影片
电话号码
65860412 (WhatsApp)
附加资料
要提早兩日預訂蛋糕
以上资料只供参考，请与餐厅确认详情
食家推介
今日去K11 Romanova買咗件俄羅斯原味蜂蜜千層蛋糕🍰$68，雖然$175三件，但唔知🤔好唔好食所以買住一件先。有個靚藍盒拎返屋企。返到屋企放雪櫃，食完飯先攞出嚟食，插蠟燭🕯️慶祝🪅埋婆婆生日🎂。食落都算甜，比想像中好食😋，一家人每人一啖就食完。
继续阅读
以前去俄羅斯旅行食過當地嘅甜品，除左係高級餐廳食到嘅甜品真係令人眼前一亮之外，普遍cafe同快餐店都係偏甜同偏厚實，全部都係熱量炸彈黎所以之前未有實體店嘅時候，都有留意到呢間社交平台shop，但冇咩興趣買😂今次屋企人經過買番黎終於可以滿足個好奇心喇👍🏻👍🏻先講總結：口感同質地偏厚實，同印象中嘅熱量炸彈差唔多。但經過調整更適合香港人口味，整體更加精緻細件冇咁飽滯，同埋甜度降低左更加容易接受。 對俄羅斯甜品有興趣嘅可以試吓，整體比俄羅斯散件好食😂開心果味中間與其話蛋糕卻更似餅乾但餅乾唔係酥脆，而係濕潤軟綿嘅口感，整體感覺餅乾比蛋糕更厚重。啲cream偏水同埋開心果味好淡，主要都係食到甜味。食多兩啖就唔想食了，螞蟻人可以一試。蜂蜜味同樣蜂蜜味欠奉，無論糕體同cream都十分厚實，食食下有種食消化餅夾cream嘅感覺，十分飽肚😂但整體又比開心果輕盈，可能因為冇咁濕😂好處係口味調整過更適合香港人嘅甜度，冇俄羅斯個種螞蟻人嗜甜嘅程度😂朱古力味朱古力味濃郁！比蜂蜜味更好食！朱古力鏡面係苦甜味可以中和番糕體嘅甜膩！最推薦朱古力味！係唯一可以清曬嘅味道！最後附上俄羅斯旅行嘅時候影低嘅千層蛋糕（雖然好平同好大件但伏已中的）
继续阅读
我朋友生日要諗吓去邊度搵蛋糕，其實都唔係想像中咁容易，因為有啲蛋糕好味得來未必好好睇，有啲調返轉就係做得好靚，影相就非常之好，但係識落就好簡單嘅忌廉海綿蛋糕咁。一係就係一個圓形或者長方形海綿蛋糕，之後幫你打印一張相落去，最多就係幫你側邊加啲cream，或者加多少少色彩豐富嘅水果，雜果之類。你今次經過朋友介紹嚟咗呢間買蛋糕試吓，地點非常方便就響K11 Art Mall入邊地鐵嗰層，落雨都唔使驚。試咗佢最出名嘅俄羅斯蜂蜜千層蛋糕，雖然張相影得唔靚，但係味道同外表都好靚，去買蛋糕嗰陣時服務態度都非常好，非常細心，食落去嘅味道亦都好香嘅蜂蜜味同埋開心果嘅味道都好出。仲有要特別提到佢售後服務都非常好，攞完蛋糕之後嗰一日都會問返我食完之後覺得點，同埋服務方面有冇需要改善嘅地方之類，好細心好識做生意。絕對會建議其他朋友有機會買來試吓。
继续阅读
🫶🏻話說呢間蛋糕店最近係 K11 Art Mall 擺左個 Pop-up store，朋友見到就大力推薦，話上次係旺角買過佢地既藍莓芝士蛋糕，十分好味，既然如此，今次買其中三款味道返屋企試一試 😉原來店鋪主打俄羅斯千層蛋糕，以全天然蜜糖及82.5%牛油而製成既蛋糕，蛋糕有 6 層餅底同忌廉，層層相間，配以新鮮水果，咬落酥脆，口感特別 😍🍰 TROPICAL COCONUT椰子味道既蛋糕，表面灑上一片片椰絲，餅店花上巧思將中間交錯既忌廉都轉為椰絲，香軟微甜，配茶食用一流 🫖🍵🍰 PISTACHIO MEDOVIK平常食甜品最喜歡試開心果系列，蛋糕採用意大利果仁，忌廉順滑並帶有果仁香味，食完不覺甜膩，不錯 ♥️🍰 LADY GREY三款口味中味道比較甜既一份蛋糕，以伯爵茶底為主，入口即有伯爵茶之芳醇，表面另有乾橙及藍莓作配 🫐▫️◾️▫️◾️▫️◾️▫️◾️▫️◾️▫️◾️▫️◾️▫️Romanova Bakery📍尖沙咀K11 Art Mall B2 Pop-up store
继续阅读
原味蜂蜜千層蛋糕賣相：🐧🐧🐧🐧🐧味道：🐧🐧🐧🐧🐧千層蛋糕採用特選俄羅斯蜂蜜，與柔軟的蛋糕層融合製作而成。蛋糕層次分明豐富，蛋糕層與忌廉比例合適，整體甜而不膩，每一口都帶有蜂蜜的清甜香氣，令人再三回味，不愧為店長推薦😋伯爵夫人茶蜂蜜千層蛋糕賣相：🐧🐧🐧🐧🐧味道：🐧🐧🐧🐧🐧千層蛋糕中夾雜著帶有Lady Grey 茶味的忌廉，入口茶味馥郁芬芳，兼散發著淡淡的柑橘和佛手柑的香氣，感覺清新怡人，夏日良選☀️香濃朱古力千層蛋糕賣相：🐧🐧🐧🐧🐧味道：🐧🐧🐧🐧🐧千層蛋糕頂上有一層醇香的朱古力漿，味道微苦帶甘，正好中和下層朱古力千層蛋糕的甜膩，食落每一口都帶有濃郁迷人的朱古力味，令人上癮，朱古力迷務必一試👍🐧❣️店舖設有散水餅套餐優惠，想選購特色高質散水餅的朋友不能錯過❣️🐧❣️現購買任何兩件蛋糕，即可獲贈限量滴漏咖啡一包🤩🐧❤️結語：獨特又高質的俄羅斯蛋糕，散水餅良選。
继续阅读