Simplylife Bakery Cafe

营业中

休息中

假日嚟到又一城，真係好多人！今次揀咗呢間餐廳都等咗差唔多半個鐘。因為有六個人嘅關係所以俾咗兩張細圓枱我哋，座位舒適度嚟講就真係差啲啦，嘢食唔係好夠放之餘，亦都好難share嘢食。是日餐湯係粟米湯，飲落去又粒粒粟米響入邊，都算幾足料。個包就略嫌有啲硬。車厘茄蟹肉手饗扭紋粉呢個味道唔錯，佢食落去一啲都唔鹹，而且食到蕃茄蓉入邊，酸酸地咁幾開胃，係意粉份量比較少，不過佢都幾有咬口，唔錯。煙肉雞蛋薄餅食落去唔係好似卡邦尼既味，係蛋黃汁加煙肉加蛋嘅味道混合，薄餅底都算脆，中間隻蛋有小小流心係加分位。焦糖香蕉法式多士•煙肉•楓糖忌廉焦糖味幾香，加上多士都幾脆口，連埋楓糖忌廉一齊食都幾好味！不過就食唔慣煙肉配多士，鹹鹹甜甜感覺麻麻布里芝士牛肉漢堡 伴薯條牛肉漢堡味道就普普通通，牛肉就有啲乾身啦，反而薯條就炸得唔錯。加配嘅香蕉批都幾好味，食落去咁烏市嘅順滑，而且有淡淡嘅香蕉味，個撻皮幾鬆脆，唔錯冰茶、熱咖啡佢哋啲餐飲要加錢，如果唔想加錢嘅就係飲冰茶，味道都OK，但係要飲咖啡就要加錢，感覺有啲唔抵。呢間餐廳嘢食算係OK，不過如果多人嚟就唔建議啦，因為座位麻麻，而且等野食時間都比較耐，唔太建議假日過嚟等位。

直到埋單的一刻，我都沒有再「琢磨」lunch menu 上的價錢。就咁匆匆走了，自己太過愚蠢！請大家可以看一看圖片。你看到lunch menu 上的「神奇條款」，你就「叻👍」啦，如果你看不到的話，你好似我咁⋯⋯是一個「一窩蜂」的凡人。今日約咗朋友去食又一城的Simplylife 「美心集團」，呢間在又一城食肆中，好多人幫襯，非常開心，由於今日遲去，朋友已入座及「開動中⋯⋯食緊」，他提議我食「LUNCH MENU」上的羊架，他說非常好食，咁我二話不說，沒有再細看LUNCH MENU 上的選擇，照落order 一客羊架《七成熟》加沙律及冰茶。等了一陣子，羊架終於到手⋯⋯大大件，足足有三件，切開見到肉色美麗⋯⋯七成熟，食落好JUICY，好入味，一點羊的臊味都沒有，加上碟上薯蓉，配搭得宜。😊講回正題，食完之後結賬，神奇事件發生：一客七成熟羊架承惠港幣268元及沙律承惠港幣10元及冰茶免費外加一服務費⋯⋯總數是港幣305.8元，WOW，太厲害喇！自己利申一下：我幫襯這間又一城美心SimplyLife 時，午餐只是港幣100元有找幾塊錢。雖然巳加了幾次價錢，仍在港幣150元以下，我認為勉強可以接受

今晚好友相約食晚飯一齊想鋸個扒 傾吓偈相約了在又一城見面揀了澳洲肉眼7成熟呢塊扒賣相同味都不錯真係有鐵板烤過嘅味道不過藍莓芝士餅就麻麻地我位識食好友一食就問中間係咪沙冰咁未融🤣@simplylife_official #simplylife #hk #klntong #westernstyle #restaurant #festivalwalkhk #dinner #chill #bff #chattime #busywork #treatyourself

多年冇光顧simplylife，朋友想食，就嚟咗佢的九龍塘分店。午市尾聲到達，食客迫爆，店員話用餐限時1小時，比好多餐廳嚴。但由於我哋嚟到已近1330，坐下坐下，食客走完一檯又一檯，再冇限時要求，可任坐。一共點咗3個午餐（$128），包包主菜同罐裝飲品，如可樂、梳打水。午餐加$10會有餐湯/沙律配法包，另外亦可額外以優惠價加點各款咖啡/飲品（咖啡細杯~$21，大杯~$26）。咁樣點的話，連加一，午餐~$180/人，消費唔低。另外，我哋仲點咗2款分別外賣係$38的甜品，堂食加一。沙律配法包：沙律ok，冇特別，油醋汁，沙律菜上有少少青蘋果片同橙；法包放到硬曬，口感麻麻水煮蛋伴大啡菇菠菜：要求荷蘭汁另上；賣相可以，但食物較普通，始終係屋企煮到的菜式，勝在健康啲。水煮蛋冇蛋味；芝士片的味道亦唔濃；菠菜份量少；唯獨係英式鬆餅的麵包質感唔錯；整體上，食物原材料的質素唔高鮮奶咖啡：幾欣賞餐廳提供大/細杯的咖啡選擇；點咗大Latte，接近300ml；顏色係非常、非常淡的啡色，奶味為主，唔係好飲到咖啡味，都幾失望開心果紅桑子慕絲蛋糕：食到有少少開心果味但偏甜，開心果控食到就好難感到滿足，不過止下渴都可以

每週一都會有三個小時的自由時間，最喜歡到simple life吃一頓簡單的英式早餐。不僅營養美味，配合咖啡提神。這個時間的餐廳人還不多，可以一邊享用早餐，一邊閱讀。開啟新的一周。

已很久沒有去這餐廳，起碼都有三四年。昨晚朋友相約在這裏食晚飯，三個人大約要六百幾元。叫了一份黑松露薯條，主菜我叫了一份泰式燒雞加意大利飯（好食），朋友叫了一份cod魚我覺得好大份，再加多一個德國腸，再叫了一杯咖啡。餐前有上baguette，非常有法國麵包味，最可惜的是供應的牛油非常少只有一小塊，我覺得有些小家，要再問幾次才夠！環境舒適，但九時半左右，只剩下兩三枱客，好彩晚餐時段，相信也有70%滿座。這個價錢，地方舒適，我覺得合理，可再去。

朋友約咗呢度食生日晚飯，好耐冇嚟過又一城。我哋冇book枱，Walk in唔使排隊，我哋每人叫咗一份dinner。餐前麵包 - 厚切好大件，硬身麵包，中間嘅好食，邊就比較硬蕃茄大蝦海鮮闊條麵 - 有少許辣的，蝦好大隻，仲有青口和魷魚，份量適中，蕃茄仔好鮮甜，幾開胃鱸魚意大利飯 - 鱸魚有啲硬，意大利飯偏鹹焦糖雲呢拿蛋糕 - 跟dinner order蛋糕有優惠價，可以行出去蛋糕櫃自己揀，蛋糕賣相吸引，而且亦都好食，唔會好甜，中間有一層嘅焦糖層

失望！呢度嘅英式早餐今日食咗英式早餐，原本諗住去simply life享受下簡單生活，點知都幾失望，腸仔味道一般，焗豆好似雪櫃拎出黎，仲有太陽蛋同茶餐廳嘅英式早餐真係冇分別，一啲特色都冇。特別要提返腸仔，佢地嘅腸仔真係失色太多，冇咩味道，令人好失望。焗豆同太陽蛋亦都係一般般，冇乜特別之處。總括黎講，如果你真係鐘意食英式早餐嘅話，可能要揀其他地方啦。呢度嘅英式早餐真係同茶餐廳冇分別，食完都冇乜感覺。就食飽嘅話，可能無咩特別期望啦。

同朋友食飽飽但又想食D甜品，於是就黎 SIMPLY LIFE 食個甜品作為今日既終結，好好咁犒賞下自己。甜品大致分左幾類: 慕士/ 芝士蛋糕 / 水果撻 / 拿破倫 今次我地就撰左3款唔同種類既試下 📍開心果紅桑士慕士蛋糕 : 開心果味都算香，而家唔會死甜，中間有一層紅桑士平衝番慕士既膩，整體唔錯📍士多啤梨水果撻: 士多啤梨有少少酸，個撻可以食到好香既牛油香味📍藍莓拿破倫 : 酥皮好香脆同埋鬆，除左吉士醬每一層都有放入幾粒水果 另外，每一款都可以做成5.5吋既蛋糕，價錢 都係 $258 ，用黎慶祝生日或者特別既日子都唔錯

今日約咗老友行街吹水我選擇咗呢度貪佢夠大夠多位夠方便剛剛系下午茶時間比較多人等位但係都系15分鐘左右坐近遠處見到溜冰場舒服用QR 落餐服務態度一般比之前差左應該多客？可能系😅只不過每次叫攞多份餐具都很耐而且甜品沒有再提供新嘅餐具🍴但係已⋯不太在乎因為我同老友吹水😂咖啡夠濃但期待嘅拉花沒有了⋯算Pizza ok甜品⋯藍莓芝士凍餅⋯其實無味😒衷D講不知在吃什麼😣走時買左兩個麵包⋯一般⋯一般⋯極一極都🤪士多啤梨牛酥皮、朱古力牛角希望下次有改善😝

星期日冇午餐同下午茶，淨係得brunch叫咗個牛扒三文治，嚟到個樣正正常常，肉質預咗唔會有咩驚喜，點知切開底面全部都係鑊撈，成塊都黑鼆鼆，多到一片一片，要逐塊撩出嚟，但係又唔敢拎去換另外仲叫咗個辣茄汁海鮮扁意粉，所謂嘅海鮮又係有燶又乾，仲叫咗個薯條，叫佢俾mayonnaise又俾咗一個奇怪嘅甜甜地煉奶色嘅醬，食咗四百蚊都唔知食咗乜嘢…唯一可以嘅係餐跟嘅冰茶，茶味果味都有店員服務亦都差咗好多，咁嘅價錢都唔使再嚟

星期日嘅晏晝食午餐，都坐滿晒人假日只有brunch，沒有afternoon teabrunch $158 ，包湯/沙律+冰茶汽水紅白餐酒不過食物份量，同埋味道就令人失望餐湯 、麵包都OK， 食落厚實嗌左一個牛扒三文治配煎蛋，牛扒好似食緊牛肉乾咁，又薄又韌，完全冇牛肉味而塊麵包，吸晒牛扒啲汁，變得好濕，感覺好差$36 ，加咗個甜品，草莓酒梨拿破崙 甜度適中，不過個拿破崙就同出邊有啲分別，個皮就偏向煙靭少少，唔係一咬就碎餐飲方面，就嗌咗杯白酒，正正常常已入口，冇乜特別最令人失望嘅係啲侍應嘅態度，我哋嗌咗兩次都係經理幫我哋，唔知係咪佢隻眼係咪唔識對焦，唔識望人，同埋唔識應人嘅！第一次係嗌佢，斟兩杯水同埋攞兩隻碟，都係冇回應嘅，聽完之後轉身走咗，斟咗兩杯水俾咗兩隻碟第二次嗌佢埋單，亦都冇反應，繼續喺度執枱，其實我要求係好高，唔需要你即刻過嚟買單，但係基本禮貌要應左人先唔知佢用咩方法升到經理埋單200 ，呢個價錢，食咗食物同服務太多都好差嘅一餐 ，好彩我哋兩個人只係嗌咗一個餐，如果唔係中伏兩次，心情會好差😂冇回頭🫠🫠

今日黎到又一城，午餐唔知食咩好，一訴就試吓Simplylife嘅Lunch Set，知道價錢唔平，$126連埋杯凍飲。🥶我揀左煙肉忌廉蛋汁手製闊條麵、冰茶，其實個麵都幾濃郁，我自己鍾意食Carbonara，呢度嘅蛋汁都幾有味嘅。 但份量有d細，男士食一定唔飽。🥲冰茶都幾特別，少少甜味。總括黎講，我覺得價錢高左d，唔係好抵食，亦都要加多十蚊先有餐湯。包埋會好d。下次都係叫番Burger，抵食d。🤣🤣

員工不停把新鮮出爐長至70-80cm 的高溫大焗盤放至客人頭頂4-5次經過也毫不在意，嚴重危害客人安全。叫男經理投訴，仲完全一負輕視態度，輕挑官腔重覆如錄音機回應「我同佢哋講返啦」見我哋好嬲，再輕挑加一句「唔好意思囉」各位注意，餐廳過迫，椅子又沒靠墊又疏洞，放不到袋，又冇位加凳，食到咁真係無謂，野食又唔係特別出眾。明明有不阻礙客人的通道不行，員工舉大型「高溫出爐」出品偏就自己方便舉至客人頭頂經過，隨時失手影響客人安危。該店唯一戴眼鏡男經理穿深藍西裝外套裝扮卻視若無睹，反映比佢事態嚴重仲態度輕眺，令我哋更嬲。不明白此員工可做經理，已向該公司投訴。

返九龍塘嘅朋友都知道，放lunch time係幾咁艱辛……🫡🫠🫠🫠幾乎間間餐廳都full晒 係得simplylife同exp比較少人。今日呢間等咗5分鐘左右就可以入座，我地坐係偽露天嘅區域（但都係商場入面 有冷氣）Lunch set都好多選擇有嘢飲包（冰茶或汽水）$126加多$10有餐湯，沙律同麵包又一城入面已經算係咁嘅價錢😅😅😅今次食咗燒春雞半隻餐 加薯菜 味道正常嘅，香草料味濃。沙律同餐湯都唔錯 黎得好快總結 好正路嘅美心旗下一間西餐廳