Oliver's Super Sandwiches (已結業)

老實講, 我係從來唔會入e間野食，因為我唔鐘意食sandwiches, 直至到今日，我先知原來super sandwiches可以係完全同sandwiches無關😂 d野食仲好好味添！話說本身係想去又一城food court食，但人真係多到一個點，而其他choice又好貴，唔知食咩好之際，個frd提意食一間，平時嘅我真係即刻反個白眼🙄️，但因為我地真係好肚餓又無曬choice,就死死地去，點知一入餐廳，e？又有pasta又有焗薯，咁正嘅喂，好多野想食，價錢又唔係超貴，第一次對e間野有咗新嘅睇法！ 係好好味嘅焗薯仲有芝士pasta,都超好味呀加咗個薯條小食

下晝嚟到又一城，又唔想食啲heavy野，簡簡單單叫咗個魚柳餐。個黑松露炒蛋有驚喜，好大碟好香口，黃澄澄，應該冇加好多鮮奶，屬於蛋味好出嘅煮法。加埋杯奶茶都喺50上下，非常抵食。

小編阿媽教落唔可以話啲食物難食，因為咁樣係無衣食，但係呢個意粉真係...唔話佢難食唔得本身諗住同朋友平平哋食個lunch，點知呢度啲三文治全部都$6x-$70起跳。咁諗住意粉平啲就食意粉算，點知質素差到咁。啲意粉同個汁好明顯係分開煮，因為個汁係就咁淋上去。啲意粉好硬，同埋係食完會好滯胃嗰隻。朋友嗌左carbonara, 我呢碟就係白汁三文魚蜆肉。兩個汁都冇乜味，我呢碟啲料係多，但啲蜆肉基本上都嚼唔開。呢度嘅意粉基本上淨係可以用黎醫肚。上次係lunch time去，好多人，等左陣位，但唔明點解會有人食

喺九龍塘學完車，有未婚妻過嚟陪我食早餐💕，本身想入去城大入面嘅餐廳搵食，不過眼見就快過11點，驚去到冇早餐，所以留咗係又一城搵食。今次就揀咗食Oliver Super Sandwich。我就點咗份蕃茄🍅炒蛋拼Pancake🥞薯仔粒🥔。炒蛋炒得唔錯夠滑，不過蕃茄略嫌酸了一點，影響咗蛋嘅味道。Pancake薄薄哋好易切，但薯仔粒就有點硬，煮耐啲效果會比較好。整體合格，不過下次來又一城食早餐會試下其他餐廳先。

📍Oliver’s super sandwiches相信好多人都食過呢間，通常食佢焗薯同三文治，出呢個post呼籲大家不要試佢d burgers ,pasta ,芝士薯條，豬手😖佢隻豬手好似啲豬肉湯渣口感同味道 賣$140好味指數： 1️⃣2️⃣3️⃣4️⃣5️⃣5.5 /10分回頭率：60%地址：Oliver's Super Sandwiches 地址: 九龍塘達之路80號又一城LG1-01A#hkfood #hkfoodstagram #hkfoodieblogger #hkfoods #hkfoodielife #hkfoodie #hkfoodpic #foodielife #foodies #ctfoodie#hkfoodshare#cteateat#cteateat_九龍塘篇#oliverssupersandwiches

跟朋友在又一城逛一下，不同的食店都非常多人排隊，而這間餐廳位於又一城的旁邊，人流不算十分多，因此帶着疲倦的身體進去食午飯。餐廳提供不同的套餐，今次點了炸魚柳配薯條和芝士肉醬三文治多士。炸魚柳雖然大份，但肉質不是十分結實，用刀切一下就會散開，不會影響味道但十分困難去吃。炸薯條不過不失。肉醬芝士多士雖然味道不錯，但咬下去的時候肉着就會流下，令人吃得非常尷尬。價錢上，不算經濟實惠，但位於大商場內，已是一個比較便宜的選擇。

有時想食個快靚正嘅lunch經過super sandwich都會行入去不過其實佢嘅食物質素唔可以話真係好好但係快餐西餐你講係ok嘅今次食咗個意粉海鮮可以在新鮮啲希望佢哋慢慢會改善越嚟越好喇

今日難得Family day,到九龍塘上車去農莊之前要補充能量。選了Super Sandwich，一間中檔次的老外快餐店。說了是快餐，雖然坐位已滿，但十分鐘左右便等到位了。煙肉焗薯每次吃Super Sandwich一定會想吃他們的焗薯，因為薯香很濃，而且他們會有厚厚的芝士鋪面，吃一個不太飽，一定要加多一客主食。忌廉汁三文魚蜆肉意粉除了焗薯之外，必點的是這意粉!多汁又多餡料。但是鹹了點….

今日放學去食lunch，喺又一城附近所以就去試吓Oliver’s super sandwiches嘅set lunch。佢個set lunch包括有一個主食、一杯熱飲或者湯。而lunch嘅選擇亦都幾多，有意粉、三文治、焗薯同沙律揀，我就試咗個黑松露桿菌菇扁意粉套餐，嘢飲方面就揀咗即磨咖啡！意粉方面，黑松露個味道好重，但係食落味道就唔係太突出，應該調味要重啲！而嘢飲方面，咖啡就幾好啦，因為佢係即磨嘅原因，佢有一個好重嘅咖啡味！佢呢度嘅形式係先自己去俾錢，然之後會有人送餐過嚟。餐廳環境亦都幾好，非常寬敞，亦冇時間限制。

星期六早上，相約好友吃個早餐，見見面。大約9:30到達，還有一半空位，到收銀處點茶，特意問奶茶是否還有英式(有茶包嗰種)，因為有些分店已非常入鄉隨俗地只提供港式奶茶，大煞風景。幸好這分店兩種奶茶也可供選擇。滿足地點餐後，分發了一個圓形的電子東西放有枱丄特定位置，侍應便會將早餐送到。點了個磨菇炒蛋、早餐腸、煙肉、多士，我將炒蛋轉了太陽蛋，煎得恰到好處，蛋黃很滑，煙肉不太油，多士就有點硬，我將牛油和果醬同是塗於其上，是我最喜愛的吃法，平凡多士變得不平凡

行經過望到呢間cafe諗唔到食咩就試下新野！入面鋪頭細細，但好有風格！此處的早餐選擇頗多！牆壁Menu有埋圖，一清二楚！而今天想吃最普通的英式早餐！輕盈早餐全接觸⋯⋯云云的材料之中包括炒蛋及茄汁豆！番茄片，腸仔，牛角麵包一於來一個仿西式早餐。炒蛋，但我又唔覺得滑！普通炒蛋味道，而且偏向淡口！腸仔香口少少鹹！我用來夾牛角麵包剛好！番茄也不錯，美味可口！茄汁焗豆是最為普通的罐頭食品！但至少也是大方的下了一大堆！豆吃起來粉粉的！配上甜甜的茄汁味！也是不會難吃的！牛角麵包也是烘得微脆而內部鬆軟的！塗上了點牛油也當然不會難吃的！最後當然要試一試這兒的即磨咖啡！是即磨的，但就是普通咖啡的濃度！喝起來有香味，也已經算是交足貨了！雖然不算很有驚喜 但都好足料好飽肚！

休閒的假日...........在商場的一間cafe......人流很多........等了一會位.......燒雞肉焗薯........味道不淡......挺開胃的...👍🏻👍🏻👍🏻焦糖海鹽咖啡.......味道適中..........👍🏻👍🏻👍🏻👍🏻三文魚碎蛋.............健康的感覺....很fresh👍🏻👍🏻👍🏻還有好多種類嘅焗薯....下次再試其他款！

今日有野要黎九龍塘做，所以晏就選擇左食super sandwich，貪佢夠快又高質素。叫左個新奧以良雞肉焗薯配凱薩沙津，仲有白汁蘑菇湯。個湯一d都唔稀，好重忌廉味同有頗多蘑菇。焗薯無諗到咁大個，上面既配料都好多，雞肉好大件又多汁。不過凈係食個薯仔都好好食，最後我連薯皮都食埋，好飽！

好想講一句我實在係Olivers嘅忠粉, 早餐真係大件高質夾抵食👍🏻 好可惜新城市嗰間無左😫 今朝特登出又一城同fd食早餐, 梗係食久違了的Olivers🤩甘筍忌廉湯螺絲粉‧紐倫堡腸‧炒蛋‧烤蕃茄‧薯餅‧多士, 即磨咖啡即叫即整嘅炒蛋好滑, 無話一攤油咁. 蕃茄一如以往都係juicy厚切, 兩面都grill一grill鎖住d蕃茄汁唔會一碟都係. 德國🇩🇪名物紐倫堡腸肉味濃, 望落好似好多香料, 食落又無咩肥膩感. 我最鐘意食嘅薯餅係剛炸起der(為左唔食林嘅薯餅已經好耐無食過M記), 2片烘成金黃的麥toast, 好豐富🤤好健康朝早食野份量是不設quota的. 螺絲粉食左咁多次都係熱辣辣的, 而且無chi住一舊舊, 條條分明; 甘筍忌廉湯打得好滑好好飲, 仲好健康呢 //胡蘿蔔🥕素up// EAT IS HOT嘅即磨咖啡☕️香味四溢, 習慣唔落糖嘅我, 飲落感覺好smooth好香👍🏻真心希望馬鞍山可以開返間👉🏻👈🏻開喺邊個位相信大家都會衝去幫襯😋

同老婆喺九龍塘又一城行街 咁啱又到咗下午茶時間 就周圍睇下有咩食 去到一間餐廳門口見佢入面有好多人 所以就去睇下裏面有啲咩食 我同老婆每人叫咗一個餐 ，有碎蛋沙律焗薯 同西蘭花芝士焗薯 ，每個餐都會跟一個碎蛋沙律牛角包 ，餐湯方面有意大利雜菜湯 同磨菇湯嘢飲方面叫咗杯凍岩鹽咖啡同埋凍朱古力啡 ，意大利雜菜湯個湯好濃 蘑菇湯就香 ，沙律牛角包好好味個包好軟熟啲沙律好好味， 佢個焗薯好香另外仲有嗰個西蘭花加咗芝士喺上面好吸引 ，如果大家經過可以去試下。