影片
附加资料
QUE是一间日式和西式融合的Café，提供不同类型令人无法抗拒的美食、宁静的气氛环境。每道菜式，都融合了特色食材和独特香料，震撼您的味蕾和扩阔您对美食的想像。QUE致力为您提供真诚服务和创意美食。
营业时间
今日营业
11:00 - 22:00
星期一至四
11:00 - 22:00
星期五至六
11:00 - 22:30
星期日
11:00 - 22:00
公众假期前夕
11:00 - 22:30
以上资料只供参考，请与餐厅确认详情
有关奖赏计划
好少可出沙田今日做完嘢系商场行左好耐谂食咩 最后喺门口睇Menu拣中左呢间点知就系咁中左伏 月见烧牛肉意大利饭：俾个menu fake哂 完全系图片只供参考黎到啲牛比较厚 又太熟了 好靱 完全唔好食🥲饭底正常发挥 无特别 抹茶豆腐沙冰：佢写到明系沙冰 沙冰㖞🥲🥲我饮落 全部都系碎冰粒味道系正常 但每一啖都系碎冰难饮🥲呢个价钱 呢个质素 不了员工态度不错的 斯斯文文同埋环境不错 坐得几舒服但今次叫两样嘢 两样嘢都唔好食唔会有信心再黎试下次
继续阅读
星期四2：30去新城市找宠物友善餐厅， 见话Que 是宠物餐厅， 便去问下入唔入得。个门口男侍应话可以， 叫我们等阵， 因宠物坐位刚被人坐了， 要等。其后居然话狗只要放餐厅外围白色部份， 主人坐入面， 是否有问题？！ 。。咁叫友善宠物餐厅。狗要放出面， 仲要远一远。个男经理侍应话间间餐厅都系咁啦。态度非常有问题。即走， 唔会帮衬，咁叫友善宠物餐厅。 傻的吗？
继续阅读
今日嚟再食佢个下午茶🫖叫咗三个tea set 餐，叫咗一个沙律🥗，吉列豚肉三文治同埋一件鳗鱼寿司塔😋个套餐已经包咗咖啡或茶，如果要一啲特别嘅饮品可以再加钱。个沙律系正常发挥，而我觉得个吉列豚肉三文治都几好食，但系一定要趁热食，因为如果冻咗就比较油腻。另外最值得欣赏嘅就一定系佢𠮶个鳗鱼寿司塔，其实佢仲有几款拣嘅，但系我哋拣咗鳗鱼，个紫菜系脆嘅，夹埋落去𠮶个鳗鱼度同埋啲寿司饭好惹味，亦都好清新， 10分推介。😋下午茶餐我觉得几抵食，人均加埋每人大约$100到，已经第二次嚟，特别一提，佢安排咗一个比较可以倾偈嘅位俾我哋，比较静嘅位，我哋可以慢慢慢倾，亦都冇时间限制，整体环境舒适，坐得舒服☺️
继续阅读
超级难食又贵，三条友食咗差唔多$900。我呢个价钱去食放题唔好？个意粉系可以完全冇味，好似滚水渌出嚟咁。个鱼生饭多水到以为啲鱼仲喺海入面游紧，超级无敌软烂啲鱼肉😅😅 $300嘅猪肉得四片，系咪镶金🙏🏻个抹茶饮落去，成个青瓜汁咁嘅味道，剩系得个甜字一啲抹茶味都冇。服务又系明明听到都唔理你。已经Blacklist咗，有缘人见到可以悭返啲钱唔使试。下次试新餐厅之前都会睇吓OpenRice啲评论。所以点解写够200字先至可以俾呢间餐厅一个负评。
继续阅读
年初七人日约咗朋友喺沙田新城市广场，行下经过见到一间门口几特别嘅日式餐厅，睇到有午市套餐咁就入去试下，午市时段都坐满七至八成，感觉气氛好好！见到周围都有好多猫猫嘅摆设都几特别餐厅里面有个open kitchen嘅寿司吧，感觉好开扬，食物方面嗌咗个午市套餐1: 南瓜忌廉汤饮落好细滑重南瓜味2：角切鱼生丼饭 $148有好多唔同切成细粒嘅鱼生放面成个摆设好吸引，食落去鱼生新鲜，唯独是没有炸天妇罗order，如果唔系就配搭一绝3：鸡扒海苔意大利饭 $158另一个系午市套餐嘅鸡扒海苔意大利饭！鸡扒都几大块意大利饭都好烟烟靭勒，煎焗得好香，加上有海苔汁嘅配衬味道好有新鲜感！如果可以加煎蛋又或者做到蛋包饭嘅效果就无敌！纯熟个人建议餐饮叫咗杯冻柠檬茶，最初以为系普普通通嘅一杯柠檬茶原来有点惊喜，起初觉得味道怪怪哋同平时西餐厅嘅柠檬茶有点而不同，再饮落去越饮越好味最尾忍唔住问员工呢样系咩嘅柠檬茶，员工友善地答返我系话红茶加咗（xx茶）而制成，难怪会有一阵阵清香茶味轻微带出总括嚟讲今次嘅用餐体验感觉好好，员工服务周到有礼殷勤，会有机会再约朋友过嚟一齐食饭！
继续阅读
您可能会有兴趣的...