Season Oyster & Wine Bar (已結業)

之前成日幫襯位置尖沙咀山林道嘅姐妹店Season Plus，因為生蠔平靚正，岩哂我依d窮蠔痴🤑，依家連港島區都有分店!精選生蠔只係$9隻! $9隻!!$9隻❗🤑🤑非常新鮮，群邊識收縮，而且唔細隻! 中碼生蠔係美國蠔，肉質飽滿，口感Creamy🥰。而大過手掌嘅法國生蠔No.0 都係$39/隻!!!! 用咁平嘅價錢可以食到質數咁高嘅生蠔💰，好 興 奮!!🥳選購紅、白酒🍷🍸可以以換購價享用生蠔，而紅、白酒都係$148-398不等; 雞尾酒🍹任飲都係$98/位!除左生蠔，都仲有其他小食，烤焗海鮮拼有芝士焗原隻龍蝦🦞、蝦2隻🍤、扇貝2隻、田翠螺4粒，同埋黑松露大啡菇🍄。 龍蝦啖啖肉，海鮮芝士🧀同蒜容味都突出!依間我最喜愛生蠔吧，性價比超高🤩! 暫時我都未揾到其他生蠔吧同樣價廉物美。

相信唔少人都好鍾意食生蠔🦪，都會去不斷搵好食嘅蠔吧～仲要生蠔有神奇作用喎⋯！😂兵仔今次就嚟到銅鑼灣食生蠔喇❣️💂🏼《精選生蠔》 $9（半打起）雖然食海鮮真係唔一定日日都Keep到個水準係一樣，但今次試咗呢個精選嘅生蠔🦪，只係9蚊隻，好抵食。有一半都算大隻，而且好鮮甜✨加啲檸檬汁再提升咗份鮮味添呀！有海水味之餘又唔腥，有驚喜👍🏻評分: 85/100💂🏼《烤焗海鮮拼盤》 $298鍾意海鮮嘅話呢個拼盤一定唔可以錯過～大大個拼盤睇到都滿足😋入面有芝士焗龍蝦、芝士焗扇貝、翡翠螺同埋大啡菇。海鮮好食之餘，大啡菇都係爆曬汁嫁‼️評分: 88/100💂🏻‍♀️《美國特級安格斯》$238塊安格斯夠曬大塊同厚身，兩個人share都無問題👍🏻不過就未算好驚喜～始終呢度都係海鮮同酒做主打。評分：72.5/100總結：間餐廳唔算大但就幾有格調，鍾意生蠔海鮮可以嚟試吓！同埋老闆好好人，仲同我地係度傾海鮮添🦞🤣！頒發軍階：上將🎖🎖🎖🎖

呢排愛上食生蠔, 發現社交平台有個生蠔關注組, 話可以在訂位時說明喺食”生蠔谷友海鮮拼盤套餐”, 只需$298在12月份銅鑼灣分店期間限定, 不過1月已加價, 請大家book位時問清楚💭。海鮮套餐🍽️有五款海鮮及一枝白酒🍾, 詳細介紹如下:-六隻美國中碼生蠔👍生蠔比較瘦削, 但都算新鮮, 爽口及有少少礦物味-原隻波士頓龍蝦🦞👍目測有成12吋😜, 肉質比較實, 但都算多糕鮮甜-四隻翡翠螺😋有驚喜, 爽彈有趙頭, 有鮮味😋-半磅BB花甲👍半磅大概有15隻, 不過這不是沙白而是蜆, 但都算鮮甜, 我有3隻有沙, 我朋友那碟有2隻有沙😐六隻紐西蘭青口👎細細隻又唔鮮甜, 唔算太新鮮, 我朋友那碟少了兩隻, 不過事後食完睇番啲相先發現到, 不過唔算好食所以都無蝕🤭意大利爽甜白酒一支😋比較清爽有少少花香味及蜜糖味, 配合海鮮非常一流👍由於餐廳環境細細地, 坐得都比較迫挾, 不過都算 乾淨企理, 服務中規中矩。一人可以叫一set海鮮拼盤, 唔限時慢慢坐, 確喺同朋友歡聚嘅好地方🥳; 白酒飲唔曬仲可以拎走添😜, 性價比都算高嘅一餐👍。

一開始黎左碟日本一口和牛粒無特別 無味既 red mr k房d牛柳粒仲好食諗住蠔吧最期待應該係生蠔但係完全會令人失望隻隻蠔都好瘦賣相相當麻麻 愛爾蘭偏細嗰款蠔身仲有少少綠綠地色🤢食幾隻都有啲蠔殼碎烤焗海鮮拼盤298$其實海鮮來講唔算貴兩隻龍蝦兩隻扇貝兩隻蝦四隻螺但係味道完全冇鮮味反而最好食係個大啡菇🤥仲叫咗燒羊鞍 同埋牛油果三文魚意粉普通水準 不過不失而且員工服務態度都麻麻好似趕住收工咁其實我地埋單離開餐廳都只係九點二十分而且冇咩Service可言水都係要問先有但最覺得嘔心嘅係條水上面有條毛衛生度欠佳

we waited 1 hour for food to come. we asked the staff multiple times yet they were unresponsive upon request to check the progress of the dishes. regardless, we waited patiently just to receive grilled wagyu beef that was turned into garlic stir fried beef shanks. even before any food was on the table, staff asked for last order/if we wanted to add anything which was just ridiculous. and finally plating is extremely poorly done with the excuse that they are in a rush 🤢

生日想食生蠔 就搵左間西餐食下 因為本身已經買左支酒 所以就冇係度嗌酒同蠔set淨係單叫左半打中碼生蠔生蠔唔算話好中碼 不過食落唔腥 有鮮味 同埋都好滑 下次可以試埋精選生蠔白酒煮馬尼拉蜆份量算幾多蜆肉都好飽滿 食落好香蒜味同酒香 推介👍🏻牛油果忌廉汁三文魚意粉份量正常 食落好creamy 每條意粉都有忌廉包裹住好好味 同埋意粉中都有唔少三文魚 不過就唔係好食得出有牛油果味 美國特級安格斯西冷 五成熟西冷食落好普通 都算有牛味 唔會太韌 欣賞佢嘅配菜有處理過 同埋有唔同款式 感覺都好健康 同埋原來佢嘅薯角係焗蕃薯 雖然都好甜 但有少少失望🥺飲品就嗌左杯蘋果味手調啤酒 個味道似平時嘅Apple cider 但冇咁甜都好易入口

禮拜五晚諗住食得開心啲一心諗住黎呢度食好野結果只有失望兩隻字首先上菜速度極慢樓面有4個人但廚房得一個廚師成間舖十幾張枱一個人煮哂結果每枱上枱都勁慢除左第一碟生蠔叫左5分鐘後有得食外由7:45等到8:30 先黎一小碟雞軟骨再由8:30等到8:51 先黎一小碟白酒煮蜆最後黎塊叫5成熟但出哂血水既牛扒等得耐都算但慢工出唔到細貨每碟餸性價比超低兩個人食左5百蚊 但係食唔飽個白酒煮蜆好似是旦炒兩下就上菜 份量都極少牛扒賣$198，體感差過食花園餐廳，塊扒好薄，落5成熟但出血水每碟菜食完5分鐘 又要平均等半個鐘先上第二碟禮拜五晚既happy friday night 就係等待同唔飽之中度過🥲

夜晚同港島區朋友食飯，秒速諗起去銅鑼灣食生蠔！一坐低先叫個生蠔set，揀咗支中價位嘅白酒olypmus sauvignon blanc 2017，呢支白酒香醇，容易入口，配生蠔非常夾！揀咗半打中碼生蠔，其實都好大隻，食落有少少海水味又唔會好咸，仲有d鮮甜！再來叫了煙三文魚沙律、炸雞軟骨同白酒煮馬尼拉蜆做頭盤。主菜當然係要叫海鮮: 焗海鮮拼盤！淨係芝士焗龍蝦都值回票價！拼盤仲有田螺，扇貝同大啡菇，大大碟好食又抵食！由於朋友想食d肉，我哋再叫了美國安格斯肉眼扒，肉質幼滑多汁！食到抱住個肚走🤣

難得出街食飯，見到呢間餐廳咁多人好評所以就幫襯下坐低到買單，水都冇杯總共叫咗八隻生蠔，唔同款嘅都有但係食落全部都有澀味，表面乾淨淨，完全冇海水味，感覺上似一早開定。。。質素好差，一定唔會再幫襯另外枱同枱之間嘅距離太近，隔離枱好嘈，一家大細嚟食飯，好似酒樓咁樣同埋沙律菜都好似冇洗過咁，同樣有苦澀味，叫煙三文魚沙律，面頭得兩塊薄薄見到其他評語咁多好評，真係唔知係我哋唔好彩，定係餐廳質素差但係生蠔就好明顯唔係新鮮吧。。

之前就親得閒少少約左個foodie 姐姐去食飯😋 🦐烤焗海鮮拼盤 $298身為芝士控， 見到咁多cheese真的很興奮～興奮過屯馬開通🤣 所有海鮮加左芝士焗真係香勁多，搞到唔太鍾意食海鮮嘅我都覺得好吸引佢個焗芝士原隻龍蝦都幾多肉，肉質彈牙又唔霉，仲鋪上焗到燶燶地嘅芝士喺面，真係好惹味佢個螺仔都唔錯，唔會好似東風螺咁冇乜味😍又冇腥臭味，用蒜蓉黎調味嘅螺真係好唔錯～焗扇貝都好大粒好好味～ 啲芝士多到蓋過哂成粒扇貝，同埋食得出佢入面都有用牛油同蒜蓉燒嘅最鍾意都係佢個芝士焗大啡菇，好多芝士又重菇味，仲要好juicy😆上面仲有啲黑松露添，味道超多層次🤤🐮日本一口和牛粒 $88不愧係一口和牛粒， 和牛味超重，啲肉又嫩～咁多位牛魔王真係唔可以錯過～🍝牛油蒜香蜆肉意粉 $128啲蜆肉真係勁多，份量好足夠～成個意分真係好重蒜蓉牛油味，意粉同蜆肉都入哂味😋 覺得最抵食都係個海鮮拼盤😆 因為真係唔貴又有勁多樣野食，又多芝士😍 係芝士控嘅天堂～

前幾日去左銅鑼灣的season plus食dinner，第一次去依間分店，吾知味道會吾會吾同呢？南非生蠔no.1 $29 、法國吉拉多生蠔 $39: 兩款生蠔同樣帶重海水咸味，食落充滿蠔香味。蠔好滑而不太腥。酥炸鱈魚柳 $68: 這個魚柳不太討好我，因為炸得較油膩，外面太脆而入面太林，所以好易一夾就散。吾太食得出鱈魚柳既味道、口感。酥炸雞軟骨 $68: 雞軟骨炸得非常之脆身，好似食緊雞粒一樣甘。味道帶咸味，不算太油膩呢！牛油果忌廉汁三文魚意粉 $128: 由於加入左牛油果、忌廉，令整個口感會有極之creamy既感覺。意粉吾算太硬，連埋汁一同食用，好滑口！三文魚吾乾的。美國特級安格斯西冷 $198: 西冷牛扒煎得吾乾身，切開仲滲出吾少肉汁。肉質口感實肉，不太硬口而易於咀嚼啊！另外，仲有薯角作伴菜令整碟菜式吾會太單調。凍蜂蜜柚子蜜 $28: 味道較淡，不太甜。

陪朋友去銅鑼灣中央圖書館搵資料，講起好耐冇飯聚，今晚一於搵間餐廳聚下，附近有間Season Oyster & Wine Bar，環境同食物都唔錯，一於訂定枱食飯。焗海鮮拼盤，有芝士焗原隻龍蝦、巴馬臣芝士焗扇貝兩隻、蒜蓉翡翠螺四粒、芝士黑松露焗大蘑菇一隻。龍蝦和扇貝芝士面層程金黃色，兩者味道都鮮甜彈牙。大蘑菇肥大肉厚，菇味香濃，加左黑松露醬同芝士，配合厚大蘑菇既口感，非常美味。牛油果忌廉汁煙三文魚意粉，大大片煙三文魚好新鮮，牛油果豐腴，忌廉汁香滑，內還有不少三文魚碎肉，醬汁沾滿每條意粉，口感creamy。骨付腸，經特別調配的豬絞肉，付在雞脾骨上，之後烤焗至外皮金黃焦脆，佐酒一流！原味Sapporo 生啤有濃郁的麥芽香，冰凍好飲！

昨天去聖保祿醫院打新冠疫苗針，經過信德街，見到Season Oyster & Wine Bar ，指定生蠔有優惠，喜歡食生蠔的我，今日叫埋老公過嚟食。餐廳優惠，選購一支白酒或紅酒，則可以優惠價$50吃到一打精選生蠔，如果唔飲酒都係9蚊一隻，非常抵食。我叫左9蚊一隻的精選生蠔和18蚊一隻的美國中碼生蠔各一打，生蠔好新鮮，即叫即開，用冰墊住上枱，大大盆唔限住叫，所以好快賣晒，生蠔帶少許海水味, 蠔味重，沒有腥臭味, 而且清洗得很乾淨，沒有雜質。秘製醬汁焗豬肋骨：豬肋骨份量十足，火候煮得剛好，肉會略為黏骨，但輕輕一撕便會分離，入口柔軟、咬落彈牙，而醃料和秘製醬汁加起來，更加令豬肋骨帶來豐富的味覺層次，非常好吃！薯角亦炸得香脆可口，點些茄汁食，令人食不停口！雪碧

同朋友係銅鑼灣行街，諗起上次係 Season食蠔，就早d未到6點先去坐低，因為無訂位，怕遲左要等位。雖然平日，大約7點2已滿坐。間中亦有人外賣生蠔。咁早，先開枝白酒，枝白酒好清香而入口，今次發現有$98 cocktail，紅白酒任飲，但我地飲得吾多，而且開枝酒再可以優惠價$50叫一打細生蠔，比較啱我地。生蠔雖然屬於細size，但都鮮甜同肥，略帶creamy 。食完吾夠喉，再一人一隻特大法國蠔，嘩，塞滿成個口，好有滿足感。另外再叫炸雞軟骨送酒，朋友話要補鈣😂。食完一輪頭盤，主菜叫左安格斯西冷牛扒同豬手，西冷牛味濃，加上少許黑椒及鹽已好好味。豬手烤得好脆，又可以補充骨膠原🤭，可惜無酸椰菜，不過有日式芥辣味既秘製醬汁清除油膩。埋單都係約$800，性價比好高。👍

最近學左一句東北話，叫相當哇塞，即係好正咁解。用來形容今餐就十分洽當!先講地經過繁華嘅銅鑼灣鬧市，穿過維園轉入一小巷，三兩步之遙已令你步入寧靜向小巷。而餐廳就在此旺中帶靜之處。極適合情侶 閨蜜 約會.店面細細，但亦見心思。簡單佈置。一幅夜景掛畫，一小桌兩餐椅，兩人對酌，已十分chill. 有時悠閒寫意，不一定去很遠花大錢。身邊也有不少相當哇塞的好地方。主菜未到，先點D送酒小食。雞軟骨係我至愛之一。炸鷄軟骨個漿做得很香酥鬆脆，相當哇塞!來一支南非白酒，清新易入口，飲落滿口清甜。配海鮮，提升海鮮鮮甜度。order餐酒可以特價點一打精選生蠔。每隻都係當天運到，好新鮮。雖然細隻D，但味道好鮮甜，配白酒，相當哇塞!雖然order左一打精選蠔，但上次食過大大隻法國蠔，一直 念念不忘. 點都要叫兩隻來。一入口，creamy 的蠔味湧上來，充滿整個口腔。呢種滿足，真係相當哇塞!主菜叫了一份牛扒，一份豬手。牛扒正常水平。不過豬手有驚喜。外皮脆卜卜，但肉又吾乾身，少少咸。皮肉之間層肥肉滑滑有膠但吾肥。