影片
营业时间
今日营业
15:00 - 22:30
星期一至五
15:00 - 22:30
星期六至日
11:00 - 22:30
公众假期
11:00 - 22:30
以上资料只供参考，请与餐厅确认详情
招牌菜
好耐冇食过pizza box ，今晚唔使煮饭，叫pizza食下先🥰我地大约5点零网上落单，拣左7:30送上门，非常准时真系7:30送到，呢个位好impress🤓 ·京式烤鸭薄饼+芝心边由于太耐无食，见佢出左新口味未食过，今次一于试下先 - 京式烤鸭薄饼+芝心边味道都几新奇，未食过呢个味既pizza，pizza既汁底用左北京烤鸭𠮶个甜酱，入口甜甜哋，另外配料有京葱，青瓜同鸭肉，好有食北京烤鸭既感觉。Pizza皮稍为有啲粗糙，可以再松软一啲，芝心既芝士味唔够重，整体系几得意，不过个人口味嚟讲都系钟意平时常见既口味多啲🤪·千岛多香鸡+芝心边呢款入口啖啖肉，都几多料，有洋葱，粟米，烤鸡、蘑菇，不过千岛酱味唔系好突出，Pizza皮如果松软多少少会更好，芝心既芝士亦略嫌唔够香浓。不过胜在价钱抵食，送货速度快，整体不过不失。
继续阅读
好耐无食pizza心思思想食，谂起pizza box都几平就去马啦！星期六晚网上落单可以输入优惠码更抵买，（二选一）一系就买满$250减$50或者就选择送多一客野牛鸡翼。我就拣咗前者减$50 ，计计埋埋都系100蚊一个大批，真系平靓正。我就叫咗一个曼哈顿风味嘅大批，批底转左双层薄脆芝士夹心+$28；另外再加多$20叫多一个夏威夷风味嘅大批，批底转左超薄奇+$13。曼哈顿风味有汉堡肉、辣肉肠、蘑菇同芝士等等，食一啖完全系啖啖肉嘅感觉，仲要唔使食到青椒洋葱𠮶啲真系好正，而且佢个薄批真系好脆口，入面仲食到啲芝士味好浓！至于夏威夷风味都好有新鲜感，免头上有菠萝、火腿同芝士等等，加埋啲千岛酱成件事好Fresh,仲有新鲜热辣食𠮶阵时啲芝士仲会拉丝，完全颠覆咗我以前食开嘅感觉。劲推薄脆批，口感一绝，好有惊喜！！
继续阅读
今晚叫咗个$288 4-5人餐Pizza限住得几款批拣都算，我好钟意食芝士，所以每次食pizza都会加钱转芝士软心批，但今次真系难食到呕，我只系食到面粉，完全食唔到有芝士喺里面粟米磨菇忌廉汤，稀到好似水咁，唯一系粟米大大粒，粟米好食卡邦尼鸡扒饭，个汁劲咸，饭又好硬肉酱意粉，香草味劲重，似香草意粉多过肉酱意粉唯一系个BBQ鸡翼叫食得吓食过咁多间薄饼外卖店，佢系唯一一间，叫4人餐，唔可以拣两汤两沙律，一定要拣同一样⋯⋯今次真系失望到极点，应该唔会有下次
继续阅读
除非你有好多时间，愿意亲身去拎你既order既话，叫呢间系无问题。以无咩要求讲句，pizza唔系真系咁难食，馅料系足既。今次既经历同大多数讲既一样，讲左七点要送到，最后三催四请，七点十先送到😪送到过黎仲要系冻既。总之，叫唔叫呢间自己谂🤣
继续阅读
以前喺美国住嘅时候成日都叫pizza食，通常都叫domino’s,因为最平最多优惠。返到香港冇得食domino’s ，而且Pizza Hut喺香港唔算系啲平价餐厅，有啲挂住当年$10美金就有一个大批。突然有一日谂起细个曾经叫过pizza box, 咁就想佢官网睇吓有冇得上网order，官网第一页就发现原来pizza box就系Domino’s,咁大件事竟然冇人讲，我原来咁多年已经食紧Domino’s。其实佢系香港个价位同Pizza Hut差唔多，有D平少少。不过佢个外卖自取左几抵，唔同时候都有唔同优惠，加$20送多一个批个deal几正。我呢啲贪平嘅人梗系外卖自取啦。观塘呢间分店门口有三个咪表位，如果预先已经order左，停低架车即刻去攞，行返架车度半分钟都唔洗。呢一间分店只有外卖，所以唔会好多人。最后我觉得佢嘅超薄奇脆一定要叫，因为Pizza Hut同埋PhD 都冇佢做得咁薄。钟意食薄pizza嘅人一定要叫。而且我屋企嘅人唔多，如果叫个厚批通常都食唔晒。
继续阅读