Smart Café

营业中

休息中

今日去左土瓜灣Smart Cafe試下佢主打既虹吸咖啡。咁野食就隨便叫左個紅菜頭帶子蜆肉意粉啦，但上到黎我覺得睇落同食落都係扇貝，有黃肉有裙邊。問左個睇落後生講野唔太純正既男店員，佢就一味話唔知咩係帆立貝，唔知同帶子既分別，同呢度淨係有帶子。扇貝當帶子，當客人唔識分，反正我就唔支持呢間餐廳。順帶講埋虹吸咖啡，我地叫左熱黃金曼特寧同凍榛子咖啡。我就覺得2杯都有味但有d淡，純係主觀感受，唔會有下一次啦。

碰巧需要到土瓜灣工作，突然心血來潮來嘆杯咖啡，在媒體上見過呢間，所以試一試。店鋪裝修簡單，都舒服同乾淨，用嚟Hea時間都可以。 餐牌上的咖啡豆非常多，不過店員都好有耐性解釋，除左虹吸咖啡之外，Latte都有好多味道揀，如果同朋友到場，都算多選擇。最後我決定「廚師發板」，由店員推介我咖啡，而味道果然合我口味，加上仲大大杯，結果我坐左2個鐘。至於價錢，令人非常有驚喜，坊間一般咖啡店無論味道同價錢，都同佢相差甚遠。總結：咖啡豆多，值得再試。

期待著手沖咖啡，點知一飲入口…. 咖啡熱到入唔到口……. 再走去交流下。請問你用幾度熱水沖咖啡。佢話100度囉，做乜呀？ 大佬，你做手沖咖啡。雖然比市場一般平，但價錢都唔係茶餐廳咖啡。點解你要用大火滾佢？

屋企人幫襯過呢一間coffee , 説這裡coffee 及咖啡豆好正。所以今日來試吓及打算買些咖啡豆。今日叫左呢杯cappuccino，表面個層奶沫打得好滑，咖啡又香濃，價錢唔貴，只係40元。食物方面，也有瑞士雞翼芝士腸午餐肉撈麵，亦都很好味。加上這兒又有WIFI及服務員亦態度，有時候可以來嘆下咖啡

土瓜灣來講呢間咖啡算係數一數二好飲以前剩係得AllDay Breakfast 食同埋公仔麵，近呢幾個月仲有埋炒意粉🍝😍意粉即叫即炒，真心有驚喜$70-$90意粉再加杯咖啡,大約$100鍾意飲咖啡嘅可以選擇呢度

係土瓜灣辦完事，是但搵間Cafe食早餐，水吧頂既牆有好多咖啡產地選擇同價錢，旁邊亦都擺咗好多咖啡既滴漏斗同埋壺，另一邊牆放咗好多一袋一袋既咖啡豆賣，汁料同埋水都可以自助形式咁去拎同斟。「什菌粟米奄列」$50 懶健康咁叫咗份什菌🍄粟米🌽奄列🍳無沙律菜，無乜伴碟，賣相一般普通，不過Cafe食到呢個價位冇得要求太多，奄列既料都算多，不過就煎到過左火，入口就比較乾柴烈火少少，奄列唔滑，多士同火腿都係正常發揮，無乜特別。加$8就有得飲凍Latte，都幾抵飲，個杯幾好，隔溫，唔會成手都濕曬，奶滲透落咖啡度個漸層變化好治癒🥰不過原本對佢既咖啡抱左好大期望，始終一入門口佢地畀我感覺好講究，佢地賣既咖啡來自好多唔同既產地，可能因為跟餐咖啡所以用普通既豆？畀我既感覺咖啡味唔夠出，略失望。整體而言都抵食既，而且又免加一🙂

土瓜灣普遍來說很少cafe，但還是能在重建的潮流中找到文青的氣息。今天來到其中一間.cafe跟女朋友渡過一個休閒的下午。門外看，很有文青氣息，擺放在門外的餐牌令人眼花撩亂，而且設有吸煙區，方便吸煙的食客。在門外折騰了一陣子後，我們進去點餐：包括有一份下午茶(包飲品)+蜜瓜咖啡。在等待的期間，醉心欣賞旁邊的景色，實在是有一種小清新的感覺。而且，餐廳也提供充電器，以供一眾電腦使用者使用。等了一陣子，食物先後送上。點了1）1分多士+咖啡2）蜜瓜味咖啡多士如圖中所現是經烤焗的，內裡的芝士和吞拿魚配合相當得宜。至於咖啡，味道十分濃郁，不像一般的既沖3合1咖啡。

聰明三文治🥪$35蛋糕配咖啡☕️$55起最近都幾鍾意食三文治🥪呢個三文治都唔錯☺️好重牛油味🧈入邊有芝士、火腿、餐肉同煎蛋🤤蛋糕味道都OK🍰咖啡就一般般☕️個日幾條麻甩佬響度吹水🤣吹咗差唔多四個鐘😎Smart Café (土瓜灣)土瓜灣炮仗街93號喜築地下B號舖

土瓜灣的咖啡之旅的下一站我又來到位於炮仗街的一間【Smart Cafe】，它都是虹吸式咖啡專門店，吸引了我來一試虹吸式咖啡。店中的咖啡豆都有35款選擇,店中的蛋糕都是店主朋友每日新鮮製，絕冇隔夜賣俾客人，今日星期天，所以點個三餸麵($30）都要散點，我轉咗辛辣麵要另加$5，我選擇了煎蛋、蕃茄及時菜，辛辣麵不會煮得太腍，有咬口湯底帶香辣，煎蛋煎至香脆，都有蛋汁，蕃茄及菜芯都好甜，且新鮮，整體份量都好足。精品咖啡方面我今次選擇了店中新品上架的白蘭地酒香咖啡(＄55)，店員同我講解咖啡豆的產區都是埃塞俄比亞，每製一批豆都會用不同產區，在自家廠用密實袋養培出酒味，店中的咖啡豆主要用了日曬，酒香白蘭地咖啡味道的酒香晤太突出，咖啡甘醇較好，涼了一陣咖啡味會較突出。服務都好親切又殷勤，都好主動協助客人，服務都好熱誠，值得一讚。

垃圾，服務態度差到呢，仲慘過去乞食咁！有屎味既咖啡，可能我唔識品嚐，越飲越似屎永世難忘，唔會有下次，咁既價錢大把連鎖店好過佢，仲賣埋公仔面，不如賣埋車仔面啦，轉做茶記有炒粉面飯仲實際！消費之前要三思，唔好俾機會自己後悔

1-11-20今日9點幾am去買左杯ice Mocha .完全冇朱古力味甚至我覺得自己係飲左杯奶水我好努力咁嘗試攪勻杯野 但係我發現 個底係乜都冇😂可能佢真係將D朱古力同咖啡mix得好好 居然唔會沉底🤭冇得比顧客選擇奶嘅種類 只有一種！咖啡專用奶！ 希望店家真係用心做咖啡 而唔係將個門面裝扮到好專業 出品就差到咁 唔會有下次謹慎消費

該小店並不起眼 ，已第2次encore all day breakfast. 份量剛剛好，炒蛋珍寶腸都好食， 多士鬆脆 ，店員也有禮貌。該店也有麵食和多款咖啡選擇，下次有機會試試意粉。店內尚算舒適， 不失為一個hea的地方。

經過餐廳有意粉餐好似幾吸引，仲可以配一杯$55既咖啡好似幾低食一於試吓佢。 嗌咗紅菜頭帶子蜆肉意粉，好特別有驚喜喎3粒大大粒帶子。另外再叫左蝦肉香蒜欖油意粉，呢個無特別但都好食，有香蒜既關係成個意粉好野味

餐廳雖然野食唔多，不過想飲杯咖啡食小小野其實ok! 有三文治，麵餐，而家仲有飯食，其實都真係算係咁。嘆咖啡就想坐耐d，我覺得坐出面個兩張枱最好但環境細只能擺到2張枱。重點係歡迎狗狗一齊坐係度食野，店員仲好好俾d麵包狗狗食！不過有時想飲杯野坐下吹下水都係夜晚，可惜佢收8點。

2020年2月2日星期日中午來到土瓜灣這個小區，在欣榮花園對面的喜築意外地發現到這間街坊Cafe😊。而且價值合理，而且環境不錯。Cafe主要以三麵為主，有菇菌類、肉丸、蔬菜等等。當天以撈麵作麵底☺️，同時選了鹵水雞翼、貢丸及午餐肉，鹵水雞翼用藥用的中藥食材八角及花椒製作，而且鹵水非常入味。Cafe除了有咖啡☕提供，同樣有茶飲。當天選了一個藍莓乳酪的花茶🍵。花茶已玻璃壺盛載配上精致的燭臺，已蠟燭的慢火不斷保溫，花茶已山渣製作，而且茶味非常惹味。