Sheer Coffee

营业中

休息中

Sheer coffee 係位於卑利街嘅新店由兩位店主打理💪🏻有吧枱同埋三張細枱適合同一兩個朋友嚟飲杯啡傾吓偈😌😌環境唔錯~木系設計🪵同朋友仔試左咖啡☕️紅豆多士🫘同埋豆腐cheesecake 🍰好開心🤩老闆仲拉左個小狐狸嘅拉花俾Luffy🦊朋友仔就飲咗春夏秋冬咖啡嘅其中一杯☕️Menu係店主手寫上麻布😌非常有質感🫶🏻當日星期六早上唔算太多人希望下次經過中環再嚟試吓其他飲品☕️☕️

今日同朋友去左一間中環新開既Cafe 裝修好靚係我鐘意既日式設計風🥰一入鋪頭感覺好舒適 有放鬆嘅感覺Meun都好特別係布黎嫁😍最後我地叫左一杯Matcha Latte同Sesame Kinako Latte 😋

呢間位於卑利街既咖啡小店, 舖面唔大, 淡黃色配深木色既格調有種好溫暖既感覺, 用左狐狸做咖啡店Logo好可愛🦊 呢度有4款以四季做主題既四款特色咖啡, 仲有幾款輕食可以選擇😎Spring - April Showers 🌸 ($50) 春季咖啡用左茉莉花梅冷泡茶配上Expresso, 清幽既花香好突出, 完全唔似飲緊一杯咖啡, 係一款易入口既特飲☺️Biscoff Latte🍪 ($45)呢杯相對地更清淡, Biscoff既味道再濃郁啲會更好, 可能熱會出味啲😉Ogura Toast🫘($30)即叫即烘既多士配上北海道紅豆配上Whipped Butter好Creamy🥰呢度真係幾好Chill, 用布做Menu係好有質感, 係一間用心做好啡既小店🥳

地方細細但驚喜多多就講個布質餐牌！全手寫手字仲要非常靚💮🐇意式咖啡同茶飲之外仲有以春夏秋冬命名嘅4款特飲、必試！整體定價算親民、新開張期間Follow 店家社交平台 仲有9折優惠、抵👍🏻🔖 Tofu Cheesecake 質感絲滑、輕盈🔖 Okura Toast 脆口多士配滋味小倉紅豆蓉🫘簡簡單單已很好🔖 Flat White 奉送小孤狸仔拉花!🥰好襯小店個LOGO 亦好襯銀孤仔Luffy 意式有兩款豆可以選擇Fruity: Eth Yiragacheffea Nutty: Brazil 🔖 Spring 🌸春回大地所以要將春天飲落肚！咖啡外另外加咗茉莉梅子Cold Brew Tea 有完整一粒梅子喺入面味道酸酸咪咪口感非常清爽

中環新開cafe 裝修係今期流行嘅日式設計風格：侘寂風 一入鋪頭感覺好舒適 有放鬆嘅感覺 係主打咖啡嘅coffee shop 今次試左佢地嘅cold brew 飲落層次十足 有好強嘅果酸味道 但又唔會有苦澀嘅口感 非常清新 10/10 問咗店員話今期係Colombia黎嘅咖啡豆 帶士多啤梨同熱情果味 而且見佢有其他homemade pastry同埋open toast 賣相吸引而且價錢合理 CP價極高 不過可惜今日太飽無食到… 下次一定會再返黎試埋其他飲品同食物