影片
营业时间
今日营业
08:30 - 22:00
星期一至日
08:30 - 22:00
以上资料只供参考，请与餐厅确认详情
最近馬鞍山新港城中心多了不少新餐廳進駐，主打日系輕食的PHI Coffee & Pancake開了新分店。新店貫徹小清新路線，室內裝潢以明亮淺色的天然木材為主調。除了主打梳乎厘Pancake之外，亦供應多款輕食，包括全日早餐、小食、意粉及法式多士等。炙燒半溶芝士吐司 $92吐司煎出金黃色澤，面層滿佈炙燒後的半溶芝士，芝味無窮。外脆內軟的吐司夾著鹹香的巴馬火腿，份量十足，增添了整體的融合感。濃鮮龍蝦意大利飯 $165真材實料加人龍蝦肉，肉質鮮爽彈牙，配合龍蝦醬汁更添濃郁鮮味。Risotto 煮至軟硬適中，入口奶滑煙韌，米心帶有嚼勁且不易軟爛。經典英式伯爵茶梳乎厘 $158招牌日式梳乎厘Pancake即叫即製，一上枱時仍是震騰騰，賣相精緻誘人，不論是視覺還是味覺，都是一流享受。自家製伯爵茶醬散發優雅芬芳的茶香，班戟一入口滿是空氣感的厚身鬆軟而帶濕潤，富有蛋香，入口即化。加入伯爵茶焦糖脆脆、冰凍雲尼拿雪糕、軟糯彈滑的蕨餅和鬆軟綿密的瑪德蓮蛋糕，層次感更豐富多變。天然蜂巢棒棒冷熱咖啡 $58緩緩倒下熱咖啡後，蜂巢條便會逐漸溶化，天然甘甜的蜂蜜正好可以中和咖啡的苦澀。提拉米蘇咖啡 $52表層鋪滿厚厚的忌廉、可可粉和手指餅，將咖啡賣相甜品化，讓本來濃醇的咖啡多了一份奶香。
继续阅读
岩岩開業經過嘅時候，每日出面都排曬長龍， 賣相都幾吸引，都好想去試下， 第一次去叫咗杯tiramisu咖啡，扁意粉，risotto，仲有pancake，整體咖啡好好飲，甜品賣相靚，意粉都好好食🤤🤤但係個意大利飯係個敗筆，味道同賣相都唔太好，啲飯好似Bb食啲粥仔咁，口感極差😓😓簡直係非一般既意大利飯😂😂第二次去打發一下時間， 叫咗杯熱嘅latte 同埋pancake，熱咖啡有拉花賣相不錯，温度又夠熱，最岩呢幾日天氣凍，飲杯熱野暖下🤗🤗今次叫左第二種口味既pancake，賣相一樣不錯👍🏻但係食落pancake入面好似有啲濕patpat，感覺有啲唔熟🤔🤔不過都唔會影響到我下次再想黎食既念頭😂😂值得一讚既係，俾我偷聽到隔離枱🫣🫣食個唔知咩脾飯😂店員教個客人點樣依次序食，仲好貼心咁問需唔需要起骨👍🏻👍🏻店員又nice又貼心😬😬讚！！
继续阅读
今日行過見到少人排隊，又未試過佢，今日就同囡囡試吓先！我哋叫咗 卡邦尼意粉醬汁濃稠，味道厚，但意粉略軟，整體來講中間肉醬意粉醬料足，味道適中，意粉都係比較軟，吞拿魚貓耳朵成碟好可愛嘅粉紅色，吞拿魚處理得恰到好處，不會太過火，味道略嫌淡，醬汁估計係火龍果，視覺上幾靚，配搭比較新奇，可以一試原味pancake+雪糕Pancake鬆軟香滑，熱辣辣，配合忌廉及雪糕，一流享受，果然係招牌作品另外飲品係凍美式凍焦糖咖啡，兩杯嘢飲正常發揮，小朋友點嘅係蘋果汁，中規中矩。後記：整體上嚟講中規中矩，唔係特別好食，尤其是意粉類，pancake係比較好食，服務方面：一個短頭髮，戴眼鏡的侍應姐姐，有禮招呼周到，值得一讚。戴返頭盔先，我覺得好唔好食≠你覺得好唔好食，好唔好食因人而異。
继续阅读
終於有食店挽回香港食店形象，馬鞍山MOS新開的日式餐廳，短髮女店員服務態度良好🥰, 殷勤招呼，值得一讚👍, 亦有介紹食物，整體感覺很舒服，疏乎厘除了美觀亦很美味！馬鞍山又多一個食店選擇，下次一定再來！期待店內其他美食😋
继续阅读
之前食過幾次都唔錯，今次已經唔記得係第幾次來食，一入門口有個短頭髮的女侍應非常之殷勤，而且態度都好好，今時今日咁嘅態度真係抵讚所以呢個好評係比呢個女侍應嗌咗個原味疏乎厘，味道還是一如既往的好味😋抹茶latte就苦澀咗少少，不過都可以接受。Lunch set係幾抵食， $72 +1包括原味疏乎厘仲有埋嘢飲，上次同fd 來食158個set都好飽，整體嚟講性價比算高，而且環境都幾適合坐喺度傾偈，下次還會再嚟。
继续阅读