Simplylife Bakery Cafe (已結業)

Simply Life逢2:45就會有下午茶食，下午茶餐有一個主食同一杯嘢飲，價錢平過佢地嘅午餐一半有多😍💰💵.車打芝士煙肉牛肉漢堡🐮 $45 呢個包size幾大個🍔，最出色嘅係兩塊麵包，搽左牛油煎得好香，咬落去係脆身嘅，大大塊好有飽肚感，厚厚嘅牛肉漢堡充滿肉汁，煙肉煎到脆身🥓，配埋咸咸嘅車打芝士🧀，整體黎講幾好食！一定好食過M記🍟，但當然如果比較專賣漢堡包嘅地方仲爭咁啲，但以大集團連鎖cafe黎講質素算唔錯！👍🏻. $45加一埋單，超級抵食啊🥰

同友人行到攰攰到想食個tea就唔想食太飽就揀左呢間環境算幾好既，好多人食完都坐好耐又唔會掃你餐又盛我地叫左個車打芝士煙肉牛堡又芝士又煙肉基本上穩陣之選，唔會難食好啦，15分鐘左右就黎啦d野當時滿座率約4成，叫唔慢又唔快啦都接受到汽水又係無飲管既，真係多謝哂環保團體飲得好辛苦，大佬阿買批環保飲管唔洗好多錢姐下化？然後就黎料啦，我食食下個薯條都食左3,4成，waiter同經理就行埋黎問我呢個牛定雞黎？我未食就緊係答唔知，揭開望下原來雞黎，咁即係黎錯啦... 點知唔好意思都無聲直接比人收左話等等换個比我。之後最恐怖既事發生了，我個餐係直接比左第2枱客，喂大佬我食個架啵？如果我成手生毒瘡咁個客咪多謝哂？？？d醬都有我口水尾個wor, 我有咩病點算？ 同果枱客間接打完車輪後就開始我漫長既等待，我5點入座，5:38先有得食，入座率約4成..... 嗯... (利申果枱客係遲過我入座，我同友人都係叫同一個餐) 唔知係咪我食完"人地"d薯條，我份餐既薯條明顯打左折扣... 我食m記都未試過一份薯條入面有3-4成都係"一粒粒" 薯條油到爆，同m記凌晨3點幾既質素差唔多，但脆d唔淋，份量少個m記細薯條至

姊妹很喜歡到simplylife食飯， 近一，兩年我們聚會都會揀simplylife。 但係今次食物質素好似比之前差， 我們點了兩個晚餐燒美國安格斯肉眼扒$208， 茄汁雜肉腸手製闊條麵$118，加$36兩碗餐湯。首先講下餐湯和麵包～ 麵包上枱的時候是凍冰冰， 之前每一次都是熱辣辣好好味的。 南瓜餐湯冇以前咁多料，今次有點水汪汪的感覺。茄汁雜肉腸手製闊條麵～ 這一款味道普通， 不太特別。燒美國安格斯肉眼扒～ 本身我們叫七成熟的，上枱的時候是全熟。之後我們跟店員反映，他們立即換過一塊七成熟的給我們。 但今次牛排好似比以前薄身了，味道都只是一般， 希望下次來的時候會有改善吧！

第一次去simplylife食tea, 原來tea set好抵食！車打芝士煙肉牛肉漢堡個份量好似一個full lunch咁，比Mcdonald既包大, 大細好似burgerking咁！個漢堡有濃厚牛肉味，芝士都好溶，成個包既味道都好豐富，雖然下午茶咁食法好邪惡，不過放縱下自己都好呀另外，有個新出既bakery product, 流心檸檬批，個檸檬味好清新，不過偏甜，d檸檬流心略嫌有d太多，甜得黎有d漿口，感覺漏得濟，最後食哂個批剩低d函😅杯熱朱古力好濃！幾正！本身都覺得甜度係適中，不過食完個檸檬批，杯朱古力變左做冇味，應該個批真係甜得濟😂

聽過simply life呢個名好耐，但又真係一次都未食過，今次黎到九龍灣德福廣場見到有，朋友就帶我去試吓啦。入到去覺得啲裝修真心幾好，感覺似係高級餐廳，但係食物嘅價錢又唔算好貴啵（百零蚊一份意粉，扒就貴多少少）。set dinner又包湯或沙律、麵包，同埋一杯嘢飲。我哋點咗份牛扒同一份意粉。蕃薯條又係幾香脆可口麵包比相像中硬啲（喺我心目中no one好食嘅餐廳麵包始終都係outback），朋友點嘅扒要求五成熟，但似乎變咗7、8成，加上配菜露筍老到起筋，雖然牛扒肉質係幾好，而且蕃薯條又係幾香脆可口，但整體黎講都扣咗少少分。我叫嘅香草白汁雜菌意粉都唔錯，個汁好creamy 好香濃，而且啲麵係比較粗糙嘅自家製手造麵，咬口極好！值得一讚嘅仲有佢哋個ice tea，微甜又有茶香，抵讚！

晨早起身，空著肚走去做身體檢查，做完body check，時間尚早，十一點幾，梗係要去食返個 Brunch，醫吓個五臟六腑。雖然係叫了 Brunch Set，但其實等於Lunch Set。加了$12 Extra coffee，叫了杯Black Coffee 醒下個腦，咖啡都 幾濃沃，帶少許油脂，入口微微帶甘香味。之後嚟咗沙律，有我自己最鍾意食嘅牛油果，配上焗返熱嘅麥 麵包，脆口。主菜到啦，香煎鰽魚茴香有機糙米飯，糙米飯煙煙靭靭，魚塊香口，嫩滑，沒有過火，配上飯汁，一流。

夜晚去Emax睇戲，見仲有幾個鐘頭剩，又唔知去邊到hea好，就去咗Simplylife食個下午茶餐當晚飯吃。九龍灣呢間Simplylife好大，裝潢亦都比人有種高尚感覺，下午茶時段無乜人，直入搵到個近窗邊嘅卡位坐低。🔹 烤酸種麵包配蘑菇、菠菜、哥達芝士 $45 + 紅茶芝士控嘅我見到個麵包鋪滿芝士好開心！而且仲有好多蘑菇，切開咗發現菠菜就係喺芝士嘅下層，麵包好軟熟，好好味。$45可以喺呢個環境底下食住麵包同飲紅茶hea下，實在享受！📍Simplylife Bakery Cafe 九龍灣偉業街33號德福廣場1期P26號鋪．．環境分數：8.5/10食物分數：8/10Encore分數：8/10

Simplylife 一直都係我bookmark嘅餐廳，而佢哋晚市亦都有set dinner。呢排要減肥想食清啲於是就揀咗蟹肉雜菜沙律🥗$138同埋美國安格斯肉眼扒（ 10安士）$208跟是日餐湯南瓜湯和飲品加$18一上枱嘅就係麵包拼盤，有不同種類麵包，如果全部食晒我諗都已經飽晒。而我哋就將麵包切成半舊放落南瓜湯點嚟食，南瓜湯超足料，好溶，正！蟹肉雜菜沙律上面，以分量亦好大啱晒減肥人士，食一個沙律應該就夠啦。而我當然好鍾意食肉眼扒，於是叫咗七成熟嘅肉眼扒，配菜嘅薯條份量亦好多，唔錯！

Simplylife Bakery Cafe精品西餐-環境優美、坐得舒服、傾計一流！！是日餐湯南瓜湯餐包好軟熟，好似啱啱出爐咁。烤蘑菇忌廉汁手製闊條麵. 香草燒雞胸. 醋漬野菌（$128）： 食得出闊條面係handmade嘅， 食落口好厚身，忌廉汁掛曬上去每一條嘅闊條麵度。 燒美國安格斯肉眼扒（10安士）. 鼠尾草炸薯條. 燒露筍. 伯納西醬汁 （$208）： 特登叫全熟嚟食呢個肉眼扒， 一啲都唔韌，證明係靚扒。 仲因為呢個餸，愛上咗食蘆筍，好鮮甜。 配埋薯條一齊食，大滿足。冰茶==========Simplylife Bakery Cafe地址: 九龍灣偉業街33號德福廣場1期P26號鋪

小朋友週日去九龍灣考試，午市時段商場內大多餐廳包括二樓的越南菜茶餐廳甚至M記都要排隊。打算走向Megabox方向再作打算，發現Simply life還有不少空位。其實Simply life 質素不錯，自己試過不下數十次，但再看看Menu，同平時差不多沒分別，難怪舊客不常回頭。這次剛吃過早餐不久，不想點澱粉質類主菜，點了燒春雞跟西多士3個人分。每個餐112包湯跟果茶。Simply life眾多分店，其實質素參差不齊。這間算ok。蘑菇湯不會過鹹，橙茶不過甜，其他分店有些果茶要走甜才能喝。燒春雞還可，這價錢不可能期望肉嫩有雞味。西多士那塊焦糖香蕉最出色，多士跟煙肉一般。其實甜點配煙肉有點怪，可以配甜蛋，果物，南瓜栗子之類會更好。總括來說，沖在週日不用等位這點，這價錢質素其實很好了。

又嚟我嘅食堂食lunch (真係食左好多次)繼續係我推介嘅食quality food & 環境嘅好地方 (除左要排隊呢點，記住要用app拎飛呀！)食左咁多次，終於食到第二款湯！！蘑菇湯，一如既往，冇味精感，冇過份調味，有啲fresh嘅味配埋仲食得到口感嘅蘑菇碎粒，唔比南瓜湯遜色食完delifrance，再食simply life嘅all day breakfast,無論賣相同味道，都係地同天比。非常鐘意呢度嘅all day breakfast,有炒得仲好濕潤嘅蛋，煎得好香嘅腸，焗得岩岩好嘅蕃茄車打芝士煙肉牛肉漢堡已經食過幾次，非常足料，作為一個大食嘅女仔，都正食個包就飽。佢舊牛肉質地係好容易散開，所以食嘅時候有啲“lea hea”牛肉同煙肉今次稍為煎得唔夠，特別煙肉唔夠香脆，食左三次呢個set,第一次咁，希望下次可以穩定返水煮蛋伴菠菜賣相冇得輸，不過就真係非常斎，用嚟清腸胃岩晒，不過蛋同包質地都好食係呢度食永遠都會有選擇困難症，因為又想回味上次個set,但又好期待試新野，下次再試新set!

今日難得放假，黎嘆返個下午茶因為只係得平日先有咁抵牛肉+煙肉+芝士漢堡，配薯條牛肉厚厚的，好juice個包又香口下午茶㨂朱古力咖啡飲先唔駛額外加錢好味～又有滑滑的奶泡

男朋友帶左我去食simplylife本身都唔大期望 但食完竟然覺得真係幾唔錯我地叫左個忌廉雞肉闊條面 同埋肉眼扒一個跟左餐 就會有埋湯 沙律同埋冰茶 一開頭睇賣相我以為一般同埋覺得份量好少 但原來食落係會好飽！ 同埋佢個汁係好juice 唔會太漏 岩岩好 仲好有芝士味🤤個扒都幾好食 熟度岩岩好 好大塊 同埋估唔到薯條會跟左個芝士醬 對於芝士控既我 感到非常滿足😍😍

這間走年輕時尚中產路線的餐廳是美心集團的，分店遍港九新界。晚餐郁身要百幾二百蚊，窮隱如我未有勇氣試，下午茶倒十分超值。一個芝士煙肉漢堡加薯條冰茶，也只是$45加一。而且份量可以，冇縮水， 不是為了將貨就價，求其給一堆垃圾你食，相信只有大財團才有這種 「慷慨」；現今在港消費得有尊嚴，不當你水魚已還得神落。漢堡水準拍得住那些收人百蚊的水準，包鬆軟唔噠口，牛肉有肉味，肉質不霉不散， 略嫌肉汁唔夠多。煙肉有點尷尬， 味道出奇地清淡， 冇煙燻香味， 但幸好沒有煎得過火變柴。 炸薯條是一大敗筆， 分量少， 炸得油膩軟淋淋，麥記不如。西柚冰茶好飲， 茶味夠香夠出， 有淡淡西柚味。 美中不足係服務依然有種「茶餐廳」味， 50蚊一個鐘， 質素高不到哪裏。 不過香港人本身就不是很好客友善的族群！

星期六晚黎德福行，好多地方都要等位，見依度唔多人，就入去啦。本身以為只係因為比較唔就腳，所以先咁少人。食完就知原來真係麻麻地。我地兩個人，叫左一個羊扒，同埋一個雞肉扁意粉。食物味道方面，算係咁。羊扒叫五成真係五成，唔會overcook, 但係配菜薯好燶，同啲茄子吸哂油處理得唔係咁好。而且份量很小，兩樣野350蚊左右。兩個人，三塊包，唔知點分。環境方面，好多地方都唔好。枱好細，好似coffee shop 咁，放兩碟嘢都唔夠位。櫈好矮，坐得唔舒服，好頂腳，高過1.7米都唔好諗喇。紙巾都唔願俾多張。好心啦，收人百幾蚊一個餐，就唔好咁計較。員工都唔醒目，而且禮貌方面可以提升。整體上，cp值低。