Rainbow Cafe (已結業)

22.12.2021 星期三Rainbow Cafe一心想去「三：三」，竟撲空；再轉到「是蛋」，又碰上放假，真的很失望；惟有轉到碼頭附近「Rainbow Cafe」食過簡單午餐，留肚吃甜品。從前覺得這裡裝修得不錯，但時間一久，變得很陳舊，不再有驚喜；只能說地點很方便，近碼頭。午餐：A1全日早餐牛油吐司、迷你窩夫，牛奶炒蛋，香腸，豬柳漢堡扒，牛油粟米粒前一日吃過No.11，既精緻又好吃；今天一作比較，這個餐賣相平平又不好吃。吐司不是吐司，只能說麵包微微烘過。窩夫、漢堡扒、粟米粒還可，牛奶炒蛋無奶味或蛋味；香腸不熱，實在不值$88，只能夠勉強裹腹。加$10有杯熱Mocha，整個餐最好就是這杯Mocha，拉花漂亮，飲起來不錯。煙肉牛肉漢堡包配薯條、凍百香果茶家人吃，漢堡包大大份；薯條不脆不熱。熱蜂蜜薑茶家人飲，還可。如果有興趣，可以坐戶外座位，喝杯咖啡看看海還可。

知道有間💛Cafe近碼頭，就簡簡單單👦🏽👧🏻兩個人食咗少少嘢，之後行下🤣🤣每人最低消費一杯飲品 或 一款食物 特色三文治薯餅配牛油粟米粒 $58👧🏻身為薯仔控一定唔會放過，試最特色嘅薯餅夾三文治啦🤣🤣🤣個三文治同牛油粟米就普普通通，似自己係屋企整嘅感覺😆😆薯餅夾三文治又唔係好大問題嘅，不過就咁食薯餅，之後夾返火腿或者餐肉會好啲🤣熱台灣洛神玫瑰花茶 $35坐係到飲一壺洛神花茶都幾正，唔甜好fresh 又可以飲到好多杯，係長洲行到攰，平平地飲下野坐下就一流啦👍🏼👍🏼

長洲cafe 最近來長洲遊玩，發現這間餐廳環境不錯。餐廳有室外座位，前面可以見到海景，客人不多，所以選擇了這裏吃午餐。食物比較普通，是家庭製作的質素。我們點了香辣雞漢堡包：雞扒小小一塊，炸得不錯。配料有生菜、芝士和蕃茄。火腿炒蛋三文治：非常普通的三文治。炒蛋加入了牛奶，蛋很滑。全日早餐：迷你窩夫和牛油粟米粒不錯。另外還有牛油麵包、漢堡扒、香腸、炒蛋。跟飲品。Cappuccino 不錯。奶味很香滑。

今次叫咗煙肉牛肉漢堡，特色薯餅三文治，凍mocha。以小店經營，呢個食物質素可算係不過不失，唔特別，但唔難食。Mocha都幾好飲，都幾大杯。店員都幾nice，座位以小店來講都舒服，下次來長洲都可以再嚟食下。

而家咁興打卡Cafe，入到黎長洲，當然都要搵間。不過係下午茶時間嚟到長洲，原來好多都冇開，好彩經過見到呢間唔錯嘅小店。呢度係半自助形式，所以無加一收貨。自己出去落order，同埋拎餐具，而嘢食嘢飲就會拎俾你。由於店內只係得兩個人手，野食選擇都係簡單為主。所有嘢食，嘢飲都係即叫即做，不過上菜都幾快唔會等好耐。我哋一行四人，每個都揀咗唔同嘅嘢食試下。包類嘅比較吸引，熱狗， burger都幾出色唔算好貴，不過all day breakfast就麻麻哋啦。Overall 都唔錯，係座位坐得有啲迫。

今日好遠水路黎到長洲行山，行完攰攰地緊係搵間cafe坐下啦！ 呢間rainbow cafe好近碼頭，就算等船冇野做都可以黎飲番杯咖啡今次岩岩行完山，就唔食啲太heavy既野，兩個人淨係叫左一個甜品同一杯野飲！朱古力心太軟配雲尼拿雪糕呢個朱古力心太軟唔會太甜，因為佢係用70%朱古力整成既， 食落唔會漏！食心太軟最緊要緊係流心啦！ 呢個心太軟一切開，啲朱古力流到成隻碟都係！真係好正！好彩個雪糕有用餅乾墊高左！咁先唔洗溶晒乍！鮮奶抹茶呢杯green tea latte好香抹茶味！唔會淡到飲唔出！正！熱辣辣既天氣，有咩好得過坐低飲杯凍野？仲要係好好味既抹茶味凍野！ 啲奶都好香嫁！

已經超過一年不能旅行了，要平衡心理唯有到離島走走，這天選了長洲，星期三下午的長洲遊人不少，碼頭大街一帶食肆頗多，唯獨是這間咖啡店最吸引，因門前放了數袋咖啡渣供路人免費拿取，某程度上反映經營者的良心。餐廳空間較少，裝修簡單整潔，開放式廚房內見數個年輕人埋頭苦幹，也顯得合拍。煙肉牛肉漢堡包 - 牛肉鬆軟，肉味香濃，芝士沒有溶化在牛肉上反而更能特出芝士味，蔬菜份量剛好，薯角粗大，炸得乾身，帶點辣，個人覺得漢堡包十分美味，值得一試。日式照燒雞薄餅 - 雞肉很有麻油香，照燒味道也很吸引，再灑上芝麻和紫菜碎，充分提升味道，而餅底偏薄，餅邊也脆口，整體不錯。Lime soda - 梳打水份量較少，青檸也偏細，味道不過不失。

偷得浮生半日閒，有時間要去吓離島享受吓啲寧靜環境。入到長洲第一件事梗係要揾食啦，一嚟食飽先有力行，二嚟長洲咁多好西，早啲食早啲落格先有位食其他嘢嘛 🤭🤭叫咗 2 份 all day breakfast，兩份除咗多士同炒蛋外，其他食物都唔同，多士新鮮哄好，一份肉類多啲，另一份疏果多啲，好彩 2 碟唔同款， 可以撈亂食，A 款 waffle 加 B 款生果好夾 🤣🤣🤣可惜咖啡比較淡唔夠香，做得 cafe 我對杯咖啡要求會高啲！ 餐廳室內環境好 warm 好舒服，可以慢慢享受時光。

-長洲之 《Rainbow Cafe》📝在長洲試過的cafe共有3間🤔有島中坊研、heimaheima、剩下來的就是這家、也是我比較覺得一般的一間😂🥗全日早餐A1 ($83)有迷你窩夫餅、腸、炒蛋、漢堡扒、牛油粟米、就是一般我吃過的hea all day😂=沒有特別好吃！全日早餐A2 也點了、分別是A2有時令水果+薯餅、也是一般！staff也沒有很親民、不理我們😂埋單走say byebye也沒有看一眼🤭（所以對這間沒有太大的好感）

離渡輪還有45分鐘，決定到很多人推薦的Rainbow Cafe坐一下。點了青檸梳打和熱綠茶牛奶。青檸梳打上了，太涼了，就請店員走冰。店員馬上去了冰還加滿了一杯回来。接着上了綠茶牛奶，對個人來說實在太甜了（平時喝咖啡都不加糖的），店員又很貼心的重做了一杯不加糖的。🌷🌷十分開心。

外表望落同普通cafe無咩分別但食物質素幾高質地方好方便係碼頭隔離等船既時候坐下hea下幾好服務ok 坐得都舒服😌👌🏻👌🏻推介：芒果益力多🥭係沙冰咁嘅嘢飲超好味而且唔會太甜中意飲益力多既朋友吾可以錯過煙肉豬柳漢堡包🍔即叫即做超新鮮呢個仲有牛肉版但我中意豬多點佢哋嘅肉扒係店主自家新鮮製嘅好juicy配埋薯角好夾份量適中好夠飽朱古力心太軟🍫朱古力甜度適中 蛋糕外皮吾會太厚依個仲有抹茶🍵味下次試下先

寧靜的咖啡室好有一個好靚嘅連儂牆我地淨係入去飲野，飲野嚟講咖啡味唔算好濃，Earl grey tea 尚算可以，有一壺都好多支持香港人的餐廳絕對支持野食選擇好多，但我地因好飽，未有揀野食

於長洲東灣泳灘小休一會，慢慢沿着碼頭方向逛逛；尋找小店吃午餐 - Rainbow Cafe餐廳環境全日早餐A1牛角包,迷你窩夫,牛奶炒蛋,香腸,豬柳漢堡扒,牛油粟米粒M小姐話：全日早餐，味道不錯唯一牛角包似是＂嘉頓＂品牌再翻熱的。因我很飽，試了迷你窩夫，烤得外層微脆，內裡有嚼口；牛奶炒蛋，濃郁蛋香而炒得滑嫩。配上柚子梳打（忘了拍照）蜜脆芝士蘋果吐司伴肉桂味蘋果因我不愛肉桂那份強烈味道，要求不要加上；吐司烤得剛剛好，麵包邊位帶點燶，一片片蘋果爽脆與芝士融合伴碟之蘋果也爽口，但可能沒有處理過，放久了開始變色了。M小姐也幫忙吃了一些；還説好味！青蘋果雪冰入口酸酸的，反而有陣清新的感覺。Rainbow Cafe 總結: 值得一試！

係長洲又曬又熱行到累當然要搵左間Cafe坐下裝修都幾精緻既 好有西式外國休閒小店既感覺仲有大熊啤啤公仔比大家打卡每人最低消費係一個野食或者一個野飲咁係長洲多數食左唔小小食所以我地2個人 一個野食一個野飲野飲單叫都唔平 不過小店經營都一人要叫一樣野都合理叫2個野食會抵d.叫左BBQ肋骨加薯條 <$53>蜂蜜袖子茶<$33>肋骨食落肉感係唔錯不過食到中間有d涷的就唔係幾好 上網睇返都有時有咁程況希望店家留意一下 難得有特色小店 可以做得更好

新春相約友人柴娃娃入長洲行大運。每次到了長洲一定先食番串大大粒魚蛋打下卡。隨後喜歡去近岸嚟間咖啡店，有風景，有美食，可慢慢享受假日，真的不錯。下午茶時間有幾款甜點我好喜歡，每次重複又重複都不會厭倦。蘋果拼有著好薄的酥皮餅底，面層一塊一塊的蘋果片，甜度適中，香脆可口。伴以雪糕真一流。份量不會太大件，恰到好處！Cappuccino 賣相就麻麻，沒有拉花，好似欠缺了什麼似的。但味道品質不錯，奶泡濃厚滑溜，咖啡香醇帶甘，醒神。