Shelter Italian Bar & Restaurant (已結業)

來到一個休閒的星期一，朋友買了這間餐廳的＄198 Groupon下午茶套票，打了電話訂了這天，下午三時多就和朋友來到這個石屎森林中的戶外餐廳吃這個下午茶。先說環境，這裡是在希慎廣場七樓的中空花園，全露天，那天比較炎熱，幸好餐廳有多部大型風機和風扇，坐的位置都不覺得太熱，還有時會有涼風吹來，感覺不錯。食物方面，Tea Set 用了一個鳥籠盛載著，感覺以價錢＄198兩位真的物超所值，每款食物都有兩件蟹肉西芹三文治法式烤芝士火腿三文治法國鴨絲配無花果沙律煙三文魚小茴香意式迷你薄餅法式野菌酥餅杏仁忌廉餡餅黑糖栗子卷野苺餡餅法式蛋白杏仁餅乾法式軟身蛋糕迷你開心果紙杯蛋糕紅莓芝士蛋糕咖啡芝士餅因為本身我少吃甜點，朋友說不錯本人比較欣賞蟹肉西芹三文治和法國鴨絲配無花果沙律，我覺得這兩款配搭上不錯清新最最最欣賞的地方就是只要你步出酒吧以外可以吸煙，對於我和朋友是煙民來說非常不錯。還有我發覺在這裡工作的侍應比平時餐廳的會比較辛苦，當天氣溫已經在35度左右，還要走來走去送餐，看到他們會有點木口木面，可能我也是做服務行業吧，所以我真心覺得算不錯！

環境同嘢食係幾好既，但啲侍應態度非常差，無論落單定上菜都黑口黑面真係有啲難頂。全場得幾枱客，啲侍應明明仲得閒到係到傾計，叫佢影張相都反晒白眼咁，好老實講真係唔會再光顧囉！

我以為乜高級場，其實同茶記無分別，reception一開波就9秒9帶我去張枱🏃🏼，其實慢慢黎好無，又唔係多客😵。。。好喇😨睇menu 個waiter 無介紹😾，又好似啞左咁唔出聲，飲野又唔問，之後order野另一個waiter好似死老豆咁既樣走埋黎落單我已經講左我要crab meat tortellini，之後又話明，點知又問我tortellini 要乜😡，好喇，算！點知黎餐先低能，一下上哂俾我😡😡，你唔識上你問經理點上喇，我仲以為乜高級餐廳，多餘👎🏼👎🏼👎🏼👎🏼👎🏼

係groupon買左2人下午茶set，去到要卑$20服務費，環境好，食物賣相出色，充滿少女味，適合影相。但一 d都吾好食，每樣只係食左一小啖就無食，伏已中。侍應態度有待加強，餐廳處於半露天的環境，沒有冷氣，但有風扇。

餐廳地點很方便，地鐵一出就是希慎商場的出口，坐電梯就能直到七樓的餐廳，打開大門，裝修美輪美奐的歐陸風格，周圍都以白色的led玫瑰花作裝飾，還有户外的餐桌，在陽光下的下午茶，吹著自然的風，看著天上的白雲，感覺輕鬆自在這是一個像鳥籠般的金色五層架，上部分是甜點，下部分是咸點，分得很細緻，放在一起真的是琳琅滿目每樣食物都有兩件，每人一件剛好，而且每件都嬌小玲瓏，一口一件剛好，為顧及儀態，我當然切得更細小才進食蟹肉西芹三文治法式烤芝士火腿三文治法國鴨絲配無花果沙律煙三文魚小茴香意式迷你薄餅法式野菌酥餅杏仁忌廉餡餅黑糖栗子卷野苺餡餅法式蛋白杏仁餅乾法式軟身蛋糕迷你開心果紙杯蛋糕紅莓芝士蛋糕咖啡芝士餅 芝士餅確不錯，又香又軟，芝士味剛好又不太膩，最怕那種硬硬的，像放在雪櫃很久似的芝士餅。黑糖栗子券蛋糕很鬆軟，夾著香甜的栗子蓉份美味，還加了一棵迷你的原粒栗子，倍感誠意。蟹肉西芹三文治，由於加了切得很細粒的西芹，口感增加不少，更為清新。其他小食都不錯，慢慢食，過了一個悠閒的下午

見呢度有得食afternoon tea, 仲要擺到咁靚, 又咁啱團購有平 ($198/2person) 當然立即黎試下原本最擔心會好熱 因為呢排都34/35度 點知一入去又幾舒服喎 有大部風扇吹住 又有d自然風 而且坐得幾舒服主角上場! 一到個樣就好得喇 由咸點(最低個格)食上去咸點都幾好smoked salmon同wild mushroom 都好好食 西芹三文治幾refreshing Parma ham with melon 就好正常既quality好 到甜點首先食左個法式軟身蛋糕(我都係睇返餐牌先知呢個叫蛋糕) 一啖食完 士多啤梨加少少吉士同手指尾第一個關節咁大既mini pancake 味道都無乜點 一啖食左唔係太特別之後Forest berries tart 個人覺得都正常 因為個tart係朱古力底再黎tiramisu 可能放太耐先食 好似溶溶地咁 但都有濃郁既酒味既Macaroons, 一個檸檬味 都叫食得酸既我都酸到皺哂眉 標眼水 放棄左1/4個; 一個焦糖味 甜到呢... 即刻飲返兩啖茶先無咁喀喉開心果cupcake 本身都麻麻cupcake 加上呢個個cream真係唔得

朋友話呢間來過食晚餐好味！ 所以買咗呢間餐廳嘅團購下午茶，張劵嘅條款話要兩日前訂定！我即日打電話去約即日食，聽電話嘅店員首先話滿咗，我問可唔可以候補，佢又講4點可以！咁我就可以食到團購下午茶！去到門口幾華麗，入到去原來另有洞天！一個平台位，好開揚，不過無冷氣幾熱！賣點嘅Led白色玫瑰花無亮燈，所以同普通絲花無乜分別！坐低店員問咗我，可以即刻上tea set! 轉頭就放低一個好靚嘅三層鳥籠架！當時影晒相先食！鹹點：蟹肉西芹三文治：麵包鬆軟，沙律醬包裹餡料，餡料其實唔多！酸酸地好味！法式烤芝士火腿三文治：唔知法式係乜，好似芝腿多士咁！餡料唔多，鹹鹹地無乜口感！巴馬火腿配無花果沙律：巴馬火腿鹹鹹的唔韌，無花果酸甜！好味，沙律菜只有好少！又無醬汁，所以食咗件無花果就算！煙三文魚小茴香意式迷你薄餅：三文魚唔腥，薄餅即係熱香餅，鬆軟正常！法式野菌酥餅：忌廉野菌味道正常，酥皮唔夠酥脆！好在整體都ok!甜點：杏仁忌廉餡餅：夠脆，味道超甜！野莓餡餅：夠脆，中央野莓醬夠酸，中和咗啲甜味！好味！法式軟身蛋糕：忌廉已經淋咗！味道甜膩，一般焗青檸芝士蛋糕：酸酸地，蛋糕已經熱溶咗少許，出咗油，好膩黑糖栗子卷：蛋糕

父親節中餐肯定難揾位，就向西餐出發。一到Shelter個女已有叫'好靚'晚上月光有有燈的花海真係好浪漫。半露天環境有氣氛，慶祝節日一流。我地四個人連一歲BB只order一個Pizza及意粉。大人加兩杯酒已好足夠。除了食到最後覺得有点熱其他都好滿意

用團購買咗個$198+10% 既 afternoon tea set for 2. 連飲品.不過六月時坐室外都有D熱 餐廳只提供風扇。食品方面 每人有13件。 個crane berry 同 raspberry tart 就最好味，鮮果味濃。個strawberry 果凍都好味，個餅底夠crispy 又唔太甜。但要快D食因為放耐咗會溶掉的。Lemon tart 又是好吃 不太甜。Coffee 卷 同 個tiramisu 就太甜了。飲品我們點了ice tea 同 ice coffee. 本人的 Ice tea 茶味淡了點 友人說 ice coffee 一般無特別總括而言，以毎人$110 既價錢在Hysan 食 tea 算是值回票價了。

一直都知呢間餐廳係希慎好靚又有吸引嘅tea set,咁岩見到有團購所以買左黎試團購優惠：2 人 Shelter Italian Bar & Restaurant 花海高級下午茶 $198 (原價 $298)賣相真係好吸引！鹹點：蟹肉西芹三文治：好食，蟹肉新鮮，西芹爽口，幾夾！法式烤芝士火腿三文治：雖然係好普通嘅菜式但可見心思，芝士可以拉絲架法國鴨絲配無花果沙律：普通煙三文魚小茴香意式迷你薄餅法式野菌酥餅甜點：杏仁忌廉餡餅：黑糖栗子卷：海綿蛋糕好軟野苺餡餅：ok法式蛋白杏仁餅乾：ok法式軟身蛋糕：ok迷你開心果紙杯蛋糕：好靚！朱古力蛋糕：香滑咖啡芝士餅 ：飲品可以揀：咖啡 (牛奶咖啡、意大利泡沫咖啡、咖啡、無咖啡因咖啡、濃縮咖啡)、茶 (菊花茶、伯爵茶、英國早餐、茉莉花茶、有機綠茶、薄荷茶) 或汽水我揀左茉莉花茶，襯埋個Tea set，整個感覺很放鬆注意：露天室外位置用餐無冷氣，夏天怕熱嘅朋友要留意

上週四，體驗了一個挺特別的活動 - Green Birthday Party at Lee Gardens，與一眾小朋友一起體驗城市空中耕作丶DIY舊Tee做環保袋丶互動綠色魔法秀等等。比起平日只是吃吃吃的生日會，別具意思及綠色心思呢！當日與一班小朋友在城市天台經歷多項活動後，壓軸環節就來到希慎廣場7樓的 Shelter Italian Bar & Restaurant 參加大食會。第一次上來這間意大利餐廳，原來環境真的很美，除了大量的玫瑰花燈，最難得是擁有「城市綠窗」，景觀非常優美動人。不過小朋友的心思都放在食物上了！生日會的餐單都幾豐富：薯仔沙拉 Potato Salad、焗芝士火腿三文治 Croque Monsieur、蕃茄羅勒葉芝士薄餅 Pizza Margherita with Basil、經典肉醬意粉 Spaghetti Bolognese with Thyme、雞肉白醬寛條麵 Chicken Fettuccini with Alfredo Sauce、燒烤雞翼 BBQ Chicken Drumsticks with Rosemary、酥炸鰈魚配他他醬 Deep fried

第一次到這餐廳， 環境沒想像中的好，可能是雨天關係，好多室外地方都覆蓋著。點了一份午餐，前菜選了焗芝士蕃茄大啡菇，賣相不俗，但味道略為淡了點。主菜要了carbonara pizza, 7吋份量都比較大，芝士十足但批底較為淋了點。是日甜品為朱古力芝士蛋糕，外表漂亮，配上啡咖，不錯。食物不錯，雖然環境比相像中遜色，但在銅鑼灣來說，可以過一個悠閒下午。

之前寫過食tea, 今次寫下飲野。三個女仔收工食完飯，就想行街，行完街就去飲野。本身想搵成地花生殻個間，但搬左去南華會，我又唔識搵，就shelter la.三個人晚餐已一早落隔，所以叫左個cheese baked nacho. 本身想叫多個cheese cake 但話廚房close 左無得食。之後一人叫左一杯野飲。先講nacho. 其實好好食就未至於，但落左芝士同辣椒去bake 都好難唔好食。朋友各自叫左兩杯mock tail ，一杯係fruity punch. 佢話必點。我就點返我去邊都會叫嘅lychee Martini. 我杯飲品酒精含量略為低，其實就咁飲係飲唔出酒嘅感覺，但就夠甜，粒lychee 都幾好食。每人百幾蚊，一般飲野所需。返食指數:3粒星(5粒最高), 不過不失。

一個幸福嘅港女，一定要去食tea，今次就同朋友選擇左位於Cwb 嘅佢。早兩個月，可能天氣都較凍嘅關係，無咩人去食tea。不用等，兩個人霸左張大sofa。坐底就收到餐牌。嘩，好抵。 298 for two is so attractive. 當然我地都毫不猶豫就點個tea set。tea set 先由咸點，亦既最低食起。tuna 泡芙無想像中鬆脆，但勝在吞拿魚醬鮮甜。火腿芝士三文治好好食，因為芝士半溶剛剛好。巴拿馬火腿不會太咸，但夠鮮，不錯。再向上，有berries cake，同hazelnut cake。本人覺得cheese cake 的味道不夠濃，而蛋糕底嘅cake 太硬。當然，macaron 亦不會好似專做macaron 嘅cake shop好食。至於飲品，我地點嘅chocolate milk 都無cream on top。有少少失望。總括而言，咸食好過甜食。而優惠後的性格比確實高。返食指數3粒星。

銅鑼灣出名係飲食天堂, 今次朋友推介嘅Shelter Bar & Restaurant亦都令我印象深刻!呢晚食左好多唔同菜式, 包括黑松露菌汁蘆筍、香芹、車厘茄沙律, 蔬菜清新就必然啦, 最吸引嘅係黑松露汁, 令整個沙津嘅味道昇華, 亦頓時感覺更加矜貴 主菜有五成熟嘅意式肉眼扒。肉汁緊緊鎖係牛扒內, 每一啖都非常juicy, 而且煎得微焦嘅牛扒, 內裡仍然保存著粉嫩嘅牛肉, 具有頂級嘅功架!甜品有意大利咖啡芝士蛋糕, 蛋糕除左有濃郁嘅芝士味外, 亦有陣陣意大利咖啡嘅香氣, 味道唔會太苦, 但絕對會令到件蛋糕更有層次!