Rilassa Punto

营业中

休息中

近排一想起要食西餐，我就一定會諗起Rilassa Punto😋餐廳幾乎每個月都有新菜式推出，價錢合理，性價比非常高。他們選用嘅食材新鮮，廚師令每道菜既有水準之餘，賣相亦相當吸引，所以一定要相機先食😍另外，餐廳每位同事都很細心，他們會因應每位客人嘅進食速度，逐碟為你送到面前，保證熱辣辣👍餐廳環境優美，無論是室內定室外，都好有氣氛，非常適合閨密傾計飲番兩杯或朋友相約食晚飯👍p.s 還有個手飾盒奉上，不過唔係送俾你，係俾女士補下妝，內有鏡子，牙簽，濕纸巾等☺️

又嚟試試新嘢先，今次呢個期間限定芝士火煱set dinner， 二人份量，抵食又好味，芝士汁不會太濃而令人有飽滯感，反之越食越開胃😋金腿瑤柱risotto味道很好，飯粒軟硬適中。Main course三選二，值得一讚嘅係炭燒安格斯肉眼牛扒，麻煩的我對職員說，我想食5成熟，但怕有血水，7成熟又怕肉質會過韌。結果這塊牛扒真的沒有血水渗出，肉質非常嫩滑，油脂豐富兼且分佈平均，肉味香濃，完全符合我嘅要求👍

餐廳內外環境一流，員工態度又非常nice，無論飲酒或晚飯都能盡興。星期五晚與好友來到餐廳，先點了買一送一嘅bottle beer，然後再點一份5個course嘅dinner set，加多1個份量十足嘅pizza，食物水準絕對不錯，值得一試再試😋😋😋

無意中發現這餐廳，環境優美，有室內同室外雅座，餐廳有水煙供應，不過唔啱我，所以我㨂左室內。嚟到既時候剛好仲係Happy Hour （買一送一）, 緊係要飲返杯先啦🤭食物方面，種類都唔少，先嚟兩個拼盆😋份量充足❤️我最愛既四式芝士薄餅好香好脆，我啲朋友就好欣賞個至尊海鮮薄餅嘞，再嚟就係Carbonara同出色原隻墨魚意大利飯，食到個個咀舔舔🤤試埋主菜豬鞍同肉眼，豬鞍調味非常出色，肉眼好juice，最後食埋甜品大滿足。服務方面非常好，員工們好有禮貌而且細心，為左唔影響食物既味道，佢哋會為每道唔同既菜幫我哋換碟。我哋一行八人，個個都好滿意，而且價錢合理，大家都即刻再相約其他朋友再嚟幫襯🤭強烈推介呢間餐廳😌

好耐冇去過中港城，印象中呢個位前身叫沙嗲軒，呢間餐廳新開冇耐，見到外面坐咗幾台飲酒客，估計喺附近啲酒店客人為主，室內冇咩人，唔需要好似出面啲餐廳咁限時進食，搞到趕頭趕命，可以靜靜地食餐好嘅，慢慢享受。食物選擇方面，主打係意式，pizza意粉意大利飯之類。當然都有一部分，例如小食係非意式類别，整體咸食來講，水準都算中上，食得岀一定唔係預製食品加熱果種。份量適中，不過得兩個人食，所以試唔到好多款式，等有機會再試。飯後去咗隔離睇左陣海景燈飾，靜靜地好chill，加上有少少微風吹過，真係好舒服。