Ruby Tuesday (MegaBox)

营业中

休息中

TUESDAY LUNCH AT RUBY TUESDAY星期二黎個即興去RUBY TUESDAY食LUNCHLUNCH SET（包括有主菜+Home make garlic cheese biscuit, soup/salad, tea/coffee)我就叫左8安士牛扒 (五成熟)餐湯係白汁磨菇湯, 好重磨菇味, 而且湯唔會好水..湯內磨菇份量適中牛扒的賣相唔錯, 但牛扒變左係七分熟, 肉質唔嫩口,食左一半已經唔想食...薯條好脆口, 蔬菜份量都好足夠食一個set已經好飽 如果唔夠食(可另加$20叫炸魚手指/炸雞條/巨型磨菇)質素都係一般, 味道無以前咁好食有會員卡的話,,lunch有85折優惠~ 晚餐5折~

由order至結帳，成個態度差到冇朋友。首先，待應同客落order既語氣，係以命令式口吻，態度仲要係粗聲粗氣。雖然有覆單，覆單仲要係啱。但到D食物到時，發現黎錯左，作為客人，同佢講番，佢待應竟然掉返轉頭問我係咪要改單😡到結帳時，因為趕時間，所以俾埋張咭佢埋單，明明兩個人兩個set lunch,竟然收我三個set lunch錢。俾我發現時，對唔住都冇句，只係講：頭先冇cancel個錯左既order.去過咁多間分店，其實每次都好開心，尤其和小朋友去。但今次真係覺得好差！

前陣子生日 和家人一起到Ruby Tuesday慶祝當天自備蛋糕去的未入得的時候服務員有主動提出幫我雪蛋糕先這點蠻貼心的香辣雞凱薩沙拉：好吃 辣度剛好 辛香料的香味重 令人食欲大增 沙拉菜也挺新鮮的自己叫了一個10安士肉眼排叫了5成熟 熟的程度剛剛好 不過肉質不算靚 吃起來還是有點韌他們家最令我喜愛的絕對是焗薯薯仔加上厚厚的醬 黃白色兩球 十分配合 香濃可口西蘭花也烚得非常冧 易入口家人叫了一個三文魚大蝦意大利飯檸檬汁配搭下挺清新的三文魚和大蝦也不會煎得過乾另外還叫了飲品、紅酒等有會員拆扣埋單四個人一千多感覺這次的牛排沒上次好吃畢竟較貴 所以有點美中不足

同朋友興祝生日就預左要洗多少少錢好難得一齊約左係九龍灣megabox唱k之後就緊係直落一齊食晚飯Ruby Tuesday位於九龍灣megabox 12樓，餐廳面積都幾大不過都係好full 朋友係前幾日就已經book定位，但我地去到都仲要等多10分鐘先有得入座咁睇黎間餐廳真係幾受歡迎餐牌封面係招牌漢堡(可惜當晚我地冇試)食物選擇有好多，有沙律、意粉、海鮮、薄餅......仲有甜品添蘑菇忌廉湯 $26其實我唔知個湯叫咩名不過依個係11月份餐廳精選黎所以我地每人都點左1份，個湯有好香嘅蘑菇味而且有好濃郁嘅忌廉同芝士，配埋脆口蒜蓉法包黎食就更佳經典燒排骨(全份) $368黎食Ruby Tuesday又點可以唔試下招牌嘅經典燒排骨呢今次㨂左配經典燒烤汁，不過我個人都覺得仲係有少少偏甜而塊皮略微有少少乾身，所以扣左少少分啦不過個薯蓉比到個驚喜我，因為薯蓉入面原來仲有薯仔粒提升左薯蓉嘅口感特色加州墨西哥烤薄餅 $248超級超級推薦依個薄餅比大家薄餅皮焗得超薄同超脆而裏面有牛油果、蕃茄做材料令薄餅味道好清新好健康如果點水牛芝士黎食會有就少少乳酪酸味都幾夾薄餅本身個味道香草烤雞配松露燴飯 $208燴飯分

Ruby Tuesday...通常都鐘意去Megabox呢間！貪呢度個景正，尢其是夜晚！不過就要預早 book 枱 request 坐窗邊位...因為通常都會 full 哂！選擇喺呢到食晚飯因爲呢間美式餐廳無論環境、燈光設計同音樂都另人好 relax，而且又坐得舒服！同朋友吹水飯聚就一流...👍呢到就最鐘意食佢個 Baffulo Wings (辣辣地yummy)、Mashed Potatoes (好滑好creamy) 同 Prime Ribs (焗到啱啱好又吾會overcooked)😋。佢哋啲特飲都 okay 㗎，而且仲有好多選擇！

細佬生日佢想食西餐所以去食Ruby Tuesday，一早已經book咗位，去到都要等多陣。我們叫咗特色加洲墨西哥烤薄餅，蜜糖燒烤汁燒排骨，滋味雞翼拼盤，Chocolate Tallcake，黑松露磨菇意大利飯，仲叫咗兩杯Drinks，加咗128元享用田園沙津吧一次。沙津吧今日有好多人，但職員都好快Fill番，所以啲沙津都好新鮮，好好食。特色加洲墨西哥烤薄餅係我最喜歡的食物，入面有牛油果🥑，蕃茄粒，雞肉粒，芝士，成個薄餅係熱熱地啲芝士溶溶地，仲要外脆內軟，真係超級好食蜜糖燒烤汁燒排骨啲肉好軟熟，好入味配合甜甜地嘅蜜糖好好食。黑松露磨菇意大利飯好香濃黑松露味都好好食。滋味雞翼拼盤有辣有唔辣都幾好食。薯條配菜啲薯條好脆，配菜好香牛油味。飲品好大杯好好飲。Chocolate Tallcake 用來作生日蛋糕🎂係真係好正，有慕士有雲尼拿雪糕有朱古力蛋糕，好有層次，真係勁好食。因為星期日所以全場爆滿，職員都唔係好夠人，食物都等咗15分鐘先有得食，仲要個職員忘記比沙津吧的碟我，等啲食物嚟曬先去整沙津吧，番嚟啲食物都凍曬。Join咗做會員，$1200可享2年半價食嘢，都幾抵

之前買了super value pack包兩張coupons,分別每張在十月和十一月用的，我和朋友選了到Mega box 的分店据扒，其實真係幾好吃，個夜景又好靚，可以再encore!😋👍

太耐無食Ruby Tuseday 了，趁阿囡生日就去一趟慶祝媽媽的偉大吧！我們一家必食之選：特級Aged Prime 西冷扒（七成熟）。今次仲order 左兩個不同的汁，蘑菇汁和蒜蓉牛油汁，試下不同口味。最後都係發覺蘑菇汁比較夾，蒜蓉牛油汁並沒有太濃的蒜蓉味，可能比牛油取了風頭。而牛扒厚身，肉質有D韌，肥膏都比較多，有些失望。除了牛肉之外，我們另一至愛是田園沙律，有青瓜、粟米、蕃茄、甘荀、西蘭花、桃、菠蘿⋯⋯和預製的通粉沙律。除了肉，都要食多些蔬果平衡下，可以減少一些罪惡感。巨型蘑菇拌雞肉意大利幼麵很creamy, 很多蘑菇和雞肉，味道很好！

今日去左 megabox shopping 下。夜晚順便去呢度食飯喇😃因為有50%優惠卷！！半好多😃閒日唔算多人。所以唔洗等好耐位，就可以入去。安排左坐卡位，望出街外。幾靚。環境幾好，幾好坐。岩哂一大班人去！先叫左個自助沙律吧！！叫完佢會俾隻碟俾你，等你自己出去夾。當然只可以夾一次！所以夾前要諗一諗，點放先係最穩陣，同可以拎到最多野 😂😂😂我地就放啲西瓜係底先，舖好左，先再放其他。拎到好高 😂😂食完呢個已經好飽！再叫左大蝦墨魚汁麵！呢個好味道。隻蝦好彈牙！😄再叫左杯大杯 野，叫左青提子味 😃仲有水味吃。好解渴 😃好飲！呢餐食都好滿足，好飽😂😂

本人已在訂位時講左要坐窗邊,點知去到時只給我們ㄧ般室內坐位,我們要求轉枱,好快他們就轉回窗邊卡位給我們了~对上ㄧ次來服務就差很多,上次我們沒有訂位,所以並沒有要求調位,但上次我們來的時候,未叫食物前要求先給我們水先,我們四人只給了兩杯而且等了超過5分鐘先有,侍應生比較少,今次明顯侍應比上次多,服務亦有提升,轉台後就即刻給了4杯水,亦有介紹現時優惠及當晚既餐湯和自助沙律吧優惠,所以今次之後亦會再來光顧~

今日約咗個朋友喺九龍灣食lunch ,因為上次試過冇book枱所以冇晒位冇得入去，所以今次就一早book定枱，佢哋好好俾咗個窗邊嘅卡位我哋，所以成個感覺好光猛同坐得好舒服！本身有會員卡，所以今次食lunch set有會員優惠八五折，其實都算係好抵！我食咗個蜜汁燒雞，唔知點解覺得比之前食嘅好味咗，同埋有白汁意粉配埋，所以覺得好大份同埋好飽！不過可能間鋪嘅侍應比較少，所以叫咗幾次但都無人應，依一方面可以改善。但係佢哋嘅服務態度都好好，好有禮貌！

happy hour 黃昏的時候，行街都行到累累的，就到這兒坐一下，飲杯野，質素不太差。做了會員，價錢仲好fit兩杯飲品味道都很fruity，酒精濃度不高，易入口，當然，只有飲料是不行的，所以都加了一個小食盤小食少食，食少少，都份量都是少少的，要推介的是芝士條，咬起來，還帶網絲的。薯皮 都是第一次試，感覺就似一個很薄的焗薯，不太推介。再加上一個雜菌飯，用上了優惠，價錢合宣，味道不過不失，有點生米⋯⋯

一早訂咗位, 今次被安排坐餐廳裡面既梳化位, 每次嚟到都會特定叫某幾款食物, 加上個會藉仲有幾個月時間先到期, 記得當初係見到匯豐有優惠500蚊可以有幾個月既通行證, 所以JOIN咗, 之後再用1000蚊續會, 當然應該係餐廳有啲優惠價, 但而家個會藉就越來越貴, 又執淨得番幾間分店, 所以好難就啱地區去食黑椒汁牛扒薯條 - 牛扒5成熟, 肉質都算鮮嫩, 薯條好新鮮漢堡包好脆口, 有雞牛豬肉, 每款都不錯羅宋湯 - 羅宋湯偏酸, 香草味鬆餅幾好味跟餐沙律 - 沙律醬唔多, 蕃茄同生菜都好新鮮煙肉磨菇薯皮 - 芝士好多, 煙肉焗到比較硬身, 但各樣合拼埋一齊就好好味炸魚條外層炸粉唔算厚, 魚柳肉都好嫩雞翼拼盤而家得返兩款味道, 辣同唔辣, 兩款雞肉都好滑士多啤梨特飲- 好多果肉, 但偏酸

男友人係會員有半價，所以今晚喺度食。之前食過其他分店好難食，呢間係好味嘅。去到攞位，因為唔見左個會員no.就問下有無得check返，侍應話要比全名同電話，好啦寫左比佢，例如寫左Peter Chan，個侍應見到就好惡咁話要全名喎，我地話下全名黎架喎，個侍應又好惡咁話即係你身份證係呢個名？我地話係呀，之後先肯收聲入去check，咩事呀，憑咩challenge人個名啫今晚叫左湯，雞柳沙律，漢堡包同薯皮，好飽。題外話，個經理好高，服務唔錯。

一個飲完茶lunch，又唔想行街行大太耐，又怕攰，又想坐，ruby tuesday係一個唔錯嘅選擇。佢哋嘅tea set份量唔多，可以揀雞翼同粟米片，其實兩份可以慢慢食，慢慢傾偈，慢慢飲下嘢，再慢慢休息下，真係好舒服。所以都可以推介下大家， 一個唔錯嘅休息好地方。