PHO 會安 (已結業)

平時好少行Mikiki， 今日難得出到來都想食好D，見到PHO 會安門面都唔錯，就吸引左入來試啦。鳳尾蝦春卷 / 香煎魚餅 - 鳳尾蝦春卷太多油，味道一般，反而香煎魚餅味道唔錯。會安拼盆 (越式炸春卷，柚子沙律，鮮蝦豬肉米紙卷，扎肉) - 每款食物都唔錯，以一人餐來講分量都唔少。會安炒飯(海鮮炒飯) - 味道偏淡，海鮮都足料，唔會一兩啖就得返D飯，算係不過不失，但可以唔洗特別試D個。越式炒金邊粉 - 金邊粉炒得幾好，唔會太油，而且都係好足料，有唔少蝦同紮肉，味道唔錯。香芧豬扒湯粉 - 湯粉正常，香芧豬扒好香口但骨大肉少，但係係好食的。另外飲品叫左三杯檸檬水，質素都唔錯。整體而言，餐廳坐得舒服，食物味道同分量都可以，但價錢真係唔算平，仲要收加一，只可以話賣點都真係環境舒適為主。

服務及食物質素一般，不過不失，不試沒損失。我兩人打算食個下午茶，埋單時發現竟然收每人6蚊茶錢，不是比唔起，只係覺得這是什麼地方，竟然會收茶錢，那是什麼茶？就像大家去茶餐廳洗筷子的那種。再計一計，兩人茶錢再加一服務費，合共24蚊，這家餐廳賺錢真的很容易👍🏿原來要200字才可給予負評，以下內容是為打字而打字，看到這裡可以選擇離開或繼續看。事源：星期日，瞓晏了打算和太太食下午茶，去到新浦崗Mikiki，見到呢間餐廳人不多，環境好像不錯，還有優惠餐，於是就給騙，其實也不能說是騙，應該說是被吸引了進去，可惜...感覺就是被坑，不會再來幫襯。平常如果是食物質素失準，我會過一排再給予再試的機會，但我這次真的不會，因為感覺非常非常地差。

難得出街食，又驚多人排，所以打定電話 book枱，點知去到通知職員，無回應又唔俾指示，就帶左另外啲客入坐，等多陣見到位男職員又再同佢講我地 nook 左枱 人已到，個男職員又係唔理，hea 答話轉頭幫我，再等多幾分鐘，第三個女職員就話邊個未有飛未有位，于是上前同佢講我地 book 枱到左，點知個姐姐話你地過左 book 枱時間啦喎，等下啦，聽完即刻觸怒我，我都未出聲話佢地，點知換來咁嘅服務態度，真係俾錢買難受，出街食飯就係要受氣，呢間 餐廳已經食左3至5次，每次啲職員態度都好差，唉…算忍你，都係講食物。午餐叫左雞扒檬，等左好耐，味道正常，=_=, 小食揀鳳爪，唔錯

I suppose it was an early dinner for mothers day as there were not many people.Had the tomato rice which was so salty. Chicken rice was so dry and hard ... +10 dollars for Chicken leg  , chicken okChick wing - nice ..but bit saltyLasak - salty soup ...nothing specialSoft shell crab - ok .. rice sheet so elastic .. .but bit mess... crab will fall on table .I will take mom out to a better place for a better dinner. Hahahah

星期六，十二點左右去食，間餐廳無咩人，入到去同佢講1位，然後就跟住個侍應行，點知行到去排櫈嘅盡頭都未見佢叫我坐低，我問佢係咪坐𠵱張，個侍應就好串話「你鍾意坐邊張就邊張啦吓，你想坐𠵱張，我咪叫後面嗰客坐隔一張囉」，之後食物普通，叫咗個午市金邊粉連小食，$70，到之後埋單嗰侍應同我講$80，仲問我要唔要單，我同佢講唔要，之後諗諗下點鮮收$80，又無加凍飲，之後佢找錢畀我，真係無跟單，仲要畀$100佢，找咗1張10蚊紙幣同1個5蚊，2個2蚊同1個1蚊😡，𠵱間嘢真係無下次，大家食前要3思，畢竟附近仲有好多餐廳選擇👎🏽👎🏽👎🏽

今天午餐到了新蒲崗mikiki的越南會安菜館吃。我點了2個會安假日風味套餐，加一個牛油雞翼小吃和一個椰青。不用二百五十元，真是非常抵食。這店不但便宜，食物的味道也好。首先套餐跟的小吃：鳳尾蝦，雖然只是小吃，但也做得很有心機，每件蝦卷也炸得洽到好處。套餐的香茅豬扒，香茅味十足，脆而不肥膩。另一份生牛肉湯粉套餐，生牛肉是半生上枱，最好先挾起牛肉，不然便很快變熟，因湯水夠熱，你還可要求侍應們給你一些香葉，會特別惹味，但記得要把香葉弄碎才放入湯粉，這樣香味才會滲出來。最後是椰青，夠冰凍和椰肉又軟又新鮮，值得一讚👍

繼上年去左越南旅行後，好像對越南菜總是念念不忘，上次連國內親戚來也是帶他們食越南嘢甚至有次是連續兩日都係去食越南菜 今次又來PHO HOI AN，因為近公司兼坐得舒服~~~又係late lunch時間，所以餐廳沒甚麼人兩個人各自點了午餐同事點了咖喱豬扒飯餐 拼 酸辣鳯爪，嘴叼的同事高度推介 這裏的咖喱，說有一種獨特的香味咖喱汁又夠多，我嚐了一口，入口不會太辣，又不重椰漿味而我點的是香茅扒湯檬粉 配 春卷，小食春卷先到~~一小碟得兩件仔 (其實係一條剪成兩件)炸得夠香脆這次的香茅豬扒略為炸得太乾身，所以入口較硬其實心裏本身想點金邊粉，但口快快講了檬粉檬粉比較難夾，常常彈到成身都係湯以新蒲崗午餐價，這裏是中高價，不算抵食，不過就坐得舒服

今日約咗同事去新蒲崗整心太軟，途經譽港灣搵食。係商場指南見到個名幾特別嘅越南餐廳(PHO會安)。行到餐廳門口睇睇價錢先，又唔太貴喎!所以決定入去食。入到餐廳，職員帶我地去到窗邊位，環境唔錯。不過唔好意思，冇影環境相。我揀咗牛湯檬-牛好淋好入味，加埋指天椒個湯味道一流同事揀咗生牛肉湯檬(冇影相)-試咗件生牛肉，肉質柔軟唔鞋再加鮮蝦豬肉紙米卷-一開二，一碟有4件，2人食剛剛好。蝦身彈牙，豬肉有少少咸味，好似口咸肉，皮夠薄，正今日呢餐冇揀錯

咁岩中午冇帶飯同同事出去食啦, 反正新蒲崗附近都好多野食可以周圍試(ﾟ3ﾟ)～♪不過, 呢幾日天氣唔係咁好留係附近商場食啦~結果第一次黎呢間 PHO 會安 食平時行過見佢都係食越式粉麵, 門面都算幾靚話唒都係言級住宅樓下丫嘛0.0...食晏時間要等位同同事拎左飛等左陣先發覺........全場好似得3-4個WAITERS 做野真係........唔係好夠人手囉....同同事等左成20分鐘先有位入...有個呀叔拎頭飛但係話等左好耐跟住係度鬧個經理...咁其實真係唔係好夠人....(´_ゝ`)時間都唔係剩返好多一入到去就即刻叫野食午餐: 一個小食+一碗粉麵+飲品 午餐配有小食, 我叫左個酸辣鳳爪 味道還好 我叫左牛油雞翼湯檬粉, 同事就炸豬扒湯檬 牛油雞翼食落口我覺得OK既 幾脆同好香!! 而豬扒我都試左舊 其實不差啦~ (๑•́ ₃ •̀๑) 食物食落個陣唔係好咸... 飲品係簡單檸茶+檸水 食完之後... 其實埋單都成百幾蚊... 我覺得唔係好抵~ 回到公司成個晏晝都好口渴 可能佢D湯底太多味精啦(ﾒ ﾟ皿ﾟ)ﾒ(ﾒ ﾟ皿ﾟ)ﾒ

又係會安，見埋客先番公司，咁就去mikiki lunch，會安早d係冇乜人架，其實落地大玻璃，好好陽光，真係幾好feel架！叫左個香茅豬扒湯檬，牙菜同檬粉一齊食係最正架，因為食到爽爽脆脆嘅牙菜，冇左牛肉嘅湯，係冇咁濃味但食件豬排就剛好了，因為豬排好入味，加上炸蒜片，十分嘢味，煎過嘅豬排都唔算油膩，match番個粉就剛剛好了，不過豬排肉唔算嫩，但未致於鞋口，下次都係食番生牛肉湯檬

打工仔，食飯緊係趕趕趕啦，午餐都唔例外，當然要爭取時間啦，約埋保險經紀傾埋簽埋單講番個午餐，牛肉粉係我食越南菜必食的，會安佢地轉左menu，main撘小食，五十幾蚊位，包hot drink，都唔錯架上菜快，質素好，點好，去相我食左兩啖先記得影，先講牛肉粉，湯濃濃的牛肉味，配上爽滑檬粉，我最鐘意加鮮辣椒，同金不換，不過問姐姐拎佢就話本身有，其實係有嘅，但得兩片仔，算啦，講番個湯，濃得黎唔會好咸，配上蔥花同洋蔥，食落清爽，微辛，加上鮮辣椒粒，真係令人一口接一口咁食落去，至於牛肉薄薄，由半生比湯浸熟牛唔會鞋而且好嫩，小小肥邊但唔膩口，生牛變熟牛，肉牛亦在湯中散發，整個牛肉粉真的很不俗撘單中的小食，我揀左素菜卷，十分清新呀，牛肉粉嘅濃味，正好撘一個淡淡的小點，越南皮不會太淋不會太硬，煙un嘅皮包著爽脆生菜，彈牙檬粉，新鮮甘荀，豆干，咬一口包含不同質地嘅食材，感覺好豐富，佢有個汁跟但我冇點，正正想保持清新感覺總括，50幾蚊，又main又snack仲有hot drink都很不錯呢，相比附近嘅北正宗我更喜歡lee個“南正宗“哈，大多越南餐廳都放個越字做名，我仲去上網睇過點解叫會安，原來係個地方會安市

今期嚟到mikiki搵野食,地方都真係好,種類都好多,真係咩都有得食，行雲咁多間,趁吓熱鬧,買番碗生牛肉粉,應該唔會太差,幾廿蚊碗,幾低食,不過比較細碗! 講番碗粉,牛湯幾好,不過牛味算濃,但係幾廿蚊碗粉又無理由要人落哂成隻牛落去煲..風味幾越式,食得出香料既味道,有金不換等香葉提供,牛肉份量夠,味道肉質ok 因為價錢唔算高,所以可算值得一吃,好生意都有理由!

汤粉淡而无味，猪扒也非常非常一般，两份晚餐都基本没动，还要去吃夜宵。大老远跑到香港，结果第一顿晚餐就这么倒胃口，跟中午的翠华不能比，好倒霉。另外环境什么的倒是不错。

超勁差態度，午餐撈檬轉湯檬要加十蚊仲貴過㪚叫，過份，解釋話做法不同要另加功夫，實在太搵笨，食物質數差，蝦餅不脆沒有蝦味，越式香芧豬扒沒有香芧味同茶餐廳沒有分別但價錢差好遠，等候食物上枱時間內！侍應放有回應客人

好難食的一間越南野炒蜆無味不新鮮。。。生菜包豬肉勁有雪味。。。鮮牛河湯無味牛肉又唔新鮮。。。仲有其他都不值一提服務態度又差 現在又有烏蠅。永遠都唔會再黎！谷鬼氣！