Simply Bread (已結業)

麵包味道同款式都OK, 但價錢略貴!

選擇多，外表靚，味道也不錯，同一系列也會有不同花款。試過幾款也滿意，飽很軟，只是略貴。試過買超過二十元飽後要再吃一個牛肉飯。

係度買左幾個包是﹐無咩特別。。。蕃薯包﹐個外形幾特別﹐裡面個餡亦唔太甜﹐不過好好奇想知個包面頭既啡色粉係咩黎﹐食唔出有咩味道一口栗子﹐完全唔覺得好食章魚丸包﹐美心既好食好多。。。最後﹐呢間野既sales 太過熱情﹐我揀麵包佢都要跟住我﹐係咁introduce 佢D包﹐咁樣只會令我更加快離開間鋪頭

聖誕節這裡推出了聖誕特式的丹麥麵包，有雪人、聖誕樹、星星等，好食又好可愛。

今日行過Simply Bread,佢地又有新野啦!有兩款批出左,一款叫粟米批,一款叫吞拿魚批,我買左兩個((仲熱))...味道唔錯ok,但如果買兩個有得平d就好啦!!

ummm... 好似普遍麵包舖D西餅咁>.<不過都食到有芝士味~一層cheese(好creamy),一層蛋糕o既口感!面頭D 醬都唔錯~~ 仲有粒士多啤梨tim!

Simply bread開既時候有唔少宣傳,話包款有幾多幾特別,仲話係全港首間bread boutique,但係愈做愈差,價錢又set得貴,我琴日食左佢兩款包,覺得仲差過一般bakery,相當唔掂!先食一個叫芝士菠菠既包,一條長形,以四個小小既圓形好似波波咁既包組成,包上面有芝士同埋菠菜碎,雖然菠菜碎幾多,但係味道淡,而芝士則只係油而唔香濃,根本唔好味!再食一個由三個小包組成既包,品字形咁,已經唔記得個名,原來一個個餡係紅豆,面頭有芝麻,不過紅豆只係一pst野,無紅豆粒既,但已經係成個包最好味既一部分,另一球係吉士餡,得個甜字味道比唔上美心既雪果拿破崙既吉士,唔係同一集團既咩?點解差咁遠?最後一球係朱古力醬餡,包面係朱古力碎,普普通通,ok而已,絶無驚喜,又係好甜咁囉!唔可以話好味!唔好味都算,只要唔難食都得—如果係平既話!以佢既價錢,一d都唔值!唔打算再幫襯!

$13一個藍草莓muffin, 較同集團starbucks o既還要貴. 雖然賣相同starbucks o既差唔多, 但係食落我覺得比starbucks o既較出色, 藍莓份量多d, 無咁油, size亦大個d. 雖然貴左d, 不過偶爾食下都可以o既!

朋友買o左個朱古力蛋糕仔比我~面頭好多生果~牛油果, 青蘋果, 奇異果, 士多啤梨, 野莓...仲有糖霜係面!個朱古力蛋糕好好味呀! 好濃朱古力味~~~ 中間有D cream 又好似吉士咁o既野!size的的骰骰但係好精緻~

前言：傍晚帶表弟到科學館途中，小表弟嚷肚子餓，便買了麵包給他吃。食物和評語：迷你麵包（七元兩個） a. 菠蘿吉士包，一個迷你菠蘿包裡，釀入兩片草莓切片和少許吉士奶皇醬。兩啖吃完，沒什麼特別。 b. 燒魚腐，乃一個超級迷你麵包，包裹著一片超薄的潮式白魚旦切片。一啖吃完，有所謂「食風」的感覺。註：賣相可愛別緻的式，但味道一般過一般，食完都唔記得！試過便算，恐怕無下次。

家姐就快要考專業試, 閉關練工, 今日經過simply bread, 就買左兩件檸檬芝士餅, 同佢一人一件, 慰勞下佢. 唔好睇件蛋糕外觀平平無奇,味道卻係食過simply bread蛋糕最有質素o既一件. 檸檬芝士幼滑, 酸味比甜味重, 酸度接近lemon meringue pie o既lemon fillings. 中間有一層海綿蛋糕夾層, 大大減低整件甜品o既膩口程度, 餅底係鬆鬆o既一層oreo餅乾碎, 無論甜味或口感都同上層o既芝士蛋糕有强烈對比. 而且再一次要讚simply bread o既店員, 服務態度真係好好!

我認我係膚淺, 受到雜誌廣告內可愛o既"南瓜古怪頭"o既吸引, 專登搭車過黎買. $8一個, size只係較一般餐包大少少......唔緊要, 咁可愛, 照買可也! 同時亦買多個家庭裝o既紅豆丹麥圈, $15.返到屋企焗返熱食. 焗完, "古怪頭" o既面貌開始扭曲(因為係用朱古力漿做o既). 襯佢仲係一個人樣時, 我快快食左佢. 一早知佢係紅豆餡, 之但係叫得做南瓜頭, 我估佢點都有d南瓜味, 而且收得我$8, 裡面除左紅豆餡外, 點都有其他過人之處o既! 點知食完之後, 我o既感覺係...一個普通過唔普通o既"法式紅豆包"...佢個紅豆餡係比街坊麵包舖高質素o既,但係除此之外, 我真係搵唔到任何過人之處! $8, 仲比正常個裝麵包細1/3, 貴d喎!不過另外買家庭裝o既紅豆圈(丹麥酥), 酥皮香, 紅豆餡唔多唔少咁作點綴, $15大大個, 又抵食又好味!下次都係買佢無gimmick o既麵包好過!

昨晚行間嚟尖沙咀，好想試試聞名已久的simply bread。買了兩款作今朝早餐:芝士花球($8) - 外型討好，像一個cup cake，其實係麵包內有Ｄ忌廉芝士餡。叮番熱食，味道錯。麵包軟熟，上面灑了少少糖粉，有少少甜味，芝士餡應該冇加糖，所以整個包會太甜。雖然這個包整體錯，過$8 就偏貴喇。玉桂提子球($5.5) - 細細個，硬硬地咁，質地似酥，上面有些砂糖，甜甜地，過玉桂味不多，提子好少。仍覺偏貴。買的時候，在店內研究其他麵包，覺得價錢都幾貴，試了一次便夠了，並沒有再買的吸引力。

hehe, 終於試左朱古力香蕉酥. 原來香蕉下面o既唔係custard, 而係cream cheese, 配搭幾新穎, 幾有創意, 不過係失去左吉士軟滑o既口感. 至於一口草莓, 係迷你吉士菠蘿包+一小粒草莓. 菠蘿皮口感較差, 不過吉士好味可以補少少飛. 草莓只係一個點綴, 作用不大.

一個好大個既紅豆包,做法同栗子包一樣,不過形狀唔同, 前者係一個大圈,後者係一個長方形,紅豆包比栗子包重味一點,包包既鬆化程度勝過酥類~不過唔好食咁多... 因為哩個包好肥ga><!