影片
营业时间
今日营业
11:00 - 23:00
星期一至日
11:00 - 23:00
以上资料只供参考，请与餐厅确认详情
見到門口好多人排隊諗住試吓，點知真係幾好食又正宗，啲嘢食好大份而且價錢唔貴。環境方面都幾乾淨，但係有少少迫。店員基本上都係韓國人，好有禮貌，可以用英文溝通。值得一試！
继续阅读
記得之前灣仔新開第一間Seoul Noodle Soup午市要排隊㗎！其中一大賣點係多靚仔OPPA😆嚟到灣仔第二間，靚仔 OPPA去咗邊？算啦食物先係重點今次試大邱辣牛肉蔬菜湯飯 + 凍梅子茶$20梅子茶先到，弊！有陣藥水味，一大杯冰慢慢溶化後好啲，下次叫汽水較穩陣熱辣辣、大大碗湯飯上枱份量十足入秋開始食辣湯飯太幸福了跟兩小碟前菜是必須的，kimchi同蘿蔔都醃制味濃，口感爽脆單點不同的麵或湯飯都可以加錢配combo套餐例如紫菜飯或餃子等小食，但每款價錢略有不同，記得睇清楚餐牌上的顏色標誌整體座位濶落、乾淨企理，執枱亦快手留意番+10%服務費全日適用，一人前單點埋單$119
继续阅读
湯麵令人喜出望外，牛湯麵有軟嫩牛肉，雞湯麵有半隻雞，雞肉不老，鮮嫩多汁。另加套餐點了餃子及壽司，餃子皮不厚，壽司則一般。環境不適合久坐，沒有地方放東西。其他食客距離尚可接受。
继续阅读
第一次食韓國刀削麵，去咗呢間屋企附近新開嘅韓國麵館食，其實我本身麻麻哋鍾意食麵，但係呢度裏面好好食，又大碗又有前菜任食，地方好乾淨，送食物都好快，食完返屋企都冇口渴感覺，證明冇乜味精！我食嗰個蜆麵，好多蜆，老公食嗰個豬骨湯佢話好辣，不過好好味。
继续阅读
之前見到軒尼詩道嘅分店經常大排長龍，所以一直都未有機會食到，見到開多左間新分店，於是嚟試下運氣，竟然入座嘅人都唔算多。當日兩位韓國店員都好熱情招呼，用QR code落單，佢有1人同2人嘅combo set...不過之前有睇到啲食評普遍都話麵嘅份量都好多，所以決定同朋友一齊share一個麵同埋兩份餃子再加一個迷你紫菜包飯。先講蜆湯麵<$78>，麵同蜆嘅份量都好多，蜆嘅數目大概係十幾廿隻，食落都冇乜沙同埋好清甜，麵嘅感覺有啲啲似烏冬，不過咬落都幾彈牙，整體感覺完全對得住個價錢，再加上佢兩個小菜，泡菜可以再添加，另外仲有個薏米飯附上，睇枱面介紹係話食麵前先食飯，咁就有效降低血糖。豬肉餃子<$38> 泡菜餃子<$38> 每款各兩隻，size都比較大粒，值得推介嘅係豬肉餃子，啖啖肉嘅感覺再配埋佢嘅特製醬油，完全令我念念不忘。迷你紫菜包飯<$28> 有5小件，個醋味好好食，都真係值得一試！！
继续阅读