Rosie's Cafe by cafe company (已結業)

約左朋友係沙田區見面，於是上網search 到依間餐廳。本來貪佢有得訂位，唔駛排隊，對d野食無咩太大期望。但佢d食物質素，真係比想像中好，兩位好朋友仔本身都話黎食少少野，志在坐下，傾下計，最後叫左3碟食物（沙律+蛋包飯+甜品）都清碟👍🏻😋

一行4人個個肚餓程度唔同，唯有喺新城市廣場慢遊睇下有邊間餐廳唔使等，又有正餐又有甜品，4係友可以自行揀啱自己份量嘢食，路過呢間餐廳門口，俾個menu吸引咗入去。先叫咗2人餐，有1沙律、1意粉、1主食，再加咗個芝士肉醤薯條。間餐廳坐滿人，但啲嘢食堅快上，味道全部都唔錯，咁緊係要食埋甜品先圓滿啦。左揀右揀，Hotcakes啦，自選配搭，就佢啦！Shit,中伏！雖然個經理聲稱signature甜品係French Crepe，不過佢個Hotcakes都係一樣成$80幾蚊，可以做到一樣價錢，咁質素斷估都應該唔差得去邊，又可以自選水果+toppings+sauce，心諗不如一試啦～ 頂～ 「我錯了！」🤢賣相還呃到人，一食落口，唔熱，又實，基本鬆軟都冇，好似隔夜或者翻叮出嚟咁。小女子真係冇幾可，但難食程度令我忍唔住，叫咗個經理過嚟，問佢個hotcakes係咪唔係新鮮整，點解可以咁實頂頂，經理答係新鮮整，咁我亦都毫不客氣地回佢「難食」兩個字，比起老麥啲hotcakes還要難食。俾我咁比較法，個hotcakes錢到最後緊係冇收我啦。

第二次黎食了第一次只係食甜品食完第一次 之後今次黎食正餐叫左個1️⃣黑松露雜菇飯（好似個名係咁叫）個飯真心唔錯 黑松露味好香 但唔會好濃 味道適中 2️⃣櫻花🌸蝦芝士pizza 唔會好大個 2個女仔好夠食 pizza係薄底 但我厭pizza底較林身 唔脆口 但面啲材料堅正3️⃣青檸柚子梳打 我覺得麻麻地 因為一飲落去青檸皮個陣 苦澀味好勁 我飲左2-3淡就冇飲4️⃣朱古力味Pancake 上面既牛乳雪糕好香濃好滑不過呢個pancake係會比較實身啲既 我個人都覺得ok 既2個女仔去食 勁飽飽咁走 同埋啲野食都算快到待應都好好禮貌同態度

下雨天，週日12:30.......因為未肚餓，只假日想找舒適地方，享受午餐，飲杯野，打書釘.....突然想起，試一試這間咸pancake,輕食，唔會太over這天沒有set lunch, 只能餐牌上的散叫@煙三文魚牛油果pancake 🥑🥑🥑@$90 其實價錢都中上，唔便宜，只怪地點位於新城市，租金影響味道確不錯，用鉄小鑊，夠熱，又能保持溫度。唔怕食食下凍晒.....最頂4片三文魚.....牛油果🥑粒，中間有沙律菜及蕃茄🍅🍅粒，很清爽......底層pancake 有蛋香，又鬆軟......份量 輕食小女孩....夠飽......男士們，只能作下午茶吧😂😂唯一......讚......週日不用等位，可能我還早...12:30

去到沙田新城市想搵野食，上網睇到呢間寫pancake好食，就去啦！點知碟野凍冰冰，pancake質地都係硬嘅，上面一大舊牛油仲以為係雪糕，個pancake都唔熱，牛油都唔溶啦！真係好難食！好失望！仲要賣$80。另外就係啲waitress都係無笑容架.......

以德式鹹甜pancakeu出名的餐廳，有多款選擇，而且見到openrice訂座8：00pm有85折，咪去試下囉，但有趣的結論係意粉比pancake好食明太子忌廉意粉~好好味，creamy, 明太子有少少辛辣的感覺，正巴馬火腿鹹pancake~有趣的是個pancake係甜，巴馬火腿又鹹鹹地。。總之都係清爽組合，鹹鹹甜甜黑糖紫薯pancake~其實一句到尾。。都好甜下，因為個pancake本身有少少甜，紫薯又甜，還要加黑糖漿。。。等於超級甜，食唔出其他味道。

上Open Rice找到這排第二位嘅Rosie’s, 好想試佢嘅煙三文魚牛油果pancake。見到餐牌上包湯同飲品嘅lunch set, 本來想轉肽， 不過我記得學過就係食嘢就要食啲自己鍾意嘅！我嘅煙三文魚牛油果pancake係由一個充滿笑容嘅waiter 送上的，留下很正面嘅感覺☺️。Pancake 特色的地方是佢係”瞓響”一個幾重嘅鐵煎pan上。蛋香一陣陣地蹼向我，我趕快拿起刀叉！牛油果剛好，熟、滑、充滿口感！煙三文魚比較簿，但濕潤，沙拉新鮮，也配上少少酸汁，到最要的一層了:蛋pancake!很香蛋味，煮到剛剛有crust甜甜地，像日本菜的玉子般😌個人認為厚多少少口感會提升！讓我來個close-up shot! 😆說真的，我未夠飽😅。下餐再食！服務員不是個個都咁好禮貌:有的會把餐牌大力投在桌面上。。😱做得很唔開心嗎？有的沒精打彩的。。😑。。無信心定未瞓醒呢🤨不過環境係好的舒適，有輕快嘅英語歌作背景音樂☕️

對呢間餐廳好失望！因之前來過幾次食，水準都OK,點知今次新年來食竟然d食物水準差到咁，我哋叫左4樣野，包括pizza、炸雞、蛋包信飯同意粉，點知樣樣野來到時都係凍既，真係難以置信！！咁我哋咪叫個侍應來問囉，我哋問佢點解樣樣野都凍既？！佢企喺度木無表情咁唔答我哋，再問佢一次，也是呢個態度，咁我哋咪問佢呢4樣野係咪冷盤來？佢只係答唔係，咁我哋咪再問多一次點解所有食物都係凍既，佢再一次木無表情又唔答你，然之後突然間郁手收我哋d食物，我哋好突然咪問佢做乜囉，佢又答你繼而仲掉轉頭走，真係比佢吹啤啤，總之就係戴住年初四樣同態度返工囉😡😡唔怪之得以前好多人排隊食，而家冇乜人食啦😠😠

去沙田逛街時無意中見到裝修不錯的餐廳賣相吸引 價錢合理便入去試試點了兩個午餐是日餐湯 係蘑茹湯味道中規中矩 內有少量蘑菇粒不過湯比較稀午餐之一的牛油果蕃茄沙沙蝦班戟好好食 好香牛油同蛋香味上面沙律凍 配熱辣辣的班戟配搭新鮮 極力推介可惜另一個午餐...肉眼扒配雙色椰菜沙律薯角好失望牛扒無肉味 燒汁又稀又唔濃超級不建議另外單點了一個前菜 —煙三文魚配牛油果忌廉芝士煙三文魚邊有少量骨 扣少少分牛油果幾清新 可是配忌廉芝士有點不夾如果下次再經過想再試其他口味的班戟

曾經和朋友到這間cafe吃晚飯，對pancake一試難忘，難得到沙田遊玩，在別處吃了午飯，就要再吃pancake!由於是平日時間，人流不多，馬上就可以入座了。餐廳內播著令人輕鬆的音樂，座位舒適，如非有下場活動，早就閒聊不走。這個雜果Pancake 一到，隨即一陣蛋香飄出來。pancake看似單薄，但吃起，口感鬆軟，蛋味香濃，另外水果亦算新鮮。本來對雪糕沒有很大的期望，但雪糕竟然出乎意料地香滑，奶味頗重。

呢度嘅 pancake 係用迷你黑色鐵板 serve 嘅，佢唔似麥記果啲咁薄身，厚身得嚟又唔似 souffle panckae 果種空氣感。試新嘢叫咗一鹹一甜：鹹味嘅有大蝦沙律，甜味嘅有紫薯。前者望落好七彩繽紛，後者嘅紫薯相對顏色比較深沉。食落去果然係甜味嘅紫薯同 pancake 比較啱口味，而且係配有雲尼拿雪糕架！以為佢份量少少，實質好多澱粉質，所以好飽肚。結果我哋食完呢個都食唔落其他嘢食 lu~ 題外話：話說今日係 international pancake day，所以我特登響應下嚟食特色 pancake 嘅！

I was looking for a good, a little bit more special but effordable restaurant in Sha Tin and found this one on OpenRice. I also booked it via OpenRice but unfortunately we arrived to late because it is so hard to find/locate this restaurant (as the New Town Plaza is soooo huge) ... Finally (after my booking was already cancelled on OpenRice and I called them in order to keep the table) we arrived 20 min too late. Surprisingly (as it was Saturday) the restaurant was quite empty. They kept the tab

去開沙田行街，記得一田個邊最底個層有好多餐廳，特登行過去食晚飯，去到先知全層裝修 見到呢間cafe就隨便入去試下Menu有個2人set，包餐湯，沙律，2個main dishes同甜品。一坐低放低2杯水，用膠杯裝既，唔講以為係茶餐廳俾人洗野。先講餐湯先，用個杯仔裝住磨菇忌廉湯，果道同罐頭湯一模一樣，質地都係，似冇煲過既罐頭湯一樣咁杰身，飲左兩啖就放低左。之後上日式蟹肉沙律，蟹肉少得可憐，沙律上面有小小中華沙律，叫做符合左日式二字。醬汁微酸冇味，沙律菜只係普通生菜，而且冇切過，原片咁上😅😅食到好狼狽。食完沙律等左好耐先上意粉，我地揀左牛肝菌意粉，結果就中伏啦。醬汁同餐湯味道一樣，金寶罐頭味，哈哈！而且全碟意粉係冇配料既，只有面頭磨菇薄薄幾片，意粉質地過淋，同茶餐廳既一樣，完全冇西餐煙un有咬口既質感。差！之後上左安格斯肉眼扒配日式牛扒汁。叫左5成熟，食落似7成，好鞋。肉眼扒有3分1都係肥膏，而且薄薄一塊，份量好少，快餐店鐵板餐都大過佢厚過佢。牛扒下面舖左少少薯蓉，薯蓉稀得過份，食落口好大陣奶味，相信撈左好多牛奶，似係俾小朋友食既糊仔咁！食到呢到都一肚氣，途中完全冇人加水。我地嗌埋單佢先問上

社會學有所謂刻板印象,亦有所謂羊群心理坐落係沙田新城市廣場既食肆大家都會相信味道唔會差得去邊(當然價錢都唔會差得去邊)而且經驗都話比我知,差極都有個譜今次我知道我錯啦雖知呢間野主打pancake但我同友人都係比較喜歡厚厚果隻對呢一款唔太感冒,所以冇叫到叫左份牛扒,炒意粉,沙律同每人一份甜品牛扒牛味欠奉,又薄,個汁又唔MATCH,差日式炒意粉,不過不失但只係正常日本家庭餐廳水準沙律,菜都幾新鮮而且足料最好食就係呢個,特別係個雪葩將成餐飯救返,必試個人其實非常喜歡日本野而日式西餐廳更加係我既排行榜入面係位於前列只係今次都真係頗為失望雖然甜品救返D但都唔會再去了唔好食既野,價錢再低都係貴; 好食既野,價錢再高都係平

第二次寫呢間食評。今次無叫餐，試下散叫。明太子意粉好多人like，所以試下，放係枱面，已經好香明太子味，汁又好rich，的確唔錯幾好食。 另一推介朱古力香蕉pancake， 佢哋啲pancake真係幾好食，上枱時熱辣辣， 但係配忌廉，如果配雪糕仲正，冰火交融。另外，雖然星期一晚餐廳無咩人，都係比你90分鐘用餐時間。同埋侍應反應好慢，唔知係咪因為餐廳無咩人，大家係度發呆。環境ok，坐位寬敞。 家常外出用餐ok之選。