Simplylife Bakery Cafe (已結業)

早排去megabox睇戲, 路過德福見到simplylife, 所以就決定食呢間。下晝一點幾嘅simplylife門口都係好多人, 大概等咗20分鐘先入到去。入面嘅枱都幾迫, 完全無私隱性。可能在場都幾多客, 所以都比較嘈, 同酒樓差唔多, 就算同坐對面啲人講野都要大聲啲。我地叫咗兩個set, 分別係烤美國春雞半隻、車厘番茄西班牙甜椒辣肉腸同埋忌廉蛋汁煙肉手製意大利粉。每個set118蚊, 附送餐湯/沙律同埋飲品, 飲品有冰茶同汽水可以揀。烤春雞嘅醬汁比較咸, 但雞肉煮得啱啱好, 無過熟嘅情況出現。部份烤春雞嘅雞肉比較乾, 可能係醬汁唔太夠。配上車厘番茄食都唔錯, 當食到中途可以食粒番茄解膩。至於辣肉腸就無出現過, 可能係俾漏咗。忌廉蛋汁煙肉手製意大利粉一上菜就聞到好香, 食落亦有極濃嘅忌廉味, 成個意大利粉都好creamy, 如果唔太鐘意呢種咁creamy嘅質感, 可能要飲啖冰茶化解吓。有唔少嘅厚切煙肉佈滿喺意大利粉上面, 多到食到最後仲有一堆煙肉未食。厚切嘅煙肉有一層脂肪, 食落雖然好香, 但會充滿罪疚感, 減肥人士勿點。

平時見一到lunch time， 門口就好多人等位，所以一直都未試。 難得今日早左岀去lunch,所以就黎試下。 我點了set lunch， 有前菜，主菜加飲品。我揀左餐湯，主菜就點了芝士忌廉雜菌意大利飯，飲品就點了冰茶。可能太繁忙時段啦，上菜比較慢，好彩食物好食，意大利飯好香芝士味，好creamy，不過略嫌較稀同多汁左啲。冰茶因為冇飲管關係，杯底沈澱左啲糖水，所以飲到底會甜左啲。整體黎講質素唔錯，會再幫襯。

周不時會去simplylife食lunch,鐘意佢環境好，食物質素好，成個用餐experience唔錯，前菜+主菜+飲品~$110呢個價錢係九龍灣唔算貴，有時想享受返個有質素嘅lunch,simplylife係一個唔錯選擇。前菜可以選擇湯或者沙律，兩個都會跟包，兩款我都鐘意。包嘅質地非常韌同硬，就算搽牛油再浸湯，都係韌，我食左咁多次都未慣。飲品可選擇冰茶或者氣水，次次都選擇冰茶，對於基本上唔飲甜野嘅我來說都唔會過甜，唔錯。一向好鐘意呢度嘅南瓜湯，質地好rich,食落有一種好自然，無過度調味嘅味道，唔會偏甜偏咸，覺得好健康。沙律亦都非常有良心，賣相靚，味道好。主菜今次叫左啲之前未食過嘅野，第一樣係魚柳他他汁漢堡，漢堡包烤到邊邊有啲焦，聞都聞到有陣焦味，我不太鐘意。魚柳大大舊，表面睇炸得金金黃黃好靚，但食落覺得表皮炸得過隆，有啲硬，但內里魚肉仲係軟嫰嘅。薯條基本上係度食都冇咩失手，今次亦保持水準，外脆內軟。第二款主菜係慢煮紅酒肉碎手製闊條面,味道唔難食亦冇驚喜，但係面質我覺得煮得岩岩好，不過鐘意食硬身面嘅朋友就覺得太軟。第三款係松露忌廉雜菌有機糙米飯，飯質地煮得岩岩好，唔會硬唔會過軟，食落

除夕午餐，我們一行七人，等了30分鐘入座。滿心期待，點了牛油果🥑醬牛肉漢堡、烤春雞、茄汁雞肉腸闊條麵、香煎鰽魚糙米飯。首先來了餐包和甘荀湯，餐包偏硬，湯很熱，在寒冬能來碗熱湯的感覺很好，內有芝士兩粒和一點點藜麥，感覺尚可。鰽魚糙米飯太多汁，友人話有點像BB加固食物，也頗有神韻，奶味也很重，吃多了有點濟。鰽魚煎得不錯，份量如手掌心，略小。茄汁闊條麵也是很多汁。麵身稍為偏軟，缺了點口感。今天的冰茶偏甜。

一個人遊蕩，食個simplylife~ 記掛住嗰杯茶膽極香嘅Iced tea. 果然不失我所望，一入去已經聞到陣陣紅茶香氣，皆因門口就正正喺度煲茶。嗌左個菇菌煎雞胸手造意粉，當然跟Ice tea啦。未食前有法式麥包，好大舊，但凍嘅，擺喺室溫太耐，比較硬，唔脆。另外仲有前菜沙律，生果新鮮，加埋沙律汁更香甜好食🍏🍊😋🤤除左杯Iced tea 甜美可口之外，碟意粉味道同質感真係油麻地，好多欖油，又加左醋，令我食唔慣。再者所有菇都係凍嘅，只有醋酸而無菇香，我真係唔識欣賞。意粉唔QQ， 好腍好軟，同理想嘅質感差好遠... 雞胸亦唔嫩滑，有部分仲煎到好乾 😕 Not good~~晚飯唔抵，不值一食。下午茶好D~不過無咩做，望住個廚房好忙，感覺都幾有趣😆

每次見到餐牌有煎鰽魚都好想叫，唯一concern是覺得不太飽，但在質和量中間我選擇了質。今次要了沙律，菜和生果都很新鮮，冰茶已沒有了飲管，我習慣用紙巾抹一抹杯邊才喝，感覺衞生一點。鰽魚煎得很香脆，配芥茉籽汁很開胃，開胃是令人又愛又恨的，開了你個胃，又填不滿你個胃，苦炒雜菜和烤薯也很好吃，是不是簡單的生活就不能吃得飽一點?!

午飯時間德福的Simplylife門前一定堆滿了人，皆因午時的simplylife比起晚市價格相宜很多，而食物質素是一樣的好，與店鋪前身的Ruby Tuesday門可羅雀的情況頗大分別，可見店鋪位置不是重點，有麝自然香。幸得好友預先入座，我才能穿越人群直接進入店內，點了最愛吃的松靈忌廉糙米飯，creamy的質感和淡淡的松露香令人回味無窮，意大利飯的軟硬度適中，有口感之餘不會咬到牙軟吃到梗位，一讚。另外，繼續讚不絕口是Simplylife的水果茶，水果味與茶味配合得恰到好處，再加上甜度適中，冰茶也可走冰，真的可以連喝幾杯，有時我會懷疑，是這杯走冰的冰茶令我一再流漣Simplylife的。

平時不太喜歡吃連鎮店之餐廳，但朋友約左在此處食午餐，唯有奉陪午餐menu 的選擇也多，只是熱飲要加$12，的確与別不同（平常的餐廳系凍飲先要加$💰）🤑🤑沙律和餐湯任擇其一，天氣冷，所以選了南瓜濃湯，有少量松子仁 ,沒有驚喜和麵包非常硬之前見食評讚口不絕，兼且是手作意粉，當然不會錯過，品嚐後覺得都可以，不過手作意粉未能做到彈牙的效果，稍為失分香草汁的手作長通粉卻非常失色，從賣相黎睇，只可以話係清一色，至於味道不太好，香草汁淡而無味，而食到接近尾聲時才發現有一邊的醬汁偏咸😂😂，還有手作長通粉非常硬

每次想去金鐘的分店都因為太多人，從未試過。今來在九龍灣行完街，就試下去睇下多唔多人，居然唔使等位。坐下見張枱偏細，首先來個麵包，口感偏硬跟着有南瓜湯，好好味之後主菜，好吃但分量偏少，唔夠飽]]最後配上飲品]

話說我地一大棚人出黎九龍灣，一諗就諗到食德福商場的簡單生活。呢度唔似我平時食開可以揀向東走向西走，而係一系列邪惡食品！呢間簡單生活鋪面超大，環境一流，我地一班大人細路被安排坐响最入面一張長枱，以免打擾其他客人，抵讚！食Brunch係一個好選擇，要試下個All Day Breakfast，德國洋腸加兩塊Bacons兩件多士仲有茄汁豆同埋炒蛋，份量十足應有盡有。煙肉好crispy，炒蛋香滑，夾埋一齊食口感豐富。至於半邊燒春雞睇落好似有啲乾，但食落非常嫩滑。下次要再黎試試個Fish and Chips，I will be back!

10月係旅行月，所有朋友都去了旅行，難得終於有一天大家都回港了，再加上朋友生日，當然要找一個舒適的餐廳慶祝了！大家都在觀塘區工作，所以選擇了九龍灣Simplylife, 這間是難得不用等位的SimplyLife!!6個人每人叫了一個晚餐，加埋野飲->西袖茶 (可以選擇走甜，怕甜ge朋友最適合!)蘑菇意大利粉漢堡選擇了雞肉！依度的漢堡冇得輸想清清地可以叫一個salad,加左雞胸仲有少少芝士調下味羊架！豬扒每人$150-200左右，環境舒服，傾幾耐都冇所謂，會再光顧

平時間唔中就會同朋友走去食simplylife，貪佢好食得嚟又唔貴，性價比高👍🏻 仲可以坐得耐，環境又唔錯，同朋友仔慢慢傾下計都冇問題。。。最鐘意嚟九龍灣呢間分店，次次嚟都唔洗排隊等位，直接入座。燒美國安格斯肉眼扒(10安士)配鼠尾草炸薯條，燒蘆筍，伯納西醬汁呢次叫咗7成熟，火喉唔錯，時間掌握得啱啱好，切開肉眼，保留到豐富肉汁，肉質嫩口，入口有香濃嘅牛味，同碳燒嘅香味。炸薯條新鮮炸起，但表面唔會有多餘油份，食落香脆辣口，甜甜地，食到停唔到😋烤法國春雞•車厘蕃茄西班牙甜椒辣肉腸烤春雞肉質幼嫩，外皮烤得乾身脆脆地，味道唔錯。不過係比較食得論盡😂***************整體嚟講，simplylife食物環境服務都幾好，價錢又唔貴，會keep住繼續食🤤

星期六中五帶媽媽食西餐，喺九龍灣唔洗等位，幾好。佢禮拜六都有Set Lunch，好多款式揀，我係意粉愛好者，所以揀左個忌廉煙肉手製意粉，我媽咪就揀左個煎魚嘅飯，我地都揀左湯，飲品就一個要冰茶，一個要咖啡。餐湯今日係南瓜湯，好飲，有少nuts 喺入面同少少cheese 喺面。配個麵包雖然唔熱，但味道幾好，不過熱嘅話會仲好食。跟住黎個意粉，望落好creamy，食落好香，特別係手製意粉好明顯同平時嗰啲唔同，口感好，味道都好，煙肉佢唔係片裝煙肉，口感味道都好好多!另外我媽個飯係有啲糙米？溝嘅意大利飯，好好食啲飯唔太硬又唔會太淋，個汁味道都好好。整體黎講食物質素好，環境舒適，set lunch 唔太貴，會再黎。

今日朋友生日 諗黎諗去都煩梗要食咩好 大家都有選擇困難症 見simplylife 佢門口個餐牌有大幾十款 大家都點頭同意就食呢間👉🏻蕃茄肉汁闊條麵 個番茄味真係十分濃郁 意粉嘅口感唔係好冧嗰隻 係偏硬少少比較有口感嘅闊條麵 我自己個人就好鍾意食啦👉🏻燒美國安格斯牛眼 10安士 $208 5成熟 分牛扒五成熟啱啱好食落有肉汁亦都彈牙 而且隔離嗰兩條蘆筍真係覺得好好味 而我覺得胡椒味不足所以隔離有胡椒粉可以自己落 🎯Simplylife Bakery Cafe (九龍灣)九龍灣偉業街33號德福廣場1期P26號鋪—————————————————

九龍灣都開左simplylife..一於去試下!! 平時其他分店lunch時段好多人等位。我地平日十二點九去到餐廳，唔洗等位😁 餐廳空間幾大，環境唔錯，有好多張枱，座位都幾寬敞！鐘意呢度d手製麵包同意大利麵，質感的確唔同d，特別好味!!😋😋1. 先黎前菜：青蘋果沙律配麵包酸酸甜甜幾開胃2. 松露忌廉野手製意大利麵：好creamy好好味!! 磨菇大大粒，pasta又夠Al Dente😋3.鰽魚 炒什菜 烤薯：鰽魚煎得幾香，皮脆肉嫩😋