Rimi Cafe (已結業)

同朋友行完旺角，就想搵間坐得舒服既cafe傾下計，今次呢間樓上cafe既野飲野食選擇好多，重有好多brand game玩。今晚我地揀左個二人晚餐：南瓜湯配蒜蓉包，蒜蓉包好香脆，南瓜湯濃郁，有少少既南瓜甜味。小食就揀左蜜糖雞翼，雞翼佈滿蜜糖，焗得收乾到啱啱好，有少少脆面，但又甜甜哋。重足足有六隻，好夠份量。主菜就揀黑松露牛肝菌雜菌燴飯，燴飯口感好好，夠濕潤又唔會太腍，而且好香牛肝菌香再加上比較輕既黑松露香，味道同口感都好好。另一主菜就揀紅酒燴牛肋條配意粉，首先係牛肋條煮得好腍好入味，意大利粉係分開上，用左橄欖油炒配香草，就咁食都好好食，重配左沙律菜。飲品好打卡able，我就叫左杯熱cappuccino，有cute cute既小熊拉花。朋友就叫左芝士賴奶蓋胚芽阿華田，朋友話唔會好甜，奶蓋細滑，偏重阿華田味，又係靚靚打打卡able!

高質樓上cafe｜📍rimi cafe呢間cafe唔止有board game玩，食物仲要幾高質❤️‍🔥嗌咗個二人餐$368，有3款食物（可加錢升級餐點）+餐湯+蒜蓉包+烏龍茶/四季春茶系列飲品（可補差價轉其他特飲）♡餐湯+蒜蓉包♡｜💰不適用今日嘅餐湯係薯仔湯未飲已經聞到好香，飲落相當濃稠杰身👍🏻好明顯係非常足料，而且仲會間唔中食到薯仔嘅顆粒🫶🏻蒜蓉包相當脆身而且好濃味🫶🏻♡芝士墨西哥辣肉醬脆片♡｜💰跟餐+$15呢個份量比想像中大份❤️‍🔥粟米片就咁食都已經好正💛配埋冰涼濃郁嘅芝士醬🧀同埋加熱咗嘅辣肉醬，醬料份量相當之多，完全唔使驚沾醬唔夠💓辣肉醬食落微辣非常之惹味開胃❤️‍🔥仲要內含海量肉碎🥹如果唔係二人餐份量太多，應該會嗌多一份薯條配辣肉醬一齊食💓♡黑松露牛肝菌雜菌燴飯♡｜💰 跟餐+$15見到店員送餐上嚟就已經覺得好有驚喜😳估唔到呢一個飯表面會鋪滿左芝士碎💛不過每一啖飯嘅黑松露味仍然相當之明顯，唔會被芝士味蓋過🫶🏻而且隻碗都有啲深度，所以其實呢一個飯份量都唔少🤣相當飽肚♡德國咸豬手配酸椰菜♡｜💰跟餐+$50其實食完個飯同埋芝士片已經覺得相當之飽肚😂估唔到份豬手仲會有薯蓉、沙律菜同埋酸梛菜做

想係鬧市中忙裡偷閒，不得不推薦位於旺角內街的Rimi Cafe，它是一間提供board game兼飲食的餐廳，座位可以選普通雅座或者日式榻榻米。在繁忙的都市中，這裡提供了一個寧靜的用餐空間。今次只得兩個人聚餐，所以揀選款式較多的二人餐分享同放鬆地坐榻榻米。首先，蒜片牛柳粒令人驚艷。鮮嫩的牛肉搭配香脆的蒜片，不僅口感豐富，還散發出誘人的香氣。每一口都是一個完美的滋味組合。煙三文魚配忌廉雜菌天使麵同樣出色。天使麵細膩滑順，煙燻三文魚帶出一股淡雅的魚香，而忌廉雜菌則增添了整道菜的層次感。這道菜讓人陶醉其中。德國腸拼盤豐富多樣，香氣四溢，讓人垂涎欲滴。嚼勁十足的香腸都有其獨特的風味，既有細膩的肉質，又有獨特的香料風味。無論是肉質口感還是調料選擇，都無可挑剔。飲品方面，青蘋果四春茶為整頓晚餐畫上完美句點。清新的青蘋果與四季春茶融合，口感清爽，是夏天的最佳選擇。

一行兩人收工旺角搵地方食飯，在網上見佢勁多like，所以去try try。我地叫左個二人餐。二人餐包括有:蜜糖芥末雞翼,、黑松露牛肝菌雜菌燴飯、紅酒燴牛肋條配意粉、餐湯同蒜茸包，套餐仲有兩個飲品。首先店員送上餐湯及蒜茸包，餐湯磨菇忌廉湯，口感都算不錯有磨菇粒粒。另外配上脆脆的蒜茸包，都不錯。另外特別推介，佢地既蜜糖芥末雞翼，香口香脆又飽滿。黑松露牛肝菌雜菌燴飯都非常濃烈黑松露香味忌廉味同口感非常濃厚。紅酒燴牛肋條配意粉的牛肋條及紅蘿蔔煮得都幾淋身。份量相當大份抵食，勁飽。場地上有都幾特別，分開左兩個區域。一個區域有一啲矮枱同坐墊專比坐地下玩board game，好適合一班人一齊黎一邊玩一邊食。另一個區域就係比人用餐傾計的。

幾個朋友九龍區唔肯過海，想搵個地方輕輕鬆鬆坐低傾下，玩下d games又食埋飯，所以揀咗Rimi Cafe，地點夠方便，餐牌又多選擇，食物大份又抵食，服務友善。$368 二人套餐，好多野食。餐湯濃郁好味。蒜片牛柳粒，軟硬適中，有咬口。個鷄翼拼盤，真係好大份，多到我數唔到有幾多隻，要三至四個女仔先食得哂。意成鮮茄辣肉腸燴意粉，香滑蕃茄醬，好入味，辣肉腸都好多塊，好充料。再包兩杯飲品。$368食到好飽飽，抵食，性價比高。

今日收工約左朋友聚一聚😝😝想搵個好坐嘅地方休息下，所以最後選擇咗樓上cafe。我地兩個女仔點咗個二人餐慢慢食～包括咗餐湯、餐包、前菜、2道主菜同埋餐飲，十分豐富。餐湯係南瓜忌廉湯配蒜蓉多士，飲落順口，多士脆卜卜，開哂胃🤣前菜我地就點咗煙肉芝士焗薯，啲hams十分足料，十分實在，同芝士味十分相配～😝主菜就點咗蕃茄肉醬意粉，鐘意佢嘅汁醬夠多，令每條麵都包裹住酸酸甜甜嘅蕃茄醬～另外，我地都試咗佢個羊架配薯菜，cp值好高！因為一碟有4舊羊架，而且肉質亦不錯，嫩嫩的羊肉配搭酸酸甜甜嘅沾醬，推薦大家試試～飲品方面就點左一杯紫上談冰同埋芋香珍珠奶茶，十分冰爽嘅台式飲品～為今餐完美作結😆

Ooo旺角樓上CaféooO 旺角想搵樓上café坐下又可以玩board games 🎲🧩呢間都算唔錯的選擇。設有塌塌米座位區，提供多款card games。晚上既二人餐 $368二人餐有餐湯，蒜蓉包，前菜，2款主食及飲品，價錢好親民🈴。 OooooO🔸芝士焗西蘭花微燶的芝士鋪滿係西蘭花表面，即叫即焗，芝士半溶有拉絲。 OooooO🔸意式鮮茄辣肉腸燴意大利粉鮮茄醬唔會過酸，加辣肉腸一齊食好惹味。 OooooO🔸香草烤春雞配薯菜原隻烤春雞皮薄肉嫩，內裡放了滿滿的香草，外再加少少蜜糖，真係推介大家選呢個主菜💕💕，薯菜如果食薯條更好!

FD好鐘意玩board games，成日都周圍揾可以玩board games嘅餐廳，今次睇到哩間餐廳唔錯，同佢試試。餐廳晚市提供雙人套餐，從嘢飲到前菜主菜全部包埋，好豐富。荔枝四季春茶，茶底好溫和，同荔枝味好夾，成杯唔會好甜，唔錯。紫薯牛奶，紫薯味好香，飲得出係自家製作，OK。是日餐湯同蒜蓉包，今日餐湯係黑松露野菌湯，黑松露好濃郁，蒜蓉包焗得好脆口，配湯唔錯。蒜香雞翼，雞翼燒得啱啱好，皮好香口，內裡好juice。雞翼上配埋勁多炸蒜，好惹味。虎蝦辣炒天使面，虎蝦好新鮮，食落勁彈牙，而且分量唔錯，有3大隻。天使面都幾辣下，要小心避開裡面嘅紅辣椒。不過天使面都幾惹味，全部食曬。德國腸拼盤，哩個分量勁誇張，有5種唔同風味嘅香腸，仲伴有酸菜同薯蓉沙律TIM。各種腸風味都唔同，食得勁滿足。食完飯，慢慢同FD玩下board games，都幾開心！

咁耐無上嚟仍然好熱鬧🥳一邊係塌塌米好岩玩game一邊係好多擺設嘅餐廳area💛 一班6 7人都有大枱 印象中下就嚟都好光猛 揀2人餐都揀咗10分鐘 好多嘢都想食😛👨🏻‍🍳🤳🏻薯仔忌廉湯配蒜茸包❤️‍🔥好suprise嘅呢個湯係非常好飲飲到真材實料超級細粒嘅薯蓉 入口好香第一次見👦🏻飲曬餐湯👨🏻‍🍳🤳🏻蒜香牛柳粒❤️牛柳粒肉鬆軟 蒜片外層有股甜味會痴痴地牙 同個牛柳粒一齊食就幾夾😋👨🏻‍🍳🤳🏻虎蝦蒜辣炒天使麵上枱幾靚✨ 蝦嘅份量都唔少，同埋蝦肉新鮮唔痴殼👍🏻我本邊鍾意食天使麵 呢個炒得乾身帶少少油香～見有人話可以再辣啲但我覺得都幾辣 😂🙈 惹味嘅辣嚟 不過我食辣比較廢要飲下水😂👨🏻‍🍳🤳🏻德國咸豬手配酸椰菜呢類外國菜嚟到香港跟翻香港人口味煮有時真係好食過外國食😂 我仲記得喺德國第一次食好咸好咸🫠😂呢到皮厚脆好大隻 點埋芥末食夠惹味🤘🏻👨🏻‍🍳🤳🏻蘋果四季春茶 & 甘桔檸檬四季春茶❤️‍🔥發覺蘋果配四季春都好好飲😋

好少上樓上cafe 食嘢，今日在油麻地附近，想揾地方食個early dinner 。在openrice search 到呢度。見啲set 都唔貴，睇相又唔錯。一心係食$368二人set ，一去到就鎖定目標。前菜揀咗凱撒沙律 +$8虎蝦蒜辣炒天使麵+$25德國腸拼盤 +$30兩個都飲薄荷咖啡，一個要奶一個走奶😆。我一心以為沙律係細細碟，點知原來係同主菜一樣咁大。仲要嗰個香腸拼盤，四個人食都得，勁多。所有嘢上枱之後覺得兩個人冇可能食得晒。估唔到呢間樓上cafe 煮得啲嘢咁好食，成日都以為呢啲地方飲嘢為主，嘢食一般般，今次改變左我嘅想法。大蝦意粉勁好食😋軟硬煮得剛剛好。德國腸拼盤同我平時去德國餐廳食三舊水的一樣質素。沙律菜新鮮而且是芝士片不是芝士粉，絕對不是茶餐廳類別的凱撒沙律，而且沙律汁不會太多，我最怕啲沙律太多醬。因為啲嘢食質素幾好，食吓食吓竟然清咗，飲品都好飲，呢間cafe 食得過。開頭上去冇咩人，7點過後就不停有人入嚟，原來都幾旺。唯一缺點sofa有點殘。食物真心有質素，CP值高。總結：食得過，會回頭

🥳要搵間有特色又有board games玩嘅Café☕️旺角呢間都係一個唔錯嘅選擇喔💯📍餐廳位置超方便😋而且食物質素都唔錯❤️下次同一大班朋友一齊上嚟又玩又食應該會更開心💕🍴Party Set 2人餐 🥗日式芝麻醬沙律 +$8🌈新鮮嘅雜菜沙律🥗配埋日式嘅芝麻醬😍呢個配搭係前菜嘅最好選擇👍佢哋嘅芝麻醬好豐富又夠多💯好味道😋🍜煙三文魚配忌廉雜菌天使麵🌈我哋好鍾意食天使麵😍今次就酊咗煙三文魚🍣佢哋將煙三文魚「橋」成一朵玫瑰花狀🌹忌廉嘅味道好濃郁💯唔會有油膩嘅口感👍不錯不錯呢🥳🐷德國咸豬手配酸椰菜 +$50🌈佢哋呢個德國咸豬手烤得個表皮非常之酥脆🔥咬入口嘅時候仲「索索聲」超級脆卜卜💯豬手又好大隻😍食嘅時候我哋點埋芥末醬一齊食😋勁惹味呀🥳📌套餐已經包埋😋▫️餐湯▫️蒜茸包▫️烏龍茶系列飲品▫️或者四季春茶系列飲品🌈我哋揀咗水蜜桃四季春茶同埋士多啤梨烏龍茶☕️☕️味道唔會好甜👍👍

我朋友問咗職員晚上11點關門，10：21就俾個金髮女職員啤住我地，想我地快啲走，我地都跟佢講，8：30 埋單俾錢，食咗個2人餐 ，每人加$20ml要特飲，之後仲要俾說話我地聽，我朋友去洗手間，我坐喺出面等，聽到個職員話，係咪入去痾屎呀？ 咁我朋友話個金髮女仔啤住我地，咁我因為背住佢，唔好意思直接望，就拎塊鏡出嚟，睇下佢咩料 ，個金髮女仲要大聲同我講，條女用塊鏡喺度望我呀 ！ 我唔知係咪個老闆縱容啲員工喺客人面前咁樣講嘢 ，但我同我朋友會永久blacklist 呢間餐廳 。

旺角有很多樓上Cafe的選擇，今次想和朋友可以玩住Board Game 同時又可以享受二人套餐，所以選擇了這間餐廳。二人套餐的價錢，只是$368，有很多食物的選擇，二人套餐還包括餐湯，蒜蓉包，及不同味道的烏龍茶。椒鹽燒賣（大）椒鹽燒賣是一種中式點心，加入適量的椒鹽調味。其味道香氣四溢，有淡淡的椒鹽風味和肉香味，口感鮮美，非常受到喜愛。芝士焗忌廉吞拿魚長通粉芝士焗忌廉吞拿魚長通粉味道豐富濃郁，帶有忌廉的香甜味道，加上芝士的醇厚味道，與吞拿魚的鮮美味道相互襯托，非常美味。煙三文魚薄餅煙三文魚薄餅以煙熏三文魚、薄餅皮、芝士、青醬等材料製成，味道清新怡人，煙熏三文魚的鹹香味道和芝士青醬的香氣完美結合，薄餅皮脆嫩可口。#rimicafe #旺角美食 #旺角樓上cafe #cafe推介 #咖啡店推介 #foodie #hkfoodie

我諗我都有起碼10年無去過旺角樓上cafe，有個朋友話想玩下game傾下計，黎呢度就岩曬。呢度有多款套餐，唔想用腦叫餐就最岩。2人餐都只係$368，有齊餐湯、飲唔、前菜、兩款主菜，十分抵食。德國咸豬手配酸椰菜（+$50）啖啖肉德國咸豬手，有脆口既外皮，配埋酸菜一齊食比較開胃。虎蝦蒜辣炒天使麵（+$25）有三大隻虎蝦，天使麵份量都唔少。呢度仲有唔少花茶組合提供，岩曬鐘意養生既朋友。芋香奶昔好香芋頭味，唔鐘意飲太甜就就得要叫小甜啦

$300幾蚊食到啲咩？今時今日香港地唔易搵又平又好食以往過開嚟都係去party room宜家變咗食嘢啦呢間café靜靜地裝修簡單舒服最啱一邊傾計一邊食嘢2人餐可選1前菜、1主食，1小食蜜糖雞翼味超濃皮好脆蜜糖亦落得重手毫不吝嗇好欣賞湯飲得出係自己整唔是開粉蔬菜相對粒大肉丸份量驚人有成20粒用上墨西哥辣椒牛肉丸非常juicy 微辣嘅汁有粟米，紅腰豆，肉碎啲飲品相對大杯+$5已經有雪糕球朱古力沙冰上有朱古力醬層次豐富青醬雞絲意粉可轉長通粉都幾足料