306
16
12
| 餐厅: | Odelice! (新城市廣場一期) |
|---|---|
| 优惠: |
于此国泰伙伴餐厅用餐赚里 ! 国泰会员于伙伴餐厅消费可赚高达HKD4 = 2里数。受有关条款约束。 |
|
条款及细则:
|
|
|
|
影片
开饭介绍
菜式多元化、走巴黎小酒館風格的法式連鎖店，以傳統法國菜食譜為基礎，創作一系列融入亞洲風味的家庭式法國料理。
继续阅读
营业时间
今日营业
11:00 - 22:00
星期一至五
11:30 - 22:00
星期六至日
11:00 - 22:00
公众假期
11:00 - 22:00
以上资料只供参考，请与餐厅确认详情
有关奖赏计划
优惠
| 餐厅: | Odelice! (新城市廣場一期) |
|---|---|
| 优惠: | 国泰会员于伙伴餐厅消费可赚高达HKD4 = 2里数。受有关条款约束。 |
|
条款及细则:
|
|
|
|
今日同朋友慶祝下🎉 咁就同左佢呢一間抵食得黎又好有質素既餐廳 呢間野唔同分店其實我都食過好多次 佢d餐比散叫平好多 而且餐可以配搭既選擇都好多 總會揀到心水既野食$538 𝑩𝒊𝒔𝒕𝒓𝒐𝒕 𝑺𝒆𝒕 𝒇𝒐𝒓 𝟐✨餐湯ꜱᴏᴜᴘ今次既餐湯係粟米湯🌽 每飲一啖都食到好多粟米 加埋煙肉粒🥓更加香✨頭盤 ꜱᴛᴀʀᴛᴇʀ♡法國田螺田螺一共有6隻 烹製時配搭上香濃既蒜蓉牛油 令到田螺個味道好濃郁 而且配上麵包可以降低個油感♡烤牛骨髓(+$30)牛骨髓烤到有d微微焦 迫到牛既油香出黎 配搭埋酸種麵包同埋酸瓜可以平衡番個油膩感 令到呢個菜可以做到油而不膩✨主菜 ᴍᴀɪɴ♡煎鴨肝，油封鴨腿意粉🍝（+$35）鴨肝表面煎到焦脆 入口化開好綿滑 油封鴨腿既表面酥脆肉質做到一絲絲咁 用叉一叉d肉就好輕易叉得開而且又夠淋 ♡阿根廷安格斯牛脊肉（+$55）肉好juicy牛肉味亦都好濃 我覺得加小小鹽去食飯牛肉既原味就已經好夠 亦可以沾上鴨肝白蘭地醬汁 燒薯仔粒🥔表面脆脆地都好好味 另外配菜仲有法邊豆餐廳仲有唔同優惠 真係幾抵食架❗️Happy Hour仲有買一杯送一杯酒 同朋友慶祝就叫返杯紅酒🍷飲下先🍻
继续阅读
見同屋企人未食過法國菜，今日中午經過見呢間有油封鴨腿，之前喺其他店鋪食過好好食想介紹俾屋企人品嚐和回味一下，而且有班尼迪克蛋我都未食過，好想試，所以就入咗呢間鋪試下 當打算叫幾個午市套餐時，侍應話星期一至五冇班尼迪克蛋提供，原因係工序繁複 唯有改叫其他套餐。 最終選咗黑松露雜菌烩飯、法式牛肉漢堡配薯條和香橙油封鴨腿蘆筍燒薯粒。三個餐頭盤要咗個個餐湯、炸黑松露蘑菇球，同埋加錢要西班牙白毛豬火腿（50g）。蔬菜蓉忌廉湯：入口好香菜味同好creamy，另外加係湯嘅金華火腿粒帶少少鹹香炸黑松露蘑菇球：新鮮熱辣炸起勁熱，外脆內軟，好香黑松露味西班牙白毛豬火腿（50g）：冇得輸，鹹香啱啱好恰到好處，好好味黑松露雜菌烩飯：整個飯好香黑松露味，飯粒硬度恰到好處。 唯一係鹹咗少少法式牛肉漢堡配薯條：薯條好脆，牛肉漢堡入口好juicy多汁香橙油封鴨腿蘆筍燒薯粒：鴨腿有香橙味，但有少少鹹 而且鴨肉質唔似我在其他食店，入口唔使用力即融嘅感覺，呢間要用少少力咬，比較遜色，蘆筍比較老有啲渣呢間法國餐廳唔算上等衹係普普通通，而且啲位有啲逼枱面唔夠大，叫多幾個餐就冇位放
继续阅读
Odelice 位於沙田新城市廣場嘅分店採用了半開放式設計，餐廳周圍放置了花草🪴怖置，魷魚置身法國巴黎街頭嘅餐酒館感受到浪漫🌹愜意嘅vibe👍🏻一貫對於法國菜嘅印象都係價錢比較貴，Odelice 有別於其他餐廳，主打家庭式法國菜，以親民價錢就可以品嘗到地道法國菜😌另一大讚嘅係店員嘅服務相當到位，會留意👀食客嘅需要同進食速度，好以安排下一道菜👍🏻👍🏻除咗a la carte menu ，仲有2-5人晚市套餐可以選擇，無論二人晚餐定家族朋友聚會都非常適合🈴我地今晚就揀咗二人晚市套餐，任選兩款小碟，兩款主菜連餐湯及餐前小法包🥖法式點心拼盤拼盤有6款小食點心，法式醃蘿蔔爽爽脆脆，沾上秘製醬料一齊食，別有一番風味☺️西班牙火腿鹹香十足，迷你蛋批同蟹肉塔，細細件一口size 好方便，炸黑松露蘑菇球係小妹最愛，外脆內軟👍🏻👍🏻巴黎式芝士蛋糕🍰芝士蛋糕較一般更濕潤，入口順滑綿密，配上酸酸甜甜嘅紅莓醬，平衡芝士嘅甜膩感。再配上額外加配嘅XTC雪糕，冷熱搭配更加滋味❤️原隻烤龍蝦🦞原隻開半龍蝦面頭鋪滿芝士同芥末荷蘭醬，邪惡感十足🤭龍蝦肉爽甜超級新鮮。記得用埋餐廳提供嘅拆殼用具，大大隻龍蝦鉗入邊仲有好多龍蝦肉🤭仲附上即叫即炸粗薯條，都唔使另外再嗌小食😆阿根廷🇦🇷安格斯牛脊肉 7成熟安格斯牛鄭肉熟度剛好，外面煎到焦糖化而入面仲係粉紅色，切落去啲肉汁即刻流晒出嚟😆😆淨係睇到流晒口🤤🤤沾上鴨肝砵酒醬汁更滋味，伴碟嘅燒薯粒同埋烤蘆筍都唔可以錯過👍🏻
继续阅读
呢間餐廳原來有五間分店, 今次就試下新城市廣場既分店先, 佢係走巴黎小酒館風格的法式餐廳, 以法國菜為主, 餐廳以藍色格調和外圍有花草群作裝飾, 裡面感覺優雅, 坐位舒適。晚市雙人套餐 $538包括有兩個頭盤 + 兩主菜。Starter/甜品，可以各一，或者兩個頭盤/兩個甜品都可以, 自由選擇~*餐湯甘荀打蓉製成既濃湯, 湯好濃郁又夠熱, 好飲。配埋小法包, 牛油加左小小鹽, 更有味道~*法式點心拼盤拼盤6款小食各有特色, 小蘿蔔仔好得意爽脆, 點埋特別醬料一齊食, 好有新鮮感, 香濃迷你蛋批和蟹肉他他塔唔錯, 西班牙火腿有鹹香味, 外酥內軟的炸黑松露磨菇球我就最喜歡, 黑松露味道香濃~*煎鴨肝，油封鴨腿意粉 (+$35)鴨肝煎得外脆內軟，食落濃郁, 鴨腿拆肉, 不會太咸, 意粉軟硬適中掛滿忌廉汁，好creamy。*油甘魚海鮮鍋
包括有油甘魚，黑青口，蜆同薯粒。個海鮮濃湯汁味道唔錯。*芒果，紅莓醬可麗餅-椰子雪糕可麗餅上面鋪滿鮮甜的芒果粒和塗上紅莓醬，加上很香的椰子雪糕，味道有層次。我自己完show後, 當然要飲番杯酒開心下啦, 叫左杯 House White Wine, 要fruity啲, 店員介紹左(Nuala)俾我, 唔錯, 好香又易入口, 朋友就叫左杯花茶飲(ChamomileTea)~呢到整體服務良好, 會再次光臨試下其他食物。
继续阅读
[ Odelice! ] 假日同朋友嚟到Odelice!食野，餐廳供應Brunch Set價錢相宜，有齊Starter + Main + Drink，好啱同朋友邊食邊傾💬。Starter✿ 生牛肉他他牛角包 +$20生牛肉份量充足，用酥脆牛角包🥐夾住食，口感豐富。✿ 法式三文魚醬 酸種麵包 +$25酸種麵包🥖有淡淡麥香，同三文魚醬一齊食用都幾夾👅👅。Main✿ 鱸魚海鮮鍋🥘🥘 $170海鮮鍋有煎得外皮香脆嘅鱸魚🐟、黑青口、蜆、薯粒，沾上香濃海鮮湯汁。✿ 澳洲牛胸腹扒 $175牛扒🥩煎至七成熟，牛味香濃。燒薯粒🥔🥔烤得非常香口。Drink✿ 蜜糖生薑特飲 +$18✿ 凍檸檬茶✿ 朱古力合桃布朗尼🍫 +$48Brownie整得甜度適中，再加上特濃咖啡奶油糖醬&雲呢拿雪糕🍦，多層次味道。✿ The Burrata 流心水牛芝士 +$95西班牙火腿配上水蜜桃、火箭菜、樹莓油醋汁，味道清新🌿🌿。總結🫦整個套餐用料豐富，仲可以額外追加小食/甜品，選擇多元化👏🏻👏🏻。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Odelice! 地址: 沙田沙田正街18-19號新城市廣場一期6樓628號舖電話: 25202266✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
继续阅读