Savour Cafe

营业中

休息中

今日放假去咗元朗大棠睇紅葉，紅葉都還可以，跟住落元朗食嘢。朋友介紹呢間西餐廳叫savour之前都有食過，今次又再幫襯。晚餐時間我哋兩個都叫咗個羊架配白飯。餐湯我哋分別叫咗蘑菇湯同雜菜湯。佢嘅提子包熱辣辣非常鬆軟。蘑菇湯亦都好香、雜菜湯，亦都好飲。夠晒熱，值得加分。羊架七成熟小小血，有三件；夠晒Juicy 。白飯係用日本珍珠米，加少少忌廉汁，啱晒我哋胃口。最後兩個即磨咖啡；埋單四百幾蚊性價比甚高。呢間餐廳咁多年食物水準同服務都keep到，小店一定要支持。

這店逢星期日休息，路過都未有機會試。今天元旦經過營業中，決定一試。未到晚上七時已經剩下門外室外位置。我們點了set dinner, 一個要了雜菜湯，一個蘑菇忌廉湯。蘑菇湯有驚喜，不是金寶湯，而是吃到一粒粒打碎了的蘑菇，忌廉的比例也恰到好處。附送的蒜蓉包也烤得香脆。主菜的部分，我們點了一份雞胸配意粉，一份豬肉眼配意粉。雞胸肉有雞味，也不會太乾，反而豬肉眼一點豬肉味都沒有，還有陣陣發粉味道，有點失望。餐後咖啡普通，總的來說這個價錢算是不錯，但未必會再來。

星期六夜晚8:30左右去到，餐廳好多人已經好full，好彩有張2人枱😃-set dinner，有餐湯配蒜蓉包，係啱啱烘，好味👍🏻牛肉墨西哥薄餅：薄餅入面有芝士同好多牛肉粒，而且份量都多，食完好飽記得之前食過係雞肉，我個人比較鍾意雞肉多d😊雞胸配梅子蜜糖：梅子蜜糖汁係精髓，用嚟點雞肉甜甜哋唔錯餐廳燈光比較暗同有情調，我覺得好啱情侶嚟。有室內仲有室外，帶埋寵物都得。值得一讚係職員服務態度幾好👍🏻有禮貌-2人$249，人均$125，絕對係性價比高🤩

呢間餐廳喺元朗超過十年,如果唔好一早執咗笠啦😅訂咗位,去到餐廳門口,侍應親切友善,笑容滿面,帶我去我嘅座位😉上水啦跟,住就畀餐牌我啦😁自攜咗一支意大利嘅白酒,唔收開瓶費,有比較好嘅酒杯啦,亦提供咗冰桶,冇另外收錢👍點咗晚餐,包括餐湯,沙律,主菜,甜品.餐湯我揀咗雜菜湯,頭盤凱撒沙律,主菜係豬肉眼配蜜糖汁,甜品係揀咗意大利嘅咖啡配雪糕Affogato.雜菜湯正常發揮,凱撒沙律啲生菜好新鮮算唔錯,豬肉眼扒,煮到好似叉燒咁啦！肉質都淋滑嘅👍Affogato有無球雲呢拿雪糕💞人均平過$200,起抵😉

食過幾次，最鍾意都係煎焗豬肉眼配檸檬蜜糖，配薯條，如果唔想食薯條🍟，可以揀意粉🍝或飯🍚。午餐包括餐包、餐湯、餐飲。餐湯可以選擇🍅🥕蕃茄什菜湯 或 🥓🥔煙肉薯仔忌廉湯，餐包係熱辣辣嘅提子包🍞。揀咗蕃茄什菜湯🍅🥕，食得到材料的新鮮～（由於太肚餓，唔記得影碗湯同麵包比大家睇）🥔🍟薯條份量好多，係粗薯條～ 可以食到入面嘅薯蓉，本人比較喜歡粗薯條嘅口感，所以覺得好好食～🐖豬肉眼好厚身！份量十足！煎得好香口，內裡肉質好軟身、好juicy ，讚！🧡 個檸檬蜜糖醬汁🍋🍯，好清新，蜜糖嘅甜中和咗檸檬嘅酸，味道變得啱啱好，點呢個醬汁食，食落唔會覺得好油膩～由於薯條同豬肉眼份量太大，我係食唔晒😅，食量大少少嘅朋友，應該會啱啱好～除咗豬肉眼，都有其他選擇，例如🐂牛扒、🐟魚柳、🐓雞胸、🐑羊架、🍗炸雞、意大利飯、pizza🍕同意粉，選擇十分多～餐廳有3張卡位，枱上都放有鮮花，環境舒適，坐得舒服。服務都好好，侍應會不停加水，又好有禮貌。

我不時都會來這一間餐廳，雖然位置相對遠離大街，但就是這種靜，讓它成為一個吃飯聊天的好地方🥰這間西餐廳有一邊有卡位和落地窗，如果想坐這些卡位，最好預先訂位。餐廳也貼心的在桌上放上一支花🌷，晚上又會點上蠟燭🕯️，很有情調哦！這間西餐廳的食物質素很不錯，不論是牛扒、羊架、或是我這天吃的豬扒，味道都很好😋。這裏沒有薯菜的選項，只可以選薯條或者淨菜。薯條的份量很多，淨菜也是一個非常健康的選擇👍🏻價錢合理。餐飲方面，可以選擇飲凍朱古力，這是我的至愛😍

去開元朗的話，可以一試元朗呢間隱世西餐廳。地點不算太難找到，但人流唔算多，平日與朋友晚餐，可不限時慢慢傾，慢慢享用。而且，餐廳環境不俗，座位舒服，感覺似高級西餐廳，平民價錢。首先，蒜蓉包配餐湯，蒜蓉包同個湯好味; 今次我自己點左份豬柳扒Set，豬扒Juicy，味道夠，配上海量薯條，份量夠晒大，我一個人都食唔晒成個餐😂見到朋友點既菜式都精緻，見到每一款菜式都有廚師用心製作，色香味俱全，性價比高值得推介。味道：⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️

一入去餐廳覺得好grand 餐桌擺設好整齊 首先會送上麵包 而且燈光較暗 營造出高級感 令人感覺舒適Mushroom soup 🥣 (10/10)今日鼻塞都飲到濃濃嘅mushroom 味 物超所值Dinner set🍽️ 牛扒餐 (10/10)一黎到係超大份牛扒 肉汁鮮嫩多汁 再配上餐廳🍴特有嘅醬料 令層次更上一層樓 不得不提忌廉薯蓉 香滑鬆軟 濃濃嘅忌廉香 完全係入口即溶 配菜份量亦好多 烤得啱啱好 成碟菜再加上少許香草🌿 提升味道！

本來想同媽咪去另一間餐廳食但點知果間6點先開誤打誤撞黎左呢間食！入到黎 覺得冷氣小小凍 叫侍應幫手熄一熄佢地都好隨和幫手野食價格係中上價錢叫左兩個set menu一個雞胸 一個係豬豬果個真係好juicy 😋😋😋食得出好有心機煮個雞胸煮得唔鞋 好食！個汁我記得係蜜糖梅子竟然好夾 好惹味😋朱古力雖然無拉花 但都飲得出好有心機整 好香好好味 Pizza就麻麻地d雜菜🤣因為係唔太鍾意既菜類 係紅椒 茄子 蕃茄等 但個餅底就真係好食餐廳情調都好好 音樂好多都係老歌既英文歌好似去左外國咁轉晚市既時候仲會點蠟燭！ 我會再黎食！！！第一次覺得有心機到想比好評 讚

有一天，無意經過發現這間隱世餐廳，環境舒適清幽，而且色香味俱全。餐牌上每款菜式都適合香港人大眾口味，價錢亦十分合理。🌟蘑菇忌廉湯+餐包老牌西餐廳的經典前菜配搭，讓人回憶起童年。小編就是喜歡簡單單純味道的甜餐包，口感軟綿綿，而且方便手撕食用。蘑菇忌廉湯亦香滑濃郁，每口都感受到粒粒蘑菇肉，口感十足。🌟烤牛肉配三色椒香草牛肉汁意粉牛肉細嫩，再加入香菇、三色椒，令味道口感更加豐富，更加清新。意粉軟硬度剛好，再吸收了牛肉濃汁的精華，整體十分惹味，讓人一試難忘。味道：8/10環境：7.5/10性價比：7.5/10回頭度：7/10

位於元朗達輝徑有間西餐廳叫Savour Cafe, 就咁從外邊睇落去都幾好情調㗎，又可以坐出面或者入面，平安夜同屋企人去食聖誕大餐，佢嘅價錢唔會太貴，但係味道好好，蘑菇忌廉餐湯，打磨出嚟，好creamery, 配上佢即刻焗出嚟嘅蒜蓉包，好夾，另外一定要試佢嘅小食啤酒炸洋蔥圈，唔飲酒嘅朋友都冇問題，啤酒味好輕，依個小食喺元朗我印象中好少，好香口惹味，西冷牛扒，我叫6成，好正啊，好有牛味，外面烤得好香，入面仲好Juice，其實佢全晚最令人驚喜係素食意粉，黑松露味撲鼻而來，個大啡菇多汁，就算唔係食開齋都鍾意，聖誕節過咗仲有除夕新年，大家可以嚟試下

與愛人從相識到開始，在這餐廳充滿著許多回憶，今天的紀念倒都在婚後才第一次來，擔心著寬別多時，質素會否仍在餐廳的浪漫氣氛依舊，即使經過多年也不會殘殘舊舊的紅湯依然夠香濃，辣度剛好，外出食飯我多數不會選紅湯，這裡是例外，白湯的濃稠感也剛好，保持水準主菜是羊T骨，嫩滑程度與羊架相約，羶味不多，意粉增加蒜味會更完美豬肉眼是今晚令我和愛人最驚喜的一道菜，肉質是帶爽滑而又淋，好難想像豬肉會一絲鞋嘅感覺都冇配上的白汁意大利飯質感也不錯朱古力水準也保持到，令人滿意的一餐想不到兩年沒來，質素還是領先元朗大多西餐廳，保持好的食物水準就如保持初心一樣不容易，希望與愛人的紀念日也可以繼續嚐到高質的一餐

餐廳名：Savour Cafe元朗隱世西餐廳，我由豐年路輕鐵站行過去，大約行10分鐘。果度環境優美，座位舒服，感覺似高級西餐廳，平民價錢，同朋友同事喺度食lunch，一邊傾偈，一邊享受美食，個湯好好飲，每一款菜式都有廚師用心製作，色香味俱全，絕對係打卡勝地。電話：24422111營業時間：1200-2300味道：4.6/5環境：4.5/5服務：4/5人均消費$100ps: 餐廳星期日放假#美食推介 #美食點評 #香港

有日去哩間餐廳下午茶，發現哩間餐廳服務很殷勤，食物質素很好，而且價錢唔貴，坐得舒服。之後，於是訂位食結婚週年飯，當晚環境氣氛浪漫，食物充足有餘，兩人慢慢品嚐，甚覺欣賞。心太軟做得很好味，朱古力濃、流心、唔太甜，好正。最後飲埋杯Mocha,朱古力濃，好正。

又係一年一度嘅生日聚餐🥳！2019年就社會運動...2020年就武漢肺炎...所以食呢餐飯足足等咗一年，真係好期待！好特別！好難忘！🤪平時嚟呢度多數都係食晚餐，貪佢可以開支靚酒🍾同朋友慢慢傾偈，慢慢嘆晚餐🥂！但係今次就特別啲食lunch，咁當然晚餐一定浪漫🌹好多啦！哈哈！今日lunch set跟忌廉蘑菇湯，好鍾意咁樣打爛嘅蘑菇，真材實料而且一粒粒好有口感！個豬鞍有少少焦，反而更香同埋肉質鮮嫩！羊架七成熟啱啱好，最後個石斑意粉，小朋友話啲汁超好味，最後成碟食晒！重頭戲當然係呢度嘅甜品啦！每次嚟都要食兩至三個甜品先肯走！今次好友預備左心太軟同埋木糠布甸，減緊肥嘅我都忍唔住全部秒殺！