SENSU (時代廣場)

营业中

休息中

週四柴可夫日，XO仔同哥哥等接車時決定喺時代廣場覓食，上網見新店「SENSU」仲有位訂，所以就膽粗粗一試。餐廳以木為主嘅間隔及裝潢盡顯時尚簡樸嘅和式風味。用餐大堂光猛企理，部份散座有屏風間開，有啲設計凹咗入去，藝術得黎成功提升私隱度，都幾得意。服務生落力有衝勁，埋位每人先有水水一杯。桌上有足夠二人用嘅西式餐具及紙巾。多頁餐牌中英對照，並附有彩圖參考，簡單易明。散點項目共有六頁之多。另提供招牌套餐（$268/位）及三道菜晚市套餐（$168起）。跟指示成為FOODIE會員，俾服務生掃一掃二維碼，即場當真可享九五折優惠。哥哥點嘅招牌套餐落單後五分鐘就到，真係快得交關，唔知係咪整定哂呢？！套餐包有三款前菜、餐湯、漬物、主菜、飯或麵。有一點有少少奇怪嘅就係哥哥點「慢煮澳洲M7和牛板腱扒」作主菜時，服務生並未有問及和牛要幾多成熟，莫非只有一個版本？！北海道帶子，香蒜蜆汁，扁意粉（$168）：小肥散點嘅意粉份量都好足，意粉麵條煙韌彈牙，可惜混入嘅帶子同蜆肉均散發出微微腥味，唔得新鮮。雞皮餃子，菠蘿照燒汁（$68）：長長嘅雞皮餃子皮層極之油淋淋，毫不香脆，食落仲有陣千年油膱味，浸喺菠蘿照燒汁都難以消除

可能睇完啲食評先嚟，no expectation no disappointment. 我覺得食物幾好食喎！係unexpected。擺盤靚，幾好坐，服務都好，無諗過。約frd 食嘢傾偈，呢到係一個唔錯嘅選擇。其實佢都幾用心整，碟碟都好食，係個鰻魚太多細骨之外，其他都好食。我明時代租貴，所以飲埋野，per head $3xx 都預咗，但如果平番啲，我應該會嚟多次起碼我平日夜晚嚟食個飯都得丫！下下都要食到3百幾蚊，發左達咩

星期六 銅鑼灣 好多人 間間cafe都full哂因為太肚餓 唯有入商場搵食叫咗慢煮雞胸沙律 雞胸好食 但柚子味沙律汁太多 令到啲菜好酸重點杯香橙茶啡。。。參考圖片真係用嚟參考 😑杯啡完全無橙味 可能因為凍飲 連啡味同茶味都無 問waiter 佢話係用橙味烏龍茶沖 飲品本身係淡味 🙄

Tiramisu has always been my comfort food!! The silky richness of the mascarpone blended seamlessly with the hint of coffee, creating a perfect balance of sweetness.The Hokkaido scallop were dipped in a delicious garlic clam sauce. The scallops were so juicy and creamy. Every linguine was sauce-coated!! 📍SENSUShop B224A, B2/F, Times Square, 1 Matheson Street, Causeway Bay

貪平真係會中伏！！門口見佢sell 早餐$28有通粉餐所以就入去試吓最後揀麵包餐 add on 牛油果一嚟就上茶先有一set茶具都幾精緻但係之後上食物就出晒事兩片仔多士勁簿 多士加cream cheese 配茶個餐要$48都算話晒都係位於銅鑼灣times square嘅cafe加$15牛油果得嗰兩片仔會唔會過份咗啲係咪當人乞兒呀waiter上菜時唔會覺得尷尬㗎咩？真心離晒譜已經blacklist咗間餐廳唔會再去！

同幾個friend聚會簡左呢間日系餐廳，地點方便之餘環境都舒服😌✨九宮格 SIGNATURE SNACK COMBO✨一見到就叫左，無留意入面有d咩野食🤣9 款迷您版冷熱前菜同小食，鴨胸沙律，搭配冷盤熱盤各 4 款🫕📌冷盤菜式，煙燻鴨胸椰菜花沙律，青花椒柚子汁慢煮雞肉，仲有鮑魚etc..📌熱盤炸物小吃，蒲燒鰻魚玉子，青咖喱蛋黃醬炸豆腐, etc...🐄慢煮澳洲m7和牛板腱扒都係成個set，九宮格部份菜式都有！呢個就有埋湯同石蝦天婦羅🦐.🍝蒜香蜆肉橄欖油意大利麵🍝大蝦忌廉汁溫泉蛋扁意粉🥚兩碟意粉都正正常常，冇話有特別驚喜🍴總結，餐廳選址夠就腳，環境舒服，食物都精緻日系，適合同男女朋友或者姊妹聚會👯‍♀️

話說我約左朋友諗住聚舊，之前食過啲間既lunch覺得幾好，就想試埋dinner喇，我朋友遲到20分鐘，咁我都諗左好耐決定好食咩，個侍應先同我講menu轉左，我想食既野無。之後個高大女侍應先係最致命，佢成隻烏英咁每隔幾分鐘就圍住我同我朋友轉，𥄫住我哋一食完一樣野就收我地啲野，係秒收，好似好想趕我哋走咁，收前又唔問下人仲要唔要，最誇張係，食完想買單俾錢我哋只係細細聲講邊度俾錢，個高大女侍應好似全程偷聽我哋講野咁即刻9秒9衝過黎收我哋錢，其實成餐飯俾佢咁樣𥄫住完全係食得唔安樂，仲有個日只係星期四，又無話要限時，又無人等位，個場得4成滿，真係唔知佢急乜😒😒😒我以為係我敏感諗多左，點知連我朋友都有同感，大家都覺得service 好差😟我食完仲覺得勁口渴，所以要black list同話俾大家知唔好中伏

依家成日落雨 ☔️所以要搵下d留係商場都有嘅好嘢食 於是係times square見到呢間就入去試下 點知又唔差窩 ❣️個鴨🦆好淋 $138 3 courses 有咁嘅質素都幾抵食👍慢煮雞胸都唔會鞋 配埋牛油果泥都唔錯 係健康之選啊！👍個餐仲可以俾錢加埋杯烏龍茶latte👍烏龍味都算突出 唔錯🍵

計落去咗sensu都有4次,每次啲野食都叫高質presentation也好,最好味係泡菜飯團,每次叫lunch set都有點今次叫咗三文魚配埋佢個酱,甜甜哋今次冇再叫甜品,之前食過affogato同tiramisu,而家兩款都唔係好啱食🤰😆

經過見到這個優惠就決定入去試下，環境好靚，早上人少少可以食個安安靜靜嘅早餐。但留意！！！！佢個份量是極少女， 適合小鳥胃。這個早餐只有兩啖。飲品只有一款可選擇，咖啡要加15元。QR Code 自助落單，但要收10%服務費。 抵唔抵食就見仁見智啦～

今日返工前見到sensu門口有個特價通粉早餐優惠，平均30-40左右，於是即刻拉朋友一齊食個快早餐先～見到火腿粟米略嫌唔夠送，於是加$18加左份煙三文魚。食物擺盤同餐飲茶都好靚，問題係食物真係份量超小，無諗過40幾蚊嘅早餐通粉兩啖都無呢個係最失望嘅地方，我寧願你收貴少少比大碟d份量，好過食完「一份早餐」完全唔夠包，通粉成本咁平都比咁少，一一個平時返工嘅OL黎講真係攝牙罅都唔夠嘅少，唯一可以欣賞嘅係湯底好好味，但食唔飽呢樣完全係我嘅雷點，我覺得簡直嘥晒呢個promotion嘅機會，只會令我諗係唔係佢其他食物都係咁細份唔抵食，小失望

今日嚟到時代廣場食好西！係一個豐富嘅日式餐廳，以木系簡潔裝修為主，我地叫咗SIGNATURE SET，每人約$258♪(´ε｀ )有冷盤、熱盤、天婦羅、主食（肉類）、飯麵👧🏻🪢冰鎮清酒鮑魚 山葵醬油汁鮑魚清甜，山葵醬油汁酸微微🍤 石蝦天婦羅 香蒜蛋黃醬石蝦天婦羅熱辣辣，香蒜蛋黃醬有啲似沙律醬蒲燒鰻魚🐋玉子燒玉子嫩滑，鰻魚香滑🥩 慢煮澳洲 M7 和牛板腱扒 紅椒香蒜牛油M7和牛板腱，香濃肉味，醬汁可口！🍖 烤乳豬卷 橙杏桃果醬乳豬卷比較特別，🐽食落脆卜卜🍚 越光米飯 温泉蛋🍜 小木耳 涼拌蒟蒻麵日本飯加温泉蛋同健康嘅蒟蒻麵温泉蛋流心飯不嬲都正嘅蒟蒻麵估唔到食落又幾好，清爽口感☕️ Baileys Latte （Alcobol）香濃順滑，咖啡面仲有拉花🫧☕️ 港式格仔餅風味咖啡沙冰配煉奶果仁鮮忌廉呢個打卡一流，勁靚，對我嚟講少少略甜#銅鑼灣美食 #銅鑼灣cafe #銅鑼灣打卡 #銅鑼灣coffee

鋪頭係日式簡約風，成日去廁所經過都會望多兩眼依到每個SET可以自己配搭, 彈性度極高除咗漬物及餐湯，可以簡兩個前菜, 一個主菜, 同埋三揀一主食, 再配飯或蒟蒻麵燒銀鱈魚 配照燒汁鱈魚表面金黃, 魚皮香脆, 魚肉帶白味噌甘甜味慢煮豬肉眼 配紅酒汁肉質結實嫩口，不過整體份量相對少，CP值無咁高

朋友約飯聚，俾咗幾個選擇，大家不約而同投票揀咗呢間，齋睇相已經覺得好吸引。我哋約咗7點，大家傾得太開心，坐到9點幾先走，所以整體感覺良好，坐得好舒服。睇住佢長期維持9成入坐率，所以我哋無話俾人趕，唔需要提前走，佢個位置都好好，離洗手間係嗰層最近，所以好方便。食物買相同埋味道，我哋都好鐘意，而且佢分量好足，我哋食到飽飽。食物買相真係整得好靚，我哋不停影相，最重要唔係得個樣，每樣都好好食，我哋揀咗是日沙律，是日餐湯（當日係南瓜湯），之後每人點咗個主菜。大家share來好，好回味。

📍銅鑼灣日系fusion西餐‼️• 軟腍粉嫩牛板鍵😍 — SENSU✨·Follow @pigfoodiexhk for more food!🐷#pigfoodiexhk_銅鑼灣#pigfoodiexhk_西餐==============================Sensu已經食過好幾次，最近佢地出咗新嘅dinner set menu,有多款肉類、意粉等等選擇😙非常豐富～—————————————————————Set Dinner包沙律、餐湯、主食、飲品·田園沙律·龍蝦忌廉湯·美國牛煙肉·大蝦·昆布忌廉汁扁意粉·溫泉蛋 (4.2/5)大份又足料嘅意粉😙👍意粉煙韌有咬口，昆布忌廉汁特別，幾有鹹香🥰大蝦爽彈👍·⭐️Signature Set $258 (4.3/5)Cold & Hot Appetiser·冰鎮清酒鮑魚·山葵醬油汁·石蝦天婦羅 香蒜蛋黃醬·蒲燒鰻魚·玉子燒鮑魚彈牙入味！玉子燒鬆軟濕潤富蛋香😍·Main⭐️慢煮澳洲M7和牛板鍵扒·紅椒香蒜牛油呢個唔錯👍牛扒軟腍粉嫩🥰油脂豐腴‼️配埋紅椒牛油好惹味👍·Side⭐️越光米飯·溫泉蛋飯粒撈咗溫泉蛋蛋汁，口感濕潤😙·Drinks ⭐️阿華