PAUL LAFAYET

营业中

休息中

呢間巴 馬卡龍 係幾好食， 雖然要 $20/粒 ， 但佢勝在多新口味，又會有限定口味，而且佢既味都好清新好特別， 味道唔太甜，如果佢可以係個盒度標明個味道會更好， 基本上， 我買左咁多粒， 返到去都唔記得係咩味道， 大家都亂黎， 睇顏色黎食。另外佢既蕉糖蛋都好好味，外賣仲會比埋個器皿比你， 好抵！！！

成日經過都會買番粒macaron來食，最鐘意佢地好多款可以簡，試哂咁多款後，我最愛係熱情果，因為其他口味都偏甜，但熱情果無咁甜又有小小酸，而且真係係果香甜而唔係砂糖死甜，係真係食到有唔同既層次既味，抵佢賣得咁貴！其次就係開心果，個種nuts味好濃好正呀真係！！其他甜品最推當然係creme brûlée 即場灑糖用火槍燒脆個面，小小脆小小焦味，加埋甜又軟滑既布丁，真係好正！

由十二月開始開始患上選擇困難症,為食團飯局地點總不能如以往很快的作出決定,雖然飯局地點已由上天為我作了選擇,可是一月壽星餅卻依然茫無頭緒。幸好OR仍是一個好幫手,當打開網頁瀏覽時,當天其中一個食評是來自霖迪所寫的王帝蛋糕,這個每年只有一月份才製作的法式糕餅真的沒試過,本身已具有節慶意義,用來送給一月壽星們不是很貼題嗎??在此也感謝霖迪的精彩食評讓我解決問題。帝王蛋糕分了兩個尺寸,約八吋的大版本$280,另一款迷你版本則是$48,兩者在門市的陳列品也不及宣傳單張中的漂亮,不過圖片只作參考是理解的。飯局日跟壽星女之一咬著抹茶扭紋雪糕來取餅,葵芳新都會分店面積較訂餅的屯門市廣場店細小,完全開放式餅櫃也有陳列著一月帝王蛋糕,只是沒有如屯門市廣場般兩者也有。不用放雪櫃的帝王蛋糕被包裝穩妥,白朱古力生日牌也不用額外加錢,用作壽星餅真的妙極。螺旋紋的酥皮掃上一層光亮糖漿,層層酥皮香酥薄脆,有牛油香卻不油膩,上品!中間杏仁蛋糕像一層軟心多一點,軟軟的沒有人工杏仁油味道,酥脆香軟的帝王蛋糕比常吃的蛋糕有新意。尺寸小的一款外觀像個大雞批,雖則實物跟廣告有點距離,還是大尺寸的帝王蛋糕較可觀。傳統上每個蛋糕裡

同事買了Cream Burlee一齊食，之前有試過Paul Lafayet嘅其他甜品，第一次試他們的Cream Burlee。Cream Burlee外脆內軟，脆卜卜的焦糖，包住滑滑的燉蛋，淡淡的雲尼拿香，有幸福的感覺。

最近公司附近開左間新既法國甜品舖，當然要叫埋同事一齊買黎試下la~~嘩！我一見到個Menu，好多款式俾你選擇，款款都係$45……真係花多眼亂ar…Creme Brulee法式焦糖燉蛋：當我買佢既時候，好有驚喜，因為佢原本只係得黃色既燉蛋，但付款後，店員就會即時加d黃糖(聽店員聽係法國貨)，再用火槍燒一燒表面，感覺好特別，同好新鮮咁~~~薄薄的焦糖，用匙羹輕輕拮一下，非常脆又唔痴牙，呠底還見到點點雲尼拿籽，燉蛋好香好滑有口感，而且食完仲可以攞個呠自己再用，今次真係又食又拎......希望下次再試下其他款式既時候，可以有堂食，等我可以慢慢品嚐la~~