Simplylife Bakery Cafe (已結業)

其實平時都會幫襯佢既lunch,因為食物唔錯，環境又幾好hea。今日放工後要九龍灣辨事，見tea menu既價錢都幾合理，就一去一試。tea set叫左芝士雞肉漢堡包配炸薯條，餐飲則叩左洋金菊花茶。餐飲係ok既,(茶包唔會出事)而且獨立放係茶壺內，可以保暖，而且又可以叫侍應加熱水，沖多一次都有味。 不過，個雞扒薄士漢堡好唔得，塊肉勁乾同“鞋“又冇咩味道，要自己加茄汁先得，炸薯條中則中規，都脆既。下午茶既段唔知係咪變左c9既聚腳地，好像仲噪過午餐時段

星期日既下晝一點零，唔使等位就入左去食個brunch😛 餐廳寬敞，座位舒服，適合兩個人靜靜地食餐飯傾下計。南瓜湯南瓜味濃，仲有芝士碎同香草係面，湯嘅口感頗滑，碟旁有一塊法包，包身軟熟，不過塊皮就比較硬，同友人share碟牛油用，建議將麵包沾湯，可以軟化麵包。香煎鰽魚茴香有機糙米飯食之前以為隻碟好深，但原來隻碟都幾淺下，飯量並唔多，亦有啲難𢳂飯，但醬汁香濃，飯有咬口，整體不錯。火腿蘑菇車打芝士奄列+香草燒薯+燒蕃茄擺盤有啲好笑，奄列超大份，但蕃茄同薯角就零零星星散落係旁邊。奄列內有拉芝，蘑菇同火腿，蛋味香濃，食落會覺得有啲滯。蕃茄嘅數量實在少得可憐，只有兩細舊，不過蕃茄係煎過，暖暖地，十分香甜。薯角煎得頗香，幾惹味，建議mix埋奄列既芝士汁一齊食。另外飲品方面奉送一杯桃味嘅冰茶，本身有問可唔可以轉熱飲，但居然要加錢，所以都係打消左呢個念頭。建議餐廳可以比支匙羹客人，因為杯野飲太大杯，一開始飲覺得冇乜味，但飲到一半會突然變甜，應該係d糖沉左底，所以建議邊拌勻邊飲。

平日下午的休憩處😌看看書．放鬆下☕跟其他Simplylife一樣，設計走簡約路線。環境相對其他的店舒適，這裡空間感更強，而且挺大的。這店人流相對少，不需要排長龍，作為食客感覺比較舒服。所以都要多多支持😅😅這次去是Tea Time 🕝時段。平日是2:45pm開始的。Mocha☕心心拉花，好窩心💗墨西哥薄餅配雞肉．墨西哥辣椒．車打芝士😋好好味！雞肉配Sour Cream，令到薄餅味道更清新， 吃起來不會太Heavy，份量剛剛好👍。薯條炸得外脆內軟😍， 有薯味，值得一讚！Afternoon Tea 選擇主要是薄餅、麵包之類的簡餐。餐飲可以選擇以上Drink List， 都算很多選擇。🌺飯後感🌺加完一之後，$50元有找！價錢非常之優惠，等於一杯Starbxxxx咖啡多少少的價錢， 就可以享用食物加飲品，而且坐得舒服，在九龍灣大商場裡頭，算是非常超值。

Happy friday 食好野! 一行2人去左simplylife 食set lunch. Lunchset menu都有好多選擇，海鮮，素，豬牛都有。跟湯或沙律都只係加$10, 全部或一$82, 加湯沙律$92, 價值幾合理。 叫左個慢煮紅酒肉碎手製闊條麵。 係個名吸引左我~ 賣相唔錯，肉同闊條麵比例好好，唔會肉或麵太多。醬汁好特別，賣相有清爽嘅感覺。聞落淡淡紅酒香，食落喺甜甜地咁。肉碎口感唔鞋，唔會太碎導致食嘅時候畢唔到落口。個麵好香蛋味，煙韌有咬口，手工製喺果然唔同嘅呀。

之前一直都想試下simplylife既野，放工看戲之前首先醫飽左個肚先，附近岩好見到有間，一於入去試一試，叫左個dinner set，加＄30 有餐湯同野飲，我地叫左一個大蝦海鮮冬陰有機糙米飯同一個松露忌廉雜菌手製闊條麵，個闊條麵不過不失，無咩咁特別，松露既味道唔算出，最尾都無食曬，而個糙米飯相反吸曬d汁好入味，但偏辣，因為本人唔係幾食得辣，如果鐘意冬陰功味既人不妨試下，上main dish之前會上餐包，都唔錯，幾鬆軟，但之後飲埋個忌廉湯、main dish同飲料都幾飽，算比較抵食既選擇～

每個人對lunch的定議也不同，勞動工作的人可能是為補充體力，吃不滋味的人只為填飽個肚，日日呻今日唔知食乜好既選擇困難症同事是苦差，對我是好好休息嘆返餐既一小時。同事話呢度既野好好食，但打從佢地係又一城第一間店開業時，見到那條人龍，已不感興趣。剛好外出回公司見到不用排隊，加已吃多天飯盒趕功課，天時地利想黎嘆個靚lunch是日lunch有過十款選擇，飯類意粉扒餐沙律都有，而且價錢均一，難怪吸引一眾上班人士排隊。我點的是香煎鱸魚焗薯加炒雜菜。主菜份量有點不似預期，但加個沙律同超大麵包好總算係飽的。冰茶名不虛傳的好喝！鱸魚香煎，本來鱸魚就是"鞋"口，呢度整得唔錯。配菜有點少，薯仔得兩舊。食物味道好吃，飲品也好麵包有好，但我實在接受不了店内lunch時間的繁忙感，讓人吃飽也不能釋懷工作壓力。坐下短短十分鐘見門外人潮擠湧，上菜後粉粉吃完也不好意思閒坐了，二十多分鐘百多元lunch…不敢再挑戰…

中午係九龍灣地鐵附近搵食真係唔容易，人鬼咁多！今日約咗朋友快閃 lunch , 佢12:00 去 simply life 攞位先，唔洗等，到我12:15 去到時，門口已經企咗一少羣人在等位 🙄 因為快閃 lunch , 坐底即係點餐！simply life 有 lunch set, 有兩種配搭，可加湯和咖啡，需另外加錢 ！ 我點咗加湯既午餐，因為最鐘意食佢既法包 😆 ！是日餐湯係南瓜湯，味道夠濃，不錯。主菜 - 燒雞胸，D雞肉好"鞋" 😞 。另一個主菜 - 燒牛肉漢堡，味道ok ， 大大件一定夠飽。 不過總括來講，以咁既lunch 價錢，其實可以有其他選擇！

今日經理又請食飯。我哋有選擇咗上次食唔到嘅尼一間simplylife.今次已經專登早啲出門口去等位。去到嘅時候已經係12:20。今次我地一行7人，要等大枱，所以等到差唔多1 點先有位。先來咗個沙律同餐包。餐包真係好鬼硬。好不容易先食完個包。如果我配湯可能會好啲，因為就咁食實在太乾。傳說話啲包出名好食。所以我哋都叫咗你放安格斯煙肉芝士漢堡。睇落個賣相係唔錯嘅。但係唔知點解個包好似有啲硬。我同同事都食到個口好攰。而個漢堡扒係有牛味嘅都幾好食。食完尼餐之後，真係飽到夜晚九點都唔使食嘢。不過大家都問點解要等咁耐食尼間。🤣

同朋友仔撐枱腳，食好耐無食嘅simplylife麵包照舊咁好食，軟軟內芯，脆脆外表甘荀湯，好濃厚仲有藜麥，感覺好健康蘑菇闊條麵。醋菌。雞胸面嘅菇係凍嘅，冷盤闊麵條有濃濃菇味雞胸尚可，唔太鞋羊扒，要七成熟，但似乎太熟啦⋯⋯肉質都好好，好淋有肉香唯一不滿足是此分店沒有蛋糕供應

在炎夏的早上來個ＢＲＵＮＣH MEETING，當然要多吃一點蔬菜讓肌膚保持最佳狀態。先來自家長法包配蕃茄濃湯，其中還加了一小塊水牛芝士，沒下什麼鹽巴，感覺非常舒服！主菜是basil chicken avocado baby spinach salad，上桌時看見滿碟綠油油已叫人心擴神怡，ＤＲＥＳＳＩＮＧ是加了點鮮檸檬汁，很清新。雞扒是ＧＲＩＬＬＥＤ的，但保留了一定肉汁及雞肉味，不錯。唯一不好的是餐廳冷氣過大，像走進雪柜的，坐久了非來一杯熱水暖身不可。

如果係九龍灣想食啲好少少既西餐的話，我諗除左Mr Steak外，就好大機會會㨂simply life。面包就不過不失啦，都有少少微暖之餘，都幾軟熟。《烤雞 燒南瓜 大磨茹 香草燒薯 五草汁》- 呢一個烤雞算係處理得唔錯，本身件雞件本身都有咁上下厚，所以肉汁得以留著。而且肉都好夠味，燒得都好香，所以真係無得輸。燒南瓜，燒薯仔唔差，雖然做唔到外面脆，但係單單係味道就好好味。另一道，《車打芝士煙肉牛肉漢堡》。就咁睇想都知道個煙肉都好脆口。芝士都好香口，牛肉都好多汁，基本上應該要做既都做得好好。不過我就有啲覺得味道太過複雜，芝士 煙肉 都好濃味下 再加上牛肉就真係有啲複雜啦。 另外薯條就唔錯啦。不過當日waiter就有少少失誤，好彩佢地都好快解決左，所以服務上都可以。

同朋友相聚，最麻煩搵餐廳。價錢相宜，食物好味又可坐得耐的，真係唔多。昨天，約朋友到九龍灣Simplylife食晚飯，160蚊左右。食物好味。環境又好。先係麵包，西式法國麵包軟身，但略嫌皮有點硬，但味道可以。然後，有個寬條麵，磨姑汁濃烈，但配以沿邊酸汁同酸姑正好中和磨姑汁膩感覺，這個頗有心思，可俾個"讚”。但飲品比以前遜色左，過往，飲品有金橘之類既生果，而家沒有了，只有純飲品，這個相對來說，要扣一點分。但以這個價錢，食到西餐，而且環境不俗，交通又方便，實在算唔錯既選擇啦！

食過幾次呢度嘅lunch menu，多款揀，價錢少貴，但好味！不過有啲菜式份量真係唔多，例如啲意粉/飯類，想要飽肚啲嘅就要叫burger或all day breakfast

Simplylife 長期排滿隊，所以都好耐冇食啦，咁啱今日11點幾去到九龍灣見餐廳唔使等位就決定食依間，環境裝修都同其他分店差唔多都舒服午餐餐牌有好多嘢食，印象當中好似冇乜點轉過餐牌有成10幾款俾你揀，都不外乎有all day breakfast，沙律、飯丶意粉同埋漢堡包，個餐係跟一杯野飲，你亦可以再選擇跟埋沙律或湯。今次我就試佢哋嘅burger，一個就跟湯一個就跟沙律，餐飲就跟西柚果茶🍹。首先講個2份前菜，🥗個沙律係好新鮮，細細份唔會嘥幾好啊，另外個湯係甘荀忌廉湯都做得唔錯，係淡左少少不過自己加返鹽就OK，兩份都會跟一件細細嘅麵包、新鮮軟熟。🍔車打芝士煙肉牛肉漢堡， 個包幾好、薯條就一流好惹味、厚厚嘅免治牛肉丶脆脆嘅煙肉🥓、睇個樣好似好掂，不過食落就好鞋口好乾😔， 塊免治牛做得唔好，佢哋真係要改善下，如果專登嚟食依個漢堡係一定會失望😞🐟🍔至於魚枊他他汁漢堡、可能有得比較啦，覺得依個包好好多、起碼唔會乾亦唔會鞋穩陣好多，咁炸雪藏魚柳當然唔可以話有乜嘢鮮魚味食到架啦，炸得脆口小油已經合格。如果下次黎食就唔會揀漢堡包類別啦😏，食返意粉嗰啲應該穩陣好多！

星期四晚上約咗好姐妹食飯， 我哋兩個最鍾意到九龍灣嘅Simplylife Cafe， 因為這裏環境舒服食飯和傾計都一流！ 食物質素亦都唔錯， 我哋今次叫咗燒美國安格斯肉眼 ( 10安士 ) & 烤蘑菇忌廉汁手製闊條麵&香草燒雞胸！點餐後好快就送上餐前麵包， 今次就冇上次咁好食，比較硬身！是日靚湯味道好好，入邊仲有芝士令到個湯更加香！闊條麵口感軟硬剛好，濃濃嘅蘑菇忌廉汁香味加酸酸地嘅野菌， 仲有香草燒雞胸唔鞋口， 配搭得非常之好！牛扒半成熟幾好味， 又夠肉汁肥膏比例啱啱好， 配菜方面亦都相當欣賞！