Pokka Cafe (已結業)

I ordered a tea set- cheese burger in porker coffee Honestly,it was a bad experience.Cheese Burger no cheese Only butter on bread And one tomato slice ,taste bad Not fresh lemon juice

6:30pm嚟到食晚餐，人唔算多，裝修都過得去。呢間餐廳有一個特別之處，餐牌上每一個主菜所寫嘅汁，跟上枱見到嘅都唔同，好奇怪。呢度食物質素好參差。不過服務的確好，所以我俾好評，希望佢努力改進。薑汁海鮮忌廉湯有濃濃薑味，湯底有些少蜆肉和蛋絲，加上磨碎嘅甘筍，味道唔錯。跟湯附送嘅牛角包，雖然唔算鬆軟，但味道尚可。韓式泡菜牛肉炒飯泡菜充分混和喺飯裡面，好入味，飯有啲似意大利飯，比較黏口，而牛肉比較韌，要扣分。焗雞肉芝士咖喱雞意粉焗得過左火，意粉好乾，雞肉好乾，無咖喱味，雖然上枱相當熱，但以味道計，零分。於是同侍應反映後，佢幫我換過一碟，呢次濕潤多咗，不過有濃烈酸臭味，無咖哩味，什至無咖哩顏色，亦無芝士味，於是再向侍應反映。經理好著緊出嚟話剛試過個意粉係無問題，而厨師加了檸汁去煮，所以雞肉有酸味，由於我覺得酸酸宿宿味太濃，我決定換另外一款主菜，經理都好樂意更換，值得一讚，咁我就換香煎金獅魚配香蒜番茄汁。香煎金獅魚配香蒜番茄汁塊金獅魚好熱，不過佢叫香蒜番茄汁，香蒜味欠奉，蕃茄汁亦唔見，雖然味道尚算過得去，但佢個改錯咗名，應該叫香煎金獅魚配小蕃茄及茄子。甜品甜品係朱古力慕絲蛋糕，味通清淡，普普通通

就是因為喜歡飲咖啡，好幾年前已經係Pokka會員。但自從銅鑼灣、德福店都相繼結業，呢幾個月都比較少光顧😔今日心血來潮去開油塘，不如去將軍澳分店食番餐😙 下晝打電話去訂定位，店員話留枱5分鐘，用膳時間個半鐘🤔早到咗15分鐘即時被帶到窗邊4人枱👍🏼餐廳環境幾舒服。餐湯係薑汁海鮮忌廉湯 - 薑汁味夠，但唔係好覺有加忌廉因爲質地係稀稀的。内𥚃有幾粒蜆肉都算係海鮮掛🤔 至於跟餐湯嘅牛角飽都算脆但我都係比較喜歡麵飽類無咁肥膩。假日套餐選擇都唔少，今日點咗個韓式泡菜牛肉炒飯。 牛肉份量較少，得約6-7片。泡菜炒飯飯底偏濕，以為韓式會用珍珠米但又唔似。整體來說味道非常普通，本人並不太欣賞。唔緊要，嚟Pokka我主要係為咗杯水準隱定嘅咖啡☕️。其實熱咖啡比凍嘅香好多😌小甜品只係點綴，配咖啡都唔錯。見到宣傳單張先醒起會員生日月有免費麥嘜多士，多謝晒🤗

未出發先興奮! 安排咗個多月嘅兩日一夜生日奇妙旅程， 終於開始！😍 之前成日經過呢間cafe， 覺得裝修幾靚幾舒服咁，不過一直未有機會試， 決定今次趁著靚仔生日就訂枱試下！我哋每人叫咗一個週末set lunch, 嘩d名好似好吸引咁喎， 我地叫咗水蜜桃牛油果大蝦焗飯同埋芝士咖哩蛋包漢堡扒飯， 每個餐都包餐湯餐包同埋嘢飲同甜品， 每個餐都係二百蚊內 好似都好reasonable 呀（？）點知...湯 - 是日餐湯係南瓜薯蓉薏米湯 聽落去好似好好人幾好味以為blend左果d 西湯，點知又稀又冇味 好似煲到中式湯咁。另外加咗18蚊upgrade咗個龍蝦海鮮湯, 果個可接受。餐包- 極奇怪，用好似麥當勞雙牛芝堡嘅嗰隻漢堡包😒水蜜桃牛油果大蝦焗飯 - 靚仔鐘意peach 我鐘意avocado, 諗住perfect la... 半個罐頭水蜜桃，三片冇香味既牛油果， 一隻又唔大又唔新鮮既焗蝦，好多冇蕃茄既茄汁。 樣差，難食。芝士咖哩蛋包漢堡扒飯 - 唔夠咖喱汁，不過味道份量不過不失。甜品同飲品 - 成餐入面最正常既野。唉，我同靚仔年紀都大㗎啦~ 始終胃嘅容量有限，唔可以食咁多垃圾， 減肥好難㗎嘛！

與友人外出聚會，有人提議食呢間，見唔駛等好耐位就試下啦！呢款凱薩沙律材料好豐富，除左原有的爽脆沙律菜，脆口的煙肉粒及多士粒外, 仲有大蝦同雞肉，軟滑牛油果粒，撈勻一齊食，口感超豐富！呢款香煎三文魚扒，厚切三文魚扒煎得幾香口，食落充滿魚油口感，同人分享會好d，唧少少檸檬汁會減少肥油感！再叫左呢樣韓式石鍋芝士鷄肉飯，趁熱將所有材料撈勻，芝士熔入飯粒中，泡菜嘅辣味同雞肉好夾，熱辣辣一口飯好滋味！甜品係呢個提拉米蘇多士粒，每粒成一個方塊，囗感似食緊西多士，伴以雪糕一齊放入口，甜美滿足感爆燈！順帶一提呢度侍應態度服務唔錯，就算中間上菜時有少少出錯，都好快有跟進！

一入到去員工嘅服務態度好好笑曬口講歡迎光臨，之後叫野食落單快而準食物質素好好，野食又好食，野飲又好飲。誠意推介烤雞煎意大利飯，雖然有d膩但味道非常之好食佢亦有多款套餐推介，亦有二人套餐，非常之抵食！

初期有早餐開始，由每個星期六日黎食早餐，到近年一個月一次，近排幾個月一次，食埋今次，應該唔會再黎。每次抱著希望去食，但最終失望而走。味道同食材每況愈下，甚至份量亦不斷縮小，失望。

兩星期前曾光顧這間餐廳，點了日式豬扒定食，除了個味噌湯鹹了些外，都合格嘅，另一個鰻魚石頭鍋飯就真係覺得好唔掂，食唔出究竟是什麼味道。今日心情好，就比多次機會你，希望廚師個日係一時失手，點知又再一次"中伏"，最簡單嘅三文治竟然做到外脆內韌，即係連麵包都要隔夜，紅酒燴牛尾意粉欠缺了應該有的濃郁味道，淡淡的不是紅酒、不是蕃茄；也不是燒汁，咁呀廚師你想點呀！最後的芝士海鮮焗飯，吓爛飯....我唔食軟飯，普通午餐嘅所謂海鮮都唔會有乜祈望，但都正正經經淋個芝士沐再焗香那"冰鮮"+飯就收貨，但連這麼小的要求都做唔到，肯定沒第三次。

來到日式洋食店，最令人歡喜的地方是它們總會有自己的特色，雖然都是咖哩，但表現出來的東西就是日本式特有的，令食客得到的不單是口部的享受，眼睛也得不少的歡樂。咖哩羊肉蛋包飯，另外再加了薯條。賣相很精緻，而咖哩汁不辣帶甜，很可口。蛋包飯內有少許芝士，令味道增添了一點增次。薯條暖暖又脆脆的，很香口。除了食物外，到這餐廳一定要的當然是咖啡。一杯普通的咖啡很香，加了特別的忌廉之後更是可口。也很美。

環境唔錯，大部分員工服務態度都好好，除左果個西口西面果個女人如果唔係因為女朋友有會員卡都唔會黎食次次黎食都會叫明太子魚餅，因為真係幾好食外面炸得脆脆的，入面軟綿綿的，加埋D沙律醬好夾好好食無咩特別，普通飯團一個，要成＄6X今次呢個 TIRIMISU味無咁好食，都係榛子味好食D！面包吐司熱熱的加埋D雪糕食係好味既！

其實見到佢個餐牌上面d價錢就已經對佢好大期望。首先上咖啡就好滿意既，我地仲同佢地買埋咖啡豆。但係⋯⋯ d野食真係好普通！尤其係d lunch set，整得好無心機！個汁好稀，意粉又未淥諗，食落一啲都唔入味，餸又小，收得人咁既價錢，佢d野食質素真係好大落差！

叫左個套餐一號 $188紐西蘭牛肉眼我叫三成熟 嚟到成九成熟 我廢是煩 冇叫換二百蚊一塊牛 乾到擦膠咁食完塊牛 一放低刀叉 個好似女經理就嚟問我仲要唔要 態度好倔強 本身想食埋啲蔬菜 但佢咁嘅態度 我心諗：唉 算啦 唔要啦 你收啦第一次寫食評 因為真係好差

平時去的餐廳幾差都唔會寫食評，但今次不吐不快，因為友人住附近，今次係第二次黎呢度第一次已經係半年前，食物服務都尚可接受今次黎到簡直不知所謂，先說食物朋友叫你一個南瓜湯及意粉，湯淡而無味，無言，意粉還好，我點了一個蝦煎飯，煎飯好好味，好重芝士我鍾意，但蝦頭竟然是黑的 ，咁既價錢竟然俾啲咁既質素客人？？再黎服務，我入座後，唔夠五分鐘，一位應該係女經理的員工，企係度牛咁眼望住我同我朋友睇餐牌，好認真果一刻好大心理壓力，再隔一陣我舉手叫野，只見到兩至三名員工係度行黎行去都無人理我地， ，友人說星期五比較繁忙，叫我忍下，人手不足可以理解，但唔好一時成個人企係身邊望住曬，一時俾人當透明，我黎食飯，唔係黎受氣，唔好再黎第三次

之前去過一次，真心失望當時係散叫，叫左個照燒雞義大利飯、抹茶胚芽牛奶、黑松露忌廉湯 同埋Waffel配朱古力醬個湯太鹹飯太多油但個照燒雞唔錯抹茶牛奶應該係直接用飲料粉沖而唔係抹茶粉，所以陣味麻麻地最後個Waffel係最令我失望，Waffel似係面未和好一D都唔鬆軟，同埋Waffel本身就甜得至，根本唔敢再加朱古力醬落去呢一餐食左三百幾，但D野食完全唔值個價，得個賣相

適逢佳節，想和朋友找一間舒適的餐廳坐坐，再傾一下之後的旅遊行程，於是找到這間聞名己久的日式西餐廳。雖然知道佳節期間是沒有下午茶餐的，但這個季節限定餐的價格都也非同少可。因為散叫一份食物的價格其實也差不多，所以就點了較平的那一個午餐來享用了。不過其實也較喜較吃牛柳，所以選擇這一個餐的。那個南瓜湯並沒有很濃的南瓜溶，相信是因為有菠菜混在一起，自然比例也少了一點。而自己較喜愛的是那幾片蘋果，酸酸甜甜，能帶起那一餐的胃口。主菜的賣相可以，但燒雞就較為一般。雖然無骨，但味道較淡，沒有雞鮮味。但那份牛柳就真不錯。五成熟，肉質嫩滑，又沒有太多的血水流出來，很可口。到最後，來到這裡當然要一試它的咖啡啦。味道不是很濃，但加了奶之後口感很滑，合格。