Royal Pantry

营业中

休息中

見有很多空位，故選擇了這間。 叫了叉燒拉麵加飲品，叉燒還好，但拉麵未煮熟，咬落去勁硬，未熟透。 最大問題野拉麵中的嗚門卷已變酸，咬下去已經有臭味。大家進食要小心！！

見到有個皇家秘製日式叉燒拼滷蛋拉麵，還可以選豬骨湯底或地獄湯底。我選了豬骨湯底，冇選錯，個湯底夠濃，美味的叉燒浸在其中很好吃，拉麵也不會過「冧」，加上大量蒜粒，個拉麵好好味。最抵是下午茶的時段叫這個午餐還有八折並包飲品，折完$53 元。朋友叫了香芫茜爆腩仔飯，是下午茶餐，$54，腩仔份量超多，個汁加上香芫茜，十分惹味。最欣賞的是個汁和飯分開，不用像頹飯一樣撈在一起，朋友說自己鍾意幾多汁撈幾多較好。我們見這間餐廳的下午茶還有鮮蝦乾燒伊麵、瑞士汁炒豬扒/雞扒意粉，連麻辣雞飯都有，都幾特別，約好同事下次再來，試一試其他的菜式。

有無搞錯，這小餐廳未至絕頂好吃，但它的食物質素，製作之認真，以及旺場指數，都應該值得多點人為它發聲，怎可能在openrice對上一次有人寫評竟然是一年前的我！今天開會開晚了，總還要吃飯的，就用下午茶優惠吃了個“馬來咖哩汁焗雞扒飯炒飯底”簡單一句，「好食」，馬來咖哩惹味，足料，咖哩汁及芝士夠份量，雞扒嫩滑，juicy，加上炒飯底夠香，分量又適中，遲了吃飯但又不想分量太多，這個「啱啱好」。多提一句，這裏有做好的三文治放在門外，20元有三文治有盒裝飲品，快靚正，早餐午餐時段都有，我偶爾也會在沒時間吃午餐時買一隻醫肚，但我最欣賞它的是，那些侍應姐姐會幫我交回廚房翻叮，還給我一份暖暖的腿蛋治，十分窩心。

偶然也會路過這小店買三文治，但今早才首次認真地坐下來吃個舒舒服服的早餐 ...娘娘點了個“奄列”，我不太餓，點了個“奶油朱”。先來的是 ... “奶油朱”嗎？包面全黃的，沒有一角沒沾上牛油，不像一般茶餐廳，隨便撩两下便算，涂好牛油再焗才有這效果，加上適量煉奶 ... 對不起，一面寫一面流口水了！奄列 ... 嘩， 五星級酒店自助餐水準，餡料充滿每個角落，有四五層蛋皮包裹著，放在嘴裏像蛋糕一樣，口感十足，正！價錢跟一般茶餐廳沒兩樣，廚房的那份認真，簡直難以置信！

the best 馬來咖哩牛腩飯 in town ,沒有之一呢間D馬來咖哩牛腩飯真係好好味,佢有齊濃 香 ,另外入面仲有波羅粒粒你仲會食到D甜味 D汁唔會淡 用黎撈飯真係一流D牛腩都整得好淋好滑 入晒味咁呢間真係好正不過咁講一個lunch 81蚊對普通上班族黎講唔算平但可以一個月食2-3次都好開心

假期後的午餐，唔知食咩又凍凍哋，食熱野暖下先😆...之前食過拉麵和扒餐，今次試食咖哩，叫左咖哩雞跟飯，配凍檸寧茶😋好多雞和飯，個汁ok夠辣，可惜，薯仔少d，如果比例平均一點就好😆...anyway，整體尚好。

朋友介紹呢間餐廳好食，所以Lunch time 就過黎食，果然無令人失望。呢度環境吾錯，座窗口位，可以望到對面公園同馬路。Lunch set 黎講選擇都算多，有13個選擇，價錢中等，吾係特別平同貴。不過食物質素算高，所以性價比黎講係高既。我叫左鰻魚汁䈬燒挪威鯖魚飯拼炸帶子，可以配白飯/意粉粉/薯菜，我揀左薯菜。鯖魚燒得勁香，而且魚肉肉質鮮甜，份量適中，薯仔炸到外脆內軟，炸帶子，食吾到帶子味，似炸魚餅多D，不過係好食既。另外叫左餐飲-熱奶茶，都好香滑，拍得住茶餐廳。如果一點前離座，會有9折，好抵。

喺Exchange Tower 睇完醫生，隨便搵間餐廳食個快飯便回公司，這裡的餐廳普遍都偏貴，Royal Pantry 叫做較合理而且當天不用等位。我order左 set B 皇室秘製叉燒拼棒形餃子配烏冬 （地獄湯底） $64細心將葱分開上，叉燒軟腍，地獄湯底比較淡， 只有微辣，如可濃味一點較好，烏冬不過不失。室溫的棒形餃子，味道偏咸，如果熱上應該較好。

見依間餐廳好似好細咁，一直都無乜留意到，但有同事食過話幾好食，所以今次就去試下。午市大約十二點半都已經坐爆哂，但等位都唔算等好耐，七位等左三個字到就入得。野食選擇都幾多元化最後揀左S3，傳統椰香葡萄牙汁伴美國雞扒拼法蘭克福腸 配薯菜一上碟 賣相唔錯，份量都好多！雞扒整得好好，啲肉好滑而且仲好juicy，個汁椰汁味濃，甜甜地好好味！腸仔就無乜特別嘅，正常水準。但個薯角係最驚喜，整得好好食，個外皮好脆，帶微微嘅鹹味，唔洗點茄汁都已經好正。另外依碟仲有唔少青瓜同椰菜係底，有番啲蔬菜食感覺無咁heavy餐飲就加左$3飲凍檸茶，但原來加$5已經有啲特飲，賣相唔錯，下次要試下！

是日午餐，去左呢度食。係九龍灣返工三年幾，第二次去，印象模糊，成日經過，感覺高級 (可能是價錢影響)。選了蜂蜜青蘋果燒肉汁豬扒，其實，係個汁個名吸引左我叫。個汁係 ok 的，帶輕微酸甜，開胃。豬扒份量都可以。配薯菜，有菜同薯角，薯角都香口，份量唔少。午餐配湯，本身以為係羅宋或忌廉湯，一上枱都驚喜，係好多雪耳的湯，好潤，個湯都甜甜地。朋友選了一個吉列豬扒拉麵，因為今日要扮瘦既 OL。上到枱，朋友表示好似讀書時在科大飯堂食既吉列豬扒拉麵，很高興她找到快樂的回憶，可惜返到公司問她個午餐好食嗎？她說不。下次唔再食拉麵好了，薯角比較吸引。餐廳同事算有笑容，好過其他店午市要鬧客人。大家在九龍灣返工可以一試。可能我三年後會再來？

這家餐廳是我們其中一家午餐常來的地方，除了較近公司外，食物質素向來都是很有沒準，主要以扒類較為推薦。這天一如以往跟幾位同事到來，大家一約而同點了扒類，其中附圖有「燒肉汁伴美國豬扒」及「白汁伴美國雞扒」，豬扒肉汁鮮甜、雞扒煎的香滑，意粉則軟硬適中，連其中一位對意粉有要求的同事也說不錯，餐可配是日餐湯或熱飲，而加港幣5元更可配皇室紅豆冰、涼粉凍奶茶、涼粉紅豆冰，而且非常足料，實推介大家一定要加配。另下午一時前結帳更享九折優惠，加上不用加一，確是實惠

位於國際交易中心的樓下，除了銀行外，一排的食市林林種種，任君選擇。看見門口的餐牌，菜單好日式。我選了櫻蝦豚肉拉麵，味道一般，如果對拉麵沒有太大要求，質量還好，夠快速。配菜也夠多，伴著濃湯頭，麵條的軟硬程度還可以，唔會太軟，有彈性。碰上午餐時間，這裡也會出現人龍，可能因為大家都愛速食吧。這裡還有一點前結帳會有九折優惠喔～～～ 可是唔知道現在還有沒有？價格位於中位數，只能說在這算一般。環境還算宽敞，不會太擁擠。

有日同同事去隔離Royal pantry 食飯好耐都唔去食最懷念都係佢地下午茶時間嘅焗飯焗意粉😭呢到嘅焗飯有好多種類揀唔同汁唔同餸起碼有十幾類每次嘅combination 都可以唔同😂😂😂今日叫咗焗雞扒意粉❤️係辣汁😎😎👍👍有菠蘿有車厘茄辣汁唔算好辣亦都唔會一pat pat 好油膩都算幾開胃😎😛意粉唔乾唔淋啱啱好👏👏👏雞扒肉質一流👏👏👏好滑煎得好香口大大件好抵食小結都算係同區抵食之選👍👍👍

初嚟報到, 在九龍灣返工, 同同事一齊食飯, 唔到我選擇, 我唯有跟大隊啦。 一行七人去到依家叫 Royal Pantry 嘅餐廳食午餐。我哋早放食飯, 所以唔使等位。我叫咗一客<皇室秘製日式吉列豬扒拉麵豬骨濃湯> 價值$64元(九折後$58), 包基本熱餐飲, 我照舊, 都係飲一杯<熱奶茶>。呢個拉麵個名太長、太勁, 我都唔想再講多次。 個湯唔濃, 飲唔出有豬骨濃湯嘅味道及風格; 塊吉列豬扒好薄, 炸得好乾, 令我非常失望。麵, 唔算差, 但好普通, 跟一般茶餐廳嘅所謂拉麵冇分別。而個<熱奶茶>, 並非港式奶茶, 唔好飲。

有時侯突然好想食素, 今日就係咁,  就試下Royal Pantry既 橄欖油雜菌意粉。 叫完野食, 對住落地破璃, 望住外面人來人往街景，真係幾舒服。羅宋湯望落色水正常, 好夠濃郁, 好多料, 不過實在太甜, 好似茖左兩份糖咁。主菜好有驚喜。意大利粉上面舖滿香濃忌簾既蔬菜, 粟米同草菇。蔬菜同忌簾一向都好夾, 由於廚師調味得宜, 引出各種蔬菜各自有獨特既味道。 食到最後已經好夠飽, 太好味都不由自主咁繼續食。 下次會再黎, 不過唔會再叫羅宋湯。