Ocio (已結業)

brunch來一客all day breakfast去開18gram...不過實在難忍那裡的油煙味同環境嘈雜! 每次食完一定頭痛痛的...在旺角有3間分店的ocio, 又是獨立地舖, 一定會好好多吧~Egg benedict waffle w/ham朋友們都選了大大份的all day breakfast, 我見份量之大有點怕...又想試這裡的waffle, 就選了這款~首先伴碟的薯, 非常驚喜的好! 好新鮮外脆內軟, 味道都好!!! 被我清碟了~waffle也是不錯的, 新鮮即整 (所以也等得較耐) 夠鬆軟~個人覺得比大家喜歡的咖啡弄waffle更好食! 不會死實實又無香味...不過egg benedict的蛋和荷蘭汁就麻麻...(其中一隻蛋更熟了)ham只是普通的圓形火腿, 不過好多差不多有4片以上~另外也試了朋友的德國腸, 超大的一條! 好味的但也吃不下了...食物質素不錯份量也多，一定可以吃飽飽~ 環境也好又不用趕住走...推薦~

今曰難得放假去排dazzling cafe and 咖啡弄...睇黎都係要排個幾鐘,唯有放棄,諗起之前介紹果lee 間,去到見冇人!!點知:Iced mocha 零咖啡味 +$19 轉special drink!All dat breakfast pancake 個pancake super dry!薯角燶哂,腸係正常!Banana chocolate Waffle 好重粉,唔鬆， 冇驚喜Total $160! 去老麥食熱香餅都仲好食👐

下午茶時間人少少,D位都幾闊落,最岩約埋三五知己來聚一聚第一次食鹹窩夫,感覺好好,估唔到窩夫配沙律成個感覺好fresh,窩夫夾埋D肉感覺一D到唔膩個芝士醬芝士得來又唔係好鹹,正!!!薯粒新鮮炸,食落好熱,但炸得唔係好脆窩夫小甜小脆,入邊鬆軟,同其他食材都幾match

今日，特登約左個好耐冇見既中學同學出黎high tea傾計，之前系Instagram見到有friend介紹話呢間cafe咸既又好食，甜既又唔錯，仲可以慢慢坐低傾計，所以就特登黎呢間cafe朝下聖。我地2點幾黎到，間cafe冇咩人，得一兩台客人系都食緊野，個環境都幾寧靜，幾好。我地兩個都唔算太肚餓，所以決定叫一個咸一個甜每樣試試，我地叫左個All day breakfast 同Brwonies Waffle叫左一陣個all day breakfast就黎左，個薯角幾好味，個牛角包都好鬆脆，不過條腸仔冇咩味，有d失色，我冇食到番茄，所以就唔評論啦。跟住就食個個brownies waffle，都幾好味，有d甜但越食越好味，下次可以再一試其他味。總括黎講，呢間都唔錯，不過坐左甘耐，就得一個侍應係度serve我地，2.幾去就話冇咩人仲可以應付到，不過遲d多人就唔知點搞lu

旺角找到好去處。orio由takeaway 做到有實體店，睇住佢大。白色既牆有好多歐洲街頭風景既相，環境非常好,非常舒服。睇下餐牌，先吃正餐。All day breakfast.All day breakfast 非常足料 有齊牛角包 蕃茄 蘑菇 沙津 德國腸 薯粒 sour cream每一單項都很好吃！甜品都有非常之多的選擇，都係以窩夫為主。 玉桂香蕉班戟薄薄既班戟包住暖暖香蕉塊，帶出玉桂粉香味，好味道！鹹waffle 脆香易入口！估唔到鹹食咁正

對ALL DAY BREAKFAST有情意結的我 , 總覺得一次過可以擁有印有我想食的東西, 實在是一件幸福到暈的事 ! 所以今天天氣就算已達33度高溫, 我都冒著溶的危機走過去。 位置比較偏僻, 以我來說, 如果不是刻意走過其實是不會/不可能是偶爾路過的。 走過一條又一條的橫街, 突然會發現有一間門面是歐陸色的餐廳, 有格格不入, 但又有一點清新的感覺, 當時即刻覺得旺角污濁的空氣全消了, 嗅到的是陣陣青草味。 餐廳不算大, 侍應亦不是nice type, 但播放著的純音樂聲浪恰到好處, 令我好似置身於渡假時刻。 Order 了3個all day breakfast, 1個fish & chips. 先講講all day breakfast, 有common的salad菜,炒蛋, 腸仔, pancake, 煙肉, waffle. 炒蛋很滑但不碎, 沙拉菜加了少少醋作調味, 酸酸的好醒胃。 最有驚喜是waffle, 雖然一早已知道這是一間waffle專門店, 但實在太喜出望外了, waffle很鬆軟, 表面有少少脆的, 微甜, 不用加糖漿都有甜蜜味, 不會膩, very good, 不

以前很喜歡ocio waffle，每次到旺角也拉著家姐一起會吃。記得上年，見到它的外賣店結業了，真的覺得很可惜。今天偶然經過，驚覺竟然有換了名的waffle店於舊鋪位置重開，真的很驚喜，於是便試一試。點了一個香蕉朱古力窩芙配朱古力忌廉一直看著店員在窩芙的醬料入面加入香蕉碎就覺得很吸引，然後終於送到手裡。唉，賣相還算不錯，但比以前盒裝切粒的的確少了很多，味道也完全比不上以前的，窩芙是沒甚麼味道的，朱古力的味也突出不了，配上的朱古力忌廉也完全沒驚喜，感覺就很失望。以前那個外脆內軟的窩芙已經不在了，還有那加2蚊就有的雪糕也不知到哪個星球去了。遺下來的，是彷如雞蛋仔口感的迷你沒醬格仔餅而已。

晚餐吃不飽，友人建議找找甜點填肚。記得第一次試Ocio是買團購，當年Ocio剛開業不久，廚房旁邊有幾個站位，事隔幾年店舖重新裝修，站位不見了，客人只好外賣邊走邊吃。今次試吃了粒粒雪糕杯，水準仍然出眾，單看賣相已很吸引。窩夫暖暖的，外脆內軟，雪糕更令人喜出望外，雖然不知道牌子，但從粒粒雲呢拿籽看出不是平價貨色，在旺角有此質素才只是$23，簡直超值。不喜歡翻兜的我會再來的，支持小店！

今日黎左依到,對於鍾意食窩夫既我當然要黎下依到，環境都非常咁唔錯,米白色既牆仲有好多歐洲街頭風景既相掛係到，環境非常好,食西餐或者飯後甜品真係非常之舒服。睇下餐牌，甜品都有非常之既選擇，當然都係以窩夫為主。今次就叫左依原味窩夫同埋一個玉桂香蕉班戟：原味窩夫係Plain Waffle加埋Movenpick既雲呢拿雪糕，仲有依個楓樹糖漿非常好！暖暖地窩夫食落有好強既蛋香味道，食落有軟軟既質感，加埋雲呢拿雪糕，仲有杏仁碎，食落多重口感,真係食唔停口之後食個玉桂香蕉班戟,有個薄薄既班戟,包住暖暖地既香蕉塊，無用到忌廉但有少少雪糕，然後再加埋玉桂粉，食落十分香口,好味道！香蕉班戟卷份量很大,成條香蕉放係你面前,可惜既就係一切開了香蕉同皮即刻分開左 

因為平日去 所以吾算多人 坐得幾舒服😆加上環境幾好 裝修吾錯差不多款款都 $50-70 味道幾好一開始叫左一個意粉幾好味 之後叫左個risotto(芝士飯)但比較硬 (好似話risotto傳統做法會比較硬少少) 可能我個人吾識食 中意食軟身少少之後食得都好飽下 😋😋😋 Btw 個廁所要讚一讚 雖然得一格 但空間寬敞 裝修裝飾得靚✨ 掛左由大畫系度 心擴神怡

難得自己一個人悠閒過，之前一直都係食開佢個窩夫，今次試佢個早午餐。整體來說，款式豐富，睇見都開心，質素幾高。磨茹夠入味,熱度亦夠，令人想食好一點腸夠脆口可惜的是多士一D都唔脆,而且油淋淋環境方面，普通的棕黃色裝橫，但在鬧市當中，的確營造到一番寧靜!!我仍會再黎!!^^

喵星人跟喵奴與友人飯聚後就很理所當然地找甜點吃，本來想到甜牙牙的，怎料到達門口時 超 級 多 人 等 位！大概店外等的人不會比店內坐的人少，所以立即轉場！看看附近也有不少甜品店都還有位置，其中我們就看到店面感覺不錯的Ocio，看到店外的餐牌有All day breakfast和西式甜品，所以就決定試試。原本小店裝修感覺不錯，可惜桌子排得太密，兩張桌走進去之間的距離，給人第一個感覺是「太窄了！我不可能穿得過去！」，是因為店子面積太少迫不得已吧？不過也真是有點誇張呢！(以上為真實對白，聽到之後進店的幾個客人如此說)看餐牌All day breakfast 好像不錯，不過剛吃過晚飯當然吃不下，只點了甜品。點餐時有一小插曲，開始令人留下不好的印象‧‧‧我們一行四人，因為我真的很飽，而且本身不是太愛吃甜品所以沒點，即四人只點了三個甜品，結果下了單隔一陣子侍應又走過說這裡有最低消費(沒說是多少)，我們現在消費不夠，一定要多點一個甜品，但這規矩在餐牌上及店子內完全沒有提過，當然入座時侍應也沒說過，好像坐下了才被迫，感覺很不好啊！結果被迫多點了一個甜品，辛苦喵奴多吃點囉！懷著有點不爽的心情等甜品，不過

第一次寫食評，由呢間甜品開始 開頭因為對面嗰間好多人，又見呢間裝修同餐牌都唔錯，咁就入左去食。。。點知。。。勁失望。。。叫左兩樣野，雪糕。。。好貴，要$1xx，但唔好食，唔特別， 個筒仲要唔脆 個crepe, 賣相幾靚， 不過， 食落都係麻麻地。。。埋單。。。2個人。。2個甜品。。$2xx 應該唔會再黎食。。。另外，想講， 個侍應收碟嘅時候勁唔專業，差d成支叉叉埋黎。。。

見到menu d相好吸引，叫左一份brunch 同一份strawberry and chocolate waffle share. 個brunch 整得有d求其！個煙三文魚同雞扒好咸，而條腸就太淡！用料普通，但係價錢就唔平，要成$83!呢個價錢用料咁差，令人失望！因為我好中意食窩夫，見佢都推介窩夫，所以試左個士多啤利朱古力窩夫，佢仲要話係用movenpick 雪糕！點知個窩夫"林"既，個雪糕仲要好水好稀，一d都唔似movenpick 雪糕，令人非常失望！

位於旺角的餐廳Ocio裝潢帶著點點溫馨的法國情調，米白色的牆上掛上了歐洲街頭風景的相片，環境十分適合吃西餐或飯後甜品。翻過甜品餐單，當中甜品也有不少的選擇，但都是以窩夫為主。今次試了原味窩夫和玉桂香蕉班戟：原味窩夫是Plain Waffle配上Movenpick雲呢拿雪糕，然後加上楓樹糖漿！微熱窩夫帶豐富蛋香味道，嘴嚼時有軟糯質感，配上雲呢拿雪糕，混著剛在融點的雪糕及杏仁碎，實在是叫人瘋狂！玉桂香蕉班戟利用薄薄的班戟皮包著暖暖的香蕉塊，沒有用忌廉但有雪糕作伴，然後再加上玉桂粉，同樣十分香口好味！除了甜品外，Ocio的All day Breakfast水準亦很不錯，有興趣可以來一試喔！