱古力醬唔算好多所以比預期中冇咁甜。雖然係朱古力味但係都唔算好濃郁，大家都唔使驚佢係太甜就唔敢食，都係幾值得一試嘅！！唯一建議大家可以考慮加多一球雪糕去食，因為4件份量比較多，加多一球就會合適啲，配埋雪糕一齊食就會冇咁乾身😎😎評分：9/10