SHAKE SHACK (新都會廣場)

营业中

休息中

今日下午在新都會工作後，有空行過見到Shake Shack，原來新都會都開左呀🤩看到有新產品，白松露漢堡包，仲叫多左一個芝士薯條。真係好好味 好滿足。白松露既味道好濃郁，而且個包好鬆軟，加埋塊芝士我真係大啖大啖咁食😚我下午茶時間去唔多人 仲有戶外位坐下。店經理好好人，會經常去唔同既枱同客人傾計，照顧到唔同客人既需要。我地有同店經理傾下計，佢話新界呢邊既人對shake shack呢個品牌唔太認識，都唔知係食咩既，我覺得太可惜了，香港除左有McDonald 仲有其他好好食既漢堡包，希望大家都一齊explore好味既漢堡包🤘🏼👍🏼 下次要試埋佢個Guava Lemonade，見到有好多客心都有叫🤩🤤

係香港開左咁耐都未食過今日就去試試一入門口有自助點餐機按完比錢，拎住部拎餐器就自己搵位坐野食整好，部拎餐器就會震動，提你拎野食Shake burger個包好鬆軟，個牛煎到好脆口，但好薄身，無乜肉既質感，有啲失望生菜，蕃茄新鮮，加埋啲汁都好配合焦糖奶昔好甜，但質感軟滑食包加奶昔，over100蚊，相對嚟講都貴！

Mango Bubble Shake楊珠甘露奶昔: 不能不試. 一飲再飲. 不能錯過.Guava Lemonade番石榴檸檬: 唔錯.焦糖奶昔Caraml Shake: 普通, 焦糖味唔夠濃. 可能咖啡奶昔及楊珠甘露奶昔, 太出色吧! 太有比較.WHITE TRUFFLE白松露芝士牛肉漢堡: 好好味, 肉汁足, 啖啖滿足. 可一食再食, 趁限定期.ShackBurger: 肉汁夠, 蔬菜新鮮. 芝士及醬汁都惹味.Dark Meat Hot Chicken: "雞腿肉", 肉嫰外脆, 配料新鮮.  (但還是牛肉係最精彩之選!)白松露波浪薯條: 醬汁足, 好好味.脆炸雞塊配蜜糖芥末: 需醬汁夠, 但我麻麻, 肉唔夠嫰.

特登黎試新產品white truffle burger同 fries! White truffle味道剛剛好！highly recommend to try!!!店長Mandy同店員都相當友善！

很久之前在海港城買過都不錯，今日下午經過葵芳新都會廣場見到就試吓啦！Ordered White Truffle burger single ，一咬落去漢堡包的邊緣位乾硬，麪包似再番烘過所以好乾身。內饀漢堡扒和芝士冇人乜特別，之前食過juice一點。薯條更差，炸得太乾身但唔熱，好似放咗好耐咁。因為唔想飲奶昔，飲品係Guava Lemonade ，正常糖水飲料，幸好比預期淡。一份餐$134冇問題，但係非常難食才是大問題😤，怪不得舖面咁靜，唔知道係地區問題定係品牌的質素已經變咗，實在太令人失望，以後又少一間食堂。

shake shack進駐左葵芳，宜家可以試下啦。喺新都會四樓，有室內同室外座位，非常闊落。今日風和日麗，天氣好好，坐戶外位置好休閒。single shack burger睇落細細個，但食哂個burger都幾飽。cheese已經係半溶狀態，幾香滑。牛肉主打係無添加安格斯牛肉，無筋，易入口，牛味唔算非常濃郁。麵包軟熟。fries波浪厚切薯條，份量都足夠，炸得乾身，唔會油淋淋。整體味道唔錯，2款食物都係基本口味，價錢中上，試過就夠。

漢堡薯條係comfort food✨ 食完個人都開心啲🤭今日嚟Shake Shack,一如既往叫咗👇ShackBurger: 有芝士，漢堡扒、生菜、番茄、自家秘製ShackSauce，肉質依舊好juicy☺️ .SmokeShack:有芝士、漢堡扒、蘋果木燻煙肉、櫻桃辣椒、自家秘製 ShackSauce. 佢既卜卜脆煙肉係道點，入口口感更豐富.波浪薯條：波浪粗身設計，口感好好.今次仲試咗杯新野▶️楊珠甘露奶昔，聽講係🇭🇰香港限定！餐牌介紹係話咗香港人氣港式甜品楊枝甘露做靈感變奏而成，飲落又真係都幾完美還原楊枝甘露口感，不過唔同之處係佢加入咗Shake Shack 自家製雲呢拿雪糕、用咗百香果味爆珠代替傳統西米同加咗鮮忌廉同蛋捲脆脆係top，入口層次更豐富。 .

Shake Shack主打嘅奶昔有多咗種口味，近排見佢有新野去食，仲係楊枝甘露味，好正咁喎楊枝甘露奶昔🥤，裡面有💕雲呢拿雪糕🍦💕芒果果蓉🥭💕椰漿🥥💕新鮮柚子果肉🍊💕芒果爆爆珠💕百香果爆爆珠💕鮮忌廉💕蛋捲脆脆材料超級豐富，同一杯入面，每一啖都有新鮮感，一時係酸酸甜甜嘅爆爆珠，一時係滑喐喐嘅雪糕，一時係清甜嘅柚子果肉，大大杯勁好食。我最中意佢有芒果果蓉，好抵，芒果夠甜，加上雪糕同忌廉真係好好味

又來吃shake shack了🧀🍔🍟🧀🍔🍟 今次試了新飲品，番石榴汁拼紅茶，一般🤭 不變的是，芝士大啡菇真的太太太好吃🤤，芝士流心又濃郁👍，這次點了素的，裡面沒有夾漢堡肉的，但好味程度一點也沒輸。 沒吃過一定要試試，大推🥰 朋友是第一次吃shake shack，她超surprise,還說終於明白為什麼這間這麼貴，因為真的好吃🤣🤣

繼上次開心果奶昔之後，今日又有新品推出，係將經典糖水楊枝甘露用奶昔黎呈現，只係香港限定，🐻一早已經Bookmark左要係推出當日即刻試一試。⭐️楊珠甘露奶昔 $56底層係代替西米既百香果爆珠同柚子果肉，爆珠只需要輕輕一咬，酸甜既百香果汁充斥口腔。奶昔由芒果蓉、雲呢拿雪糕同椰漿打成，質地濃稠，口感細滑，頂層係綿密既Cream配上蛋捲脆脆。奶昔整體奶味較重，芒果味都有但唔算好出，楊枝甘露控表示值得一試。

星期六下午帶同狗狗坐。我要杯大檸茶+熱狗，安全渡過。老公要咗個1人餐盒：雙層煙薰牛肉漢堡+6粒炸雞配蜜糖芥末醬+石榴柚子檸檬水。炸雞粒偏咸，芥末醬做得濃滑。漢堡扒咸到爆，煙肉條乾爆但無咩香味。熱狗包&漢堡包似甜餐包，基本上我情願用返超巿的咸包，感覺味道正常D。個包好細個。因附近不多地方歡迎狗狗進入，所以都會再嚟，但一定不會再食任何包類。或者下次試吓薯條。送雪糕只限網上落單，但只限visa付款。系統未做到其他電子貨幣付款。

好想食漢堡但葵芳無乜選擇唯有試下shake shack結果令人超失望叫左兩個ShackBurger兩個都濕漉漉，個包無烘好超級冧，又無搽牛油隔住內餡既汁，好似食係水度撈出黎既餵魚麵包咁，個漢堡包一上碟已經係散既，食到勁輪盡同cookie dpt 合作既朱古力雪糕得個甜字、好漏，朱古力味唔夠留返啲錢直接買曲奇好過薯條一般般芝士醬唔夠香，又太濃稠，薯條插落去好易斷而且掛唔到個醬開心果奶昔味道的確好香，好重開心果味唔會好甜但有少少膩一個人飲會好漏

今日早啲食，避開食飯繁忙時間。所以一入到店內已經有最後一張卡位。一坐低，未叫食物，已有職員送上一杯鴛鴦味道的雪糕給同行的小朋友，大家超驚喜又開心🥳麵包好軟綿綿，不似其他店的漢堡飽，並只切開大半，不是2片，食起來中間的餡料不會移位，好方便。薯條好好味🤤夠粗壯，外脆內軟，夠味道（算多鹽）超多人推薦的開心果奶昔，我略嫌太甜，我自己飲一杯飲唔晒，投降啦呢度最正就係店內有部洗手機，可以用餐前及後都方便大家洗手！同行飯腳話呢間好食過Five guys

足料雞腿Hot Chicken, 也有雞胸選擇.啖啖厚雞腿肉, 微辣, 配料新鮮又夠. 喜歡食辣雞, 會喜歡的.之前試過Coffee Shakes & Mike Tea Shakes, 好好飲, 今次揀士多啤梨Shakes, 都係超濃郁, 絕不欺場, 係好清淡士多啤梨味. 重口味者未必會啱口味.個人口味Coffee Shakes最喜歡.

最近新都會開咗shake shake，行過見肚餓入去醫肚先～Shack Stack是一道美味豐富嘅漢堡包，香嫩的牛肉漢堡肉，牛肉的鮮嫩令人愛不釋手。漢堡上的起司和醬料增添了豐富的風味，使整體更加美味。Dark Meat Hot Chicken是一道辣味十足的炸雞，炸雞肉質鮮嫩多汁，外皮酥脆，辣味十分濃烈。如果你喜歡辣食，這個漢堡包絕對會滿足你的味蕾。Bacon Cheese Fries是一道絕佳的小吃，由薯條、香脆煙肉和芝士醬組成。薯條炸得金黃酥脆，煙肉鹹香味和芝士的濃郁口感完美融合在一起，給人一種令人上癮的美味享受。朱古力奶昔是一款濃郁香濃的巧克力奶昔，給人一種滿足感。它的口感滑順，巧克力的香氣和甜度恰到好處，是巧克力愛好者必點的飲品。士多啤梨奶昔則是一款清新的飲品，奶昔的濃稠口感與士多啤梨的酸甜味相融合，帶來一種令人愉悅的口感。這款奶昔適合追求清新口味的人們。總括來說，無論是漢堡薯條，還是奶昔，都能帶給人們美味和滿足的飲食體驗。無論你喜歡什麼口味，都能滿足你的味蕾。