影片
港铁西营盘站 A2 出口, 步行约2分钟
继续阅读
营业时间
星期一至日
12:00 - 22:00
以上资料只供参考，请与餐厅确认详情
食家推介
最近發現有一種叫做共享廚房嘅餐廳，今次試呢間係主打星加波美食。Menu簡單清晰，我就選咗2款串燒同同事一齊食。落完單就直接跟我預約嘅時間取餐，搭lift上到去，原來係廚房嚟，感覺好新奇😅星加波牛肉沙爹便當$98星加波西班牙黑毛豬沙爹便當$98首先個便當都幾大個，唔知以為叫左「到會」😂一打開見到色彩繽紛，有兩款沙律、串燒仲有個炒飯，熱辣辣香噴噴。個沙律睇落普普通通，有生菜同南瓜，我最鍾意個汁，加左小小黑椒，酸中帶點辣，又幾好食喎，另外個配菜，個顏色係粉紅色，有啲奇奇怪怪，因為係紅菜頭呀！估唔到紅菜頭+薯仔沙律可以咁夾同好食！講番個串燒，一共有四串，每串都勁大串又厚肉，又多沙爹醬，真係淨係食串燒都飽。牛肉燒得啱啱好，入口又唔會太韌。黑毛豬燒得微焦，好香口。呢度除咗可以用外賣平台，仲可以用 *Whatsapp落單預約取餐時間 ，去到就有得拿外賣，好方便⭐️
继续阅读
R&Y's International Cuisine @Freshlane (樂基商業中心) (上環)📍上環德輔道西103號樂基商業中心1-2樓Freshlane KITCHEN 27-最近發現咗有好多新興餐廳都會用共享廚房，而呢間主打星加坡風味外賣串燒採用左家傳沙嗲秘方，由大美督開到出嚟上環，小店一定要支持下嘅🫶-📱📲最方便嘅係佢可以用WhatsApp落單，直接方便唔使等！一去到就可以自取👍🏻👍🏻 買外賣最緊要快！-餐廳menu選項清晰簡單，因為佢哋非常之專注做串燒！所以我哋今次叫咗兩個$98便當，一份半打串燒$128，同埋一個田園沙律$68，仲加$8有一支飲品。足夠4 個女仔食🤭 -🍱便當配有炒飯、沙律、雜菜👍🏻👍🏻沙嗲串燒分別有西班牙黑毛豬，牛肉同雞肉！3款肉都係用咗同一隻家傳秘方嘅沙嗲，沙嗲醬非常之惹味，花生醬味濃！值得一讚係佢哋嘅雞肉燒得極之嫩滑多汁，出色！-田園沙律豐富蔬菜種類多，包括紅菜頭、南瓜、木瓜、車厘茄、薯仔、青瓜… 配合沙律醬酸酸甜甜好開胃❤️❤️ 有誠意用心做嘅小店，住附近嗌外賣嘅話值得一試！
继续阅读
Lunch 揾好西食，無意發現左上環有間新開嘅串燒外賣店，一於試吓！ 外賣除咗用外賣平台，仲可以透過Whatsapp 落單，仲直接仲方便。自取點在上環德輔道西樂基商業中心 Fresh Lane，離遠已經見到都好易揾。我哋3個人叫左1個Salad，2個便當同1個串燒 share一齊食。🥗田園沙律 $68沙律好豐富，除左沙律菜仲有焦糖南瓜，紅酒醋醃紅菜頭，薯仔，木瓜及三色豆，撈埋沙律醬係不錯。🍱星加坡沙嗲便當 （雞肉及牛肉） $98叫左兩個便當，1雞1牛，個沙爹汁真係超好食，味道濃郁，甜甜地唔辣，果然係家族秘製星洲沙嗲風味👍🏻 再撈埋啲炒飯仲好味🤤如果炒飯份量可以再多啲就好了😜雞肉做得好軟淋，肉質鮮嫩。牛肉亦都好淋唔會乾。每個便當有4大串串燒，每串串燒嘅份量其實都唔少。另外便當仲有少量沙律菜，整個便當都幾均衡。🍢🍡星加坡西班牙黑毛豬沙嗲串燒（半打）$128同便當嘅分別係多2串串燒但冇左炒飯，沙爹醬汁都係一樣。便當要左雞、牛，所以啲個就試豬。豬係用左西班牙黑毛豬，肉質鮮甜，一樣係燒得啱啱好唔會太乾。P.S. 加$5 有罐裝飲品 或加$8 要支裝茶總結：家族秘製星洲沙嗲非常出色，雞牛豬當中雞串燒最好食，推薦便當因為有炒飯，與秘製沙嗲醬一起食非常滿足。不過炒飯份量唔算多，大胃王要注意可能唔夠飽😆
继续阅读
🥚蛋美對串燒肉真係情有獨鍾啲🤭.呢間位於上環嘅外賣店係有日openrice彈出嚟先識佢😹😹講真間野幾難搵🥹我搭𨋢上完去人地廚房落翻去再行翻樓梯上去🥹不過我覺得呢間野其實得意在佢嘅販賣機自取取餐方法😛不過食落又係點呢？.1️⃣星加坡雞肉沙嗲便當、星加坡雜錦沙嗲便當（💰$98@1）🤍呢個一望CP值真係幾唔錯🙏🏻幾有心顏色七彩繽紛🫶🏻營養都幾均勻✨我幾鐘意佢嘅沙嗲串🥰有四大串啖啖肉配上滿滿嘅沙嗲醬超惹味‼️🥺將四串勁厚肉嘅串燒食曬真係超爽🤩✨🤍配菜有焦糖燒南瓜田園沙律四吋式紅蔥醬雜菜炒飯😛沙律就還好🙈味道正常發揮但係唔會話好新鮮🤔反而炒飯幾夠味幾有新加坡風味🫶🏻而第三個配菜係沙律薯仔配紅菜頭❣️個人係幾鍾意呢個配搭✨夠營養之餘個味道酸酸甜甜咁🥰.📍 R&Y's International Cuisine @Freshlane (樂基商業中心) (上環)上環德輔道西103號樂基商業中心1-2樓Freshlane KITCHEN 27🤍.#蛋美在上環 #香港美食 #上環美食 #港島美食 #蛋美吃新加坡菜 #蛋美吃串燒 #新加坡美食 #星加坡 #泰式 #沙嗲 #川燒 #和牛 #烤雞 #沙嗲串燒 #沙律 #紅菜頭 #南瓜 #流心蛋 #烤牛 #紫菜 #黑毛豬 #雞柳 #牛柳 #便當 #泰式咖喱 #泰式便當 #營養餐 #營養便當 #外賣 #蛋美吃外賣
继续阅读
今次我哋嘅外賣以whatsapp落單非常方便👍，當然一般嘅外賣平台都可以落單，Freshlane提取點取餐亦都非常便利，今次叫左兩盒沙嗲便當👇🍱星加坡西班牙黑毛豬沙嗲便當＄98用上西班牙黑毛豬，有四串黑毛豬沙嗲，一人份量非常足夠，食落有趙頭，微微焦燶，好惹味🍱星加坡雜錦沙嗲便當＄98雜錦沙嗲同樣有四串，有豬肉、雞肉及牛肉，豬肉有趙頭；牛肉唔會好淋之餘亦有口感，濃香嘅沙嗲味唔會掩蓋到牛肉嘅本味；雞肉唔會嚡身，通常雞肉會比較淡身，但係呢度雞肉做左個底味都幾濃厚，配埋沙嗲醬食…嘢味😋兩盒便當裏面同樣有炒飯🍚及兩款沙律🥗🥗🍚香蔥雜豆雞蛋炒飯粒粒爽口分明，炒得唔油膩，味道適中，濃香串燒配炒飯非常合拍🥗薯仔沙律內有紅菜頭、紅腰豆、三角豆及洋蔥，選料新鮮🥗生菜沙律上有豆苗、蘿蔔絲、木瓜、南瓜、青瓜及車厘茄，沙律汁酸酸地清爽醒胃，所以食咁香濃嘅沙嗲都唔會覺得好膩食一口沙嗲串，扒一啖炒飯，再配以沙律，成個便當都好平衡😆魚堅總評性價比 4👍(以5👍為滿分)
继续阅读