影片
电话号码
35830232
营业时间
今日营业
08:30 - 21:15
星期一至五
11:30 - 21:15
星期六至日
08:30 - 21:15
公众假期
08:30 - 21:15
*截單時間: 20:30
以上资料只供参考，请与餐厅确认详情
最近朋友搬入白石角 University hill，所以和老婆去探訪前在 University hill 樓下先食個午餐。嗰度餐廳唔多，吸引我入去試既就係 Route 83 ，因為喺大埔都見過佢哋舖頭，平時喺社交平台都見到有不錯的評價！首先地段感覺不錯，因為不是在密麻麻的大廈，感覺非常舒服，而且門外亦有露天位置感覺很 chill!中午時分有午餐套餐，價錢公道合理，選擇款式亦多，基本上我和老婆很快便決定吃什麼了！套餐免費隨送餐湯或沙律，既然我們會點兩個餐，所以一個餐湯一個沙律這樣便可以分著來吃！這個咸豬手是一人份量，但當上菜後看到其實也非常嚇人，無論豬手的大小和薯蓉都份量十足！豬手香脆可口不會太鹹，而且亦不會太肥，薯蓉沒有太多調味配上酸菜及豬手，味道剛剛好！pizza係薄批，同樣份量亦十分驚人，自家製薄餅原來口味可以天天不同，今天的是菠蘿及辣肉腸，薄批脆邊而且也很薄不愛吃麵包的人應該很喜歡！我們還加了28元加購炸薯條，這個是我們的最愛，薯條非常脆口，亦十分重薯仔味，加上沒有落鹽去做seasoning，原味十足！嘆世界當然點上咖啡，他們的咖啡也不錯，咖啡豆不會偏酸，值得一試！
继续阅读
我平時喺大埔食開嘅Route 83竟然喺白石角開咗分店，梗係同男朋友去試吓啦～呢間分店位於一個新嘅屋苑下面，餐廳環境十分舒適🥰我哋夜晚去到佢有set dinner，所以我哋都一人叫咗一個～我就叫咗手打安格斯漢堡（自選菠蘿) ($92)～另外仲加咗$10轉黑松露薯條～Burger本身都好厚，啲材料好豐富，尤其是加咗菠蘿更加可以平衡返當中嘅膩感🥰佢嘅薯條係粗薯條嚟嘅，配埋個醬好好食～另一個就叫咗半份香草燒雞配芝士焗薯 ($99)～雞燒得非常juicy，份量都唔少～仲有啲沙律伴菜😆本身set dinner亦都配咗一個湯，今日就係忌廉煙肉湯～同埋都可以叫普通飲品，我哋就加咗錢叫特飲😆一杯係榛子朱古力，味道好濃，而且又唔會好甜～而另一杯係玫瑰奶茶，好香嘅玫瑰味，上面仲有花瓣添！而我哋覺得未夠滿足，就叫多咗個食肉獸pizza ($95），佢係薄批嚟嘅，配料都唔少，好惹味😆今餐食得好滿足，亦都覺得佢同大埔嗰間嘅水準一樣，完全冇失望！
继续阅读
Route 83📍大埔白石角優景里63號Silicon Lane地下1-2號舖最近同朋友喺週末都多咗去Silicon Hill嗰邊散步、做運動，因為人流少啲，空氣又清新啲。自從新屋苑入伙後，多咗好多餐廳進駐Silicon Lane，我哋有時做運動前後都會喺附近食埋先走，所以都發掘到一兩間值得介紹大家認識嘅餐廳。今次呢間係主打西式餐點，有小清新裝修嘅Route 83，店內環境舒適，員工態度殷勤，日照時太陽射入圓形玻璃窗，令人可以好好放鬆一下。 💰$99德國咸豬手配薯蓉 🐖餐廳招牌菜係德國咸豬手配薯蓉，lunchtime過嚟食只係$99，仲配有餐湯或沙律，呢個地段算好親民。豬手表皮炸得焦香鬆脆，皮下脂肪軟糯Q彈，肉味濃香，肉質緊實不乾柴，加上標配德國酸菜解膩，一個人都可以輕鬆KO！我哋特別提醒大家食豬手同薯蓉時都要加gravy食，味道會更上一層樓！ 💰$83素菜大菇漢堡 🍔一隻豬手咁多肉，所以朋友都想叫返樣素食balance下。店員介紹佢哋餐點嘅特色，考慮到越嚟越多人轉食素，佢哋設計menu時，每一個category都會留返至少一個素菜選項，俾素食者有多啲選擇。身為食肉獸嘅我一開始有少少失落，因為我對食素漢堡興趣不大，但估唔到餐廳將素漢堡整得咁易入口，令唔習慣食全素嘅食客都可以食得好滋味。漢堡包夾有一隻大啡菇，因烤焗時間控制得好，所以仍鎖有大量水份，將菇嘅香氣散發出嚟。另一加分為係以Coleslaw除代一般生菜片，咬落既有蔬菜嘅多重口感，亦有千島醬同沙律醬混合嘅口味，層次感MAX！ 💰$32 (套餐加配價)菠蘿雪糕特飲 🍍🍨甜甜酸酸嘅菠蘿特飲好醒胃，再喺上面放上一大球雲呢拿雪糕整成floats，炎夏必點！ 💰$27 (套餐加配價)士多啤梨雪糕特飲 🍓🍨士多啤梨雪糕特飲原理一樣，但當雪糕同士多啤梨特飲融為一體時，會變咗奶昔嘅味道，我個人更鍾意呢杯！
继续阅读
黎到新開嘅Route 83 分店，一如既往，呢間餐廳嘅lunch menu性價比超高，仲要星期一至日都有Lunch Menu🥰Sillion Lane新店 環境好乾淨好靚好清幽，呢間分店裝修得好靚，好多sofa卡位， 食客之間有私隱度 lunch 價錢由$62-108 ，每個餐都包嘢飲同埋餐湯或者沙律😍德國鹹豬手配薯蓉 $108SIGNATURE GERMAN PORK KNUCKLE豬手大大隻，份量十足，鹹度適中，唔會過鹹，配合返香港人口味，外脆內嫩， 仲配埋酸椰菜，整體超開胃，如果薯蓉可以再多啲就好美式燒豬仔骨 $92ROASTED PORK RIB & BBQ SAUCE呢個餐仲可以揀配飯/意粉/沙律/薯條/+$10轉配黑松露薯條 BBQ sauce 同樣開胃，食落仲有淡淡嘅香草味， 肉質嫩滑，非常好下飯我哋仲有加配咗薯條，最鍾意有薯皮嘅薯條，即叫即炸，特別香脆
继续阅读
約咗幾個鄰居玩board game，咁就叫咗啲外賣，其中一間就叫咗Route 83。之前食過另一間大埔分店就唔係咁好食。所以聽到鄰居話叫呢間嘅時候都有少少保留。今次試佢兩款Pizza都唔錯，又焗得夠脆身雖然唔係外賣，但係送到嚟嘅話都係熱嘅，亦都冇焗到淋晒係唔錯，雞翼都醃得幾入味。如果返白石角附近嚟講，呢間都屬於中上表現嘅餐廳。下次要去堂食試吓去啲burger同埋啲扒，係唔係都一樣咁出色。此食評只限事次用餐評價。
继续阅读