Poke Go (汕頭街)

营业中

休息中

沙律Base 可以揀白飯、糙米飯、同沙律菜，都幾多選擇唔錯！分別試過四款set，Ono 最好味。🥰Ono $118主要係三文魚同蟹肉撈埋一齊（後加牛油果）。有好多蟹肉沙律，甜甜的味道撈埋胡麻汁，味道幾清新。三文魚嘅份量偏少，覺得可以多啲。個base選咗糙米加沙律菜，食落有糙米飯嘅粒粒口感，可以mix埋沙律菜又唔使驚太多澱粉質。份量頗多，整體味道唔錯。👌🏼808 $128醬有好輕微Wasabi嘅味道，但係唔會辣同嗆口。主要食到係吞拿魚同枝豆嘅味。雖然有唔同texture，口感都豐富，但整體味道比較單一。如果可以多啲魚子粒粒，應該會更好味。 👌🏼ALOHA $118.00全碗都係素食。主要口感係好凍嘅豆腐同好爽嘅鮑魚菇味道，再加啲柚子醬汁。醬汁嘅味道可以，整體酸酸甜甜嘅味道。不過豆腐太凍，又唔算甜。食完成碗嘢，行出街覺得好凍。味道還可以，唔算特別出色。🤔Shoyu Ahi $118主要係吞拿與撈埋紫海藻嘅口感。味道比較平凡，食完會唔係好記得食左咩果種味。

我同朋友黎聚會，店內環境十分舒服，幾岩與朋友聊聊天聚會的，食物方面，佢有些set已配搭好，完全適合選擇困難症嘅人可以唔使煩，總有一款啱你胃口。我地叫左2個自選bowl 配菜壽司飯,絕對係必食推薦，叫左一個自選既poke,佢啲轉配搭的有四款主菜，我地揀了吞拿魚（$118）、素食既可以揀佢既雜菌香菇，如加份量80g加$48-58，可選一款飯-壽司飯珍珠糙飯、沙律菜，自選一種醬，多款配料。份量十足，大胃既我食完一碗都覺得好飽😂，見到佢餐牌內有幾個好吸引嘅小食，之前都食過，下次再黎試下。食物質素同店內氣氛的性價比相當高，小編認為除了店內環境舒適外，服務十分好，不會限時食，可以同朋友一邊食一邊聊天，可以嚟試下😋

今次試咗兩款，每碗都有自己嘅特色同風味，幾啱鍾意健康飲食嘅朋友。首先係，呢碗拌飯嘅材料非常豐富，用咗糙米做底，口感有啲硬淨同嚼勁，比普通白飯更加健康。洋蔥嘅微辣同章魚嘅鮮甜令到整碗飯增添咗唔少味道層次。章魚夠彈牙，而且煮得啱啱好，唔會過硬。豆腐切得細細粒，柔軟而滑溜，與堅果嘅脆口形成對比，食落有唔同口感。再加上海藻嘅清香，帶出少少海洋氣息，而蛋黃醬則為整體增添咗濃郁嘅滋味。每啖都可以食到唔同嘅味道，真係幾有驚喜。🐙另一款用咗壽司飯做底，飯粒夠黏，適合拌埋一齊食。鮭魚新鮮，肉質嫩滑，油脂豐富，完全係成碗拌飯嘅靈魂所在。加埋黃瓜同豆腐，口感既有脆又有嫩，而雞蛋絲令整體更加豐富，有種家庭日式料理嘅味道。至於堅果嘅脆感又係一個亮點，每啖都有種小驚喜。最特別嘅係呢個芥末酸奶醬，有輕微嘅辣勁，但又唔會太刺激，酸奶嘅滑同芥末嘅嗆味互相平衡，為呢碗拌飯帶嚟咗新鮮感覺。🐟

*✲ﾟ*。 🥗足料健康Poke Bowl😋

呢間poke bowl 有3間分店
個base 可以揀一半沙律 一半壽司飯
有選擇困難症可以揀Pre set左嘅bowl🤣✨  Ohana（$118）主要材料係三文魚，櫻桃番茄，溫室青瓜，甜粟米，芝麻，果仁，蜜糖芥末醬三文魚新鮮而且份量唔少🙌🏻
蜜糖芥末醬甜甜辣辣幾惹味😋✨  Korner ($118)主要材料係慢煮雞胸肉，藜麥，牛油果，溫泉蛋，炸牛蒡，山葵乳酪醬，芝麻慢煮雞胸肉嫩滑多汁 壽司飯同藜麥混合出嘅口感豐富最特別係面頭嘅炸牛蒡 非常香脆不過個人比較鍾意蜜糖芥末醬😆-📍Poke Go @poke.go_hk▫️灣仔汕頭街5-7號地舖▫️深水埗大南街211號地舖▫️尖沙咀漆咸道南81號南海大廈地下G號舖-

今晚約了朋友去 Poke Go 食飯。坐港鐵灣仔站A3過對面馬路轉右方向，步行5分鐘就到。店舖在灣仔汕頭街5-7號地舖。我們入到裡面好舒服，用心佈置，空間感和光線剛剛好，開放式廚房，非常整潔，有多處打咭點，牆壁的畫很有趣，可愛。 朋友叫了808 BOWL，木碗放滿滿食物，好似山一樣高。 材料包含吞拿魚，珍珠糙米，沙律菜，和式青蔥，枝仁豆，三文魚籽，雜菌香菇，芝麻，木魚絲，山葵乳酪醬(可以另上)。 以上食物都很新鮮，古唔倒珍珠糙米每粒都柔軟，將糙米飯加入山葵酪醬，再將所有食物混在一起，入口感到豐富清新芥辣味道，很不錯。SHOYU AHI : 放在我面前是一碗半圓山一樣，鋪滿滿木魚絲，非常吸引我眼球，何處食起呢! 新鮮豐富材料，揭開有吞拿魚切粒，壽司飯，芝麻海帶，和式青蔥，鰹魚醬油，芝麻。我最愛甜甜地鰹魚醬油，芝麻同壽司飯混合一起是帶起食材鮮味，份量很足夠，特別很少食到之麻海帶，張大口放入食物好開心和滿足。因和朋友好滿足食完晚餐，所以飲唔落飲品!

近年來發現身邊嘅人都越嚟越健康，有時午餐都會食雞胸烚菜，今日約咗一個做gym朋友食飯，推介我哋去食呢間poke go~~其實一開始望到個餐牌都覺得好似好健康，餐廳有幾款set好咗嘅bowl~非常大部份都係魚生雞胸喱類健康食材。NALU我揀嘅呢個係八爪魚配壽司飯，一開始聽個名仲以為會好淡口，但原來辛味蛋黃醬都好惹味，配埋條粟米，芝麻，蟹棒呢啲材料食味道剛剛好唔會太濟。SHOYU AHI呢個就係吞拿魚為主配料，配咗芝麻海帶，洋蔥，芝麻，木魚絲，味道比較偏向日式料理，清淡而又可以帶出吞拿魚本身嘅鮮味，鍾意食魚生飯既話一定要揀喱個。紫薯栗子餅估唔到呢度唔算係日式餐廳都可以做到咁好食嘅栗子餅，外皮香脆，內餡香甜，整體唔會太甜，剛好食得出栗子既香氣👍🏻

最近食得有啲heavy, 星期五晚約咗朋友食飯，佢推介一間健康小店，食夏威夷poke bowl, 話平時lunch time要排隊先有得食。餐廳環境唔錯，壁畫色彩繽紛，好適合打卡放社交平台。我第一次食，點左佢signature bowl其中一款，朋友就自選。SHOYU AHI店舖六款特色bowl之一，用料豐富，包括吞拿魚、壽司飯、芝麻海帶、和式青蔥、紫洋蔥、鰹魚醬油、芝麻、木魚絲。壽司飯底粒粒分明有咬口，吞拿魚份量好多，而且新鮮，醬汁可以選擇分開上，非常細心。朋友則自選左三文魚、沙律菜、麻醬豆腐、雞蛋絲、芝麻海帶、柚子醬油醋，配料全選有果仁、木魚絲、辣椒碎、岩鹽、脆蒜、紫菜絲。佢個盤都係份量好大，朋友揀咗菜底，因為佢low carb，餐廳有呢個選擇幾好。菠椰菠蘿ME好清新嘅配搭，飲落去唔會好甜，反而有香濃嘅椰子味，仲有菠蘿香氣。表面菠蘿乾可以食，甜甜地非常惹味。牛油果奶昔奶昔好滑，好重奶味，飲落仲有啲牛油果粒，幾特別。餐廳食物健康，如果想食poke bowl係唔錯嘅選擇。中秋節就到，估唔到佢都有月餅出。

大熱天時，約了從加拿大回港的朋友吃飯，她要揀清淡健康的食物，說香港實在太熱，熱到沒胃口吃飯。剛好我知道這裡是吃簡單清新的輕便食物，又在灣仔區，真是完全遷就她。餐廳在灣仔汕頭街的舊樓舖，有點懷舊的文青味道，一條短短的街道，在皇后大道東和莊士敦到中間，餐廳是汕頭街5號，接近皇后大道東，交通非常方便，一邊有多條巴士線，另一邊有地鐵和電車，很容易找到。午飯時間坐滿了人，要等第二輪才有位，為了健康等耐些也值得。等到返工的人們吃完散去，我們才有位置慢慢享受午餐。餐廳不大，有吧枱高櫈，也有方台方櫈，用數碼點餐，快捷方便，兩人都好想試下特別的健康餐，於是各選一個套餐，再加一杯椰青水 。套餐一ALOHA BOWL👍👍👍👍👍＄118牛油果，🥑壽司飯🍙，雜菌香菇，🍄‍🟫🍄‍🟫甜粟米🌽，日本豆腐，赤道紅海帶，柚子醬油醋，芝麻，冰凍椰青水。🥥套餐二808 BOWL＄128吞拿魚🐟，壽司飯🍙，和式青蔥，枝豆仁🫛🫛，三文魚子🐟，雜菌香菇🍄‍🟫🍄‍🟫，山葵乳酪醬，芝麻，木魚絲，冰凍椰青水。🥥🥥外加一份牛油果＄16🥑🥑兩個大碗裝得滿滿的，食物顏色豐富，食材新鮮，配搭得宜，醬汁都好好味，特別喜歡山葵乳酪醬，提鮮又開胃，在

夏天天氣熱打算食過清新少少嘅午餐. 路過見到餐廳環境唔錯, 三點幾都有幾台人就行入去試試佢.服務態度ok la. 港式service嗰種唔會expect太熱情,但有問就會答. 比較自助式唔係坐定定有人笑住serve嗰種. 食物新鮮有唔同選擇. 睇相怕細碗但出到嚟個portion包杯嘢飲都夠食得飽. 擺盤賣相都唔錯有誠意唔係亂咁擺.餐廳音樂可以再chill啲, 但呢個題外話啦.初次體驗整體滿意.如再路過會幫襯第二次.

有時食得多，都想食返清清地，健康D嘅餐～如果又想好食又想健康，我就諗起poke go, 佢地嘅沙律餐，有營養又健康😋佢地d bowl有分signsture 款式，姐系已經配好哂吾同材料、醬汁，lunch set 仲會包一杯飲品tim, 好抵👍🏻如果想揀自己中意嘅口味，亦可以揀自選菜單！我就揀左ono, 三文魚，壽司飯，溫室青瓜，雞蛋絲，蟹棒沙律，果仁芝麻醬，芝麻~D配料exactly 系我平時中意食😍勁多舊厚厚的三文魚，充滿蛋白質！飲品我就揀左冷壓蘋果汁🍎 雖然系lunch set 包，但吾系普通蘋果汁黎，帶有香氣，飲落帶點厚度果種，好有驚喜，十分推薦！

成日聽人講，通常第一次打食評都係俾人覺得個飲食體驗好差先至會打，原來係真既。不得不承認佢嘅嘢係好食嘅，問題完全唔係出係食物度，而係用餐體驗。今次係同同事一齊黎食，我地都唔係第一次黎食，咁平日lunch 繁忙時間多人都好正常我哋明嘅。我哋坐底同入座果陣佢都無提過有限時。叫野食果陣係12:33，啲野食都要等到12:55先黎到，我地都無覺得有問題嫁。佢啲嘢食放低之後都冇講過有限時。仲有本身叫咗走蔥，但係冇走到都好小事。我地就黎食完，13:20果陣個女職員過黎講左句：可唔可以食快少少啊？其實已經夠鐘然後我哋10萬個黑人問號？？？ 我哋其實仲未食完，唔係食完嘢坐喺度霸住個位我哋知道後邊有人等緊，但係從來冇人講過有用餐限時，到我哋就嚟食完準備去埋單，佢又走過來講話我哋已經過咗時好耐我哋最後忍唔住同佢講我哋食過咁多次都從來冇人咁樣催我哋走，然後佢話其實係有45分鐘限時我哋搵咗好耐都冇喺店入邊同出面同埋用餐紙上面都無見到有呢個限時嘅規定，所以真係好無奈今次嘅食飯體驗真係好差🥲即刻啊愁上身

近排想食清d所以就想去食poke! 唔係第一次黎呢間啦，佢Weekday lunch hour好多OL排隊食，今次係weekend 夜晚過黎，就唔洗排即刻入得。坐低之後店員簡單解釋有咩選擇，可以簡signature bowl 或者自己組合。最鐘意係佢可以自己配搭，簡一個最健康又有營養組合。我自己組合左八爪魚豆腐糙米飯，鏗魚汁另上。超多蛋白質，有纖維又飽肚。佢份量都好大，材料爆曬出嚟。同行朋友係三文魚子控，佢叫咗808 signature bowl 再另加吞拿魚，又係蛋白質爆棚。Poke 好岩想食得健康啲，又要好食嘅朋友仔。灣仔行好多好食嘅嘢食，但係健康得嚟味道唔錯嘅就有啲難搵。七分飲食三份運動，希望可以食得健康瘦得快啲。

My recent visit to Poke Go was a delightful journey to the heart of Hawaiian cuisine. From the moment I stepped into the restaurant, I was greeted by the friendly staff and the vibrant atmosphere. The Ohana Poke Set I ordered was a testament to the restaurant's commitment to fresh, flavorful ingredients and generous portions.Ohana Poke Set: A Feast for the SensesThe Ohana Poke Set was a symphony of colors and flavors. The base of fluffy white rice was topped with a generous portion of salmon pok

來過呢間三次，兩次都錯單，一係黎錯野，一係黎漏野，而且店主態度惡劣，就算好食都唔會再返轉頭。第一次去，原本叫壽司飯，但來的是沙律底。個人喜好問題，我不吃沙律，所以要求換返原本的壽司飯底，但佢只係另外俾碗壽司飯我，而唔係成碗換，我當時覺得好驚訝，亦嬲嬲地，但佢已表示抱歉，而我亦唔想浪費食物，加上佢又送了壼茶給我們，誠意搭夠，我就算數了。今日再去，明明加了三文魚籽，最後又無來到。我問係咪漏左，佢反問我，送上黎嗰陣有無？無嘅即係無，然後走左去，一句道歉、歉意都無。最後叫了另一位店員補回三文魚籽。徹底失望，就算幾好食，都唔會再去試。

近排食咗好多餐自助餐所以有少少overload😂今次就揀咗間健康輕食類嘅餐廳中和一下😋成間餐廳嘅主題就係賣一bowl bowl自由配搭toppings嘅飯或者salad🥣為咗有選擇困難症嘅朋友佢哋都有提供已經set好咗嘅signature bowl，唔使諗就可以食到最好味嘅配搭👏🏻今次揀咗ALOHA($118)同ONO($118)，前者係全素另一個就有三文魚🍣兩個我哋都揀咗配壽司飯，如果唔想咁heavy嘅朋友可以揀珍珠糙米，生菜或者咩都唔要淨係要啲toppings亦得👌🏻ALOHA賣點一定係牛油果🥑食得出係好新鮮，唔會有黑點同埋過熟嘅口感👍🏻配埋其他材料例如雜菌香菇、粟米粒、豆腐、赤道紅海帶等等，一啖食落口真係好豐富💯每款食材嘅鮮甜味好出之餘但係成件事又會好夾好融洽😯ONO一定係咁多款入面我最鍾意嘅一款🤩有厚切三文魚粒配青瓜，蟹棒沙律同埋蛋絲，冇一樣野係我唔鍾意🥺三文魚大大嚿但係入口即溶🤤青瓜粒可以令到成碗飯冇咁膩，感覺清新啲👍🏻再加埋蟹棒沙律同埋蛋絲一齊食，唔經唔覺原來已經食晒成碗飯🤣近排想食得light啲健康啲，又唔想自己煮嘅朋友，不妨嚟Poke Go try try！🤪