One More Hotpot 來一鍋 (已結業)

家人生日, 來了這家位於商業大廈的"來一鍋"滾滾佢.此店的晚市火煱套餐有海鮮及藥膳兩款選擇. 初來還是選了個海鮮鍋, 配花膠螺頭雞湯底. 你看!! 一來海鮮頭盤已驚喜萬分, 龍蝦, 廣島蠔跟大蝦都好有睇頭, 加上鮮味十足, 來個好開始.湯底濃郁, 真的有落花膠, 但想撈起拍照時, 因為滾了一段時間已經融在湯中, 滋味雖有在口中慢慢品嘗.這兒的其中一個特色是紅白餐酒任飲, 既然是慶祝生日, 咁一定要高高興興碰下杯, 配海鮮簡直一流享受.火煱一定要有肉片, 但相當頭盤的一大盤海鮮, 肉類中的羊肉片, 丸餃類的松露丸比較出色, 其它的都算是普通, 但每一人的份量其實都很足夠.其次, 店內有自助區任添任食, 熱暈, 糖水, 飲品及普通火煱料甚麼都不缺, 頭盤吃不飽, 自助區必能滿足你.自助"混醬區"有"老干媽"醬, 很能吃辣的家人說很夠味, 我就不敢多試了; 不過有生蒜熟蒜麻醬火煱醬油樣樣不缺, 滋味滿分. 另外, 必須介紹的是, 這兒有八款菜可以選擇, 雖然不全是貴價菜, 但樣樣新鮮已經加晒分. 當晚以唐生菜, 娃娃菜最清甜, 油麥菜最清脆可口, 加埋火煱精華滾一滾, 又是一絕.晚市放題任飲

好耐冇食雞煲咁岩有朋友係銅鑼灣附近就一齊去食呢間開係至尊重慶雞煲隔離 打對台價錢一樣就入黎試下裝潢ok環境都乾淨除左雞煲外出面可以任拎食物打邊爐飲品除左罐裝汽水外可以任叫台式特飲雖然賣相味道一般 但算多個選擇雞煲以洋蔥居多 雞肉都足夠有肉位有骨位雞味都可以接受我地2個人夠食辣度都可接受打邊爐既食物選擇都足夠有個拉幕蓋住食物區比到一種注重衛生既感覺仲有少量海鮮類例如蜆雖然我地食既時候比較少人不過唔知係咪坐卡位原因比較難叫到staff

餐廳有兩種任食火鍋可以揀，一種係海鮮盤拼主菜加肉類，而另一種就係藥膳火鍋拼。身為中藥控嘅我，梗係揀藥膳火鍋！濃濃中藥材，人蔘、淮山、紅棗香噴噴，加埋滋陰烏雞！主菜有炸物、餃類同丸類，樣樣新鮮，特別推介彈牙之墨魚丸！肉類揀咗安格斯牛頸脊，份量都唔少，最緊要有牛味！餐廳設有自助凍櫃，唔同雜菜、丸類同麵類一應俱全！特別推介蟹子丸、腐竹同薯粉！食到最後，就係中藥材精華，可以當湯感飲，味道非常濃郁！飲品都係任叫，揀咗比較特別嘅熱洛神花茶，酸酸甜甜，好開胃！

最中意打邊爐嘅我嚟咗呢度試海鮮鍋，本身係想試藥膳鍋嘅，但係朋友頂唔住藥嗰陣味所以食返正常嘢啦，我覺得啲海鮮都幾鮮甜大大隻，至於個煲都好得意我第一次試咁樣嘅火鍋下次可以再嚟啊！

今晚和朋友慶祝生日， 咁梗係要搵間好嘅餐廳食啦朋友喺銅鑼灣返工，又超級鍾意食海鮮，所以就揀咗呢一間來一鍋去試下呢度嘅海鮮火鍋我哋叫咗呢個388蚊一位嘅海鮮火鍋套餐，佢有六個湯底畀我哋選擇， 花膠螺頭雞鍋 第一次見用木桶做湯底，濃湯經過底部再由側邊流出，好似睇住泉水湧出一樣。原來咁樣可以隔走表面的油，熬出來的湯鮮甜可口，湯底用料十足，花膠螺頭數量不少，雞件新鮮肉嫩，仲加了紅棗杞子，活血養顏。店員同時送來兩杯白酒，原來餐廳除了有一般汽水啤酒外，仲有紅白酒添！

這間餐廳主打養生鍋，$298一位。所有鍋底都感覺很養生健康，很難決定呢！最後決定點鴛鴦鍋，一邊是花膠螺頭藥膳雞鍋，另一邊是人參雞鍋。一開始當然要嚐嚐湯底，湯底很鮮甜呢。兩邊湯底都很足料，人參雞鍋可見有半隻雞！但個人偏好花膠湯底。主菜非常精緻，全部都是自家製的，有手打肉丸和餃，個人特別喜歡手工安格斯手打芝心牛丸。另外牛肉/豚肉/羊肉可任添。牛肉挺新鮮呢。配料區有各種常見的配菜，都是任取的。有數款熱食，香芋丸不錯。飲品選擇多元化，有即場調製的熱飲，還有飲品櫃。甜品有驚喜！有奶茶和朱古力奶凍，不會過甜，不錯不錯。

今日公司由早開會開到收工，午餐也是公司吃過飯盒就算，真的開到人也憔悴起來。 好在越開越順，終於搞掂可以準時收工，令人心情也大好。 同事建議去來一鍋吃過藥膳火鍋，聽到可以補一補，真的不用諗就即去。可選擇藥膳或海鮮系列火鍋擺放自助食物環境乾淨丶明亮丶整㓗選了花膠螺頭藥膳鷄鍋，是用原個木桶蓋上蓋送上枱。 煮至大滾後打開蓋，即可見到湯底十分足料，內有半隻大鷄丶䶢豬肉丶花膠丶螺肉及滋補藥材配料。即時喝碗靚湯底補一補自助食物質素幾好，食材夠新鮮。跟餐送上牛切安格斯牛頸脊肥牛片丶手工餃及手工丸。吃飽後，甜品當然唔少得。

和同事星期五黎個火鍋聚一聚，訂好位，用app訂仲有85折，地點好易搵就喺Times Square 附近，上到去先知之前都食過一次，不過印象都係好味。呢個邊爐有藥膳套餐同海鮮套餐兩種，我地兩個人可以揀一個鍋，花膠螺頭雞鍋，一上枱已經有好香嘅藥膳味，個鍋仲好特別添，店員見到我地有啲驚訝，就同我地介紹呢個係杉木鍋，入面有半隻雞，幾塊厚花膠，同紅棗，人參，杞子等嘅藥材，仲有啲龍眼肉。個手切安格斯肥牛片，好正。雪花分佈好好，食落好嫩滑 高汁！兩個人食都夠。

同朋友星期五黎個火鍋聚一聚，訂好位，用app訂仲有85折，地點好易搵就喺Times Square 附近，上到去先知之前都食過一次，不過印象都係好味。今次我地4人安排左一個cart 位，埋位就揀海鮮要唔要，因為只有2個任食價，我地揀左$298（唔海鮮），之後揀個湯底養生花膠雞。待應拎住一個木筒過黎，一睇點解會咁既...原來係餐廳新玩法，但只限cart 位檯，因個爐夠深。位待應哥哥解釋，筒裡面有幾個氣孔，一陣水滾會噴蒸氣，啲湯好清唔會有油😄。果然👍🏻 呢個第一次見，食物都係可以，會再去試

收工同個fd慶祝生日係銅鑼灣想打個邊爐揀左one more 來一鍋差唔多八點到 好彩有位佢有兩款套餐 一個係養生d 另外係連海鮮餐我同個fd唔太好海鮮 所以揀左298果個揀左花膠螺頭藥膳雞鍋 再加手切安格斯肥牛片 其他果d係set定左 一上個鍋 不得了 個藥膳煲好正好足料 有半隻雞 仲有好幾舊花膠個湯勁豐富 未開始邊爐 剩係飲個湯都好滿足🤤🤤🤤個手切安格斯肥牛片 好正 雪花分佈好好食落好嫩滑 高汁！兩個人食都夠 丸同餃子都係Set黎D丸係幾唔錯 幾彈牙 有咬口 全部手工製  依點好欣賞 另外最後有響鈴同魚皮 都不過不失出面雪櫃都有好多選擇 大路邊爐有既配料都會有 比較正既係鮮魚片仲有大量唔同種類既菜可以揀野飲都係啤酒汽水果類 值得留意既係熱野都有 要另外係紙點 仲有紅白酒揀我地揀左白酒成枝上 都易入口下 不錯兩個人食到勁飽 佢本身個set份量睇黎唔多食落真係好夠 最正真係佢個湯人均加埋一先300多d 好合理題外話 依度服務好好 開頭諗左好耐要揀食咩後來有店員黎講解一下個set 再好貼心幫我地睇個鍋同加湯服務好好👍🏻

Wow wow wow今餐真係不得了，食海鮮食得超開心！黎到銅鑼灣的One More Pot，位置不算很顯眼，鵝頸橋的隔離，要上兩層樓先到~呢到有兩個set，一個有海鮮一個冇，見親都話海鮮正，當然就選有海鮮的啦，仲有一set set的手工餃，呢啲就冇得refill，其他配料同熟食就可以自己出去拎近門口有兩個大凍櫃，講真食材選擇唔算好多，但想講呢到啲丸類真心有驚喜，平時我打邊爐係唔會點食丸，今次都encore左幾次，其實每一隻款都唔差，其中的魚腐麻糬比我之前在牛一食過的更好吃! 另外仲有花膠都係任夾，女士們表示高興😆鍋底上到！我這個是胡椒豬肚湯，超超超超足料lol，個底勁大股胡椒的味道，有好多塊豬肚加豬骨，我真係第一次見咁多料😂啲豬肚仲要係好吃的，我地都清曬豬肚。順帶一提，我見到隔離檯個鍋係木筒來的！唔知係有咩湯底呢~海鮮殺到！想講真係超澎湃，特別是有龍蝦、超大隻生蠔、超大隻鮮蝦。所有海鮮都10分新鮮，特別是龍蝦，煮得剛剛好就超有彈性和鮮味，真係食得出是新鮮貨，加$100食海鮮拼盤絕對是超值的，認真好吃😋你睇下呢隻龍蝦有幾大！！！安格斯肥牛殺到！認真，在強大的海鮮隔離它真的是失色了，但不

Cwb揾食容易，但要又平又大碟就真係唔容易。食過大型商場的餐廳，有時都鐘意去下樓上店揾下好野食。而今次就試左呢間任食火鍋。成人$298一位加一，價錢都合理。有得任飲紅白同啤酒，真係好吸引。有時放左工想吹下水，間唔時去bar飲一杯都唔平，呢度有得食又有得任飲，真係好正！枱上個牌寫左紅白酒都係黎自法國，入口易，白酒唔酸，紅酒不會澀口，果真不錯！啤酒有hite，我朋友成餐飯飲左四罐，真係好爽。餐前小食有單邊炸雞翼，好正ar今次選了花膠螺頭藥膳雞鍋，上枱個煲已經好誇張，竟然係木桶特別設計，打咁耐邊邊真係第一次見。個桶好新淨，唔會又黑又舊，食得好安心。個煲個設計好得意，旁邊有幾個出湯位，可以去油去渣直接不湯黎飲，呢個設計用黎食藥膳鍋就真係好好啦，呢間餐廳好足料，d湯又濃，有時不湯真係唔容易。呢個設計可以自動不湯，大讚！個煲的設計其實都係配菜，最重要都係食物質素，個煲一打開蓋，成半隻雞在煲，真係睇落都知啖湯正，一路煲越來越濃，飲左勁多湯都唔口渴，冇問題ar!個set自動上菜有一大碟自家制手工丸類，真係好台式火鍋feel.味道都食得係新鮮整落，用料充足。當中我就最鐘意炸蝦乾墨丸，蝦乾夠惹味，墨丸味道

今日放工嚟到銅鑼灣，突然之間好想打邊爐！但係打邊爐之餘又想食海鮮，記得朋友推介呢間海鮮火鍋係好唔錯嘅，於是就食啦！因為今日係平日嘅關係，所以都唔算係好多人等緊位，我哋未夠7點就黎到，所以唔駛等就入得～真係分左普通藥膳火鍋，同埋海鮮火鍋！藥膳火鍋$298 ，海鮮火鍋$388～我哋嚟緊目的就係想食海鮮咁就梗係揀海鮮火鍋啦！醬油同飲品都係喺出邊拎嘅！佢仲有一啲任食嘅火鍋材料：例如係丸呀、菜啊、同其他大路嘅打邊爐材料!等左一陣攞就嚟咗啦！海鮮有龍蝦、一啲貝殼類同埋蠔～仲有響鈴、炸魚皮、特別丸同埋餃～同埋安格斯牛，呢d就冇得任食～海鮮果然係好新鮮同鮮味！ 淥到岩岩熟就拎上黎食係非常之彈牙！貝殼類都冇沙嘅！安格斯牛方面呢就非常之牛味！佢另外有肥牛可以任食咁就同職員講聲佢就會拎俾你！咁安格斯牛就當然係好食過肥牛啦～但肥牛以任食質素黎講都係相當之唔錯！其他丸呀響鈴呀炸魚皮呀，都係非常之咁出色！總括來講，今餐真係非常之滿足呀！

上星期天到訪來一鍋，地點方便，不過要行十數級樓梯。因為外面正下大雨，我們五時多便到餐廳，當時店內未有客人（開門時間為5:30pm)。店員十分歡迎我們先座下，並為我們開電視、開冷氣，甚至先取飲品，十分貼心。我們選了冬瓜白肉卜卜硯鍋，想不到是用木鍋，鍋內還有噴泉不斷過濾湯底。鍋底十分足料，待滾後先嚐一口湯底，十分鮮甜餐牌寫可選一份黑豚豬/安格斯牛/羊，我們選了安格斯牛。大大碟，有牛味餐單還配了以上食物，份量按人數。值得一提魚皮和響鈴是新鮮即炸，跟一般餐廳的用料不同，特別香脆以上海鮮也是按人數每人一份。每種海鮮也清洗乾淨，十分新鮮。吃完以上配料基本上也差不多飽了，但仍有各種丸類/菜/蟹柳/出前一丁等自助形式無限任吃，飲品連紅白啤酒也是無限任飲。最後甜品也是自助無限吃，有牛奶/咖啡/朱古力布甸，個人覺得牛奶味最出色埋單2人$670，2.5小時銅鑼灣區海鮮火鍋來說，也是合理。

今晚同朋友兩個人黎呢到打邊爐。我地約左六點半，未算多人。餐廳裝修闊落，空間夠大。餐單上寫哂套餐既湯底同配菜。我地叫左海鮮火鍋套餐，湯底要花膠螺頭雞湯。因為我地有兩個人，可以送一份靚肉😍我地揀左西班牙黑豚肉。除左餐單上既食物，出面仲有自助吧，可以隨便拎野飲野食，當然唔少得調埋個醬汁👍🏻過左一陣店員就開始上火鍋同配菜。個火鍋好特別😂入面有幾個窿，一滾d湯就會係個窿走番出黎，重點係個鍋一d都燙手，但熱力好夠，d湯好快就滾。海鮮拼盤，有龍蝦🦞另外仲有大蝦、蠔同象拔蚌等，好正😍龍蝦啖啖肉，蠔都好大隻！另外仲有炸魚皮、響鈴同好多手工餃同丸，全部都好好食。最特別係釀青瓜同油炸鬼😂食完呢個套餐其實已經好飽，但唔夠既話又可以出去再拎，好抵！