Riso Café (已結業)

晚飯時間來到，人不太多。食物有二人餐$98 OR $45 一人餐(A+B+C+D 即燴飯/意粉/PIZZA + 一個小吃+ 甜品+ 飲品) ，我和媽媽都想吃食家們介紹的燴飯，而二人餐只可選一飯，所以一人一個一人餐。我的ABCD 是茄汁雞肉燴飯+ 焗薯角+ 菠蘿+ 士多啤梨藍莓Smoothie (不是餐內的+$3)，媽媽的飯一樣，小食她要了煎脆皮腸，甜品都是捨棄雪糕糯米糍要了哈蜜瓜，飲品要了芒果香蕉 Smoothie。食物: 燴飯固然不是正宗意大利飯，但以這價錢而有咬口及飯粒掛汁又不膩口真的十個讃!! QUALITY 是出乎意料地好。小吃焗薯皮是即叫即焗，脆口而不油，很好吃。但腸仔就太油了，吃罷碟底還有很多油呢!!!水果很可愛，是Zeal-up 包裝，所以我們拎走了。飲品: 飲品是此店的主打當然不會遜色!! smoothies 其實有雪糕底或蘆薈汁底。我們怕太飽都從沒有雪糕底的飲品入手。她的香蕉芒果十分配合，但我較愛自己的strawberry blueberry smoothie，因為清新點~ refreshing@@@@@食完兩個都好滿足，又健康又便宜!! 會再來試其他飯，見到人

有日跟朋友經過citywalk,行過Riso 見到meau 唔係好貴所以入去一試,以為係叫人埋黎order點知原來好似euro gogo 咁自己出去叫完比完錢之後有人拎埋位比你的三個人叫左一個pasta 一個飯,2個南瓜湯,蒜茸包,芒果香蕉特飲,草莓特飲,仲有芒果同香芋雪米糍個紅米燴飯值得一讚,最好味,以為落左紅米會粗糙食落又唔會,濕濕地幾好,而且再加埋蕃茄汁酸酸地好開胃,至於另外的白汁雞肉肩意粉 就平平無奇,味道太淡南瓜湯足料好香南瓜味,蒜茸包其實可以叫做係蒜茸多士,蒜茸味不太重,但麵包夠脆同香芒果香蕉特飲以為會好怪點知飲落去依2種生果係match 到,飲落去唔會話有是旦一種生果搶左另一種生果的味道,而且味道唔重,清淡而freah相比起草地特飲出色!! 芒果同香芋雪米糍只係普通超級市場買到的貨色整體而言,$40到一個pasta 唔算貴,但係3個人食2個set dinner 已經好夠飽,除番每人只係$30比起2個人去食抵好多...所以值得再光顧,都係一個約埋三五知己食飯傾計好去處!!!

這間餐廳我第二次幫襯.先揀餐, 後買票.揀左2個套餐 - 薄餅+蜜糖腸+雪米磁+ 芒果狂熱. 另一個要咗火雞煙肉白汁闊麵條+ 蒜蓉飽+蜜瓜+ 士多啤梨至尊以$45 一個快餐又有待應服務, 算是抵食, 而且食物都不過不失.如果要求不高,不失為美心,大家樂以外的另一選擇.

黎到呢間RISO, 睇落幾高級,但又唔係好貴~最唔好就係要你自己去counter 落單叫左2個套餐自由配:1) 西班牙黑椒腸繪飯+薯角+蜜瓜+ 芒果狂熱2)火雞煙肉白汁闊麵條+ 香蜜腸+雪米磁+ 士多啤梨至尊個西班牙黑椒腸繪飯係小辣ga~ 配搭幾好....好香好易入口~ 係d 黑椒腸少左d~ 芒果狂熱就唔推介大家飲~好大陣魚生味,好似食緊d 好腥ge 三文魚薯角都可以接受,同平時食ge 差唔多, 無咩特別至於個闊麵條就....一般啦, 特別在佢係意粉中加入左少少杏仁碎..都幾得意架!!法蘭克福香蜜腸最正,分量係少左d,點個芥末醬真係無得彈,士多啤梨至尊好過忙果狂熱多多聲, 起碼真係士多啤梨味唔係魚生味先~~荃新天地依間RISO比較靜..食飯時間都無咩人..坐得幾舒服..值得一讚!

前兩日同o左女友去o左呢間店度食晚飯,入到去坐得比較迫,d小二亦唔會點招呼你,連meau都係要問先有,叫o左個意式海鮮飯,一個大蝦飯,一個蒜蓉包,個蒜蓉包係淋o既,而且唔暖,好似放o左出來好耐咁,好難食,個意式海鮮飯同大蝦飯都一樣係冇乜味o既,意菜d味係咁淡o既咩?連d飯都係冇乜飯味........問你死未!!分量亦唔多,好肚餓o既千祈唔好入呢間.不過呢間店o既飲品係唔錯o既,可以試下d砂冰o既,d茶亦都不錯.

同老公係星期日正愁緊唔知去邊食晏，行過荃新天地時，見到間Riso Cafe裝修都幾吸引，非常colorful同fresh既感覺，所以決定入去一試。叫著一個$99.00兩人餐+$6.00南瓜忌廉湯等，超多野食，有蒜蓉包, 有飯又有面，仲有兩杯好fresh類似沙冰既野飲，又有甜品或生果揀...總之成個餐好食又抵食........讚！

一向都幾滿意呢間店的食物質素,賣相今次都唔例外不過我鐘意A,B,C,D配搭餐多D,抵食D今日只有2人餐,99蚊~加了5蚊的南瓜湯,我覺得唔駛加咁多杏仁都夠味而且d南瓜湯唔係creamy,有鮮南瓜肉味另外雪米<滋>都好好味,又夠凍次次上菜速度都快,waiter有禮~誇啦芒果,真係好好味,我最鐘意都係士多啤梨至尊好有鮮果味,又唔會太濟~好鮮甜,love it so much燴飯真係好好味~薯角又夠熱,不過咸左少少蒜茸包都不俗,真係食得幾飽的1餐~

跟友人做完gym後佢話黎呢到晚餐我地2個都叫左餐:黑椒腸燴飯: d腸略嫌碎左d...不過個汁好惹味....鮮茄烤雞燴紅米飯: 果然好茄味.....不過d雞粒就麻麻地好味...紅米好有咬口....我中意黑椒腸o個個多d小食要左garlic bread(都幾好味不過garlic味可以再重d)同薯角(都係快餐店貨色啦)..... 另外有鮮果杯同雪米慈二選一野飲要左個有蜜瓜香蕉芒果的另一個係士多啤梨....不過d野飲嫌佢淡左d雖然冇特別驚喜..不過呢餐飯只係食左$90....有咁多野食.....仲想點? 最後食到好飽下次試o下南瓜湯先....友人話好好味的

2月13號晚未到情人節食咩好, 行行下就見到Citywalk呢間Riso出左個$199兩人用ge情人節晚餐, 係呀, $199兩位!!!個餐先有小食前菜- 蒜茸包同腸仔各一, 蒜茸包有d杏仁係面, 而d腸就有蜜糖同芥末醬跟埋, 好好味架 主菜係雞肉紅米飯(唔知有冇記錯)同埋帶子長通粉, 份量唔多, 但係味道都幾好講左餐飲同甜品先, 叫左一杯菠蘿椰子mix同一杯藍苺蜜, 而甜品係兩粒仔Tiramisu, 冇乜特別, 唔講戲玉黎喇, 就係有一盤choc dip strawberry, 有成十粒以上, 大大粒之餘仲要好新鮮好甜, 最重要係, 食唔晒歡迎打包!!!!嘩, 咁多野食, 質素又好, 座位又咁闊咁舒服.... $199咋喎, 仲唔抵到爛

99蚊一個SET兩塊蒜蓉包...幾脆但唔夠味兩杯野飲...紅粉香蜜(草莓+蜜瓜)..出奇地唔係草莓DOMINANT...誇拉芒果(水蜜桃+芒果)..出奇地唔係芒果DOMINANT...兩杯都幾得意兩個MAIN COURSE黑椒腸燴飯...還好唔過份濕AND味OK火雞白汁闊面...兩塊火腿...面好厚...好似未熟咁..= =四粒雪米糍...維記?????外加一個南瓜忌廉湯6...非一般...同平時飲開好唔同= =半份蜜糖腸5...BBQ喇喂~~TOTAL $110

只係又一間快餐店~今日三人行黎左食下午茶，其實我唔肚餓既，只係口淡淡想飲野~點左三個下午茶餐：南瓜雞肉紅米燴飯 - 唔錯，唔係risotto，因為個米煮透哂，但係紅米幾好咬口，個飯甜甜地，都唔差西班牙辣肉腸燴飯 - again唔係risotto，辣肉腸係劣貨，呢個唔得蒜蓉包拼薯角 - 薯角好乾，蒜蓉包唔夠味同埋好硬，呢個都唔得我揀左蘋果smoothie，酸酸地幾開胃另外個芒果smoothie就酸到打冷震個蘋果茶用左一個蘋果味既茶包，冇乜誠意~雖然我冇乜讚過，但係呢度實在係平$28一個碟飯加 smoothie，個飯仲同Waraku既一樣大，我應該有咩期望呢？！所以個飯唔錯，我都已經覺得佢合格~埋單$78三個人食飽都係咁既價錢…唔想再返黎，因為唔好食，但係唔可以話佢唔合格~

今日返學之前去左呢度食Lunch，去過荃新天地咁多次，今次終於可以試下呢間野啦。佢地係俾左錢之後先有人送野食，真係唔錯。今次要左個自由選，主菜係煙肉火腿闊條麵。小食係焗薯角，甜品有雪米磁。飲品就士多啤梨至尊。個主菜就唔算太大碟，但我覺得都唔錯啦。起碼個忌廉味都幾濃，但又唔會太漏。忌廉汁都係元朗既甜甜咖啡最正。佢地在麵上仲加左杏仁，可以增加口感，幾好呀。不過都係大碟小小會好點啦。而焗薯角就無乜特別，但加上蜜糖芥末醬就正好多啦。個醬真係令平平無奇既薯角增加唔小分數，正。飲品就幾好飲啦，真係感受到低脂雪糕既feel。甜品就係荔枝同芒果味既Mochi，無乜野。整體，食物都算中上啦。服務都幾好，我落完單之後，侍應既刻俾個mochi我。Mochi緊係食完飯先食啦，佢地都好好禮貌咁幫我雪住Mochi先。另外，個薯角佢地俾左茄汁我，但佢地都好樂意幫我換番蜜糖芥末醬。咁好服務同食物，實有下次既

Riso這家店子吸引之處是它的裝修幾colourful, 幾stylish, 二人套餐都幾特別，望落去好似幾好食，仲包野飲同甜品。我覺得有點怪的是，侍應在門口counter便請顧客買食物，不待顧客坐低慢慢看Menu, 這個menu 一定要慢慢看，慢慢選的，因為一個套餐有蒜茸飽幾塊、四款主菜、超過十款飲品（名字還很特別的）、甜品（一係雪米糍，一係就生果，生果就要選幾款之中選一款）。我們要了西班牙辣肉腸燴飯，芝士火腿意大利飯。蒜茸飽的蒜茸味道幾夠，不過焗得唔係好夠香。意大利飯幾夠黏，味道都唔錯，飯裡面d芝士汁有好多，d飯煙煙韌韌的，辣肉腸得唔係太多塊ja, 有黑椒的有少少香辣。雪米滋有芒果同荔枝兩種味道，都係一般餐廳送o個d，冇咩特別可言，普普通通。另外生果要了honey melon，得好少好少ja，用一個膠杯pack好的，而且d生果唔係咁甜。野飲要了一杯冷，一杯熱，都唔記得exactly名字了，只是我覺得冷的似符比較好飲。

今天很想食Risotto便去了荃新天地Riso，因為未食過這間cafe。我要了套餐$45有1.Main Course 西班牙黑淑燴飯，因為有黑淑小小辣，雖然不正宗但味道ok。2.Snacks惹味焗薯角，好熱但好食。3.Drink 即蘑咖啡，唔得無咖啡香。4.Dessert雪糕糯米糍，食唔出甚麼雪糕，因為好細個但ok。已這個價錢已經好滿意，會有下次。

這家店的經營方式與及價錢都跟Euro Go Go差不多，只不過呢間店是做意大利菜。二人套餐，有半份蒜茸飽，主菜三選二，四粒雪米滋和兩杯smoothie。蒜茸飽唔算太脆口，但蒜茸味道都夠，算是過得去。主菜選了白汁火雞濶麵和芝士火腿意大利飯，白汁火雞濶麵的汁較稀，麵亦有點硬，水準只是一般；芝士火腿意大利飯，米飯不黏，也沒有煙韌口感，芝士都唔香，毫無意大利飯的風味。雪米滋有兩款味道，一是芒果，一是荔枝，現成貨無話特別好或差，不過好在唔會雪得硬柴柴咁。Smoothie我要誇啦芒果，材料即芒果和蜜桃。兩者都不香，味道也不夠濃，我甚至完全嚐不出蜜桃的味道。以招牌飲品來說，我覺得不合格。雖然食物平平，但二人套餐也只賣$99，還想苛求甚麼?