PizzaExpress (V City) (已結業)

我們叫了一個二人套餐，很快就嚟咗炸魷魚圈，味道正常冇特別，係啲炸粉甩出嚟還可接受，再嚟個pizza，皮都算ok但係材料就好小，可能雪藏蝦同蜆和青口好貴，所以根本就食皮多，再嚟個意大利飯，賣相似一埋蒜蓉，話有蝦，但可能雪藏蝦真係好貴啦，全碟只有一隻雪藏蝦，講真賣相已經唔得，味道又麻麻地真係有啲唔開胃，最後嚟個甜品Berry crumble, 除了雪糕外只見到一堆醬，食落都只係一堆醬堅想死，還有服務很差，成隻叉飛埋嚟，好在我反應快，如果唔係就子孫根都冇埋，但個印巴藉服務員見到都零反應，好似冇嘢一樣，對唔住都冇句，一句到尾: 如果想試下差有幾差又想使下啲錢就一定要嚟試一次，除了以上咁差之外，仲有一樣好嘢，就係個女經理服務很好! ><😝😂😢🙅👎👎👎

第一次幫襯呢間餐廳，估唔到超级揾笨，食品款式唔算特別多，嘗試order1個4人套餐，价錢唔算平，盛惠$200/位，但就超级唔抵食。食物味道只係一般水準，無乜特別。有2個前菜，1個非常少料的pizza, 意大利飯及意粉各1個，除左飲品係1人1杯之外，其餘每碟都只係2人份量，根本唔夠4人分黎食。最好笑就係甜品，竟然只有2個，份量係正常1人用的，但就要4個人分黎食，真係未見过咁cheap又狼死嘅餐廳，所以以後都唔会再幫襯。

前日至食過，但我想試北京烤鴨薄餅，今次一家四口去品嚐～先黎過頭盤芝士醬麵包熱熱溶溶以多種芝士製成嘅醬，濃郁芝士味配暖暖麵包球，好似食芝士火鍋咁⋯⋯超讚。藜麥沙律口味清新最適合兩老，但今次欠缺蔓越莓，味道稍欠層次北京烤鴨薄餅醬汁味濃而且帶少少辣配以葱段，中西合璧嘅薄餅惹野十足，可惜鴨肉份量少，每塊薄餅分唔匀，整體都唔錯。

本來諗住響超市買野上朋友屋企食，但巧遇堂姊兩母子，而大家都認識，順理成章四個人就響Vcity覓食，P.E開左一排都未試過，店內環境燈光昏暗，有卡座選擇好舒適。點了頭盤藜麥牛油果沙律同風乾腸拼盤我少接觸藜麥，只知佢有益，有少少咬口，配牛油果好清淡，無醬汁但有少許南瓜、蕃茄、蔓越梅乾甜酸味道點綴，係健康又飽肚嘅選擇。濃味之選有風乾腸拼盤，其中沙樂美腸比較辣，配火箭菜食剛好，細細件包餅醮經煮過嘅南瓜蓉食有味道之餘又食到南瓜嘅纖維～有口感。蜜糖雞肉薄餅都幾淡口可能食左風乾腸比濃味蓋過啩，所以整個餅好似無黎味道咁。甜品熱情果鮮忌廉蛋白餅熱情果醬汁加生果帶微酸、忌廉無味、當夾埋甜甜嘅蛋白餅食就變得完美

We four people ordered the Christmas set dinner with two staters, two pizza, one risotto and two desserts. So nice that we could have wine included! Actually the food was good but it would be better if this set provided four desserts instead of two only.

貪有 lunch set ，容易叫。自己各自點前菜，main dish 就大家share，set得一張餐牌，揀得嚟有效率。前菜，我揀咗最鍾意嘅湯，南瓜湯似真係南瓜blend 出嚟。唔錯唔錯。遠處同事怕膩，叫沙律。pizza express 薄pizza，由於都點嘅都係蕃茄醬薄餅，所以分別唔大，只係上面啲料唔同。我覺得百貨應百客，食得傳統嘅，可以食皇后pizza，畢竟呢個先係現代 pizza 的始祖。重口味啲嘅食辣肉腸 pizza 唔想太多肉嘅，都有得揀。但佢個樣好似行運超人入面，梁朝偉用隔夜芥蘭攝位嘅嗰個拿破崙蛋糕。卡邦尼意粉一般，同埋唔知點解有酒味 蟹肉意粉比較香口當日有送甜品，前菜波波點榛子醬士多啤梨醬蛋白餅。

原本十分期待 但食物質素強差人意 而且價格不斐 食物的外表不差但味道稍為遜色 點了二人餐 加一後435元頭盤是炸魷魚圈 味道還可以接受 但不脆 而且味道較淡 沙律醬味道也普普通通主菜有意大利飯味道還可以接受 但味道遍酸當然pizza是最期待的菜色 確實皮很脆很鬆軟 但上面的醬料就麻麻地最後甜品是布朗尼 布朗尼味道不錯 但上面一大pat cream使整個甜品變得肥膩 飽上加飽 不會有下一次食這間餐廳 實在是強差人意

琴晚收工去市中心拎野，順便係出面吃埋飯啦，醒起vcity好似開左幾間新野，大概8點去到唔使等位，可能係因為兩個人，環境唔錯幾有氣氛，好適合情侶黎。兩人細枱有啲太細張，枱面放左一樽水、兩張杯、兩隻碟、蠟燭，已經冇咩位放野吃。叫左個二人餐，頭盤南瓜蓉配麵包球，主廚沙律，忌廉肉腸薄餅，兩杯果汁。食物質素唔錯，沙律比想像中大份，薄餅有驚喜，底薄邊位脆，味道好香。

Pizza Express新開張不久，放工後一行6人到這裡湊熱鬧。等了約10分鐘，我們被帶往寬闊的卡座。湖藍色的牆和小洋壁燈，帶點地中海的風彩。餐廳採用了開放式廚房，看到餅廚在搓薄餅，透明度很高。每張枱面也放了暈黃的蠟燭，氣氛浪漫。精選套餐分別有2人份($269)和4人份($479)，四人餐有2個頭盤、薄餅，及1款沙律和意粉，我們決定點4人套餐再加其他甜點。麵包球配清新南瓜蓉薄荷沾醬麵包球取代蒜蓉包成為頭盤，的確有新鮮感。一口size的麵包球入口酥化，質感像脆法包，挖開中心，放入清新的南瓜蓉，頗為和味。南瓜蓉淡甜、黏糯，夾入可口的麵包球，使麵包球多了一股特別的清香。如果麵包球可以大一點，可放入更多餡料更佳。主廚精選沙律精選沙律的材料豐富，有雞肉、豬肘肉、雞蛋、橄欖和車厘茄等，營養均衡。份量很大，6個人享用也綽綽有餘。我最喜歡伴碟的長長麵包條，帶啖啖牛油香，再沾上酸酸的沙律醬，果真開胃，而雞蛋和青菜沙律自然是絕妙的配搭。忌廉肉腸薄餅忌廉肉腸薄餅的白汁充滿整個pizza，香甜美味，百里香和紅洋蔥都令薄餅更加香氣四溢，為味覺帶來小衝擊。火箭菜上灑上巴馬臣芝士碎粉，令味道更"芝"味豐富。美中不

星期日下午同男朋友去v city食lunch，一試新開張的pizza express1點鐘到達，門口已經大概10張台等緊位。2人台較快，等了15分鐘就可以入座餐牌好多選擇特別係pizza，點餐3分鐘內餐湯和前菜已經上菜，好快前菜點了意式肉丸，配小面包食。面包質感似麻糬，配肉丸中和了咸味，sauce係蕃茄醬，味道不錯男朋友點了南瓜湯，佢覺得好味但我覺得味道一般意粉點了磨菇長通粉，sauce比較light,比平時食既淡味，磨菇好多，長通粉較硬身。好味薄餅點了波隆拿肉腸肉餅。原來成13吋，上台嚇親個肉腸同意式肉丸一樣味有甜辣椒，食中好辣餅底好脆，好香整體好食，會再來試其他味

近排食中菜同日本菜為主，星期日起身就試下屋企樓下新開既Pizza Express，因為安裝左VCity App唔使落樓下等位，用app拎左飛先二個人叫左一個Daily Soup甘筍薑湯，一個意式肉丸，一個白汁磨菇長通粉，一個13吋pizza甘筍薑湯，薑味太濃蓋過甘筍味，如果無咁濃薑味，會好飲啲意式肉丸，肉丸同包叉住一齊食，有蕃茄味，非常配合意式白汁磨菇長通粉，長通粉可以軟多少就好，但出菜上台可能慢左啲，唔夠熱Pizza辣味蕃茄味配合不錯，幾好食本來想食多個雜果奶油蛋白，但太飽，無試，下次可以再去試下

因為依間餐廳是新開，而且又唔係有太多人等位，所以一行人去試下~我地三個人叫左三款食物：(1) 意式焗肉丸 $59肉丸味道ok，個人認為質素同IKEA的差不多~ 但伴碟的麵包則欠缺味道及特色，縱使已沾了肉丸的醬汁，味道也是淡淡的~(2) 利古里亞海鮮薄餅(蝦肉，青口，魷魚，蜆肉，酸豆，橄欖，焗麵包碎，蒜蓉，檸檬，白汁) $148薄餅雖然薄，但做得唔夠脆，而海鮮份量則非常少，而且唔夠新鮮，味道好淡，令人失望~(3) 意式凍肉拼盤 (帕爾馬火腿，辣肉腸，煙三文魚，青瓜片，醃車厘茄，橄欖，火箭菜，配以南瓜沾醬以及意式麵包棒) $138帕爾馬火腿及煙三文魚偏鹹，需要伴青瓜片及火箭菜才可中和過多的鹹味~ 辣肉腸偏辣且口感麻麻~ 車厘茄味道唔錯，而小編本身不喜歡橄欖的味道，所以不作評論~ 整個併盤以南瓜醬最出色，味道帶少少辣且有濃濃的南瓜味，配麵包一起吃，味道唔錯~以pizza為主的餐廳，反而pizza是最唔好食，令小編非常失望，而且pizza比併盤更早上，令小編覺得這樣的上菜次序令食物味道也有點兒影響~

終於都等到PizzaExpress入黎屯門喇！我同d朋友都好鐘意揀去PizzaExpress食因為坐得舒服~價錢算做合理~而且食物質疑比較穩定！開幕一星期左右，上星期日因為要趕住睇戲，所以同2個friend去左食個early dinnner，因為時間仲早，唔駛點等就入到去喇！我地只係點左一個拼盤同兩個小食! 一開始係黎左個拼盤先嘅！呢個第一次點，因為平時dinner的話都會選擇pizza，上台時比我地想像中大呢～（好彩無點到飯／pizza/麵, 如果唔係應該食唔曬, haha)  想特別一讚係中間好似海膽咁嘅南瓜蓉！非常清新嘅感覺～大家都搶住食！之後點左兩個小時 ($99/2款)，我地揀左meatball同埋蘑菇~ 兩樣都會包5粒麵包~而呢5粒麵包先係兩個小食嘅主角！本身已經好食～加埋ｄ汁仲正！相信食開pizzaexpress嘅人就會明白。最後仲點左個Vanilla雪糕食！因為我個朋友超鐘意呢度既雪糕！又滑又濃！下次黎都點球黎食下先～因為住得太近喇～所以應該會keep住黎食!

對Pizza Express的落戶，是帶點期待的。數月前光顧元朗YOHO MALL店，已知道10月會在V City開店的消息。YOHO MALL店環境不俗，食物水準不賴，如今開在V City便更近水樓台了。Happy Friday加上新店效應關係，輪候的食客特別多，幸而這家亦在Apps取票之列，下班後立即取票，到達時剛好便有位了。原址是Izumi Curry，因此店面不算大，環境方面比不過YOHO MALL店。始終兩家商場風格也有不同，若然想有更好的用餐環境，還是元朗店較佳。服務也是比元朗店差一截，出錯餐點時有發生，對新店來說是情有可原。但侍應不斷催趕收碟，感覺非常不專業，實在影響用餐心情。在Pizza Express，主食不選薄餅有點説不過去，畢竟是店方的主打，選擇也比意粉為多。只是這天不想吃得太飽，因此只點了意粉和小食。至於套餐，$269便有頭盤、沙律、主食、飲品，算是抵食。只是套餐份量太大，選擇也被大大局限了，除非食力驚人，否則還是單點為佳。蟹肉白酒汁意粉($132)先上，擺盤十分隨性。水汪汪的醬汁窩在碟底，跟餐牌食照是兩碼子的事。酒香被辣味蓋過，湯汁的形態，是可以用匙子舀來喝的

v city呢間既pizza express好似係上星期先新開本身諗住食中餐 但經過見到環境幾靚 等位既人唔係太多 所以決定試下等左20mins 左右就有得入座 食飯時間黎講算快!唔知係咪因為新開 真係好乾淨 ! (連我呢個潔癖怪都十分滿意)d枱隔得都算開 會有返d privacy (最怕痴到埋一埋聽到晒人地d對話!)叫左個卡邦尼意粉同特級皇后薄餅 兩個女仔share啱啱好卡邦尼意粉唔乾 幾creamy但又唔會膩 beacon份量剛好 唔會得幾粒個特級皇后薄餅 係薄餅底 好脆但唔亁 啱啱好松露油味好香 加上有豬肘肉、水牛芝士、蕃茜 同白汁配料勁香勁好食!!!! 十分推介!埋單每人150蚊左右 價錢合理 一定會再去呢間!