Popcorn Brother

营业中

休息中

邪惡焦糖爆谷上線📍嗚嗚 食到上癮🥲行街發現有 @popcorn_brother 既爆谷寄賣尋日已經突然想食爆谷既我就算唔係準備睇戲都照買左返屋當甜品😛本地製作新鮮脆卜卜每粒都有濃濃焦糖❤️比戲院買既更濃味希望屋企人唔加太快食哂🫶🏻1L盒裝爆谷 $48 ($88/2盒)荃灣門市/ 美孚寄賣點 @food.daily.hk 有售仲有多個口味焦糖/蜜糖芥末/鹹芝士 仲有其他唔記得下次gathering試下其他✊🏻

波波食過好味嘅popcorn brother之後，今次叫埋一班同事一齊團購🤪反應踴躍😂嘩！連送貨先生都話未送過咁多popcorn😅一個大箱16kg，真係好誇張！(Popcorn Brother好應該升級我做VVVip啦😅）網購要等佢幾星期先有一次㗎！要得閒睇下佢嘅網頁先得。分為1L(💰49), 2L(💰69), 5L(💰149)裝。口味包括:焦糖、朱古力、四川麻辣、甜芝士、美式薄餅食過幾次，我最鐘意都係焦糖味！😋次次都食到停唔到口！嘻嘻！咁好食梗係要多多支持本地小店啦！😍有時喺啲鋪頭仔都見到有寄賣，阿布泰都有得賣。而佢嘅本店就喺荃灣👍🏻評分: 8.5/10😆

♨️Popcorn brother 荃灣荃錦中心2樓82號舖❤️由細到大最鍾意睇戲食炮谷，原來已經冇食好耐好耐⋯⋯荃灣開咗間炮谷店，見網上評價幾好一於去試，隔住口罩都聞到勁戲院門口感覺，香噴噴流口水，食落真係停唔到口，完全係戲院嗰啲炮谷勁脆但又冇咁甜，呢下先正，今次買咗焦糖味+朱古力味，2L裝$7x，今次真係減肥無望🤣食物：9/10抵食：8.5/10

之前朋友介紹呢間嘅爆谷，話食完返唔到轉頭喎。今次終於有機會買來試吓，佢本身都出咗好多款未味道，有原味、朱古力、焦糖等等。第一次食買細裝原味試一試先。雖然入咗盒，但開出嚟食都好脆，好正，真係唔錯呀。下次再試吓其他味道。

好鐘意食零食 特別係係屋企睇戲煲劇既時候 就一定要有包零食先可以滿足到我今次就要介紹一下呢個 Popcorn Brother呢個係同朋友聖誕節交換禮物既時候換番黎既 岩晒我睇戲果陣食☺️其實之前都有睇過下食評 話佢好好食 真係有戲院入面果d 爆谷既脆口感果然!!!!!!! 佢真係有 重要好好食 朱古力味都好重 但絕對唔會過甜！以前去戲院睇戲 聞到d 爆谷香味就忍唔住要買黎食 但係 往往都係食到好口乾 之後有一大半都無食就晒左要掉🥲🥲🥲 呢個Popcorn Brother可以蓋番個盒 留番下次食 絕對可以解決左浪費既問題🥰同埋果盒又可以之後裝其他零食用 好方便☺️拎住成桶係屋企食 一邊睇戲一邊食 好滿足❤️之後要試埋佢其他口味☺️☺️☺️問番朋友 佢話呢個popcorn brother係阿布泰買咖大家都要支持一下仍然在堅持的

有同事話喺阿布x買咗個焦糖爆谷🍿好好味😋勁讚👍🏻叫我一定要試下。。。咁啱行過見有個Baileys Caramel又幾特別，就買咗盒試下，一向唔好甜嘅我，一下子食咗10幾粒已經覺得好漏，又怕開咗封會好快淋，咁咪就嘥咗，於是攞返公司開心🥳share。結果開咗6日都仲好脆✨😋有同事話原來佢一向食開，攞住個桶去店舖買仲可以減$10。👍🏻支持環保♻️Baileys Caramel 🍿脆脆甜甜😋第3次買時，2個人可以一口氣食哂🤪完全冇諗過會咁 crazy ‼️第二次買時，想試下特別口味蜜糖芥末 mix 焦糖🍿唔知係咪因為一半咸一半甜嘅關係，食落變咗冇咁漏，可以一次過食晒成桶🤣p.s貼滿5個貼紙送一桶

之前搵好食爆谷搵到腳都斷，終於畀我搵到popcorn brother! 無意中係一碗一碟買咗桶焦糖味番屋企試，一試難忘！好脆身，又唔會過甜，完全係最原始果焦味道，食到停唔到，極速一日清咗一桶1L裝！之後再入貨，買埋Bailey 焦糖同Bailey 朱古力，Bailey 味就唔係太出，食落略甜過普通焦糖同朱古力味，但都一樣好食！屋企人同同事都話好味，又極速清晒4桶！香港都好多本地爆谷店，暫時試落，popcorn brother 最高汁，中意食爆谷一定要試！

夏天熱辣辣最好留在家中開著冷氣睇Netflix 邊食爆谷就最爽可惜朱古力味麻麻地，因為佢死甜同完全沒有朱古力味，所以有點失望😩唯一值得讚嘅位置係夠脆口🙃每次食完蓋好蓋，下次打開食一樣咁脆口總結：美國品牌Garrett比較好食，下次買返佢😋

前排有朋友仔同我講佢中左爆谷毒😐😐仲要比我知佢專程由港島盡頭去荃灣買🥲🥲仲要一買就5L 🙂 比佢搞到我都心CC🧏🏻‍♀️呢間黃店 真係好受歡迎 長期搞團購 網購 實體店仲成日排長龍😶😶😶 只要加幾蚊就可以鴛鴦味 岩晒咩味都想試既我😂 就算買大桶都可以就到唔同人口味🥰Bailey’s Chocolate 🍫 每粒爆谷都勁香脆 表面包上一層濃濃既朱古力但認真食落又好似無咩Baileys既酒味 🤨 我覺得如果可以重少少朱古力既苦味同酒味就更好🧐Honey Mustard 🍯相比起Bailey’s Chocolate 佢少左一層朱古力既焦脆 所以發泡膠既口感會多少少少少少 微甜之中又會感受到芥末既味道 咸咸甜甜咁 真係會食到停唔到手😶😶 啊！佢有幾款size可以選購 食完個筒仲可以留返下次用 就可以減十蚊啦！！

上次因為舖頭咁啱閂咗，無機會試。今日難得去南豐中心，就試吓睇吓舖頭有冇開，結果有開！終於有得試呢間嘅爆谷喇！因為係第一次食，所以都唔敢買太多，就買咗1公升(1桶)。佢係可以溝唔同嘅味，兩溝就加$3，我覺得ok，咁好過買2桶咁多，所以我就試咗焦糖味爆谷同埋朱古力味爆谷。朱古力味爆谷好香濃，相信都係因為店主冇慳到啲朱古力糖漿，大部分爆谷上面都有一層又厚又脆嘅朱古力糖漿，再加上朱古力糖漿嘅味調得好好，所以就非常之香濃，有啲似熱朱古力咁香濃。焦糖味爆谷都好味，基本上同頭先形容朱古力味爆谷嘅一樣，大部分爆谷上面都有一層又厚又脆嘅糖漿。因為焦糖味爆谷個味冇咁濃，所以會食到多啲爆谷本身嘅原味，加埋焦糖嘅甜味。焦糖味爆谷本身冇朱古力味爆谷咁濃，所以食完好多粒朱古力味爆谷之後，要飲啖水或者等一陣，先可以再食到焦糖味爆谷嘅味道，如果唔係會無乜味。下次再食嘅時候，我會由冇咁濃嘅味道開始食先，比較濃嘅味道就要之後先至食。

🍿爆谷控必買爆谷係我經常買既零食之一，早排發現到荃灣有間爆谷店，淨係口味都有8種。樣樣味都想試價錢仲唔貴。今次買左5種口味試右邊嗰筒係混3款口味2L桶裝（四川麻辣，Baileys焦糖，Baileys chocolate ）四川麻辣🌶，粒粒沾滿麻辣粉，辣得非常過癮，食得小辣既不仿一試。Baileys焦糖🍯同Baileys chocolate🍫都係非常好食唔會好重酒味朱古力又唔會好甜。左邊就係(香甜芝士🧀同蜜糖芥末🍯)1L桶裝香甜芝士🧀，芝士味濃同蜜糖芥末🍯甜甜地帶微微既辣小朋友都食到津津有味。粒粒脆卜卜真係食唔停口，唔經唔覺又食左半桶。我諗好快又會再去Refill下次拎住呢個筒番去買，非常環保♻️仲有得當錢用💰POPCORN BROTHER📍荃灣青山公路荃灣段荃錦中心2樓82舖＃香港品牌 ＃爆谷 ＃popcornbrother ＃荃灣＃hkfoodie ＃為食手指套 ＃fingernap＃減少使用紙巾擦拭＃環保

係呀！食零食都揀過先食架，有得揀梗係揀良心小店嘅出品啦！重點係好好好好好好好好好好好好食！😋😋😋😋😋😋😋😋😋😋😋😋😋😋😋😋😋😋😋😋😋激動到要比勁多舔舔脷😋😋😋😋試左個焦糖味，幾乎每一粒爆谷都沾有焦糖，每一粒都好脆，重點係甜度適中，重有種焦香🤤🤤🤤 一打開，就唔覺意食左半桶，唔係講笑，真係會食唔停🤪🤪係我食過最好食嘅爆谷（沒有之一）❗️❗️❗️❗️

本來想試麻辣味，不過賣曬，最後買左甜酒濃朱古力味，唔甜朱古力味濃，幾好食，送茶同咖啡都好夾🤩店員話下次買攞番個盒去會平十蚊，即係20幾蚊有一桶，平左又環保左👍🏻

勁甜勁脆,會令人食上癮嘅爆谷次次買完未夠一日已經俾全屋企人清曬,因為真係太好味了Refill可以減十蚊仲要係黃店,一定要多多支持有咗佢無可能再食IKEA了建議全香港鐘意食爆谷嘅都買佢,好firm

五一黃金週，不想懲罰黃店變成懲罰肚皮的話，就到良心黃店「Popcorn Brother」買爆谷送給朋友吧！店鋪位處荃錦中心，門面有反送中文宣和手足義賣，非常易認。它早在6月初已發聲，絕對是間金黃良心小店！爆谷有多款口味，除了傳統的原味、朱古力和焦糖等外，還有店主推介的新口味Baileys Caramel貪新鮮的我，當然要試Baileys Caramel（$83/2公斤），另加朱古力味（$46/1公斤）給小朋友吃。吃爆谷至怕吃到未爆開的豆，隨時咬甩牙！「Popcorn Brother」的吃掉全筒一粒豆也吃不到，抵讚！而且，朱古力沾滿每粒爆谷，非常均勻；Baileys Caremel則帶微微酒香，正！吃過後，保證你以後不會再在戲院叫爆谷吃！另外，記住保留膠筒，因為下次refill可慳10元呢！