Pepper Lunch (1亞太中心)

营业中

休息中

其實係觀塘Lunch Time食飯真係多人過打仗，除左同打工仔逼，仲要同學生鬥快先得。咁岩有同事話好想食Pepper Lunch，仲話要專登早少少出黎，怕冇位食唔到。睇你佢今日真係非Pepper Lunch唔食咁好在呢日都唔算話太多人，排一陣就落到單。估唔到我地一行六人都有位一齊坐到。今日個場都唔知點解，真係冇乜人。比著平時一定早就爆晒場。黎到Pepper Lunch例牌都係叫黑椒牛肉飯加大，不嬲都食開，有品質保証。同場加映多個芝士版，其實兩個都差唔多，係多小小拉絲有D野玩下今日都總算完到個同事嘅心願食到Pepper Lunch啦

今曰到官塘工業區，經過亞太中心，正是午餐時間，想吃個牛肉飯，好耐無吃這個飯了，今日再吃一樣回味无穷！鋪位寬鬆，企理干淨，有梳化坐，几舒服，以前吃這個飯，多數都是商場內食館，人流多，沒這里甘舒服，出餐都几快香噴噴地來了，就系鐘意鐵板燒起餐，起晒烟，吱吱聲闻到都吸引，都几多配菜爽脆粟米粒、香䓤花，少許白磨菇，牛肉不算太多，剛好，牛味十足，經過鐵板燒的熱力，牛肉特別香口加上碎黑胡椒十分惹味，連配菜一樣都惹味可口！還有癡底的飯焦索索聲，真好味！

每次去APM都好怕人多，食個飯都要等成粒鐘，再唔係就要同人逼food court。但其實離APM近近地既OPC都好多野食，而且環境靜啲又無咁多人。呢間pepper lunch位於OPC既二樓，地方大，而且俾完錢之後職員就會編好位再直接送到你位上，比起一般food court要自己捧餐方便得多～枱上亦有調味料供客人自用，中意倒幾多蜜糖汁都得有薯蓉、粟米、牛肉同漢堡扒，比較豐富既套餐，配一碗白飯。燒烤汁已經預先加左落去，汁落得比較少，唯有自己加返啲蜜糖汁。牛肉偏瘦，但唔會韌，份量唔多；漢堡扒夠厚身，但感覺撈得太多麵粉，口感好粉好糜。薯蓉整得唔錯，有薯仔味之餘亦有奶油香。 牛肉幾多幾抵食但用既係肥牛片，肥膏部份較多。壽喜燒汁偏鹹，建議先加一半，唔夠味先再調味。配料好多，菇索哂醬汁後更惹味，好送飯，唔錯既一個配搭去開觀塘想搵個清靜既地方舒舒服服坐下食下野，呢棟大廈不失為一個好既落腳點。

今天在亞太中心返工。飯腳同事今日放假，自己一個唔知食乜好！一樓同二樓有幾間餐廳！電梯一到二樓開門...已經聞到 Pepper Lunch 香噴噴嘅鐵板牛肉飯香味，好吸引Lunch Time 比較多人，等左15分鐘先拎到餐。鐡鍋很熱，三成生牛肉、飯及燒肉汁在撈勻的時候不斷發出嘶嘶聲..真的要快快手襯鍋熱將牛肉由生變熟...飯也熱得變成了一點點的飯焦，在黑椒牛肉飯之中，除了牛肉及飯外，也有大量的粟米、蔥花及黑椒，所以嗅到很香的黑椒味，吃起來飯粒分明有焦香。粟米有咬口...粒粒爽口而不硬實實的。蔥花及黑椒提升味道。而牛肉雖然不是很好！但出奇的也有點牛味及不嚡口！醬汁加黑椒汁甜甜辣辣好惹味。雖然唔係貴價牛肉已算是很不錯的。溫馨提示：大家記得...有燒肉汁在抬面上任你自己落！但是真的挺鹹的！但是遂少遂少加試吓啱唔啱味先好！如果下多了，可不要怪人家呢。

咁啱lunch time 喺Kwun tong, 同朋友唔知食乜好，周圍都勁多人排隊，最後行行下喺亞太中心門口有人派傳單，lunch set 超抵食，幾十蚊有飲品又有飯，我食左個黑椒鐵板肥牛飯，朋友仲加多啲芝士添，飯一黎到就加黑椒同芝士粒不停炒，超級香，熱騰騰，黑椒香，牛肉又好味。最好就係唔洗等位，慳番好多時間，同朋友喺度食左成粒鐘，傾下計都無人趕我地走，服務好好，間唔中過黎食下都幾好，感覺上觀塘分店比其他分店更好！

外賣送餐服務在香港越來越受歡迎，雖比堂食餐牌貴些少，但埋單加一後，可能跟外送餐牌的價錢差不多，還省下排除等位等落order等送餐的時間，確實十分方便，為懶洋洋的下午帶來更多愜意一直也是外賣忠實fans，今日試用另一新apps，還可減免$20運送費，十分超值，便立即選心水餐廳下單！今天選了Pepper Lunch，沒有了熱辣辣的煎pan，味道會如何呢？整體而言，Pepper Lunch的外賣送遞價錢經濟，味道不錯，值得一試！😊

本身覺得 Pepper Lunch 冇咩特別, 而且有好多人食過, 不過觀塘呢間 Pepper Lunch 又有 D 與別不同喎一般我地都會係 food court 見到, 不過可能要就附近返工人士, 所以佢就係亞太中心開, 舖面好大, 又有梳化位, 枱上有枱號, 只要係 cashier 點完餐坐定定就有人送上餐 (food court 嘅要自己點完, 自己等同自己拎, 講真我覺得有 d危險)因為有 lunch set 嘅關係, 所以有野飲包埋我地先叫左個經典黑椒牛肉飯 + 芝士 (upgrade 珍寶), 比其他 Pepper Lunch 多好多芝士另外叫左個壽喜燒牛肉個汁比想像中好食甜甜地又唔太鹹, 而且牛肉夠晒多如果想去舒服又有服務嘅 Pepper lunch 可以試下啊

今日原本諗住食日本野, 點知話得放題冇定食, 結果轉場, 入到店諗住自己搵位, 點知原來係要叫餐後, 個收銀員幫你揀位同帶位, 但門口冇指示牌, 好多食客都唔知, 都係自己入去攞位, 之後俾個職員叫返起身雜扒餐 - 賣相都可以, 無諗過有得配白飯, 加埋都好飽, 雞牛豬扒味道都OK蕃茄醬雞肉意粉 - 落汁後要即要炒佢, 如果唔係會痴底, 蕃茄醬汁好多, 撈埋一齊食味道不錯白汁芝士海鮮意粉 - 賣相一般, 落汁後要即是炒一炒, 唔係會濃底, 意粉有啲未熟, 但味道係可以既黑椒牛柳粒飯 - 落汁後好大油煙, 一定要搵布遮一遮, 牛柳粒都好生, 要炒耐少少先熟, 味道都可以總結 : 其實好多年前新開呢張店時食過一次, 第二次食就係今次, 不過我覺得都係無下次, 因為食到成身油煙味, 尤其個頭成陣味, 中午飯後返到公司都會俾人發現, 有啲尷尬 

Pepper lunch 受年青人市場的歡迎，主要係佢哋嘅自助式鐵板炒麵或者炒飯是一項gimmick，而炒出來一定香噴噴熱辣辣，啱晒年青一代普遍喜歡煎煎炸炸食物一樣，所以頗受歡迎，不過近年加價越來越貴了。和風蒜香辣油牛肉意大利麵 + 搖搖沙律+ 汽水 $84辣椒油看似很辣，不過就算落晒都係微辣；牛肉得數片較少，而且要快炒，如果唔係就好易乾晒。搖搖杯沙律同汽水係跟餐要加$15。沙律抵讚地方係麵包粒同菜分開，令到麵包粒不易沾濕，所以食既時候仲好脆。剛炒出來食物一定好熱，所以不太啱趕時間的人。

今日去咗pepper lunch食lunch ,叫咗一個芝士奄列飯，配番茄忌廉汁同雞扒。個飯芝士味好濃，但蕃茄味冇乜，食落都唔錯！蛋好厚身，口感麻麻。雞肉好味，整體黎講，值得一試！

Pepper Lunch當年瘋魔Food Court, 多年來屹立不倒, 由Food Court進軍到餐店, 從前只有飯類現增加到日式咖哩甚至意大利麵當然要點一份始祖懷念一下, 黑椒牛肉飯, 加$15 便有套餐飲品及前菜, 選擇有湯, 沙律或薯蓉等, 電腦單上印上檯號, 只需按檯號就坐, 隨後店員便會送上260℃熱的鐵板牛肉飯, 由於高溫, 鐵板上的油份會四周彈, 所以要小心燙到, 同時避免旁邊的牛肉過熟, 要立刻把牛肉移到飯面, 無論飯或牛肉份量都足夠, 加上旁邊的醬料, 每一啖都夠晒味道熱騰騰, 底部更有少量飯焦不過油就比較多, 偶然食一餐過下口癮

去旅行之前當然要好好食返餐先至上飛機啦! 這裏的餐廳繁多, 經一番選擇下最後左呢度食..因為food court關係位置多的是, 只要自己搵到吉位邊可以到場叫餐雖然係喺機場不過價錢唔算十分貴, 價錢由$58-73 不等, 算可以接受黑椒牛肉飯 $58叫餐不久, 大概等了5分鐘至10分鐘便可以取餐了. Pepper lunch 出名主打是招牌黑椒牛肉飯, 以及他的鐵板, 所有飯都用上鐵板盛栽住, 所以每一次都能夠吃到新鮮熱辣的飯, 這確實是很好的!店內放了蜜糖汁, 客人可以照自己的口味放上適當調味汁, 撈勻後便可以食用.牛肉分量適量不算太多也不算太少, 除咗白飯之外另外還配有少量嘅蔥花以及粟米粒, 增加了口感層次. 牛肉醃待不會過火, 整體食落還不錯啊!大盛黑椒牛肉飯+芝士 $67男朋友比較愛食肉關係所以叫左一客大盛黑椒牛肉飯其實原創既黑椒牛肉飯有分三個份量供客人點, 正常份量, 大盛及極量, 白飯份量其實沒有分別只是牛肉多或少. 因為加了芝士關係, 芝士因為受熱而開始溶化, 撈勻牛肉同飯之際都慢慢可見芝士溶掉, 不久所有材料都撈勻了, 芝士呈一絲絲狀態, 好像比我的飯更加吸引賣相有點像

經過多年來利是的累積儲蓄，我想小友現在的私己錢可說絕不比老爸的少....更難得的是他不是一個天生特別揮霍的人。"賺"回來的他竟懂得將部分儲存在他的豬仔錢罌內。 我這個老爸對此可謂甚感安慰....有一天他忽然對我們兩口子說: "不如找一天由他來做東，請我們兩公婆吃頓飯吧".... 初聽到時簡直不能相信這是出自於一個七歲人仔的口中。 此時心想 : "若然他在長大後仍可以如此生性的話，那就真的是可堪告慰了"....要讓他請客，當然不會選擇一些價錢非常昂貴的餐廳。 簡簡單單整整齊齊的吃一頓晚飯，已是一大樂事了....最後選了小友很喜歡的pepper lunch去開餐....老父老母不忍心看見他付出太多的金錢，於是乎便只叫了兩個餐三個人分吃， 絕對是對得起他有餘....論食物味道而言對我說是沒太大的期望， 只是非常一般的連鎖餐廳口味  ---- 三文魚是偏嚡口的 ; 雞扒亦不見十分嫩滑 ; 漢堡扒的肉質倒不見鬆散甚見紮實但就有一種濃烈的雪味。 我想唯一的好處便是食物全置在熱到冒煙的鐵板上，熱騰騰的東西入口，總是會令胃部十分舒服受用的；而且菜蔬如粟米及芽菜的份量絕對比預期中多....不過無論食物的

近日在觀塘上班，發掘下附近食lunch 既好去處，pepper lunch 已由food court 脫變成自立門戶了，有自己的店就更能發展出自己既特色，呢度既營運方法很特別，排隊叫餐比錢，之後會由店員編你可以坐幾號枱，立刻呈上汽水同沙律比你，可以自助攞水同牙籤，坐低食住等店員呈上鐵板飯比你，快速有條理。 食物方面叫左珍寶黑椒牛肉飯加芝士 ($64+5)加汽水同芝麻醬沙律 ($15)，牛肉份量好多，不過有點點韌，炒飯有牛油粟米芝士炒，無得輸，沙律亦都好新鮮，夠大杯，上層密封了脆脆既牛油面包粒，配丘比特芝麻沙律醬，又係無得輸。午餐價錢黎講好像是貴了一點，但食物水準同服務都不錯，總比以前在food court 時什麼服務都沒有，食物種類少，要自己搵位攞野食好。

呢間店鐵板飯，其實我食過好多次，我覺得呢個價錢真的值得，同朋友唱完k就一行6人去食，觀塘分店唔多人，我叫左雞排，因為我唔食飯，所以俾番個飯佢，而我選佢，因為1.我戒左牛，2.芽菜，豆豆，栗米 已經係最低熱量之選了，為了做新娘，我已經開始左我的減肥計劃，一邊食一邊仲俾左2件雞我男友，仲之現在食咩都分d俾人禁，我果個pepper 雞排$69，黑椒好香好多，我覺得黑椒真係其靈魂所在，香味靠晒佢，而雞皮同雞排都好嫩滑，唔錯概其他朋友當然叫牛，我男朋友叫左$89牛排添，佢賣相真係唔錯，成塊生的放上鐵板，黎到自己切開佢，反轉再煎一煎，男朋友話有d韌，而且汁唔夠，白飯會比較乾禁食。如果禁睇就細件牛肉自己溝埋禁炒飯feel食比牛排成塊的更有性價。