Salsa Cafe

营业中

休息中

早餐食得太多粉麵，於是去呢間餐廳試吓西式早餐，叫咗個雞扒餐，有茄汁豆、香草煎雞扒、多士、煎雙蛋、熱咖啡。多士夠脆，唔會太燶。茄汁豆暖暖的，唔會凍冰冰，非常好。雞扒煎得唔錯，有香草係上面，增加食慾。煎蛋係用模具去煎，夠厚，有蛋味。最值得讚係杯咖啡，咖啡味濃，又有奶香，係我鍾意嘅味道。朝早都幾多人食，係一間平民嘅西餐廳。佢嘅廚房同堂食位置係分開兩間舖，所以完全唔會有油煙味，唔會整到啲衫一浸味，呢個係非常好的😀

今日求其介紹下平時食開既餐廳SalsaSalsa係一間西餐廳 每日午餐餐牌只有4款十分易揀 岩晒有選擇困難症的我每款午餐會跟一份沙律/餐湯和一杯熱飲凍飲加兩蚊餐湯只得一款 通常都是忌廉湯岩晒十分喜歡忌廉湯的我呢度嘅忌廉湯幼滑香濃十分creamy又唔會太漏 係我心中呢個湯係非常高分不過因為求其食嘅關係今次係無影到個湯😂主菜揀左紅酒汁牛扒意粉紅酒汁不會太濃只有少少紅酒香個汁甜甜地 牛扒唔算靚 不過質地適中 唔會韌 味道中規中矩 對得住五十幾蚊這個價餐飲我一般都會叫熱檸茶 這裏的茶不澀 紅茶味清香 檸檬份量足 我喜歡偏酸一點岩晒環境方面坐位不多 但都十分闊落 整體來講十分不錯

🍾用餐體驗紅磡嘅崇潔街係美食街，成條街都有好多嘢食，平時lunch嘅時候經過呢間餐廳都比較多人，都要排吓隊咁，但西餐嚟講勝在又抵食又好味，試過一次之後已經成為咗我嘅飯堂😋😋🖼環境餐廳唔算好大，但就完全無壓迫感，裝潢以簡潔為主。飲料：☕️ 咖啡 Free呢間餐廳嘅咖啡沖得香濃又好飲，通常食lunch叫一杯都可以提提神，每次飲完都有一種幸福感😌主食：🤍 肉眼牛扒黑椒汁配中東包 $56塊肉眼牛扒叫咗七成熟，肉質好嫩滑，咬落去口感好實在，配埋黑椒汁好match。平時食西餐都係配意粉或者薯菜之類，呢間餐廳好特別，可以配中東包，點埋個黑椒汁食，又好味又特別🤭🥰🍾

偷得浮生半日閒⋯⋯今日黎到紅磡工廠區附近，食早餐同嘆杯咖啡☕️🤤🙂呢間咖啡店早餐係同區算有質素同好食，咖啡亦好飲。呢份係咸牛肉炒蛋薯餅配多士，蛋又香又滑，薯餅又熱又脆！

Salsa 餐牌上其中一個選擇係吉列豬扒, 有DD懷疑 Salsa 炸得好唔好食, 因為 Salsa 平日嘅五款 Lunch set 都係以牛扒豬扒羊架龍脷柳什會海鮮西式野為主, 極少見吉列豬扒.望望旁邊位 OL 嘅吉列豬扒意粉, 外相好鬼吸引喎! 件吉列豬扒比 OL 更吸引喎! okay 試試先!首先豬扒係厚切, 外相好有日式 feel, 外層出奇地脆口, 係我幫襯 Salsa 最滿意嘅一次. 豬扒 Juicy 有肉汁但無點醃過, 所以要點一點伴碟嘅他他汁, 哩個汁酸酸甜甜, 豬扒點咗變貂蟬, 味道馬上提升, 正!今次失色係碗西湯上, 份量少咗, 而且淡咗D唔夠濃郁.最擔心唔夠嘅冷氣尚可接受, 滿意.

成日行過都見到好多人排隊 所以今次就想試一試係味咁正。餐牌係每日都更新 手寫係門口每款餐都可以選擇配意粉，飯，天使麵或薯角。我同同事就叫A 同 B 試下首先每人都有忌廉粟米湯做餐湯，好水好稀。A)龍利配香草忌廉汁 天使麵首先講講個天使麵，還可以香草汁夠多 ，麵好入味。份量就尚可。但龍利柳就普普通通，都係雪藏野。而個價錢算係咁上下。B)肉眼配黑椒汁 意粉其實個肉眼都幾好，幾有牛味，但就太老。但問題係個汁太稀，意粉又唔入味。意粉份量又唔夠，我個同事平時食量唔大都話唔飽。我覺得叫飯應該會好好多。叫意粉就有小小對唔住而個價錢。

呢間餐廳係喺崇潔美食街側邊，周圍都係食肆，但佢永遠都會有條人籠，無他嘅，因為佢真係抵食，每日有四款午餐，鐵膽多數有魚有牛，可以配飯、意粉、天使麵或薯角！好百搭👍🏻而最少出現嘅隱藏菜式係吉列豬扒配沙律/薯角，真係好好食，但好少出現～今日我都係食唔到嘅。呢日Lunch同同事等左15分鐘到就入到去啦，等嘅期間姐姐好好會幫我地落左單先，佢哋好Nice好有禮貌，去多幾次仲認得我哋添，雖然好多人但佢哋手腳好快，一入到去就有湯飲喇，湯次次飲都幾好，主菜我地叫左牛仔骨，蒜蓉牛扒同樣羊扒🥩，全部都大大嚿同個碟面差唔多😱，肉質一啲都唔韌，幾好味，我唔覺有雪味添，而且天使麵啲份量都唔少，有塊大蕃茄🍅，非常抵食。呢個港式西餐個味道其實幾好食，對得住呢個午餐$52嘅價錢有餘👍🏻午餐仲配飲品。我期望快啲可以食多次吉列豬扒!!!亦都推介各位如果喺附近返工嘅可以試吓，因為佢好似只係做星期一至五嘅早市同埋午市，可能地段關係啦。仲有啲姐姐真係好親切好好人，佢哋見到男仔食嘅話，仲會提佢使唔使加底驚佢哋唔夠食哈哈。雖然舖仔細細，但都坐得好舒服好企理。👍🏻👍🏻性價比極高！！

幫襯 salsa 最大原因，係平！係其他西餐廳，食個天使麵加個餐湯再加凍飲，70~80蚊走唔甩，Salsa 都只不過50幾，而且食品質素同服務唔差.今次幫襯嘅餐湯係西蘭花忌廉湯，其實每次都想問佢可唔可以俾多次餐湯.點咗個紅酒牛扒天使麵，牛扒肉夠嫩，但唯一嘅問題係，味道比較淡，即使加黑椒，都只係辣味加重，我本身唔多識欣賞辣味，所以加黑椒對我黎講無咩作用，可能餐廳行健康食品煮意吧！

從巴黎旅行回來已一星期，還在著眷戀假期。就在Monday Blue , Lunch Time 經過這小店，就膽粗粗入去試下。西餐：頭盤 栗米忌廉湯評語：好杰好濃 唔知係咪用粉開 但飲左兩啖已唔想再飲主菜： 雞扒天使麵評語：煎過嘅雞扒 加個天使麵 係碟頭飯style 餐飲：咖啡評語：成餐飯最OK 呢個環境：裝修簡潔，牆上掛滿法國景點畫作但張櫈係張度假椅，凹入去之餘，要坐到無腰骨，坐唔直，好難受呀！服務：香港茶餐廳服務。大家明啦，一分錢一分貨，食完繼續開工，別了巴黎。

好多時午飯時段想幫襯 Salsa，總係座無虛席，無計，鬼叫佢鋪頭細細唔多座位！今次叫咗客鮮蝦蟹肉燴意粉，膽粗粗問佢地有無天使麵，出奇地表示有提供，馬上叫一客！驚喜！餐湯叫咗南瓜忌廉餐湯，開餐！餐湯濃度適中，唔會太稀，只係淡咗少少。主角出場！剝咗殼嘅鮮蝦夠彈牙，好新鮮同鮮甜，蟹肉撈咗入個忌廉汁內，味道偏淡，望上去以為個汁份量會過多，點知食落原來啱啱夠，天使麵煮得啱啱好，唔會煮得過火而太爛。服務一流嘅原因係..... 佢地見我麻甩佬大大份，主動提出將我客天使麵份量加大而無加錢！唔讚佢又點得呢！讚讚讚！

某個週末, 同太座在紅磡工廠區找點吃的, 見到我們熟悉的”阿芳餛飩”但由於太座之前一天才吃過這店的餛飩所以沒有進去, 反而見旁邊有間”Café”隨意地入了去, 這店比較奇特的是廚房同飯廳是分開的, 雖則廚房是”next door”而飯廳那邊沒有厕所, 估計飯廳是沒有持牌的吧, 因為根本無須攞牌, 講番食物, 傳統的茶餐廳食物, 發漲意粉, 豬牛扒靠醃料加味, 伴碟醬汁基本是豉油西餐形式-生粉水獻汁, 餐湯相當之稀簿, 杯啡亦是淡淡的, 而當日所見這店之所以能做得住, 純粹應該是價錢吸引吧! 包括我們在內, 在差不多一個月後的一個平日的午餐時段我經過見都有約10個人排隊等入去食餐,

美國返黎第一餐，同事知我未黎過，所以帶我一試，評一評。一間唔起眼既餐廳，真係行過唔留意都見唔到，門面裝修非常簡潔，而內籠應該係無裝修過，只係將四面牆同天花油上白色。地方較細，坐得唔多舒服，lunch 時間都幾多食客，要等位。睇睇個 menu，屬港式快餐穏陣類，雞牛豬魚、飯意粉薯菜，一試無妨 ~忌廉湯，餐湯，忌廉水，係咁多。芝士焗吞拿魚蝦意粉，含佢夠穏陣，食得出係即熱辣辣焗，吞拿魚碎足料無搵笨，芝士味夠濃，再加上帶咸味吞拿魚，好重味，其實都幾好食，但餐後要大量飲水去中和。意粉港式煮法，略為過火，偏腍發脹，都免強還有少許咬口，接受。蝦肉爽口彈牙，唔錯。香草白汁斑塊意粉，斑塊帶腥味，口感鬆散，意粉同一問題係煮得過火，總括黎講港式快餐，接受。

吃過幾次salsa ,喜歡吃那沙拉，set lunch 有4個選擇，可配飯、意粉、薯菜’、中東包或天使麵，仍然吃不膩的原因是它會轉menu以及那個有熱誠的味道，薯菜是新鮮炸起，口感真好!感覺不像雪藏貨，有機會試試吧。

有1個同生活幾有要求既同學推介呢間..入到去見到$35 1個餐 , 都OK啦 .. 西餐嘛..由於我地去到果時已經接近2點鐘 所以得返3碗湯..我食沙律 .. 個醬幾好味 .. 之後個牛扒飯黎啦 .. 個汁唔錯 .. 飯少左啲啲 ..女仔可能岩岩好 男仔就應該唔多夠食啦 ..到食塊牛 .. 咦 味道怪怪地 ..諗諗下咁似上家政老師要我地食既鬆肉粉牛肉既 即刻扣哂分 ><不過見佢其他餐個樣都好似幾好食咁..下次比多次機會佢啦 下次試薯菜,因為好似都幾多幾好味下 ..

一夜過後,明天仍要繼續,靚友朋友在這一帶上班,順路送其回公司,路過見到這間小店已經開門營業.不如一起吃個早餐才上班吧.名叫Salsa,早上沒有傳來古巴夏灣拿,老樂手炮製出來的Salsa之音.只有一張早餐菜單,有ABCDEF六樣,一律$20.餐飲還有意大利咖啡選擇.這間在崇潔街的小店,以意大利咖啡名牌Segafredo作招牌,是否以此作賣點就不得而知.因為我都係唔飲咖啡.見到連Cumberland腸也有得吃,在廿皮一個早餐之範圍內,的確少有.平時茶記最多是普通貨.相對之下,此小店可話"不惜工本".份量並不算大,Cumberland腸肉味濃郁,煙肉亦並不過乾.靚女不吃牛,一個白菌菴列,已經滿足其需要.晚餐亦有西式私房菜,每人$150起.有興趣可前來試試.