Panash (已結業)

        當天咁岩係9折日,所以買左不少麵包當下午茶來吃~朱古力紐紋棒那種甜味不只是朱古力咁簡單,仲有蜜糖,蔗糖的甜味!YUMMY!但食落又唔會好甜~麵包軟熟的~個麵包外皮微脆的~而麵包面上的朱古力凝結為固體~鄉村軟麵包本身很喜歡吃這款軟林林的包~共8片.很厚身~有少許鮮奶的香味,很不錯~但就無A1麵包果種煙煙「UNUN」的口感~杏仁酥皮條第一次買呢款麵包,白古力部份就略為甜,而杏仁焗到脆卜卜,特登揀個多D杏仁O既呢 真係好正架~麵包脆脆的口感,很好吃呢~~雙色軟包DOUBLE TASTE發現全部這款麵包的到期日也是明天,不過又想食,所以照買1包快快口食左佢,而咖啡味都幾濃香~又唔會有很大的苦味,軟軟的~麵包面頭有少許細細粒甜甜的東西很好吃~

好開心荃灣廣場開了這間麵包店, 此間麵包店的麵包美味之餘又新鮮牛角酥鬆脆大個, 一咬就知係用了好多牛油, 真材實料朱古力扭紋甜甜地, 配上d 朱古力醬, 好match腸仔包條腸仔個皮好脆, 配上鬆軟的麵包, 又是美味細味軟包是4個裝, 食落去甜甜地, 最緊要係好鬆軟, 做breakfast 一流現在我Sat, Sun 都會買朱古力扭紋來食, 支持Panash !

實在很喜歡買d脹卜卜的麵包,真係好吸引!!每次假日總是人頭湧湧在這間麵包店買麵包呢~買左1個北海道牛乳包很香的鮮奶味,好軟綿綿~吃很多也不會過飽~當然有正常的飽肚感呢~回家人share is the best choice!!! 下次再買過~~~

來到荃灣不太想吃太多，去了panash買包食。可能是非繁忙時段，啲包已經放涼了。薯蓉包，包身有點硬，上面放滿薯蓉，有牛油同香草焗過，好香口，可是有點過鹹，如果熱食同配碗餐湯就一流。炸日式薯餅漢堡包，又係凍左所以炸物過了氣，不過唔油，配上生菜同沙律醬好好味，芝麻包好香口，唔錯。十幾蚊個包，細細個，似乎略貴了點。此處的包未至於一試難忘，只能稱上不過不失，未到非吃不可。

今日難得出去荃灣, 經過Panash, 比佢啲麵包香味吸引住, 於是就買左兩個包食, 食完之後發現真係好好味！！Panash 既麵包望落下個個都好靚, 好可愛！女仔見到驚呼「好得意」！我買左一個朱古功鬆餅, 睇落已經好似好好食咁。但係通常啲外觀靚都會太好食, 所以其實我冇抱太大既期望。但係佢唔止無令到我失望, 反而仲令我覺得驚喜！呢個鬆餅真係好！好！味！佢既口感好好, 鬆中帶點軟, 朱古力味啱啱好, 真係又靚又好味！不過價錢有啲貴, 好似都要$8, 但係我覺得佢既味道, 呢個價錢算抵！可能我食過既鬆餅唔多, 所以compare唔到, 但係呢個都算好味！我同個friend share 黎食, 佢都覺得味道好。我買既第二個包係咖喱包(佢個名我唔記得啦, 反正就係一款有咖喱餡料既包~), 佢既味道都出乎我意料地好食。由於真係冇料到佢會咁好食, 所以無影到相就食左, 而且佢好順口, 所以我會忍唔住一口接一口咁就食晒啦！可惜.. 咬第一口已經見到入邊既咖喱餡, 佢唔似得有啲鋪, 包入面既餡料放得幾少就幾少, 呢個包入面係有多餡料！當然, 佢既餡料並唔會過多, 配埋佢出面既包黎食真係好好味。我本身

一早來到荃灣工作, 時間緊迫唯有到店內買一個麵包邊行邊食.最愛此店既合桃忌廉芝士包, 中間既CREAM CHEESE夠多加上外層有少少砂糖面又有合桃肉, 帶少少甜甜地, 這款包又唔會係鬆軟有少少似SCONE既口感, 所以食一個都已經好滿足.

HAPPI FRIDAY 。。。NO Gathering。。 NO Party 。。LONELY FRIDAY 歸家途中，心血來潮想買點飯後甜品，以作一星期辛勞工作過後的甜點慰勞自己。荃灣有它的好，要吃甜品糖水，有平有貴豐儉由人，中西地道cross over都有。行到荃灣廣場前，眼前一間麵包西餅小店名島，商場上有連鎖中高檔麵包連鎖店。打了個轉，心思思想吃名它的杏仁條，卻怕品質沒保証而卻步，還是敗給了那Panash 這日系大名。傍晚630，這間賣麵包闖出名來的日式包餅店，麵包供應十足，西餅現貨有限。個裝蛋糕本來就不算多，切餅更只有朱古力慕斯，藍莓芝士餅，紐約芝士餅和拿破侖餅。芝士餅似乎過滯，朱古力才吃過不久，拿破崙可能內藏驚喜，且媽媽又愛吃，便順理成章推動我乖乖排隊掏腰包，出錢又出力護送拿破崙回家。拿破崙餅法名●Mille-feuille ●，意為〝千層〞，顧名思義，酥皮為其靈魂。三層酥皮夾兩層奶油是傳統拿破崙的造法，近代多以吉士忌廉並夾不同時果取代奶油的食法，個人當然貪新棄舊，吉士忌廉油膩感比奶油輕，加上鮮果的清新鮮甜，為之一陣！拿破崙蛋糕($20)拿破崙蛋糕名乎其實，打破傳統的框架、

趁放新年假去睇戲,未入場經過這間麵包店,見到有袋裝曲奇賣,有腰果味,提子合桃味同杏仁朱古力味揀,就買咗一袋杏仁朱古力曲奇($25),重150克,有10件,都幾厚身.返到屋企打開,咬了一口,見雖然有杏仁片,但杏仁味很弱,再吃2件,發覺朱古力味好淡,唔算好甜,但完全唔鬆化,又唔香,好失望.見食用日期寫2月23日前,但今日不過是1月27日,有防潮劑,等我仲以為過期所以唔好食.我下次唔會再買佢哋嘅曲奇,反而麵包嘅水準好好,又新鮮出爐,兩者相差好遠.

昨晚已買了2個德國裸麥包，共$24(頗貴)，作為我今天的早餐德國裸麥包(無花果和核桃) - 有麥香味，外皮較硬，但內裡鬆軟，而且不太乾身，怖裡的無花果和核桃也很多，腍中帶硬，有口感，圖中間的東西便是無花果了，那麼大塊，真是真材實料。德國裸麥包(提子和無花果) - 味道其實也與無花果和核桃那個差不多，只是想說...它們的提子乾，不太乾，還有一點濕潤，不錯，而且提子乾的size比我們外面買的，還要大一點。我只覺得$24買了兩個長約12厘米的麵包，有點不值，但其實也很飽...

星期3有9折~所以大多數星期3都去買我自己好鐘意食包,我老公就麻麻地~所以一星期買一次北海道鮮奶包 ~~~大大個,甜甜地~好似鮮奶球的味道~法蘭克福腸法國包~~大大條香腸好吸引,正!香軟法包~~個包好香~又軟熟!呢幾款我覺得好抵食,因為都比較大個,其他細細個都成$10咖!

昨晚，我在荃灣廣場吃晚餐後，經過"Panash"，發覺店裡人山人海，我當然去熱鬧一下吧，看看他們為何急於買麵包呢...原來，店的麵包剛剛烤焙，還是熱烘烘的，怪不得許多人去光顧它吧!!我便買了一包黑糖提子包($15.5)和一包五穀全麥包($14) ，作為我翌日的早餐...五穀全麥包 - 我媽吃了兩塊，她覺得這不錯，鬆軟，內裡有不少硬度剛好的穀類，多一份口感，而且這麵包很有麥香味...黑糖提子包 外觀不錯，皺紋不多，而且從外表，也可以看到有提子乾。內裡鬆軟，氣孔均衡，證明控制發酵時間和搓揉手法挺不錯。當我吃一口時，我嗅到有陣陣的麥香味和黑糖味慢慢地滲出，而且麵包不太甜，較健康，葡萄乾，濕潤的，不太乾，而且較麵包甜一點，能夠突出提子乾的味道。總括來說，以$15.5買這個提子包，真值得，味道好極，真材實料，掌握到發酵時間。我想，在家中，肯定未能造出它這麼好，所以一定到Panash逛一逛，你必定會念念不忘，所以不要錯過這食物質素高的麵包店!!!

因當日係星期3,所以全店麵包9折呢~北海道鮮奶包 $16.5→$14很大個,仲係新鮮出爐,但熱騰騰的麵包一入袋後,個麵包表面就會皺起來... 否則我揀果陣明明係脹卜卜ga.....口感我俾90分呢!每一啖也是很sweet的鮮奶味,正呀!!麵包皮與中間的麵包融為一體,.天衣無縫的極品麵包呢!! 咖啡雙色包發現有一塊全是coffee味,雖然家人愛吃,但我就唔算特別地喜歡呢款麵包~麵包軟身的~

夜晚約了朋友在荃灣吃飯, 下午就去吉之島逛逛, 肚子咕咕聲, 搵些小吃來充饑先~見到麵包店門口貼著什麼什麼包今天特價, 便走入去望望, 被香氣吸引著, 立即夾來買~熱騰騰, 像牛角包鬆軟脆, 芝士香, 加上吞拿魚蓉, 好好味啊~ 最衰家中沒有焗爐, 如果有便必會多買個回家作早餐吃~

這東西的名字叫做「午茶小食」, 是一件有益又好味的蛋糕。 這不是什麽新出品, 早在四、五年前已在太古城分店食過很多次這蛋糕最主要用黑糖來造, 再加些提子乾, 核桃粒攪拌, 再烘焙而成。 蛋糕質地濕濕的, 而且有些洞洞, 滿滿的提子乾及核桃粒, 吃得口裏酸酸甜甜, 更有些果仁的香口味。黑糖味道不做作, 貨真價實。 $6.50一件手工貨。鋪頭滿人到水洩不通, 很不明白為何昨天會有那麽多家庭去買麵包? 說真的, Panash的日式麵包蠻好食呢~

試過PANASH的迷你牛角, 已經不愛吃其他出品的牛角包了。$9 有6個迷你SIZE 兩啖就消滅一個味道比一般牛角包好可能因為每個小酥表面都在烤烘後被塗上一層類似蜜糖/黃梅醬的東東去保持小小牛角酥的濕潤叫酥, 因為她的確是層次分明 酥鬆美味!!