Shelter Italian Bar & Restaurant (已結業)

今日同一班朋友黎到呢到high tea貪佢環境好同有靚靚tea set 食Green apple yoghurt and Berries yoghurt Padron Pepper 唔知中文名係咩呢個真心好好食😍個椒唔係辣品種嘅椒 而係係甜甜地 炸完個椒入面好軟熟 再加左d 鹽係外面😚😚甜甜地又咸咸地 好好食 送酒一流🤤🤤🍻Ham Pizza 🍕 個pizza 底好簿 個邊脆脆地係我鐘意嘅style Cheese and tomato sauce 再加上pama ham係面❤️真係停唔到口🤤🤤🤤🤤雞肉墨西哥酥餅🤤入面充滿芝士 點埋個cream cheese sauce 正👍🏻👍🏻👍🏻黑松露薯條新鮮炸起 好脆口 同個黑松露醬一齊食真係停唔到口🤤🤤🤤黎到今日重點 鳥籠tea set估唔到會有可夢露食咸點個雜莓朱古力bar 好好食👍🏻最黎仲叫左個mini Hot dog走個時天已經黑曬 著左d 花花燈我諗夜晚黎食野都一定好好mood🤗🤗

薯條皮脆，咸鹽味同薯味要配合得好係唔易加上個黑松露醬令味覺都豐富左下面個餅 夠薄，脆，佢作為主菜前的小事其實都唔錯，個人認為餐廳比較重視醬料搭配，細節上亦見有花心思。

今次好難得同一大班女仔朋友去左銅鑼灣既希慎廣場7樓食Tea，一入到去，完來係一個全露天但係有蓋既環境，成個環境真係好舒服好正，有D花花草草，好有外國feel，我地被安排坐左係bar枱附近既一張枱，張圓枱好大，仲有好多咕臣可以捱住我地叫左一個Tea Set，一個迷你Pizza，一個Quesadilla，三個小食同埋幾杯飲品1.Premium High Tea個Tea Set一黎到，大家都哇哇聲，因為真係好令啊，大家都爭住影相，個Tea Set係一個好精緻既鳥籠造型，有鹹點同甜點，全部都超吸引，鹹點我試左巴瑪火腿配哈蜜瓜，哈蜜瓜好甜同Ham好夾，另外甜點就試左栗子蛋糕卷同埋芝士蛋糕，栗子卷食落唔會太甜，d栗子茸好滑好濃厚，芝士蛋糕都好正，芝士味好重，仲有好清新既檸檬味Tim2.Mini Ham Pizza餐廳好貼心，幫我地將個Pizza切開可以一人一塊，Pizza係屬於手工Pizza,新薄Pizza好脆身，加左蕃茄，巴瑪火腿，芝士同火箭菜，成個味道好夾3.Truffle Fries薯條好脆唔會太油，雖然我地食得好慢，但放涼左都好脆，薯條仲加左d黑松露，真係畫龍點晴，最中意沾佢地酸忌廉醬4.

環境一流，好岩35知己聚會，食物可以朋友想食tea 見到呢間餐廳門面幾靚入去試下，佢係露天的， 雖然唔係啲咩無敵大海景但係感覺都好好，好中意比 建築物圍住，同d 高樓大廈咁近有種特別既感覺，好似同佢地好接近，我都係咁巨大的感覺我叫咗一杯雜莓smoothie，有點失望， 因為好淡， 冇咩雜莓味呢隻青椒， 一啲都唔辣， 上面灑咗粗鹽， 做送酒小食幾好哈哈哈， 我最愛嘅粗薯條， 配黑松露醬好味，呢個好難會唔好食囉好味麻麻地，可能我mok完牙，會偏好軟林既食物相機食先，哈哈哈上菜都幾快個tea set 都幾多款，味道ok，其實我食過咁多high tea set都未食過一d覺得真係好味，所以佢味道是在我預期內哈哈哈！

又食tea啦！今次都係四個女仔，我哋叫咗一個Tea set(Premium high tea)$338, Truffle Fries $68, Chicken quesadilla $98, mini hot dog $98同幾杯野飲（忘了），我個杯係奇異果薄荷，味道都唔錯❤️先講講Tea Set,上枱果下有驚喜，個雀籠好靚，呢間甜點比鹹點多，整體都不錯，鹹點比較出色，特別鍾意蟹肉三文治👍👍同埋估唔到會有Parma ham配哈蜜瓜😋黑松露薯條好味👍👍不過好老實其他地方都食到冇咩特別😝Chicken quesadilla辣辣地配上芝士同雞肉好夾，大愛❤️❤️Mini hot dog估唔到上面唔係茄汁，而係泡菜，又係辣得來幾過癮👌🏻👌🏻

唔講唔知希慎7樓有間靚餐廳出面係露天茶座e日唔太凍啱曬雀籠 Tea Set 好靚 咸嘢要趁熱食凍咗會容易腥Tea Set 裡面甜品都ok最有驚喜係個栗子🌰卷 睇落係好平凡瑞士卷 但食落內層栗子蓉好香好滑出面比較少tea set有栗子味嘅甜品e 到都食到 所以幾驚喜薯條🍟e d熱氣嘢好啱我佢有埋個好好味嘅沙律醬以為都係一般沙律醬 但上面有一點點黑色 原來係加咗黑松露，即刻特別好多無諗過黑松露係可以配薯條pizza 無令我地失望 有水準

今日同幾個friend行hysan見到呢間幾有神秘感既餐廳 於是就入去試下入到去我同個friend都嘩左下入面原來好大 仲有open area super chill💕我地叫左5 6樣野食最中意係果個truffle fries 佢上面有黑椒 配埋我最中意既黑松露醬 真係好正👍佢個padron pepper好好好味我本身係吾好青椒既人 但佢呢個冇好重青椒味 咸咸地 口感豐富😻個mini ham pizza都值得推介佢個底好薄好脆 上面塊ham又吾係好咸 配埋d cheese同蕃茄醬勁match 好味😆另外有個high tea set 份量岩岩好 幾個friend一齊share 再嗌杯cocktail chill chill 幾開心☺️

Shelter Italian Bar and Restaurant 有如鬧巿中的世外桃園，環境開揚，優雅寬敞。由於室外設計，餐廳温度比較受天氣影響，天冷時服務員會設置暖爐以供保暖，不過若用餐時刮風的話，會比較論盡。至於服務方面，服務員都主動有禮，令人了留下好印象。餐前先上餐包。餐包新鮮，煙韌有嚼勁，不錯。餐湯是紅菜頭湯。把紅菜頭打茸煮成，味道濃郁鮮甜，草青味淡，不錯。主菜點了菠蘿鮮蝦芝士薄餅。薄餅烤得非常香脆，鮮蝦爽口入味，菠蘿多汁開胃，再配上濃濃芝士及蕃茄醬，非常好吃。隨餐甜品紅酒燴啤梨。隨餐甜品竟然係紅酒燴啤梨，太奢華了。啤梨燴得很稔很入味，有酒香而没有苦澀及嗆喉的味道。甜而不漏，超讚！

今日下就同d frd經過hysan 聽個frd講話依間環境好似唔錯 想試下 一入到已經覺得環境好好好靚有好多位可以簡 有indoor outdoor 坐左sofa位好舒服drink menu design都好靚 都有好多好多野飲簡果時未到晚飯時間所以叫左bar snack menu野食roasted padron pepper wif sea salt 個人鐘意食 幾好味  唔辣既 另外本身唔係好鐘意就咁食parma ham 但佢有d豆配菜但我都冇試到嗌左2款pizza 個parma ham pizza ＄88 好好食！推介 ！truffle fries 係我最愛 一定要嗌 有水準！整體感覺好好呀 下次一定要同男朋友黎試佢既dinner set！見到係＄498 一位既 有少少貴但有前菜有湯 main dish有魚有lobster risotto同扒簡仲有tiramisu 特別節日黎食都好！ 

兩個人叫左幾樣小食個pizza有驚喜 上面加左薄荷葉 好突出味道👍🏻👍🏻青椒同薯條都比較特別 可以一試😍😍Ham個拼盤不過不失 令人印象深刻係橄欖好好食👏🏻👏🏻

今日係hysan行街 見到間italian food既餐廳 膽粗粗入去試下 入面都係outdoor環境 都幾chill happy hour黎都幾舒服 叫左兩款snack食 pizza入面有parma ham, 好香好正 另外再叫左個ham既拼盤 食得italian food就點都要叫嫁喇 都幾多 有d cheese同合桃一齊食 好吸引 好快食哂 但個環境都好舒服 飲住枝corona都坐左一陣 天就黑齊先走 幾岩三五知己放工過黎輕食 飲枝啤酒咁

話說前幾日去咗銅鑼灣tea一tea☕️其實之前都食過shelter既tea set...見佢有新既snacks menu就試下想食香口野😆Truffle Fries 真係好正一直係我既大愛Mini Parma Ham pizza $88 幾抵食喔份量下午茶食啱啱好Milk Chocolate 靚👍🏻💕不過有啲凍😆😆 好彩後尾有開暖爐

以為薯條甘普通，原來有埋黑松露醬溝埋又幾好味Mini Parma ham pizza值得推薦每塊上面都有黑毛豬火腿Pizze餅又脆卜卜唔會太厚岩洗d唔中意吃太厚餅的我叫左Tropical punch同Apple yoghurt Apple yoghurt就淨DD

朋友話好想黎呢間食，我地呢d義氣女一口應承啦😎呢間餐廳環境一流，好浪漫，但係我同左我個女仔朋友👭黎囉😅一出到去戶外區真係會"嘩嘩嘩",嚮咁繁忙既銅鑼灣都有間咁靚咁好feel既餐廳wor🎇拍拖黎呢度正呀侍應生既服務都算OK，可以再熱誠d，有多少少笑容🙊份量適中既avocado crab meat salad，惹味開胃😋其他野食都有水準，又有一大籃麵包比你食，又有靚境，一分錢一分貨👍另外，個carbonara pizza都算係signature, 正宗既意大利薄餅，皮薄而脆，個3隻流心蛋😍yummy pizza😋😋😋下次可以黎試afternoon tea睇下曬下太陽😆

有朋至遠方來😆 至從之前旅行去左Dubai 探朋友，一直都好掛住佢😭 突然有日收一佢電話，一句「我返左黎啦！」👏🏻 即刻要book位同佢食飯啦😆中東野就食得多啦，佢就話好耐無飲野同食pizza, 我就即刻諗起希慎shelter 😂因為呢間野集飲野、晚飯與一身🤘🏿我地因為兩個女仔，又叫唔到多野食，叫左呢個「Carbonara pizza」，好豐富味道，真係好似食緊意粉咁😍 仲要係我喜歡既薄底👍🏻cold cut ，黎到估唔到有咁多，而且唔貴，好抵食。