sensory ZERO

营业中

休息中

完成食物後，唔清理枱面，枱面細已經唔足夠放置食物，鰻魚飯叫咗多汁又唔夠汁啲汁又唔夠味，又凍又腥，腸仔又有嚴重嘅雪藏味及又乾又淡，咖啡唔夠熱，好快就凍晒，完全唔掂！食淨晒啲嘢，真係食唔落！

出咗門口先知活動取消，搭咗車過沙田就不如响新城市嘆個早餐先走。。。快速响OP 度search , 見呢間賣相唔錯就去試下果然無簡錯，食物質素唔錯， 杯飲品有驚喜😋😋下次會選擇再黎， 試埋佢既牛角包同burger , 今次我簡咗感味大滿足早餐， 包括有芝士腸，煙肉，炒蛋，🐱形面包，乳酪，菠蘿，薯餅，茄汁豆， 好豐富， 可自選果jam 或牛油， 果jam 佢有好幾款，我㨂咗無花果伯爵茶果jam, 好味咖啡想試下有汽既，㨂咗我鐘意既薑汁， 有驚喜，同好夾

下午茶時段光顧, 可選擇的食物款式不少, 總有一款合意。好抵食下午茶套餐1) 巨午餐肉滑蛋牛角包 $732) Free drink (worth up to $40): Crazy Chocolate (原價$50) $103) all + 10%巨午餐肉滑蛋牛角包甚為邪惡, 牛角包夾著炒蛋和午餐肉, 面頭放有芝士, 真的甚麼卡路里也不要想了, 吃了才算吧。牛角包酥脆香口, 蛋炒得嫩滑不老, 有淡淡蛋香。午餐肉味道濃厚, 肉質扎實, 炸得香脆, 芝士味道濃郁, 這個組合包含酥脆, 嫩滑和香口等元素, 層次豐富。Crazy Chocolate是我來sensory Zero常點的飲品, 朱古力賣相和味道依然痴線, 以多款朱古力沖調, 面頭佈滿朱古力碎, 呈差不多滿溢的狀態, 朱古力碎沉降速度快, 打卡要及時。朱古力味道濃郁, 入口軟綿順滑, 當中有融化中的朱古力, 多重口感, 是我喜歡的部份。雖然拿起杯會弄髒手, 但餐廳細心, 提供了濕紙巾。

Weekday 過來食嘢，下午人流唔算多，唔洗等就試下Menu既選擇都算豐富，決定叫lunch set 試叫咗杯chocolate ，好surprise ~ 個匙羹都好靚~ 不過不足係會飲到全身都係朱古力粉，比較”呢hea “，suggest 比多兩張濕紙巾~~ 但for打卡係吸引~叫埋個南蠻炸雞，唔算勁好食味道還可以~~ 🍝 pasta味道都正正常常，唔算好有驚喜~ 不過就無影到個環境，座椅唔算好舒服但係人流唔多d staff都唔會催趕呢點都幾好👍

第一次到這店，是來吃下午茶的。餐廳好大，自己用QR code落單，另外都有餐牌可以睇，比較方便。下午茶餐都有好多款可以選擇，如果睇唔啱，下午茶時間亦都可以叫午餐。下午茶餐可以加錢飲其他飲品，就叫了店舖主打的朱古力。杯朱古力上枱真係好吸睛，好可惜只係個造型夠澎湃，朱古力味其實唔太濃郁。南乳炸豬扒滑蛋牛角包🥐 。豬扒都算好大件，牛角包就比較軟林林，可能因為有滑蛋的關係？餐廳啲服務員都比較匆忙，不過都係有禮貌嘅，食物質素方面中上，以佢嘅食物擺盤，餐廳裝修來說，價錢亦都合理。比較適合打卡。

今日第一次嚟sensory ZERO食晚餐，我地點左一個《澳洲M5+和牛溫泉蛋飯餐》配《是日、《咖啡》同埋《蛋糕》$228。先講講個湯，香濃清甜，蕃茄洋蔥等等既味都非常之出，加埋香草更加清香，上枱時不太熱不太凍，飲得好舒服。主角《M5+和牛溫泉蛋飯餐》，牛既生熟程度處理得相當之好，溫泉蛋亦夠流心，唯獨是個飯偏乾，口感不是太好。《蛋糕》正常發揮，不難食也不特別好食。《咖啡》非常香濃。另外仲點左《慢煮雞胸茄汁扁意粉 + 日式芝麻雞翅 (2個) +》。《雞亦》香脆好味，不會太乾，肉汁豐富。《意粉》蕃茄味濃，每一條都好吸汁，亦唔會太硬太軟。《雞胸》入口軟滑，一咬就散。《牛角包》牛油味香濃鬆脆，絕對係高水準之作👍🏻👍🏻👍🏻

食評：1) 和牛．牛油果．芝士．漢堡 $158和牛味重，肉質雖然偏乾身但配搭牛油果食落又唔會覺得「鞋」口，兩者好夾，非常惹味。薯條亦非常香脆。2) 法國朱古力牛奶（熱） $45朱古力味超重但唔苦！入口亦相當順滑，唔會甜到漏，絕對可以再encore~3) 慢煮雞肉．蘆筍沙律．煙肉．黑椒芝麻汁 $128雞肉一食落口就知係慢煮出黎，因為佢一D都唔「鞋」。沙律亦非常新鮮，配搭芝麻汁好開胃，食完碟沙律真係覺得自己都健康咗呀XD

今日嚟到沙田新城市廣場覓食，再次二訪位於7樓嘅Sensory ZERO，餐廳環境闊落坐得舒服，裝修行簡約風格，食物高質，價錢貼地，唔怪得平日下午2點，入位率都接近9成啦。澳洲M5和牛溫泉蛋飯和牛生熟度非常ok，肉味濃加埋特調醬汁，配埋溫泉蛋送飯一流，連一向唔鍾意食飯嘅我，竟然一啖一啖食晒成碗飯。和牛漢堡除左和牛漢堡扒之外，仲有和牛粒，享受升級，其餘配菜煙肉，生菜，番茄，一啖咬落去，口感好豐富，配上大量香脆薯條。

大塊鰻魚| 打卡朱古力🍫之前成日喺ig見到人哋post呢到的招牌crazy chocolate☕️期待咗好耐 今日終於有機會試食🤩點知期望越高 失望越大😭 食物質素其實還好 不過沒有很出色 所以有點overpriced CP值唔高🥲蒲燒三層鰻魚滑蛋飯（$138） 滿滿的紫菜有增加日式的風味🎌鰻魚醬汁味道調得不錯👍🏻不過由於醬汁味道偏濃 鰻魚食到後尾會有點膩～醬汁冇淋埋喺飯到 所以食到尾就冇汁拌飯啦😿鰻魚份量很多❗️可惜有少許骨刺 食落要相對小心😗鰻魚肉的質感一般 有點乾🙊鰻魚連皮上 膠原蛋白感很重🤤不過個人沒有很喜歡 所以另外兩塊都沒有連皮吃～滑蛋的量也是給滿多的 不過有點過熟 可以做得更加嫩滑 蛋香略嫌不足🐣而且整個鰻魚飯都是溫溫的 不夠熱 會令滑蛋有點凝固成一塊塊😯Crazy Chocolate 痴_線朱古力（$50 / 跟餐+$35）呢杯朱古力真係好適合打卡 絕對沒有圖文不符🥰不過同杯野飲一樣 等咗痴線咁耐😥小編自問食飯的速度十分緩慢 竟然食完個鰻魚飯杯野飲都未到 。。。等左足足一個鐘 完美顛倒咗上菜的順序😶‍🌫️朱古力的賣相係幾吸引 面頭除咗鋪滿可可粉 仲分別有白朱古力碎、牛奶朱古力

18.05.2023 星期四 sensory ZERO今晚終於到了沙田買MacBook ，之後到sensory ZERO吃過晚餐。很久之前吃過，印象不錯，所以今趟再來。「對自己好D大滿足早餐」$238＋無花果有機伯爵茶果醬包括喵喵多士、澳洲M5和牛、時令鮮果、煙肉、乾果麥片乳酪、雙份日本炒蛋、薯餅、茄汁焗豆之前已經食過這個早餐，好豐富吸引，但今趟卻大失所望。首先和牛有些騷味，口感好像不大新鮮，另被切成細細粒，份量不足。另外日本炒蛋竟然不香滑，實在意外，沙律菜只有一兩片，份量實在太少。只有無花果有機伯爵茶果醬很好味，好香伯爵茶味，這個是整個餐惟一滿足之處。整個餐賣相不吸引，平平無奇，但價錢$238，一點也不便宜，這個質素實在有待改善。意式牛奶咖啡咖啡好濃好重味，好像沒有加奶。但也要稱讚職員，會主動加水，訂枱被安排坐在沙發，地方自成一角，坐得舒服，有足夠的距離空間。

朋友推介的餐廳，雖然不是去他說的「香港科學園」分店，估計都應該差不多吧；當日叫了「豬扒大滿足早餐」、「流心鬆餅蛋糕(檸檬紅莓)」及 兩杯美式黑咖啡。🥹豬扒大滿足早餐～分量真不少，有喵喵多士、南乳豬扒、時令鮮果、煙肉、乾果麥片乳酪、薯餅、雙份日本炒蛋及茄汁焗豆；食物水準唔差，但又未至於有很深印象；而最期待的喵喵多士，明顯是放得過久，口感已變成微溫唔脆兼且帶韌，好在無花果有機伯爵茶果醬補回不少分數；如果是新鮮出爐或上枱前再番熱，應該會更好。😬流心鬆餅蛋糕(檸檬紅莓)明顯上枱前有番熱過，可惜鬆餅口感太過紮實或太乾身，完全沒有鬆軟感，不吃也罷。😔黑咖啡水準平平，沒有什麼香氣，濃度不高，也不會難喝；連鎖店$35 杯，算是這樣吧！😓不知是分店不同，還是當日是假期，水準沒有想像中出色；有機會或者可以直接入科學園再試試。🤔#美式黑咖啡 $35#豬扒大滿足早餐 $158#無花果有機伯爵茶果醬#流心鬆餅蛋糕(檸檬紅莓) $38#sensoryZERO地址: 沙田沙田正街18號新城市廣場一期7樓706號舖電話: 28310880

星期六同男朋友去咗沙田飲佢最鐘意嘅CRAZYYYYY CHOCOLATEEEEE🤎🤎🤎🤎不過我就想試下Crazy Mocha都一樣咁邪惡真係一飲成口都係面頭d朱古力碎碎好好味r飲完真係唔知要做幾耐運動先可以消秏至於食物方面我地order咗一個margarita pizza同埋all day breakfast不過一定要盡快食都幾耐凍味道就正常發揮冇話好特別特別嘅可能係塊貓貓多士總括而言如果下次黎都係因為想飲crazy chocolate or crazy mocha多d

New try and i love it!!!!! Orange sparkling americano🧡🧡Set lunch 又抵食又好大份個沙律好好食非常清新…個醬仲有啲wasabi 嘅味道🫶🏻佢哋最多人打卡嘅飲品係痴_線朱古力大家都可以去試下呀☺️☺️☺️ 性價比10分10分高牛肉飯份量都十足午餐仲要包嘢飲🧡當然亦都可以加少少錢有小食或者濃湯但係加$25已經有Orange Sparkling Americano就真係10分抵啦

同一位年多冇見過嘅朋友聚會，我哋喺新城市廣場去咗一期高層嘅餐廳食。呢間灣仔都有分店嘅餐廳，我叫咗一分牛肉沙律，牛肉份量好多，雖然好紅，好似好生，不過食落就唔覺生。

某日喺新城市食完午飯 想飲杯咖啡hea下睇完有咩選擇後揀左呢間試試✨初吻面層係薄薄焦糖 中間厚奶泡 底層係咖啡 入口香甜 奶比例較多 咖啡香但唔算濃嗱.. 唔好問我初吻係點🙉簡單黎講咪就係甜囉🙊果然冇改錯名 令我都覺得甜🙈✨可遇不可求粉紅薑汁鮮奶咖啡期間限定 粉紅色打卡唔錯但冇佢menu咁鮮艷咁靚奶泡夠厚 有淡淡薑味 冇乜特別 總結：味道普通 環境普通 擺枱都算密 空間感一般服務正常 價錢少貴 冇限時想hea下吹水都係個唔錯嘅選擇