Rosie's Cafe by cafe company (已結業)

行完IKEA，嘆個靚靚下午茶平日放假嘅好處就係唔洗同人逼，就快新年，去IKEA睇下有咩買，執返靚仔間屋先，行到累。就想食個下午茶，就去左rosie's cafe 啦，之前媽咪同家姐食過，媽咪一直話好好食，咁我梗係要去試下啦環境都舒服，平日冇咩人，最好就係有買一送一，即係半價，即刻覺得抵食左我自己平時鍾意食窩夫凍個種，用煎PAN 整嘅熱PANCAKE第一次食，賣相唔算好靚，但食落好有驚喜！！！！PANCAKE軟綿綿，熱辣辣，真係好好食，配埋酸酸地嘅雜莓，自己一個人絕對可以食哂一整個！到到宜家，我都好想再去食多次，係沙田市廣場，又就腳又方便！

之前經過見到好多人食，今次終於有得親身試下啦！餐廳位置都幾容易搵，好彩我地去嗰日唔多人，等左十五分鐘就有位啦！一入到去見到啲裝飾真係幾靚，好喜歡呢種日式西餐廳嘅感覺！我地選擇咗比較裡面嘅位，都唔算太噪，傾計幾好。ROSIE都有好多種食物選擇呀！意粉、飯、甜品、仲有最出名嘅鹹班戟。我同我嘅朋友兩個都係食鹹班戟，咁出名就一定要試下啦。我食嘅係芝士西蘭花雞肉班戟！味道同我想象中差唔多，只係西蘭花有啲硬，但係芝士、雞肉同班戟呢一個配對就真係幾好食！可能我本身都鍾意食芝士啦！

慶祝友人生日，見裝修唔錯就入去叫咗個2人套餐。湯及沙律還可以，但主菜就好唔掂喇！朋友話佢嘅三文魚意粉好咸，而我叫嘅牛扒薯菜，薯菜部分又係咸咗啲，更甚是件牛扒唔太熱(只係暖暖哋)，入口後咬落覺得超靱，而且少啲牙力都唔掂。最後甜品就還可以。買單$405，但都係無下次啦！😓

叫左個strawberry caramel pancake, $78， caramel 極少，仲少過麥當勞啲糖漿，士多啤梨得幾粒碎（下圖就係上菜既樣），earl grey tea 完全冇earl grey 味，唔係想揾個地方坐都唔會入黎，好想知係咩飲食group開性價比極低，服務一般，無下次

仲有一個特大的伏， 外面是西餐廳裝修， 內裏是茶餐廳， 現在openrice看到竟然是日本餐廳。 進入餐廳時，由兩位中年大肚腩大叔招呼， 其他waiter是正常的。 我們叫了二人套餐， 共三百六十八元， 先上兩碗粟米湯， 可熄匙羹畀湯碗還大， 頭盤是蝦， 但他比刀法非常凌厲的師父切了一半， 力公的勢利， 真叫人讚嘆不已。 食物到來的速度ok， 沙律菜是枯葉， 食材和味道ok， 主菜叫了七成熟的牛扒， 結果來了一塊十成熟，硬到切不開的牛扒， 所以跟waiter說 希望可以轉另一 個菜式，但中年大叔， 從水bar叉緊電的手提電話的大聲對話中， 放低手上的工作， 跟我們說 再煎一塊新的給我們， 但是因為見到廚房內的工作人員， 將我們原先的配料配菜， 用手倒向另一隻碟的時候， 我們再與中年大叔澄清一次，是要想要換第二個菜式了啊! 大叔說通常煎得不好， 也會再煎過另一塊， 幸好我們堅持要轉另一菜式， 才避過了要吃徒手掂過的沙律。 意粉， 除了條三文魚瘦過我兩隻手指， 同埋啲汁同水一樣稀之外， 味道是可以的。 另一個是燒雞咖哩飯， 除了燒雞硬到差點咬不開， 和咖哩太少， 飯太硬之外， 有沒有什麼

間野review一向都話service麻麻，的確係真既.....野食ok, 否則一肚氣...平日食飯唔太需要service係可以，一有額外野就唔掂...收切餅費連雪住先都唔得，service只係包餐廳入面食，同嗌幾次先有碟，叉要另外問， 可想而知waiters 有幾醒目....相都幫手影既，不過cut左個頭頂....

同媽咪早餐食得多得製 但已經到lunch time 同埋佢陣間搭飛機返上海 所以間左尼一間cafe 之前係openrice搵到佢想食佢既pancake 於是我地兩個今次叫左熏鴨胸pancake 同埋牛油果大蝦沙律牛油果大蝦沙律 （80蚊）： 份量唔細 大蝦有幾隻 仲有沙律菜 番茄 麵包粒 淋麻醬同橄欖油 味道唔錯 但價錢有d貴 如果好似d外國人將沙律當主食 我諗應該係唔夠既duck pancake：尼一間以pancake出名 等左一陣 熱辣辣既pancake 送黎 鹹既pancake我好似係第一次嘗試 份量ok 若一個人來食飯 就可以當一餐燻鴨唔少 但其實係出面買既熟食果d 仲有沙律菜番茄等 有菜有肉 營養算係豐富pancake小小油 但淡香奶香味很濃！好好味 就是有d油 無計啦 本身想話都幾健康既 90蚊 總之 尼一間cafe ok la 岩曬傾計 cafe既話價錢都差唔多

一開始見到佢有d格調，心想應該ok掛。用咗app攞飛，攞咗7號，叫到4號，心想就係門口等下啦。等咗一陣，門口都冇staff，冇人理我地。見到有張空枱，但就係冇staff理我地。終於有staff發現有人係門口（我地等咗都成10分鐘），佢竟然求其問一pair就帶咗佢地入去，而個pair只係剛剛到！我地真係有d怒，等咗咁耐，你竟然問都唔問就求其帶客。我地當然同佢投訴啦。佢就只係「哦哦哦」咁，求其hea咁。坐低咗，叫咗個意粉同飯。意粉ok，飯就唔好食，凍凍地既。本來想加飲品，不過兩分鐘都冇人理，佢地就係咁話等等、等等咁，之後就忘記咗你。不過埋單就出奇地快。咁既餐廳真係唔洗再去。

繼上次去睇HELLO KITTY聖誕佈置後，今次又為左KITTY同聖誕景去沙田一轉，順便食埋飯，平時去一田，都好常經過 Rosie's Cafe，是一間日式西餐廳，主打德式班戟，本身都有興趣，今次可以去試下了。 餐廳面積頗大，有空間感，裝潢以木系為主，周圍擺放了不少盆栽及植物，甚有田園之感，不同種類的枱椅、幾有特色，平日的晚上，冇乜人。 二人晚餐，$368，有餐湯、餐飲、頭盤(1份)、主菜(二份)及甜品(二份)。 周打蜆湯，味道濃郁，有蜆肉及薯仔，味道不俗。 烤肉腸配薯仔莎莎，烤肉腸，賣相都幾燶，味道香口惹味，不過都幾油，薯仔莎莎味道較淡。 煎三文魚柳配明太子露荀意大利麵， 三文魚柳，肉質軟滑，有魚油甘香，幾好味，明太子醬微辣鹹鹹地，意大利麵口感彈牙，味道不俗。 煎西冷牛扒配自家製涼拌捲心菜。 西冷牛扒，牛扒肉質鮮嫩，有嚼勁的口感，牛味濃，幾好味呀。 南瓜杏仁撻配香草雪糕，撻底脆口，cream夠軟綿，食落有微微的南瓜味，不太甜，正常水準。 迷你荷蘭式班戟，以鑊仔上，有牛油、吉士及檸檬伴食，微熱的班戟，入口軟滑有蛋香，甜度適中，有特色又幾好味呀。 食物味道不俗，環

假日午飯時段來到沙田新城市廣場，搵位當然有d難度啦，但突然記起有次經過依間餐廳，被它的甜品吸引而留步觀看，所以諗住睇下多唔多人而決定食唔食~ 幸好，不用等位便可入座，限時90分鐘，最低消費為每人一杯飲品~ 我地總共叫了四款食物： (1) 炸薑汁脆皮雞配蓮藕脆片 $78雞皮炸得非常脆且香口，但嚐不到薑汁味，而蓮藕片好脆，有點兒像薯片質感，配上醬汁食味道不錯~(2) 藍青口大蝦海鮮燴飯 $120青口及海鮮等味道都ok， 但飯略嫌唔夠蕃茄味，而且飯質感比較乾身，不似燴飯，覺得味道一般~(3) 帶子露筍香草汁意粉 $92入口時帶有濃濃的青草味，但小編覺得挺清新且味道不錯，但略嫌帶子比較小，意粉份量亦都偏少，而且好難先見到露筍的踪影~(4) 沖繩甜薯茸黑糖班戟 $88這個甜品入口真係覺得好好食，它與平時的班戟整法稍有不同，蛋味非常濃郁，質感軟綿綿，與甜薯茸及黑糖這個組合非常配合~整體食物都唔錯，而且環境都坐得舒服，可以一試~

第一次上黎寫食評，希望以後幫到大家共同對抗人生最大既哲學難題，今晚食乜好？話說我同女友一個住觀塘一個住天水圍，未去到天各一方但其距離足夠令好多地方都令我地為之卻步，而今日所揀既「中間點」-沙田。沙田餐廳集中，都係圍繞新城市同鄰近幾個商場仔度覓食，而今日既目標就係Rosie's Cafe。適逢周日整個商場滿佈陸客都預料之內架喇，但意想唔到約莫七點鐘既黃金時間竟然門口只有一個家庭（一男一女一小孩）正在等待，正門無任何工作人員或機器派飛，我地同果家人一同於門口向裡面既侍應示意都無人理會，果家人不耐煩走了，企左約5分鐘先有職員黎帶位（語氣仲要唔多友善）。坐低揀好野食，Order果陣有個職員喺隔離台上完菜，我地叫一叫聲唔該示意落單，四目交投後佢選擇直接離開。大家如果選擇呢間餐廳，最穩陣真係叫返Pancake。Entree不建議，份量少且調理一般呢隻熱狗有啲驚喜，係個包有點硬，但味道無可投訴。總結：為Pancake而來是絕對可以的，但肉類料理確實一般且價錢並不算便宜，服務有待改善，臨走眼見有三四張吉台，但外面排晒長龍無人理，食淨既吉碟唔到埋單一刻都唔肯收，整體只算一般。

生日主角想食pancake，一班沙田友懶得去太遠，見到沙田又有pancake食就一於食Rosie啦，星期日無得訂檯，唯有食早d。6:30左右去到，餐廳都未full，侍應問左前面3個女仔幾多位，其實一眼已經望到仲有檯，以為侍應會帶位，點知佢行左入去，無理過果3個女仔，跟住先再有人問多次，然後先帶佢地入坐，仲要同時間比後來既一家人打左隊長尖，我覺得侍應可以叫客人line up先，唔係鬥快搶答甘講幾多位！都預左星期日食飯有限時（呢到限時1.5小時），唔等排隊入緊停車場果2位朋友，叫個前菜焗雜菇同豆腐沙律食住先，跟碟麵包係牛角包，比一般法包特別，雜菇味道淡左d，同埋之後d菇出水都幾緊要，有兜野變得水汪汪；豆腐沙律就無乜特別，同埋舊豆腐大大舊，我仲以為會切細粒，方便進食，有落差。終於人齊就叫埋主菜，叫左2個意粉、1個飯、1個pizza，其實最似樣係個明太子意粉，因為最有味道，另一個蕃茄湯意⋯⋯湯同意粉都無味，最後忍唔住將d意粉撈埋食剩d明太子汁食埋佢。至於個飯，還可以啦，淡淡蕃茄味，海鮮就食到係雪藏野（即係有少少雪味）。Pizza都可以，但Parma ham唔夠油香味。最後當然要點主角想食既pa

與老公來沙田揀家俬，中午飯選擇openrice附近排行第三的日式班戟店食飯。因為到餐廳時已經是下午2點，所以雖然是禮拜六但無需等位，店內空位很多。入面環境比較潔淨，裝修都幾有weekend feel。見到餐牌都覺得幾有新意。大部分是班戟，但亦有飯和意粉。選班戟時問了一下有什麼Toppings可以加（Toppings+$8），但店員答toppings即是薯蓉，有點無語⋯第一個點的是牛油果煙三文魚班戟，個班戟底甜度適中，煙三文魚份量亦足，味道不錯。可惜牛油果無乜味，同埋牛油果配甜味的班戟感覺有D怪，雖然idea幾好，但無法帶出牛油果的香味。食完了許久，第二道菜還未上，而waiter已經熱切地收走了我們的餐具，再度黑線⋯但好在她態度非常好，立刻給我們換了新的。另外一份雞扒點咗30幾分鐘都未上，反而隔離檯同我地食到一半先坐落點餐的客人D班戟同豬扒都上齊⋯睇來呢間店整個雞扒係要整40分鐘的⋯問Waiter卻說無漏單⋯此餐廳效率之高令人大開眼界。最後終於上咗雞扒。薯片好脆好好食，但醬麻麻唔夠味。隻雞就⋯⋯老實講我覺得自己焗得好味過佢⋯雞肉無乜味，顯然醃得唔夠，而且入面太乾唔夠juicy⋯明明係雞腿

跟朋友們相約到沙田晚餐，朋友之前已經訂枱。。。所以我們七點半的時候不用等候便可入座了這個時間門外有大量客人正在等位餐廳內座位十分多，而且佈置得也不錯。。。餐牌上食物種類十分多，有鹹點pancake，甜點pancake，意粉，小食，扒類等等都有選擇這個精選班戟材料十分豐富，內裏可清楚看見有厚厚的蛋，煙肉， cream cheese，菜等等。。。食起來的時候，餅底好像蛋餅一樣，食起來蛋味很土香，林林的。。。而且調味的也不錯。。。配以cream cheese吃起來會更為知味而且煙肉很香整個配搭十分好十分好味這刻菠菜長通粉，食起來的時候汁醬略為鹹了一點。。。但是味道的確很足夠長通粉彈牙，配上了汁醬 。。味道很濃郁更配了一件牛角包 。。。牛角包香香的，質感有點軟綿綿。。不像一般牛角包那般油膩，香脆。。。把牛角包再配以意粉汁來吃，十分滋味這個煙肉蘑菇意大利麵，真是十分好吃意大利粉上有一隻半生熟的雞蛋，我們把這個雞蛋拌勻。。。整個意大利麵會變得更creamy更杰身。。。整個感覺有點像卡邦尼意粉一樣，煙肉味十分香，白汁味重，很creamy而且這個意粉也是配上了牛角包的，所以份量足夠。。是會令人很飽飽的

Happened to have dinner in here because on the weekend, every other restaurant is full.We used the mall apps to reserve a table with no ease.The Spaghetti is served on a hot pan.The egg base is basically paper-thin. Flavour of the spaghetti is actually very nice with the sausages and peppers enhancing the overall taste. However the portion is small.The paella is average.We like the lotus fries., which is quite special than french fries or sweet potato fries.How lovely it is those chips are serve