影片
营业时间
今日营业
15:00 - 22:30
星期一至五
15:00 - 22:30
星期六至日
11:00 - 22:30
公众假期
11:00 - 22:30
以上资料只供参考，请与餐厅确认详情
招牌菜
好耐冇食過pizza box ，今晚唔使煮飯，叫pizza食下先🥰我地大約5點零網上落單，揀左7:30送上門，非常準時真係7:30送到，呢個位好impress🤓 ·京式烤鴨薄餅+芝心邊由於太耐無食，見佢出左新口味未食過，今次一於試下先 - 京式烤鴨薄餅+芝心邊味道都幾新奇，未食過呢個味既pizza，pizza既汁底用左北京烤鴨嗰個甜醬，入口甜甜哋，另外配料有京蔥，青瓜同鴨肉，好有食北京烤鴨既感覺。Pizza皮稍為有啲粗糙，可以再鬆軟一啲，芝心既芝士味唔夠重，整體係幾得意，不過個人口味嚟講都係鍾意平時常見既口味多啲🤪·千島多香雞+芝心邊呢款入口啖啖肉，都幾多料，有洋蔥，粟米，烤雞、蘑菇，不過千島醬味唔係好突出，Pizza皮如果鬆軟多少少會更好，芝心既芝士亦略嫌唔夠香濃。不過勝在價錢抵食，送貨速度快，整體不過不失。
继续阅读
好耐無食pizza心思思想食，諗起pizza box都幾平就去馬啦！星期六晚網上落單可以輸入優惠碼更抵買，（二選一）一係就買滿$250減$50或者就選擇送多一客野牛雞翼。我就揀咗前者減$50 ，計計埋埋都係100蚊一個大批，真係平靚正。我就叫咗一個曼哈頓風味嘅大批，批底轉左雙層薄脆芝士夾心+$28；另外再加多$20叫多一個夏威夷風味嘅大批，批底轉左超薄奇+$13。曼哈頓風味有漢堡肉、辣肉腸、蘑菇同芝士等等，食一啖完全係啖啖肉嘅感覺，仲要唔使食到青椒洋蔥嗰啲真係好正，而且佢個薄批真係好脆口，入面仲食到啲芝士味好濃！至於夏威夷風味都好有新鮮感，免頭上有菠蘿、火腿同芝士等等，加埋啲千島醬成件事好Fresh,仲有新鮮熱辣食嗰陣時啲芝士仲會拉絲，完全顛覆咗我以前食開嘅感覺。勁推薄脆批，口感一絕，好有驚喜！！
继续阅读
今晚叫咗個$288 4-5人餐Pizza限住得幾款批揀都算，我好鍾意食芝士，所以每次食pizza都會加錢轉芝士軟心批，但今次真係難食到嘔，我只係食到麵粉，完全食唔到有芝士喺裡面粟米磨菇忌廉湯，稀到好似水咁，唯一係粟米大大粒，粟米好食卡邦尼雞扒飯，個汁勁咸，飯又好硬肉醬意粉，香草味勁重，似香草意粉多過肉醬意粉唯一係個BBQ雞翼叫食得吓食過咁多間薄餅外賣店，佢係唯一一間，叫4人餐，唔可以揀兩湯兩沙律，一定要揀同一樣⋯⋯今次真係失望到極點，應該唔會有下次
继续阅读
除非你有好多時間，願意親身去拎你既order既話，叫呢間係無問題。以無咩要求講句，pizza唔係真係咁難食，餡料係足既。今次既經歷同大多數講既一樣，講左七點要送到，最後三催四請，七點十先送到😪送到過黎仲要係凍既。總之，叫唔叫呢間自己諗🤣
继续阅读
以前喺美國住嘅時候成日都叫pizza食，通常都叫domino’s,因為最平最多優惠。返到香港冇得食domino’s ，而且Pizza Hut喺香港唔算係啲平價餐廳，有啲掛住當年$10美金就有一個大批。突然有一日諗起細個曾經叫過pizza box, 咁就想佢官網睇吓有冇得上網order，官網第一頁就發現原來pizza box就係Domino’s,咁大件事竟然冇人講，我原來咁多年已經食緊Domino’s。其實佢係香港個價位同Pizza Hut差唔多，有D平少少。不過佢個外賣自取左幾抵，唔同時候都有唔同優惠，加$20送多一個批個deal幾正。我呢啲貪平嘅人梗係外賣自取啦。觀塘呢間分店門口有三個咪錶位，如果預先已經order左，停低架車即刻去攞，行返架車度半分鐘都唔洗。呢一間分店只有外賣，所以唔會好多人。最後我覺得佢嘅超薄奇脆一定要叫，因為Pizza Hut同埋PhD 都冇佢做得咁薄。鍾意食薄pizza嘅人一定要叫。而且我屋企嘅人唔多，如果叫個厚批通常都食唔晒。
继续阅读