Seoul Noodles

营业中

休息中

韓式雞湯麵湯頭清淡但帶有香濃的雞肉香，半隻雞的加入，讓湯底更加豐富，帶有一點鹹味和清甜。雞肉嫩滑，麵條吸滿了濃郁的湯汁。韓式牛湯麵湯頭更清澈清淡，帶有淡淡的牛肉香氣，牛肉有點嚼勁，而麵條則輕盈而滑爽。韭菜粉絲豬肉蒸餃子餡料有濃郁的韭菜香氣和豬肉的鮮美，粉絲吸收了肉汁，餃子皮薄而韌，內餡多汁且富有層次感。紫菜伴意米飯紫菜的鹹香和意米的細膩口感結合，帶來清新的風味。這是一道清爽的飯菜組合，適合在吃麵前食用，幫助減少澱粉質的吸收。泡菜的甜酸辣味道濃郁，帶有發酵的獨特風味，能夠有效地解膩。👍🏻👍🏻👍🏻

每次食飯時間落銅鑼灣都見哩間大排長龍，今次一個人應該易啲有位就試一試。入到去被安排窗口bench 位，雖然有景睇，但一路食一路俾人望住有啲怪。Qr code點菜，叫左個辣牛肉湯麵，落單見有套餐有埋隻泡菜餃於是試吓，點知套餐選辣牛肉湯麵要另加$20 ，再嗌咗杯冰蜜桃茶又加咗$12。懶得改就拍板。落完order,職員都好細心會自動提供圍肩。上菜速度好快，唔洗5分鐘就有得食。但碗麵係巨size，份量異常多，辣湯味嗅倒已經好香，跟一小碟泡菜同埋醃蘿蔔，一隻泡菜餃，薏米紫菜飯。辣牛肉湯嘅牛肉味唔太濃，係傳統韓國湯嘅味道，唔係死辣，食落味道不過不失。牛肉係肉絲，頗失望。麵條似係刀削麵，有嚼口。碗入面仲有大量煮腍左嘅蔥段，菇同其他配菜，我食咗7成就飽… 咬左一啖餃子，十分之啖啖肉，食唔倒泡菜（或泡菜味），因為太飽，食落反而有啲反胃，所以冇再食。冰蜜桃茶都幾甜，類似雀檸咁，但桃味。下次寧願要可樂。

Seoul Noodles 平日夜晚7:00pm去到岩岩好入得 再晏少少7:30pm門口已經大排長龍!店內大部分都係韓國人侍應 略懂英文 加埋印有有韓國字既banner&韓國食物 感覺好似去左轉韓國呀!雞湯麵既湯頭清甜有雞既鮮味 食落非常暖胃 不油不膩 雞有成大半隻非常慷慨 不過有d鞋口 好似煲湯肉咁刀削麵扁身 軟硬度適中 掛湯入味 伴餐泡菜同蘿蔔都係正常發揮 可以refill嫁!另外每碗麵都跟左一碗薏米飯 配上紫菜碎、泡菜、紅椒醬同麻油攪拌一齊食 味道一般 可以不吃重點係隻泡菜餃子 皮薄同滑 漲卜卜餡好豐富 有泡菜豬肉仲有韓國粉絲 mvp!!!

Seoul Noodles (銅鑼灣)📍銅鑼灣謝斐道482號兆安廣場地下4-6號舖Combo $92 牛骨湯麵+泡菜餃子+拌飯湯底清清地幾暖胃牛展同牛肉片有好多塊肉質軟腍～🤤🤤烏冬煙銀～🤣🤣泡菜餃子🥟普通餃子餡無咩味拌飯連拌菜一齊食👍🏻芝麻油好香😍7.2/10Combo $92 +$20 轉排骨湯麵 +豬肉餃子排骨有大2舊～肉質超軟腍😍😍辣湯普通無特別份量好足～豬肉餃子🥟正常豬肉餡吾夠juicy 7.1/10

銅鑼灣出名的排隊店, 今日來排下隊試下, 味道都唔錯, 可以試一試 食物 : 雞湯麵+豬肉餃子+凍水蜜桃茶 $114 ~ 湯麵大大碗, 湯夠味, 有半隻雞, 食完好飽, 麵質彈牙, 豬肉餃子好大隻, 味道普普通通, 湯麵會有薏仁飯, 只得兩啖飯, 幾得意, 水蜜桃茶味道少淡 釜山白肉湯飯+豬肉餃子+凍檸茶 $104 ~ 睇落份量比較少, 但都夠飽, 肉片味道正常, 另外泡菜味道幾好, 整體唔錯 環境 : 裝修有韓式風味, 當天要同人搭枱, 座位OK 服務 : 職員有禮貌 價錢 : HK$240 (包加一服務費)

呢間鋪頭係位於銅鑼灣謝斐道482號兆安廣場地下4-6號舖。因為以前係韓國留學嘅經驗，所以經常食到當地嘅美食。銅鑼灣依間首爾湯麵，以湯嚟講暫時係我香港食到最好食，同埋最正宗嘅一間。（但係記得唔好去旺角嗰間，我覺得味道+服務都同cwb 呢間有差距）佢有分單同埋set嘅套餐，我個人好推薦排骨辣湯麵同埋首爾牛肉醬油湯麵。先講排骨辣湯麵：上面佈滿紫蘇葉，一陣好香嘅紫蘇味同埋辣油湯混淆一齊，食落味道好豐富。排骨啲肉都好容易咬開👍套餐入邊仲包一隻餃子，真係啖啖肉，會想再嗌多一份。（味道超級正宗）仲有一細碗薏米飯，可以同泡菜辣蘿蔔，撈埋一齊食。（冇諗到薏米嘅口感 令到一個拌飯嘅層次感多咗）絕對大推嘅一間韓國料理！！！！！

Reasonable price in city center and the portion is good enough. However, i don't find it particularly delicious given how popular it is. The chicken is fresh, soup is ok not too salty and noodles are rubbery in texture which I like a lot. It did not impress me too much but if you haven't tried it, it's a good option when you ran out of choices. ps i dont think the dumpling worth 10 hk, plain, basically dry This looks yummy, not too spicy either 

韓式石頭鍋飯/韓式拌飯就食得多，但韓式拌麵就第一次食，雖然間鋪出名湯麵和湯飯，但難得見到韓式拌麵當然要試下啦😆除左我地之外唔覺有人食拌麵，質素如何呢？🍲辣拌麵套餐 (包含2隻豬肉餃子) $92🥟泡菜餃子 $38辣拌麵個刀削麵非常煙韌，要咬好耐，同埋原來佢係冷拌麵而非熱嘅😮個名雖然有個「辣」字，但原來係得啲色，食落唔覺得辣(ps我食譚仔十小😂)，拌麵有雞蛋絲、雞絲、洋蔥，都算足料，一個人食會好飽👍🏻本人係餃子控，會話全餐嘅mvp絕對係餃子👑餃子用點心蒸籠裝住，熱辣辣，大大隻，而且蒸得剛剛好，餃子皮唔會淋或硬或乾，內裡的豬肉餡好juicy，亦有少少韓式粉絲碎，超鍾意👍🏻雖然個泡菜餃子都幾辣下，一路食一路要飲水，但我一定會再encore的🤤

Seoul Noodles (灣仔)❤️🇰🇷🇰🇷🇰🇷🇰🇷🇰🇷灣仔軒尼詩道68號新禧大樓地下A號舖一直好想試嘅韓式餐廳， 原來除左銅鑼灣之外， 九龍區包括旺角同尖沙咀都有分店啦！😜一進入覺得裝修好傳統韓風， 不過除左氛圍感，最重要都係睇食物🥘質素！ 🤓今次點左 排骨辣湯面及雞湯面， 追加一人一隻大餃子🥟☺️排骨就真係唔多肉食嘅， 肉質一般， 湯底有偏油， 反而最好食真係雞湯面， 首先春雞半隻，佢有少少似食人參雞嘅湯底味， 雞湯清香有回甘， 面質好彈牙，比較排骨湯， 排骨湯相對重味， 雞湯面真係健康又美味之選😇 餃子好足料都係必點！其實好早就想試呢間餐廳，但成日都好多人排隊😂 又試過中秋節翌日日琴訪摸門釘，因為韓國人都好重視中秋節🤣 佢真係當日無營業， 想回訪呢間韓國🇰🇷餐廳， 要密切留意佢地嘅社交平台宣傳/ 公佈🙏🏻😆#韓式餐廳#香港韓國菜#hkig#hkfoodie#hkfoodblogger#hkfood#koreanfood

被過分吹捧的餐廳、衛生環境欠佳！雞湯麵還可以辣牛肉湯麵完全是搵笨，牛肉份量極少，還要是一絲一絲的，完全沒有咬口，吃了等於沒有吃！麵的份量也不夠！成間餐廳嘅地下都係黐笠笠、嘔心！

在銅鑼灣揾嘢食，行過見到排隊走去試試。叫了一個招牌雞湯麵 ($88)，我沒有叫套餐，衹點了一個湯麵，點知來到除了湯麵還有飯有配菜，韓式泡菜還可以無限添加。雞湯麵內有好大隻雞，差不多佔了碗的一半，湯味道好鮮甜，好好味，最後成碗湯飲曬！麵見到師傅新鮮即整，彈牙！今餐好有驚喜，下次會再來！

岩岩去完韓國旅行返嚟特別想食韓國嘢，知道呢間餐廳係灣仔新開嗰陣非常多人食，今次第一次試銅鑼灣新既分店餐廳裝修都係韓系，店員都有韓國人，今次選舉了雞湯麵，單點都包括兩個前菜同一包紫菜飯，份量十足！而且雞湯麵個雞既份量係有半隻，相當充料，雞湯飲落有雞既香味，雞肉點佢提供既醬，個味勁似係首次爾好出名嘅一隻雞店。由於個湯係比較清，我會建議大家先飲湯，後食前菜，因為佢嘅泡菜都比較濃味😝另外仲試咗佢嘅豬肉餃子，熱辣辣一籠，餃子都好大隻，味道正

銅鑼灣開了Seoul noodles 🍜 星期五去了一試點左辣牛肉刀削麵同雞肉湯麪但飲品賣哂了，到來時份量都幾大😆✌🏻雞湯麵係雪濃湯+半隻雞+麪，佢都比得幾闊綽的，湯都幾濃郁而且麪比想像中有彈牙煙韌感，雞肉無煮到好老，反而保留左韓式燉雞個種滑滑嫩嫩既感覺。泡菜仲可以refill(嚇到），佢仲有menu教泡菜+辣醬+麻油撈薏仁飯，可以減慢血糖標升，而我地都相信左試下，的確食完無狂眼訓既😂餃子就唔識欣賞，可能一向對韓國餃子都係一般般，嚇食左一口就放棄啦。朋友既辣牛肉湯，我試左二口，我覺得下次必須一食，佢唔會勁辣但泡菜味濃，肉都比得多，相信比雞肉麪更惹味同濃郁。店員係韓國人，喜歡oops的朋友們可大飽口福和眼福了，不過大部分都cool 🤣（我地唔多介意，食物好食就okay),必定會再食😆😆😆😆

今日嘅午餐嚟咗試呢一間新餐廳 Seoul noodles，經常都見到好多人喺出面排隊，終於有機會嚟試吓啦😆我哋大概12點15分嚟到，好好彩仲未開始排長龍，所以我哋唔使等位就入咗去，不過好快就已經全場坐滿晒。🤣係用手機落單嘅，每個位都有一個自己嘅code。食物方面，我揀咗辣牛肉湯麵。食物嚟到嘅時候會跟埋泡菜，仲有薏米紫菜飯。嗰麵係有啲辣，不過都幾開胃🤩 薏米飯好特別！有啲咬口，煙煙韌韌咁樣，感覺仲健康啲添😆呢間餐廳的廚房有個透明大玻璃，食飯可以望住廚師切材料，覺得好療癒。整體感覺中規中矩，覺得唔係值得排長龍的餐廳，不過如果唔洗排隊都值得試下！

無意中經過，食完先發現原來係灣仔一直排長龍嗰間韓式面食分店！終於一嚐，真心力推！味道偏淡，但食落舒服，而且份量多，食完好滿足。加上呢個價位，實在抵食又好食，會encore！👍🏻